ww.com ;D

انا و امي .. حالتنا حالة .. كل ما شافت ويهي قالت : دشي على دبليو دبليو دوت كوم دوري فندق

دشي على دبليو دبليو دوت كوم .. شوفي لنا شقة فندقية احسن لنا .. نطبخ نغسل

دشي .. و دشي .. سيارة .. منتجع .. لا كوخ .. لا شاليه

واااي وااااااااي .. يعني يا ربي لا تاثمني .. مع الاسف .. عيزت ادقر و اجعم و اضحك

و لا هزيت في ملكوت ثقتها شعرة .. احط لها العنوان الفريد من نوعه .. و يالاا كاهو اللي قلتي عنه

لالالالالالالا دشي على دبليوو .. قوولوا معاااااااي ههههه

صار لنا .. ثلاث اسابيع .. وصلت مرحلة قلت بحاسبكم على الساعة صراحة شغلة

و اذا يت بقوة يعني يايبه معلومة .. تقوولج فلانة بالدوام .. دشي على لوووق قققق !! شنو هذا ؟؟

وييي صعب اسمه .. ادق عليها .. ننطر هالموقع القاتل ؟؟

طلع .. قوووقل

قلت لها . والله عيب .. انا تقولين لي قووقل .. و بكل حماااس و همة بعد

كل يوم .. معلومة من الدرر المكنونة من هالربع الفذين الفطاحل بالدوام

و تجادلني .. اقول لها امس وريتج جذي .. لا ابدددددد من قال شفت شي

و ادق على المرة ويطلع نفس اللي عندي

لو اي انسانة غبية .. يسون لها جذي .. بتقول شاكين بقدراتي .. و تكرفوني على الفاضي

!!

بس انا ما قلت .. قلت يالله عساه من البر يا رب

امي تضحك على حركاتي بويهي .. حتى حوولة صبيت من شي شفته .. اللي خلاني اطق على راسي

انها مصرة .. على دبليوو دبليووو .. ههههه حفظتوووه اكيد .. بس ترى سر خطير هذا محد يعرفه

شنوو هذاااااااا اصلا !!!!!!! واااااااي

دزينا ايميلات .. رد علينا واحد .. اسفين ما عندنا

امي : لالالالالالالالالالالا ردي قولي له ليش ؟؟

امي بعد قلبي .. مصور لها عقلها .. ان صاحب الشقة .. او السايت .. قاعد مجابل الشاشة ينطرني اتفضل عليه

افهم اشرح افسر .. يأست من الحياة كلها مو بس من انها تستوعب السالفة

ردي قولي له : لانك حم....ر

يمااااااااااااا شفيج ليش ليش !! ترد : بس لانه حم...ر

من باجر .ما رد عليج ؟؟ لا يمه.. ترد : انزين . قلتي له انه حم....ر

و هذي حالتي .. قمت اذا عطتني فتوة على الطاير .. الطم .. جذي اييب كفي على راسي و طااااااااااخ

احس بالالم .. بكلاهما.. يدي و رأسي .. و يبقى الالم الاكبر في الدبليو دبليووو ههههههههه

جهاد وكفاح و مصاب أليم .. و امي اتييب لي نص خبر من ربعها بالدوام .. اذا شي يديد ما اعرفه اقول لها جذي و الا جذي

تقول : والله ما ادري انا قلت لهم نورة تعرف كل شي

!!

مرة .. مرتين .. الف تعش مرة

اقول لها وااي ليش ما تسألين يعني تسهلين علي حياتي

لا لا لا .. انا قلت لهم نورة تعرف كل شي .. يماااااا من قالج اني اعرف كل شي لا سمح الله

اممم بس انتي لازم تعرفين كل شي

واااي واااي واااي .. شلوون لازم يعني ودي افهم لازم هذي

عجبة العجايب هههه بس عسل

انا كله ما اعبر لها عن احساسي المرير .. و ما غير اصب حوولة اذا قالت شي شنيع و فنتقي

او .. طاااااااااااخ على راسي .. اذا يعني استغر الله اكفرت فيني .. و تخيلت اشياء و الا يا نورة ياللي تفهمين كل شي و تعرفين كل شي

تلاقينه و تكلمينه .. و اذا ما رد عليج .. او ما عنده الطلب .. طبعا .. طبعا .. انا مسؤولة عن مواجهته بحقيقته انه

هذا اللي شسموونه اول حرف " ح " ههههههه

احلى شي .. يعني احمد ربي الف مرة .. نعمة و ادري انها نعمة

اخواني .. ذبح و صلخ .. يقعد مع نورة بالطيارة .. و شلون اذا الطيارة فيها اربع كراسي بالنص

و اذا فيها بس ثلاث كراسي

و لازم نرجع للأرشيف .. ذيج السنة فلان يمج قعد ما يصير هالسنة .. سنة الطفحة و سنة الهدامة

كان و كنت .. صار و صرت .. و اتي عاد ام الهواايل .. بعد لها فصل بالمسرحية ما يصير تطوف

كل يوم العصر .. بس انا واهيا بالصالة .. اول شي .. لازم .. الله انتي حلوة

مشكورة .. لا لا لا من صجي ليش انتي حلوة ؟؟

لاني اختج

هههه تضحك تموت على النفاق اختي كلش مو اختي بالنقطة غميضة علي

نورة صح انا اختج الوحيدة ؟؟

من قردي والله

شنو؟؟

اي صح

صح .. بألمانيا .. انتي و فواز بالغرفة ..؟؟ و بعدين انتي و ناصر لما رحنا هولندا .. و بعدين كله صرتي مع ناصر و فواز ؟؟

ايييييييييي يمكن ما اذكر

صح انا مؤدبة و انتي كله تقولين اني اصلح حق السفر لاني عاجل و ما اتشطين واسمع الكلام ؟؟

اي صح

قولي حق امي اني انام معاج بالغرفة؟؟

ان شالله

كل يوم .. العصر .. تبوني احلف ؟؟

من ايي طاري السفر .. صارت اللجة .. حرب ضروس .. منو يحجز يمي بالروحة .. و منو بالردة

