that's IT ;D

تقول الشاعرة المجهولة

أبــي فـــارس يسافر بي على متن السهر و النور

يــــــــــذوبني على صدره كما شمــــس تبي لقياه

أبي شـــاعر .. يصــورني .. و يـكتبني .. سما و بحور

يقــول الــشعر .. بعيونه .. و بعيون الشعر .. ألقــاه

و أبي عـــــــــــابد .. يــخاف اللي نحج لبيته المعمور

إلا منه عصـــى ربــه .. ســـجــد بــاكي على رجـــواه

و أبي عاشق .. يعاهدني .. عهود الوافي المأســــــور

يـــدوس الـــنـــار لعيــوني .. و لا يرضى أقول الاااااه

و أبي طاهر .. مثل غيث السحاب .. العالي المغرور

عفيـــف النــفس و النـــظــــــرة .. و حبه مالك دنياه

أميـــري ويـــنهــا أرضك .. ابوصــل قصرك المسحور

ابــي مــوتي على صــدرك .. أضيع برجفته و دفاه

كــبــيــر الحـــلم في نـــفـــسي .. و روحـــي و الــحــلــم مــعذور

مــجــرد حــلم داعــبنــي .. تراي من الصغر وياه

و أنا ادري .. في هالدنيا .. شباب يعشقون الجور

قليل اللي تلاقيهم .. هواهم صافي معناه

حبيبي .. يالمحال .. الي أبيه و لا لقيت النور

شعور غامض بصدري .. أحسك جالس تقراه

أحس انك بتحقق .. و أحس ان الزمن بيدور

و أحس ان الحلم باقي .. و أحس اني قريب ألقاه