My sWEet herOoOoo ;D

قد يستخف البعض بالحدث اللي كان اليوم .. في فريج كويتي خالص .. يعمه الخير .. و يزدان بحمائم المسجد الذي يتوسطه


بعد ان تجمع الاهل كلهم .. في حديقة المنزل .. و ذهب الاخ الاكبر .. يتمشى في الفريج

عاد بعد برهة .. حاملا عصا ؟! هااا ليش العصاية يا اخوي ؟؟

ويي وينكم انتوا ما تدرون .. في ديسكو بالفريج و بنات لابسين لبس فاضح و شباب داشين طالعين من بيت جدام المسيد !! وي وي وي يا حسرتنا صج والله ؟؟

اي كاني مصور .. و كلمنا راعي البيت

احد رواد المسجد رافق اخي .. و طلب منه تصوير المشهد كله من بعيد فيما يتكلم مع صاحب المنزل الذي يدعي انها مجرد حفلة تخرج .. والواقع مختلف تماما

يكلمهم ببرود غريب .. كأن الامر خارج عن سيطرته .. سمعت الحوار كله .. فقد سجله اخي

تكلم الرجل معه بكل ادب و حزم و قوة .. اعجبني جدا ما شالله عليه

يا اخيي ترضاها جدام بيت الله .. مسجد له حرمة و انت موسيقى و هالاشكال داخلة طالعة و تطالعنا جنها تتحدى ؟؟

ما يجوز يا اخيي اتق الله .. هذي مجاهرة بالباطل و وين ما بينك و بين المسجد الا شارع

يرد عليه اي اي ان شالله يصير خير

قال له : ترى صورنا كل شي .. ولا احنا مطلعينه .. لكن اذا ما انتهيت الموضوع باشتكي

يقول اخوي .. دخل بيتهم هذا .. و قام يطلعوون اشكال ما قدرنا نطالعهم من شي لابسينه


الله يا كثرهم ما تتخيلين البيت هذا يشيل هالامة اللي طلعت منه .. و بنات و صبيان و سيايير بره تشفط يعني اختبوا و أختربت الحفلة

اقتراح .. من احد الحضوور .. امشوا نشووفهم ؟ و رحنا و شفنا و كل شي صحيح

لكن البنات متخشين داخل سور البيت .. و الصبيان يعني أبطال واقفين بره

عند الرصيف ابد قريب الشارع .. واقفة المعلمة.. معها بنت من طقتي جذي .. و ولد

يقول لهم الولد .. والله في واحد مصوور حتى ارقام السيارات مصورها

هههههه البطل اخوي طبعا .. امي تساااسرني .. روحي له لا يطلع بره

الا هاللي مجبل علينا .. انا ورررررررررررررررررر و اقضبه و يالا امش ماني ياي و تسحب و تنهوص يالا
رضى و رجع البيت


أحداث وايدة صارت .. منها ان لحقوا اخوي .. و قاموا يحوموون عالبيت .. ناس ماشية و ناس بسياير

الحمدالله شيكاغو مو الكويت

و اخوي شاش علينا مو انا اللي انحش و لا هذيل اللي يخرعوني .. وطلع وقف بره البيت و معاه كل الزوارة هههههههه

و انا اسقي الزرع من الخرعة لوووووووووول


محد راضي يسمعني .. الكل يزيد النار حطب .. و هالمستوى من الناس اللي ما راعت لا جار و لا مسيد شنو
تتوقع منها .. اللي مطرشه صبيان يدوروون اخوي .. شنو تتوقع منها ؟


حرية شخصية .. بطيخ في بطيخ .. يطيروون مكان صاد ما لقوا اللي جدام المسيد .. انا من كثر ما احتريت راسي صدع .. حسيت بالاهانة صراحة .. غير الضعف و العجز .. غير الوقاحة اللي تجلت في التعدي على حرمة المسجد .. غير اني ما قدرت اسوي شي