لين .. امي .. عسى الله ياخذ نورة !!! هاااااااااااااااااااااااااااا يماااااااااااااااا

لا لا لا مو قصدي .. استغفر الله .. شوفوا اللي اييب طاري الكرسي اللي يم نورة .. و السرير اللي يم نورة

والله ادق على المكتب يرجع تذكرته .. انا اقرر منو مع نورة

عليكم الله .. يعني الحين مو " نورة " هذي شي خطير اللي خطط و استراتجيات و مفاوضات و تنازلات على مجاورها ؟

عاد انا الحين .. كشخت .. بس ابي دزة و اغتر

قمت اسأل من حقي افتكر اعرف السر فيني ههههه والله يعني شي مو غريب على بيتنا .. بس ما طرى لي اسأل ؟

ابي يمدحوني .. بس ما حصل لي للأسف .. جوابهم كان تقريبا " كيفي " و " بس جذي " اممم الا فلم ديمة الهندي

اخر نكتة

الطيارة 31-7 الساعة 12 الظهر

اخر امتحان لي

31-7 الساعة 11 الى 1 الظهر

كاااااااااااااااااااااااااااااااااك .. صدمة .. مو حقي انا كنت حاسة ما ادري ليش مع اني محرصة و امي مأكدة على اللي حاجز

ابوي انصفق ويهه .. و امي ما تتكلم .. تقول يتني ضيجة ههههه وعليه يا ربي هالنورة ساحرة هههههههههه

الا تكلمين الدكتور .. ما يصير هذا بالسستم مال الجامعة ما يتغير و لا يتبدل و لاشي

كلميه .. اخذي تذكرتج و خل يشووف .. قولي له يجدم امتحانج .. يدبل اخر امتحان .ابوي بيروح له

وااي حسيت ايام اول .. متوسط ابوي يكلم الوكيلة هههههههه وخزااايه لا انا اكلمه

احم احم .. لقوا حجز بس 12- 8 .. ما ادري اطنقر عليهم و اقعد بالكويت و استفيد من طاقة تأنيب الضمير و اطلع انا كسبانة

؟؟

انا ادري .. مستحيل .. يتغير شي بموعد الفاينل .. المصيبة .. الاكبر .. انه امتحان دكتوري ما غيره

يعني فوق شيني قواة عيني

دعواتكم .. و الا " طاش ما طاش " السنة ينقص عضو فعال حيوي من الكاست ماله

aaah ya GaLbY :<

قد ادعي العمق .. و لست منه بشيء .. يضايقني هذا التصنع المتقن ..

أرى الناس .. وأحكم .. رغم عزمي على ترك الخلق للخالق ..

هذا من كلامه .. تلك من شكلها .. و و .. مدعية ذكاء و فراسة لا محدودة..

!

هل طبيعتي البشرية تحكمني بكل بساطة مفسرة كل بشاعتي ؟!

موقف بسيط كالعادة .. يتيه بي في عالمي .. دائما. بعد آخر .. دائما .. استمتع بهذه الرحلة في عالمي

.. كيف لا و هو بلون الفوشيااا
;)

قد قررت منذ أشهر.. ترك الاستماع الى الأغاني ..

شكلي .. و سلكي .. عادي جدااااااا .. لا يوحي .. بأي بالتزام قوي مثلا

"حسب العرف السائد .. هذا القصد "

بأول أيام قراري التطبيقية

قررنا الغداء في " بيت يدتنا " على قولتنا .. من كثرة ترددنا عليه .. احد المطاعم الزدحمة

وصلت الصديقة المرافقة إلى كليتي .. خرجت لها .. بعد السلام .. اجتهدت هي بالضغط الحثيث لتصل إلى أغنيتي المفضلة .. في السي دي ..

( يعني سيايرنا كشخة ههه )

بكل حماس و فرح .. واااااااااي ما قلت لج قررت ما اسمع أغاني

.

.

قالت بعد ثلاث ثواني و ربع.. ما تسمعين أغاني و حاطه صبغ أظافر احمر

!

taraaaaaaaaaaaaaaaa

( sound effects ;D)

.

.

ضحكت .. مشكلة البشر .. تكسير همم من يغير في نفسه حتى لو كانت نسبة التغيير تافهة لا تذكر

.

.

.. عجزت انت عن اي تغيير تطمح اليه .. مشكلتك

.

.

.. بصراحة .. اعاني انا من هذه المشكلة احيانا كثيرة ..لكن انتبهت عليها

الحمدالله :)

اسمع أغاني عادي لأني أحب أتصبغ

إذا قياسا على هذا المنطق.. مقبول جداااااا إتيان أي منكر أو سيئة .. لأنني أقوم بصبغ أظافري باللون الأحمر

اذبح لي واحد .. مافي مشكلة .. أنا أشيل هالحمر أول بعدين اتووب

ابوووووق .. ايييي لي قدرت على نفسي و مسحت هالفتنة اللي تتحرك بين أناملي .. هههه والله العظيم

.. ذيك الساعة .. احرم ..

و القائمة طويلة .. سكتت هي .. كلامي لم يكن هجوميا كما يبدو لي الآن

كنت اضحك.. لسخف ما طرحه عقلها اللاواعي في تلك اللحظة

.

.

.. اظهر لي الخير القابع في نفسها .. المكسور جناحه من نفسها الأمارة بالسوء ..

مثلي .. و مثلك .. و مثلنا جميعا

كنت في فترة من حياتي .. محاطة بشخصيات.. لم توفي دينها أي من حقوقه
كنت أصلي .. فقط .. لذا

حزت على لقب

" الدينة "
!!!!
هذه الاجواء هي من تضعف إيمانك .. لأنك ترى على الدوام .. أناسا اقل منك جهدا

.. معهم تكون .. على مرتبة متقدمة.. لكن انتبه .. ذلك معهم فقط ..



