E7BoO-OnEee ;D

مسكين الاسبوع الماضي .. ظلمته و تحاملت عليه بشدة .. رغم انه لم يكن بالسوء الذي وصفته

مو مشكلة .. سامحني الاسبوع اللي طاف .. طااااااااااااف انزيين

هذا الاسبوع .. اسبووع الحب و الحبايب و الحبيـــبة

طول عمرنا و احنا محاطين بالمعجبين و المعجبات .. لووووووووووووووووول

انــــزين ..الجمع هنا دلالة التواضع ترى

لكن .. مع الكُبر .. و تغير النفوس .. و المصالح الموجودة بحيث من الغباء انكارها

قد يُخفي البعض مشاعره تجاهك .. لفترة .. و فجأة .. تااااااا رااااااااا

الكل يصرح بقدرك عندهم .. الكل يغني بحبك .. الكل يشهد لك ههههههههههههه

سبحان الله .. مقتنعة بأن كل نزلة و راها صعدة .. هذي الدنيا مو مني يعني الحركة

و اعتقد .. ان قيمة هذا الارتفاع .. مساوية دائما .. لقيمة الهبود السابق

اي ان المقدار الموجب الجديد .. و هو الاحداث الجيدة .. يكون بنفس المقدار السالب السابق
لكي تتوازن الحياة بعد عصف الاقدار

معلووومة مفيدة محد يعرفها صح مسكينة انا هههه

إليكم ما كان

محاضرة .. كلها معلومات .. و من لا ينتبه فيها .. خســـــران

تجلس بجانبي .. فتاة .. أخطأت في فهم تعريف الحجاب الصحيح .. لذلك .. غالبا ما يفهمها الناس غلط

و يكش الغالبية منها .. كتب الله سبحان و تعالى .. اني اتعرف عليها .. اهيا اكبر مني .. بسنة يعني متأخر تخرجها

مسكينة .. طيبة الدنيا فيها .. غلط نحكم على المظهر .. رغم انه يشكل هوية الانسان الأولية لدى الطرف الاخر

خدومة .. لاقصى حد .. تتعب على الكلمات .. و ساعات تبالغ بالمجاملة

ما ادري ليش كله تقوولي عيااارة هههههههههههههههههههههههه

كنت في قمة اندماجي .. لاني من النوع اللي يفهم بسرعة .. بس للأسف ما اثبت هالفهم غميضة علي
فا غالبا ما تكون مهمتي افهم اللي حوالي

قالت اهيا شي .. ما سمعتها انا .. عادته بعد قلبي .. قلت لها سووري شنوو ؟؟

عبالي طافها شي و الا التبست عليها نقطة .. قلت انقذها قبل لا تضيــــع ..هههه

ما سمعتها للمرة الثالثة

فاا حسيت ان الموضوع صار سخيف .. لي متى يعني و انا سووري هااا ما سمعتج

قلت لها ايييييييي و ابتسمت موهمة إياها بأني سمعت ما قالت

و انا لا سمعت ولا قالها الله

شوية .. جان استوعب ان ملامح و تعابير ويهها .. ما تدل على شي متعلق بالمادة العلمية البتة البتة

هههه فراسة بس بأثر رجعي

قلت لها .. هههههههههههههه ترى بس قلت لج اييي و انا ما سمعتج فشلة هااا

رد وضعها .. و حسيت اني هااا هااا جني اسمع صووت كمااان بباك جراوند المشهد

قالت لي : انتي غير !!!!!!!!!!!!!!!!.. انا : نعم ؟؟

انتي غير .. غير عن البنات .. ما شالله عليج مميزة

لك ان تتخيل .. شكلي و هيئتي و كياني كله بهذه اللحظة .. لا تنسى صوت الكمان السابق

انحرجت .. اولا لانها كانت قريبة مني حيل .. طرى علي المها بقوة بس هونت و سحت على نفسي بالكرسي

اهيا كملت كلامها ما ادري شقالت .. انا ذبت خلاص .. بس اقوول ااييه مشكوورة حبيبتي والله ..ااااه وااي ترى استحي

ابيه احرجتني .. يعني ما اعرفها .. و فجأة ماكو موضوع .. و انا داشة باللوحة افكر .. ياني هالاطراء

قدرت لها ذوقها صراحة .. و واايد احس اني خلاص مجبوورة فيها .. لازم هالانسانة تكون مرتاحة جدا بوجودي هههههه

ما قصرت من طيبها اكيد .. و الا انا لا غير و لا بطيخ .. بس احب النااس بس
;D


موقف اخر .. من صديقة لي .. كنا بلاب .. هاللاب طويل .. و برد .. و المهندس بنغالي مخضرم بس الاكسنت كلش

ما افهم منه شي .. كنت استوضح منه بعض الكلمات اول الكورس بعدين هونت حسيت فيها احراج له

ما ادري عن الناس .. في سابحة بملكوتي الخاص .. و اشارك صديقتي اللي يطري فبالي

فجأة .. تااا رااااااااااااااااا راااااااااااااااااااااااا

اهيا : نورة ترى انا احبج

قلت لها وااي شفيكم علي ههههههههههه متفقين تسوون فيني دقة

منو ؟؟

انتي و فلانة

لا والله صج .. حتى ذاك اليوم لولو تقوولي .. انتي وايد تحبين نورة .. مبين عليج .. والله سألي مريم