ما راح نسكت .. و بخطبة اليمعة الشيخ بيتكلم .. و بيكتبون عريضة يشكون فيها الى مدير المنطقة

و راح اييي اللي يقوول .. وااي صج ارهابين .. ما يبوون الناس تفرح ؟؟

اقوول يمعوا الوصخ اللي يايبينه .. و شيلوووه و صدوا فيه عن النظاف

اندعسوا بشاليه بجحر باللي اهوا .. لكن عيني عينك .. و نرضى و نسكت لا والله ما حزرتوا ابدااا


على اللي بالديرة .. و كل السوالف اللي تكاد تكون اشنع و اقسى و اهول

من يرى المنكر .. صريح امامه و يزاحم الخير و الشرف في مكانه

و يسكت و ينزل راسه و يتعب روحه بكلمتين يقولهم بينه وبين نفسه : عسى الله يهديهم

هذا انسان ضعيف و سلبي

القانون موجود .. ما قلنا برد قلبك بيدك .. لكن ابداا لا تسكت .. حدد موقفك .. باجر تسأل

و من واحنا صغار .. نقول " الساكت عن الحق شيطان اخرس " لن اكون ابدا خرساء عن الحق .. لكي اسعى في ان اكون شيطانة

يا حليلكم والله .. عيني عينك تلمم و فصاعة لا و ليتاااااات والله شفتها بعيوني حمر و ازرق و و و تشب و تطفي يعني جووووووو من صجهم

بس خربنا عليهم من قلب .. فلت السهرة الساعة 11 الا ههههههههههه

وعليه البنات تلاقيهم عجلة بالصالون .. ياااهم اللي ياااهم لوووووووووووول


لازالت الحرة بقلبي .. على حال الديرة .. و هالشباب الصغار الضايعيين .. و تبقى الحقيقة التي تؤلمني
وهي ان القانون لا يحمي حرمات المسلمين .. و لايصون حتى ابسط العادات و التقاليد

و ان للصايع الماجن الفاسق .. ان يتباهى بمعصيته .. حارقا قلوبنا .. ضاغطا على اعصابنا

نخاف ان ننكر عليه فعله .. موقفه اقوى .. رغم فداحة خطئه ..كيف لا وهو يضرب بعرض الحائط كل القيم و المبادئ البديهية .. يقول عليه الصلاة و السلام :" كل امتي معافي الا المجاهر " و ها هو يعرض بضاعته و يسوق لمعصيته .. و المجتمع ينظر .. و يسكت .. ثم ينظر و ينكر .. و هكذا حتى يألف الوضوع

poor them .. this isn't the neighborhood they would wish for at all ..

so screwed wa3alyaa ma 6a7aw ella fena ;)

اللهم لا تأخذنا بما فعله السفهاء منا .. و احفظنا بحفظك و احفظ الكويت و اهدي الجميع

........

للقصة أفرع و احداث .. لجأنا الى القانون .. ليس لما شاهدنا و مزق أرواحنا لانه حدث هنا

ازعاج للجيران فقط لا غير .. حتى ان المرأة التي تكلمت مع الشرطي قالت هذيل بيتهم بعيد شلون انزعجوا ؟

...............

خاطرة

ماذا لو لم نسكت ابدا عن تصرفات مخلة بالأداب العامة .. ليست دعوة الى المدينة الفاضلة التي لن تكون

و لن اذهب اليها لو كانت .. لكن

الامر بالمعروف و النهي عن المنكر و التناصح

هو ما يميز المسلمين .. و قد حذر النبي عليه الصلاة والسلام من ترك هذه الامور بالذات

فلم يصل باليهودية و النصارانية الى كل هذا الانحراف الا تركهم لهذه القواعد البسيطة

..........

My brother is my HERO ..

after what i saw in him today .. i realized that this '3eera 3la edeen w el7amiaa elraqiaa has to be in My prince of charming .. so i added that to the list hehehe ..