هناك من يصلي الفجر .. كل يوم .. هناك من يصوم الأيام البيض .. من كل شهر

علي أن ابدأ بالنظر إليهم.. هم فوقي.. بمراااااااااااااااااااااااحل .. و هناك من هو أعلى منهم

" طبعا تختلف اهدافي و اهداف من يقرأ .. قد ترى ان خاطر الالتزام هاجس عندي

نعم .. انا الان في هذه المرحلة

لكن .. الفكرة عامة جداا .. تجارية .. علمية .. الخ

.

.

فكرة اليوم

و تصريحي بها ليس إلا دلالة على تمكني منها .. و تشربي لها

رغم .. ان مظهرك .. يعكس قيمك و أفكارك .. على الأقل كما اعتقد أنا

رغم .. أن مظهرك .. يعبر عنك .. يعطي الآخر ذلك الانطباع الأولي المهم جدااااااا

إلا.. أن.. فك الارتباط .. بين التزامك .. و شكلك .. أمر حساس جداا

متى ما حبطت نفسك .. و أملتها بالتغيير القريب .. و عمرك يسرع بك .. و أنت تفكر

هااا .. ابدي احرص على صلاة المسيد ؟؟

هااا .. التزم بحلقة حفظ للقران الكريم ؟؟

هااا و هااا و هااا .. يا كثر هاااا هااااااااااا تي .. حتى أرقتني هذه الأفكار .. المدوية الصارخة بالتقصير


ديني = خلقي .. معادلة ليست من اختراعي

لكنها .. أساس تعريفي للدين

لا يهمني .. على أي ستايل أنت .. بما انك.. ملتزم .. بخلق رفيع .. أساسه الإسلام
ليس الاتيكيت .. أو الثقافة و المستوى الاجتماعي


طبعا .. ليس إلى حد الشناعة و التهوول و التضهول .. هناك حدود

روعة ديني الذي اعرف .. أراها في تقديمه

مطلق الحرية ..داخل إطار.. خارق في العرض و الطول

لا يقدر هذه الحرية .. إلا من يملك عقلا نقيا .. و نظرا عميقا


مرة أخرى .. أتصنع .. تصنعي المتقن .. لا زال يضايقني
!

أتضايق أكثر .. من منظر فتاة تسيء للحجاب
أتضايق أكثر .. من منظر شاب .. اقرب ما يكون إلى.. من صورة الرجل
أتضايق أكثر .. من بنت لا تراعي حق الآخرين .. و لا تغار على نفسها حتى
أكثر و أكثر


ضيقي الاكبر
من تفشي حالة غريبة .. خليط من ضياع .. في وسط .. صحراء .. غياب أولويات
جهل .. و سخف .. اوووووووف .. تكفي كلمة ضياع للتعبير عن القصد

لا ادري أن كان كل ذلك .. يعد مهرجان إطلاق الأحكام

!

ليعذرني المجتمع

.. لا زلت عاجزة عن إعدام هذه الخصلة في ذاتي .. قلت انها شنيعة

لكن ... لي اسبابي

جيلي .. مريض .. بالضياع .. تسألني و أنتي ؟

طريقي واضح .. أو .. غير واضح !! لكن .. أدرك و اعلم .. و اعرف .. إلى أين

أرى نفسي بعد عشر سنوات .. و عشرين سنة .. أعرف ماذا أريد

و اعد نفسي لكل ذلك

تعثر .. تخبط .. وقوع .. تدور أحداثي مثلكي .. و مثلك

هل تعرفون إلى أين ؟

جيلي مريض .. بالضياع .. و التفاهة

إلا من رحم ربي .. واااااااي عورني قلبي .. شلون وصلت إلى هذي النهاية ما ادري !؟

هل انت من يحدد و يقرر حكم الناس عليك ؟ بطريقة او بأخرى ؟

يجوز

!

Evaluating ;D score.. n me !!

updated

---

:(

oooh my god ,, he was an angle 2day

.

.

why !

.

.

to make me feel bad ?!

.

.

he posted us a bunch of paper full of tables

.

.

MAKING OUR LIFE much EASIER !

eh eh eh

.

.

SO sweet .. He stayed up late to do it

.

.

it's not even his job !!

eh eh eh

.

.

Iam nothin but .. A BAD GIRL

.

.

whose gonna send this nice man an email

Saying :

---

i did say <<<<<>

and iam stickn to it cuz that's really what i think

BUT ..

i forgot to say .. u r a passionate teacher

gives the MAX. All the time

work harder than 80% of others that i know

i do appreciate ur efforts ..

and I apologize from being un fair ..

just try to take my points into ur consideration

:)

.

.

only then i can be good me again ..

i cant hurt him with my nasty words .. He will read them next sem.

and maybe he wont even care ..

.

.

laken .. This is me ! Being me !

--------------------------

الدكتور متمكن من المادة بشكل كبير

يهدر وقت المحاضرة .. بطرح ارائه الخاصة و الحادة .. دون السماح لنا بمناقشته

رغم انه يكرر .. ضرور البعد كل البعد عن تصنيف الناس حسب جنسياتهم

إلا انه .. يصر .. على ان يصنف الكويتين حسب .. مناطقهم

!!

غير مرن بالمررررررررة

يعاني من مشكلة في انتقاء الفاظه .. و هذا يضايقني جدااا

كل ما سبق .. كان ضمن ورقة .. تعطى للكل الطلبة في اي كورس .. لتقييم الاستاذ .. و ما كتبته كان مختصرا

غيض من فيض .. كما يقال

يأخذ عشرة دقائق بعد انتهاء الوقت الرسمي المعلن في جدول كل طالب .. بحسبة غير مقنعة يقارن فيها بين الدقائق الفاصلة للمحاضرات

في كل من الكورس العادي .. و الكورس الصيفي .. بناء على نظريته التي اطعن بها بشدة .. قرر اخذ عشرة دقائق .. الى خمسة عشر دقيقة .. و عندما احتج احد الطلبة .. قال بطريقة ساخرة : مو عاجبكم سحبوا المادة و ضحك و عضيت لساني لا ادعي عليه

" يرسل و لا يستقبل " بهذه الجملة وصفه دكتور اخر كان يسألني عن مواد الصيفي

قال ان رابع حريم ما اقدروا عليه .. يت عليج انتي اصغر من بناته

!!