طبعا .. نفس ردة الفعل السابقة .. بس ما قدرت اسيح وايد لان الكرسي هالمرة مرتفع جدا عن سطح الارض

فا خطر علي .. و لا تسوى الطيحة كلش

الحمدالله .. الموضوع بسيط .. و يتكرر مع الجميع

بس لما يكون على غفلة .. و من ناس ما تنطر منهم هالتصريح .. و انت طبيعي و عفوي معاهم

ما ادري انا تأثرت وايد .. و لي الحين اطفرني اهيا .. ترى احبج و ترى احبج ههههههههههه


طبعا .. ما يصير الحياة وردية جذي

مشهد مختلف مضاد

البيت .. صالتنا العامرة .. والدي المهاب الحنون .. المفرووووض

:P

يبه تحبني ؟؟

والله ما اعتقد

هاااااااااا .. جرحتني .. الله و اكبر .. من اهني لي اهني .. وااااي .. انا اصلا شاكة .. هالزين مو عليكم ههههههه

و اتعبر بويهي .. و احلى شي بأبوي .. انه متحمل ملاقتي .. و يعطيني مجال ابدع فيها .. و اهوا مشاهد صامت

قلت له خلاص من اليوم علاقتنا رسمية .. و رسمية جدا .. رجاء ما في داعي تسولف و اطيح الميانة معاي

طوول اليووم .. و انا كل ما كلمني .. لو سمحت .. رسمية رسمية هههههههههههه

توسط اخوي الجميل .. و قال ايي احبها .. قلت عقب شنووو ؟؟

اللي انكسر ما يتصلح .. و انا قاعدة اسعى و ادور الحب و الحنان بره البيت

و ابتكر لي فصل مسرحي املق من اللي قبله .. و ابوي بعد قلبي .. جمهوور منصت

مرت الايام .. و لاني طيبة نسيت سالفته الشنيعة مع احترامي له

طلعنا .. انا و امي واهوا .. رحنا السوووق .. و عشت دوور اني وحيدتهم من قلب قلبي

تعشينا بشيليز .. و انا ماسكة المااايك و اسووولف

فجأة .. يماااااا .. يعني انا جم من عشرة تعطني كبنت؟؟؟

لحظة صمت .. مالها دااااااااااعي .. قلت لها الجوااب سهل ترى ما يسوى التفكير العميق كافي الويه النووور هذااا

قالت عشرة .. قلت ايي انا بعد اقوول جذي

يبه .. تقدر تحسن وضعك عقب الصدمة الماضية الجارحة القاسية .. جم تعطيني من عشرة كبنت ؟؟

قبل لا ينطق .. انا لو مكانك .. و لاني شايفة بنات و اعرف الوضع العام .. اعطي نفسي عشرة

قال .. ايي تستاهلين عشرة .. قلت مشكوور انا اقوول جذي .. قالي مشكوورة .. عباله عنه العشرة ههههههه

لا .. العشرة حقي انا .. شلون تقولين عن نفسج .. اخااف عليها منك .. انت عادي ادربحها بويهي و تنسى اني في مقتبل العمر

كنت تعبانة مالي خلق امثل و لا املق عليه .. و المواضيع كانت ساخنة و مهمة فااا الغيت هالمشهد خفت يكون مستهلك

----------------------

اليوم .. حطوا بوسترات مشاريع التخرج .. الله يا فرحتي .. اللي يشووفني يقوول وين مشرووعج

بس .. كل افكاري .. مسوينها .. حسبي الله على ابليسهم .. اذا نقدر نقول ان شوية ضاق خلقي

لكن

و احنا بلاب ا لمدني .. صار حوار ما لحقت على اوله صراحة .. بين صديقتي و اهيا مو كويتية

و بين طالبة معانا .. نفس القسم .. و نفس تخصص صديقتي الدقيق

الله يا ان ذيج قليلة أدب .. تقول لها انتوا ذيج طاولتكم بالمعرض يوم الاربعا

ردت عليها رفيجتي : منو وزع الطاولات ؟؟ الدكتورة ؟؟ و في اسماء على كل طاولة يعني ؟؟

ذيج بكل عصبية .. لالا ماكو بس احنا حجزنا هذي

والله انا بروح احط اغراضي على الطاولة اللي تعجبني و الخالية اكيد

شنوو بكيفج ؟؟

صديتقي لفت ويهها

هاااااي انتي .. لما انا اكلمج مثل الاوادم تردين علي غصبن عليج مو تلفين ويهج

شووو شوو هالحكي .. انا لفيت وشي لانو كلامي خلص معك

فيج خير تاخذين الطاولة .. اخذيها و تشوفين

شووو انتي .. مالك .. بتهدديني .. شوو ابتدائي احنا و الا جامعة

دشوو عيال الحلال هدوا الموضوع

انا .. ما ادري انمقط ويهي لاقصى مدى اظن اني احتاج عملية شد عقب هالموقف

كنت اقوول اسكت يا بوئي طول ما ذيج منهدة الله يهديها

لاني ما ارضى يصير جذي جدامي .. و الحق واضح جدا

لكن تدخلي ماله داعي كلش كلش بعدين انا ما اعرف اكلم هالمستويات و عساني ما اطيح معاهم بعمري كله

بس هذي الملسونة .. اسلووبها .. صعقني .. جدا جدا جدا


يكفي .. لا تعليق لا زلت مصعووقة