صحيح .. ساعة و نص .. كانت مناظرة .. غير عادلة .. يسكتني لاسمعه .. و لا يسمعني

حتى انتهى بالحوار .. عندما قلت .. بصراحة دكتور كلامك ما اقنعني و لا انا اقنعتك

كنت ابي السلامة .. وراي لاب لي العصر اروح اكل لي لقمة .. ما اطلق صراحي

تكلم في كل موضوع .. و الحقيقة انني استمتعت .. حتى شعرت بدوار من طيلة وقوفي .. لكن .. كانت حديثه مهم و غني بالمعلومات

قررت بعدها .. ان لا اكلمه ابداااا .. الا قبل تخرجي ليقترح علي اماكن العمل الافضل .. هو من عرض هذه الخدمة

اقترح طالب زميل .. ان يسمح لنا بالامتحان القادم .. بفصل ورقة القوانين لتفادي نقل القانون خطأ

صال و جال .. أرغد و ازبد .. نرد عليه انا .. و ذلك الشاب .. حتى تعبت و تعب هو .. و الدكتور يكمل اسخف حديث

خرابيط .. و يؤسفني ان اقولها عنه .. لكني اكره من يستخف بعقلي و يكلمني بلا منطق .. و لا يقبل كلامي

!!

المضحك .. ان دقات قلبي تسارعت .. بشكل غريب .. و شعرت بحرارة بوجهي .. و فجأة

يدي ترتجف .. وااااو .. كل هذا .. لاني اسمع كلام مغلوط .. و لا اقدر على الرد !! مو زين جذي يا بنية

طوال فترة لغوته التي استمرت نصف ساعة من وقت المحاضرة .. و انا اتهدد بطلع .. و صديقتي تقول لا ترى يحس فيج

استسلمت .. و انا افكر بكل الشعوب المضطهدة .. و المسلوبة حقها في التعبير .. ههههه

حقا .. اول مرة اشعر بكم يا مسلوبي هذا الحق الثمين

يدي على جبهتي .. و انظر للورقة .. لا ارااااه .. هذا اهم شي .. بدأت ارسم .. مكعبااات مكعبااااااااات

ثم .. اربع خطوط متوازية قصيرة جدا .. يقطعها خامس .. استغفر ربي بكل خط

!!!!

غضب .. اجتاح كياني .. بل زلزلني .. وااااااااااي .. يكلمنا اقل من مستوى الروضة

من ورقة .. نستأذنه في فصلها .. وصل بكلامه الى انه مسنود .. و لا يهمه احد

و ان كل هذا من زود حرصه .. و حبه لنا .. كي لا نتعرض لضغوط غششني بالامتحان

و ان رفضنا .. نواجه بالسباب و الهجوم .. و قد ذكر كلمات خارجة .. من يقولها عندي كمن خرج من الملة

ثم اعقبها .. ب .. ترى هذي اخف كلمات تنقاال

نورة : واااي دكتوور لا تقووووول جذي .. شدعوة ما عمرنا شفنا

لفت فيني الدنيا .. وقفت .. و توجهت الى الباب .. اذكر اني قلت : عن اذنكم .. مسيرة الاخت

طلعت .. و صادفت صديقة .. قصيت لها القصة و الحمدالله خفت الحرارة اللي فيني .. غسلت ويهي بماي و رجعت

اطل .. و أشر للبنات .. بمعنى سكت ؟؟ قالوا اييي .. دخلت .. و انا زعلانة على الدكتور زعل كبير

ما عجبني .. و لاياز لي .. و لا تقبلت كلمة من اللي قالها .. مسكين .. يرسل ما يستقبل

.. اسوء صفة ممكن يتصف بها شخص

بعد الغباء و الكذب

لبنان .. يا جرح الكرامة

لبنان .. يا دمع حزين

تقاسموك .. و مزقوك

و الكل ينظر .. صامتا .. بعد الشجب .. بعد الغضب

و جامعة العرب .. قد قررت .. ان تجتمع .. حتى تضيف لاحرف النكران .. حرف

حتى .. تهين .. ما تبقى من مروءة .. او رجولة .. او عروبة .. قد عطب

اه عليك .. يا ديار الحب .. و روعة المنظر الطرب

قد اجتمعنا فيك يوما .. نغازل سحر القمر

و اليوم . . تقصفك البوارج .. و تهز صبحك .. القذائف

بين حزب .. هو دولة .. و دولة .. عشقت حياة .. و دولة اخرى و اخرى

ضعت يا لبنان .. يوما .. لكن أبى الشباب بك ..الا ان يعود

كانت الحرب يوما .. يا لبنان ..و اليوم كنت .. تحت الحرب الضروس

حزب .. و دولة .. داخل دولة

يشعل مشاعر مظلومة .. حتى يثور الجائع .. فيقتل

!!

وطن تداعى .. تحت انظر عالم .. يسعى قويه ..

ان يقهر

ذلك الارهاب .. الذي تراءى له يوما

ترك الجميع .. تحت الظل .. غارقا في بحر دم

و أيد المجرم

حقا .. كانت الحرب .. دوما .. ضدنا

و قال ساخرا بعقولنا

هي حربنا .. نقية .. على كل نفس شقية

على من يسعى لظلم البشرية

قد .. اسقط الصهاينة من حربه.. دون ضجة .. دون تصريح لصحافية

دمنا مباح عندهم .. و حقهم اصبح في ذبحنا

فهو دفاع عن نفسهم .. اااه كم انفسهم قوية

or FOUR .. whose COuntn ;D

عــفــوا حــبــيـبي .. بـابـتعــد عــن لــيــالــيـــك

ارحــــل .." حــيــاتـــي " .. و الــنـــدم فــي عــيــونك

اســمــح لــي .. ابـــكـــي .. و أشـــتـــكــي .. منك و أغلــيك

مـــحلاه دمــعي .. لى اشــتــكى .. من طــعــونــك

يـــا " عــمــري " .. اللـــي مــا انــــخلــق من يســـاويــك

يــا" عــمــري " .. و أفـــراحــه .. يــتـــامى بــدونك

" ســـنــتــين "

و دروب .. الـــغـــلا تـــفـــتـــخر .. فـــيـــك

" ســـنــتــين "

و أحـــلامـــي .. يـــهيــمــن .. بـــكــونـــك

i wanna be GREAT ..

بدايتي اليوم .. هي اقتباس .. لمفكر لم اسجل اسمه .. لكن سجلت كلماته نفسها

إليكم

أعـــظــم نـــســاء الــــعـــالـــم .. تـــلــك الـــمـــرأة .. الــتي نــتعلـم مـنـهـا

كــيـف نـحـب .. ونـحـن نـكـره

كــيف نــضحــك .. و نـحـن نبـكـي

كيـــف نـــبـتـسم .. و نحن نــتــألــم

و كيف .. نتفــــــــــاءل .. بــعــد .. أن .. غــمــرنــا .. الـــيـــأس

و أقــول .. كــونــي .. عــظــيمة .. و اصــمـتـــي

:)

----

يقال ايضا .. ان من كثر كلامه .. قل عقله

مشكلة .. ان كانت الكثرة .. هنا .. بعدد الكلمات اللازمة للتعبير عن الفكرة

و رائعة .. اذا كانت الكثرة .. في افكار زائدة عن حاجة الموضوع .. و الزمان و المكان

----

مكاني هنا لي انا .. اكتب فيه كل شيء .. و اي شيء .. تغيرت نظرتي له فجأة .. نعم هو محدد الاهداف

لكن

كل حرف نحاسب عليه .. كيف سأقف و أحاسب على تفاهات ؟؟

قد يكون الشريط الذي استمعت اليه هذا الصباح .. للشيخ الجبيلان .. عن الهاتف النقال .. و كيف انك مسؤول يوم القيامة

عن كل نكتة ساقطة .. و كل كلمة فارغة .. لانك ابدلتها مكان كلمة خير و صلاح

!!!!

الموبايل .. اصبح اكثر الامور ضررا .. ضررا هنا من الضروري

كما انها من الأذى .. يا سلام على البلاغة يا اناااااااا هههههه

فكرت و فكرت و فكرت .. حتى علت خفقات قلبي .. على كل مسج ماصخ .. و كل مكالمة خاوية

!!!!

كنت اقول .. اكره النقال .. فهو لا يدع مجالا للشوق .. بين الأحبة

نسافر .. و هم معنا .. نأكل و هم على تواصل و اتصال

حتى حمد .. حبيب قلبي .. يتصل كل يوم .. بس يا حمد ابي اوله عليك

!!!!

سأسافر .. بدونك .. و لن اهتم .. سأقف عند كبينة الهواتف .. و اتصل على الغالين بالكويت

مو سفر ؟؟ وناسة و تغيير .. لأصور و انا اكلم استكانة ههههه و احطها اهني

;D

---

ظاهري .. شيء .. و باطني شيء أخر

ليس نفاق .. لكن عمقي .. على مستوى لا يشعر به من يجاورني .. لا يصل أحد اليه حتى

لم أعد اهتم .. بأن أثبت نفسي لأحد .. او اقنع اي شخص بنفسي

" يا ربي 22 الا ثلاثة اشهر ناضجة سم الله علي ما ورا بعد "

;Ppp

لذلك .. متى ما كنت في أوج العمق و التفكير

أكون .. ظاهريا .. غارقة في أتفه المواضيع .. طبعا كما يرى المحيطون بي

لذلك .. اصرح .. ان كل بوست مليق .. يعني .. عقلي في شغل و جد و اجتهاد .. نتاجه على المدى البعيد

---

متعتي .. في الاهتمام بنفسي .. مساكين الريايل ههههه حتى الشاور عشر دقايق

غير ان لي هواية مخفية .. فك تشابك اي أسلاك .. خيوط .. قلوب .. اي اي اي شي مشربك مع بعضه

انا و اعوذ بالله من كلمة انا .. اتوحد فيه بعالمي الخاص .. و بعون الله .. ثم اصراري .. يتفرق المشبوك و ينفك العمل ههههه

لا يضاهيني احد .. الا والدي .. ما عليه .. معاه فرق العمر .. يعني خبرة شاف وايرات اكثر مني

;D

---

maybe u all know by now .. that i hate My TRANSPORTATION ENG. Course ..

iam bored .. n he's blaaaaaaaablaaaaaaaaa blaaaaaaaaaaaaaaaaaa bing

i realized .. That I love my mom waaaaaid .. kuber elba7ar w esemaaa ..

actually she was mad at me .. From the other night ..

well .. she wanted me to log in a web site .. I was so busy with my UGLY Trans. Report ..

so .. I said .. Yea sure just a sec !! This sec ,, became an hour !!

she came up .. Say a few words .. With her sad .. Voice tone .. ohhh nesaaait-haa :(

ya ome ya e6aibaa .. MAKO response !! ya Ome .. JAL mn LA yashoo !! e7m e7m .. mute !!

anyway .. i stayed up late .. to finish this silly rep. .. Thinking how bad girl I AM :"(

the truth .. Is .. She know I can't go to sleep is she's still mad !! So that was my PUNISH.

back to my lecture ..

FAj2aa .. 7sait feehaa .. yaaaay wallah a7ebich ..

tek .. teck .. tick .. i sent her this SMS :

والله اني احبج .. صج صج احبج

و انتي اورع ام بالكون كله .. حتى اروع من الروعة .. والله العظيم .. شوفني ترى حلفت

it felt so great ..

so .. Start sending ..ur feelings .. m3a e7tesab el2jer .. Let people u care about .. Know that ;)

BE U .. Express u .. iam sure u'r gonna feel extremely super great ..

bs .. MaLee she'3el b ur bills hehehe ..

hmmm .. i think MTC n wataniya should give me a nice commision for that .. Don't u ;P

by the way .. I got 65% in My Concrete test .. So .. iam not stupid hehehe ..

---

حبيبي .. نعم انت .. لم أعد معك .. كما كنت .. لم تعد تعني لي اي شيء

من 10 ساعات .. متلاصقين .. لا نفترق

اصحو .. و أنام .. معك

تأكل معي .. تقرأ معي .. تسولف بالماسنجر معي ههه

الان .. انت معي نعم .. بكل وظائفك المهمة

لكن .. ارتباطي بك .. اصبح اقل من الصفر

صدق او لا تصدق

لم أعد بحاجة اليك كما كنت

خمس .. الى اربع ساعات .. تكفيني

الى سريري .. و مرافقه نومي .. حبيبي القدسي

انتهيت .. اجهز عليك الصيفي ما قصر

اصبح لليوم قيمة .. و للعقل فسحة .. و للحياة فرصة أكبر

حبيبي .. سريري .. اسفة .. لكنك .. غير مهم الان كلش كلش كلش

---

حسيت ابي اكتب .. طلع كل هذا .. اهم شي .. امتحان الاربعا ما خلصت منه

امتحان الخميس .. ما طليت فيه

كل شي .. الا الثقة يا نورة .. مالها داعي بالوقت الضايع و الحرج

اطالع الاوراق .. اقولها .. راح تخلصين .. و راح افهمج كلج و راح و راااح

غالبا تضبط .. و غالبا .. اتعب ..و غالبا .. هذي انا .. سيفوه و خلاجينه كلها عندي

maYnoOoon .. Bs eSHwayaa ;D

اعترف ان الاسبوع .. الماضي .. أقل ما يقال عنه .. اسبوع الينون

اسبوع اي وحدة ثانية .. غيري انا .. كانت مو انا اللي مع الناس .. مو انا اللي تتكلم

كنت .. اقول .. للأعور .. انت أعور .. في عيييينووووووووووه

كان اسبوع التشطيبات النهائية على كل شي .. بالحياة اللي عايشتها انا

امور .. خاشتها روحي عني .. كانت خايفة علي منها .. والله و لا همتني

مسكتها .. و قلت لها الصج .. و الصجيج .. طااخ طاااخ طييخ .. بويهج يا انا

تعدلت .. و لانها تعدلت .. قامت تشووف عدل .. و اللي يشووف عدل .. يمشي عدل .. بلا هبل بلا سخافة

الاسبوع الفريد من نوعه .. كان مليء بالفعاليات المميزة .. على صعيد شخصي الكريم

عيزت و انا اخزز بالبنات .. اللي تقول حجوة نازلة صاعدة .. ارمقها بنظرة صامتة .. تحوس عقلها حوس

عادة .. كل شي يطوف في سبيل اليوم الاخر .. يعني عادي .. ما اوقف على كلمة من فلانة و الا علانة

خمسة ايام .. الحمدالله .. كنت واقفة على الناصية .. انظم السير الله يسلمكم .. بعد ما كان في غيري

هالاسبوع .. تهاوشت .. زففت بناس .. مينونة .. قياسا للتعريف الدارج للينون

انا اقوى مسبة عندي .. غبي .. و تافه .. الحدث اني قلتهم !! ضاق خلقي

انه ابيـــــــــــه عــــــــــــيب .. بس الله يشهد ان المشهد يستدعي

.. حيث ان الدفاع عن النفس يخلي سبيل القاتل من الجريمة

و انا كنت ادافع عن نفسي .. و نفسي كلش كلش مو بالعة أحد ما يحترم حدوده .. عيزت منهم .. عيب لا لا اعلى من هالمستوى

نتفاهم.. نتصارح .. ماكو فايدة .. ياهم عاد التشخط .. طبعا بالنسبة لي انا .. زعلت على نفسي

كان المفروض .. ما تتعاطى مع مشهد فاشل .. قد ينقاد ممثلوه الى تجريح او تهزيء .. لكن مرة اخرى

الامر لا يعدو كونه دفاع عن النفس .. و رد القذيفة .. بقنبلة نووية

هههههههه كلش مو قاعدة اقنع نفسي اني ما سويت شي غلط لوووول

.. لا لا لا صاجة يا انا .. بس لانج متعودة تسامحين

و تحتوين الناس .. فا استنكرتي الهجوم الكاسح

.. و بيني و بينج يا نفسي .. ترى ما قلتي شي ههه لا تسوين روحج بطلة

----

اهم شي .. اني اكتشفت .. ثلاث ارباع بنات الكويت فيهم دفاشة .. تفشل

استوعبت هالنقطة .. مؤخرا باللاب .. كذلك بأكثر من تجمع بناتي و نسائي

.. لدرجة اني سكت بس اطالع

بعيووني .. حسيت انه اذا كملت اتكلم و اشارك .. راح اطلع دعلة و ماااايعة .. فا التزمت الصمت الجزئي

---

نقطة مهمة .. تأكدت لي .. باللاب .. دخت .. حسيت اني بطيح .. و نوعي اشتط انا فيه

يعني .. البس دسووس .. و اروح و ايي .. و خبة العالمين .. عشان يطوف الوقت اسرع

و انا من عمري احب اللابات .. المختبرات.. تطبيق و ملاحظة .. غرامي يعني

لما حسيت اني بطيح غشيانة .. قلبت ناظري .. لقيت الوضع صعب .. و راح اتبهدل

فا قلت .. اوصي اللي يمي .. جود تخف وطأة الطيحة .. الوصية كانت بسيطة و مختصرة .. و كلها حكمة

كشفت عن أولوياتي

;D

يا فلانة .. انا حدي دايخة .. و الكلام يسيح مني .. يا اني تعبانة .. او فيني النوم

فاااا .. اذا .. اذا .. طحت عليكم .. الله يعافيج .. اختاري .. شاب اسمر طويل عريض المنكبين على خلق و دين

ينقذني

ههههههههههه اهيا ضحكت ,, انا كنت من قلب قلبي اتكلم خخخخخخ

قالت تبين ضابط .. رديت عليها انا .. والله انا زاهدة بحياتي الحين .. اهم شي طويل و على خلق و دين

خخخخخخ عاد عقب ما وصيتها راحت الدوخة سبحان الله .. صحيت

----

خلاصة الخلاصة .. اني اكتشفت .. سبب كل هالفوران العاطفي .. و العنف الاجتماعي

سفر اخوي .. الغالي المزيون .. يعني كل اللي سويته بعيال الناس .. و الحدة .. و التلطيش

طبعا اغلبه كان على ضحك .. بس كنت كمن يدس السم بالعسل

سلم علي .. و انا من اسبوع مستخفة .. و يايني ابليس اعوذ بالله منه

انسان .. عذب .. لبق .. خلوق .. مثقف .. الله يحفظه و يحفظ الشباب اللي معاه

اخلاق تمشي على الارض .. كل كلامه خير .. ما يقول الا الطيب .. صعب صعب هالولد

سفرته الفير .. فا سلمت عليه بالليل .. و كلش ما بجيت الحمدالله .. بس عزت علي نفسي

هههه صار اطول مني تصدقون .. صعب علي .. اتنازل عن عرشي .. و خلاص اصير ثاني اطول شخص بالعائلة

ابوي .. يكمل علي .. يقوول .. اذا ما صرتي الاخيرة ما اكون ابووج

ليش ليش ؟؟؟ يبااااااااااه لا تقوول جذي هههه .. اشياء سخيفة .. كل البوست ماصخ بس عشان ابلع البجوة

اتصل اليوم .. فرحان طاير .. حبيبي .. اخوي .. الصافي .. مو بس بعيوني .. لالالالا

وااااااااي قلبي يعورني .. حيل .. عادي ابجي شوية ؟؟

الله يردك سالم .. و خاتم القران .. انت الفخر .. و انت الرجولة .. انت اخوي .. الصغير اللي كبر و صار اطول مني

انت اخوي الصغير .. اللي اقوله لمني شهر ما راح اشوووفك .. يمسح على راسي

كيفكم .. بس هذا حمد ما اخلص لو اكتب عنه .. حمد يا زين الاسم والله

ولهانة عليك .. و راح اوله عليك اكثر .. خفت من الوله .. خربطت الدنيا .. و نزلت قدر نفسي شعرة بس

كله منك .. ليش قلت لي بسافر .. و تفتكين مني .. ليش تسافر اصلا انا ما رضيت لك

تحبونه صح ؟؟؟ والله احبه حيييييييييييييييييييييييييييييييييل .. اصلا ما قمت اشووف من الدموع بروح ابجي عدل

---

sorry 7ag kel mn yatlaa 7achwaa mnee .. ma kent metaznaa 3a6ifyaan ..

bs tara gelt e9ij .. ya3nee sorry for hurtn ur feelings ..

bs mo sorry for what i said ..

;PppPpp

cuz that's what i really feel .. or think .. MAYNooonaa .. KAifee .. bs lamaa yerja3 o'7ooy

hiStORY ..

انا مع ولد خالتي .. فريق .. منذ الصغر .. على قلب واحد .. تقريبا

كان ياكل مني طق .. والله اطقه طق يهود ..لانه يخرب اللعب علينا كلنا..و بعد قلبي ما يتكلم و لا يقول حق امه

كنا صغار ..دقت خالتي في صباح احد الايام .. تعاتبني ..انتي ليش ما تنبي تتزوجين ولدي ؟

ترد نورة الفهيمة ام يمكن سبع سنين : خالتي ما يصير اهوا اصغر مني
!!!

تقول .. ما نام امس بالليل يقوول اذا مو نورة زوجتي عيل منوو ؟؟ ههههههه

مواقفنا معا لا تعد .. ذكي جداااا .. جدااا .. الا ان الدراسة اخر همه مع الاسف

كنا امس نجرع امه المسكينة .. صدمة رسوبه في الثانوية العامة .. وسط انهيارها العصبي

اغلب الوقت انا بالحوووووووش .. ما استحمل اشوف احد اي احد بموقف ضعف
و انا عاجزة عن المساعدة

شلون اذا خالتي الغالية جدااااااااا على قلبي .. الله يعينها يا رب

من ذكرياتي معه

كانت الغرفة اللي نلعب فيها .. تطل على سطح الملحق روادها خمسة .. انا اهوا بس اللي نتميز بخفة الحركة

و البقية .. جبناء .. و صحة ما شالله ما يقدرون على الحركة ههههه

مع اللعب .. ايي العطش .. صح ؟؟

انا و صقر .. مالنا خلق نمشي الممر كله .. عقب ننزل الدري .. قصة طويلة

نستغل قدراتنا و الموارد اللي عندنا

.. كرسي .. يصعد عليه واحد منا .. يوقف على الدريشة .. يحط الكرسي الجهة الثانية

وهوووووووووووووب .. فوق الملحق .. ينتظر زميل الكفاح

بضعة خطوات .. يصير فوق برادة المااااي .. فوقها .. هووووووب مرة ثانية .. و يشرب مية هنية

و الظاهر ان الدباديب انقثوا منا .. و ياهم واهي و الحررة لعبت بعقلهم فا كانت الخيانة

و

الله اعلم

مرة من المرااارييييير .. على العادة .. هووب هووووووووووووب

و فجأة الا يدتي و خالتي الصغيرة .. تخيل المشهد .. ننزل لي ورااا يعني ما شفناهم الا لما وصلنا اليابسة
صدمة
ما اذكر شي عقبها .. بس صقر يقوول انه انطق .. و انا انزفيت
!!

اتصال من امه ..: صقر يقول يمه سألي نورة .. تذكر لما يدتي زفتنا و قعدنا على الدري قالت لي انها بتصير مغنية و تخليني مدير اعمالها .. لي الحين على حلمها ؟؟

مت مت مت من الضحك .. اناااااااااا قلت جذي ؟؟
يعني اخترت الفن للهروب من الواقع اللي كان زفة يدتي

شفتي خالتي .. يا ربي انا قلبي الظاهر من عمري على اهلي

.. قلت له مدير اعمالي .. رااازته

غيري تقوول اخليك طبااال .. لووووووووول

بالروضة .. كان اصغر مني بسنة .. يداوم عند باب صفي .. بجي ونواح طول اليوم اذا ردوه صفه

ابيييييييي نووووووووووووووووووورة ايييييييييييييييه اييييييييييييييه .. يعني بجوة

رحنا الابتدائي .. كان معاي .. و الله يهديه شيطان .. المهم ما ادري تحرش بواحد كبري

و ياني يشتكي .. ارده ؟؟ اكسر فيه ؟؟

ابدااااااااا .. مدير اعمالي اهانته من اهانتي

قومي يا المينونة.. و روحي صارخي بويه الولد .. ما ادري شنو قال .. ترد الملسونة انا

لالالالا طقني بعد طقني ؟؟

انا ما كان قصدي يعني .. لا لا كلش ما كان .. بس الولد مو ذووووووق
ابدااااااااااااااا

و
طاااااااااااااااااااااااااااخ .. بوكس على راسي .. مو ويهي .. مو بطني .. لا لا جمجمتي ههههههههه

بس اللي يحز بالنفس .. اني وقفت معاه وقفات .. لا تضحكون يهالووو ادري بس هم بطلة كنت

و لما انحطيت انا بموقف .. ما وقف معاي و لا شهد بالحق حتى

بقوول السالفة .. عشان تطلع من خاطري و لا احقد عليه

كنا بالبر .. اول مرة نطلع البر بو نوومة يعني .. طبعا بس اليهال و خالي و يدتي امهاتنا ردوا الديرة

فااا .. يالله من فضلك بنات .. منخشين و حاطين مسجلة و نرقص .. يهااااااااااااااااال

ولد خالي .. شرير و يكرهني ما ادري ليش ؟؟ لان مليق و انا اخذ القلب يمكن ههههه

قبل قبل يوم كنت صغيرة لا احد يعفس لي ويهه

;D

كان يطل علينا .. و يملق .. قلت له انا لا لا تشووفنا ما نبي

ياني .. و طقني و اطقك .!! هااااااااااو شفيك انت ؟؟ ليش تقولين لي اكل ... انااااااااااااااا جذاااااااااب

طبعا طحت فيه تشووت لين قلت بس .. مع الاسف وزنه ساعده .. و صار اللي صااار

اذكر .. ضرسي كان يتقلقل .. مع عنفه الشنيع ضد الطفولة الراقصة ههههههههه

انكسر

صقر .. كان شاهد عيان .. ما وخره عني .. و انا كنت ابداااا معاه ضد اي شي

حتى لما امي طيرت الناس كلها .. و وقفت اللئيم الشرير عند حده و ابوه زفه

كانوا يبون احد يشهد اني ما سبيته ؟؟؟ صقر ما قال شي

انا لي الحين .. ما اقول الكلمة اللي تبلى علي اني قايلتها .. حتى اللي ابسط منها ما اقولها .. فااا الكبار ما صدقوه

ووااااااااااي يهاااااااااااال صج صج اكتب و اذكر شكلي لووووووووول


اذكر .. كان في شغل .. بالمنطقة .. البنية التحتية .. فااا حفررة طوالية كبيرة .. فوقها بايب هائل

انا و صقر .. كان جاي الضحى تحت البايب .. مسنعينه .. خشب و ما ادري شنو .. يعني طاولة و كراسي

ههههههههههههههههههههههههههههههه شمس .. حرررررررر .. موووووووووووووت

مرابطين تحت البايب .. جبهة صارت مو حفرة

بالغزو .. من زود الخبال اللي فينا .. حتى ماكو احد يسنع الثاني .. يلجم خياله

كان .. شتااااا .. ما ادري ليش قررنا نسبح .. وين ؟؟

مياه الامطار افاااا عليكم بس .. من الطبيعة و اليها .. احنا اول انصار الميكروبيوتك

قومي يا هوولة .. انا .. و يا .. صقير .. اهوااا

نمشي .. نمشي .. نمشي .. غزوو .. عراقي غاشم ترى .. يعني .. السياحة الداخلية مو وقتها

لقينا .. شيرة .. و تحتها .. بركة ماء .. ويـــــــــــــــــــع

عاد .. ما كان في ذيج الساعة بقاموسي ويع .. كان في الله مااااااااااااي .. طاااااااخ

كلش مو عميقة كلش كلش كلش .. بس سبحنا فيها لين صار ظلمة .. و برد .. اهيا ورى البيت

اهم ملاحظة .. النظافة و الذرابة .. معلقين الهدوم على الشيرة .. واااااااااي احس عشنا غصب دور فلونة و اهلها

هههههههههههه .. طبعا .. في هذه الاثناء .. البيت و اليران كانوا في رحلة بحث عنا

.. ما توقعوا انه احنا نتدرب

حق الاولمبياد .. وراا البيت .. غزووووووو عراقي غاشم

الفريج كله ما فيه الا سيارة وحدة لوحاتها عراقية .. بيت يرانا

.. تحوس مسكينة لين شافت فلوونة و فرانسيس اخوها

طبعا .. لبسنا فوق ملابسنا اللي فيها ماي .. جاكيتاتنا و تكرمون الجواتي

و كلش ما هقينا انه اكبر زفة بالتاريخ ناطرتنا

من الرقة و الرومانسية .. مقطعين من الشيرة المقرودة .. عشان البيت

ههه ما ادري ليش بس يمكن القصد صووغة

;D

شيرة = شجرة .. معلومة على الطاير

قصص و قصيص .. يا حليلك .. طروا علي و انا اشووف امك تقول بس تعبت اااااااه

ليش تسوي جذي بعمرك .. و انت تدري انك تقدر توصل مواصيل اكبر بوايد ؟؟

انا الحين .. وين .. و انت وقفت وين .. الظاهر كان عندي بعد نظر و انا صغيرة .. حسيت انك بتضيع نفسك
!!!!!

اهم شي .. خالتي .. تقولي .. صقر .. يقول جان زين انتوا نفس نورة .. قالت مالت عليك انت وياها ليش بالله ؟؟

راقية .. يعني انا تذبحني هالكلمة .. و سنعة .. حلم حياتي اوصل لاي وحدة منهم

فااا .. يشفعون له .. والا ودي ادور البايب اللي خبركم و ارقع راسه فيه .. جود يصحى و يلتفت على عمره