el3Eed ta raa raaaaa raaaaaaaaa ;P

اعتقد اني كبرت

!!!

كل عيد .. ما أقعد على حيلي .. من الظهر لي الليل .. غداا عشااا .. قهوة .. سينما

هالعيد .. مممممم .. عادي اذا حصلت أروح .. بس اذا محد يقترح ما اموت انا

!!!

هالعيد غير .. مو بس لأني حاسة بالنضج

;Pp ya3nee em'3ayrat-haa 3n elkuber

.

.

أول يوم

.. العرف السائد و الحين صار بائد .. سم الله علينا و عليكم

الريوق جماعي .. و اذا قعدت و بادين اهما بدوني .. يحز بنفسي صراحة

.

.

هاهاهااااااا .. هالسنة .. مو بادين .. لا لا لا .. كلوا بالعافية و شربوا و غسلوا و راحوا

.

.

يعني نزلت الاميرة النائمة على مائدة .. خالية

.. الا من مطارة جاي حليب .. و معجنات و كيكة

.

.

ما طنقرت .. مو بس لاني طيوبة و سمحة و اينن

.. لا .. لانهم قعدوني و قلت اكلوا في احد يتريق الفير

!!!!

احم احم .. بقوول الصج انزين .. كانت الساعة 7 صباحا

.

.

امي توصي لا تتأخرين .. و تعالي عشان يمديج تقعدين يشوفونج

يماااا .. بقولج شي .. تدرين اني حالفة ما أرد عليج اذا دقيتي تشطيني ؟

مالت عليج هذا يزاااي

!!!!

رحت على راحتي مع أذان الظهر و شفت كل الناس الحمدالله ما طافني شي

:))

----

طبعا كل الناس الحين تدري عن بنات خالتي اللي فجأة مايكلمون

iam talkn about

which is unusual for me only to diminish its pain

if there is any ;)

.

.

خالتي كانت متفطرة عندهم

.. و يسولفون

.. امهم كانت تتحلطم على وحدة بالمسيد .. فا ردت عليها بنتها اللي بادية الحرب معاي

يمااا ورينا اياها افا عليج احنا اربع

!!

هالكلمة اللي قالتها

.. رنت بأذني

مع عقدة الوحدة اللي احسها .. يعني ديمة ما ينشد الظهر فيها ههههههه

فا عرفت .. انهم لما يتمركزوون جدامي .. و مساسر .. و وحدة منهم تخز

يعني يكون مطبقين شريعة الغاب

.

.

.. و انا ما افهم الهلاقة الذوقية فااا توني ادري

.

.

خلصت سالفتها المنقولة من بيتهم .. جان اقول انا رأيي اللي قريتوه قبل شوية

نطت خالتي الثانية بعد عمري .. افاااا عليج احنا معاج

ضحكت .. حسيت فووق الخيل فوووووق الخيل

;D

.

.

دشوا الصالة

.

.

.. سبحان الله انا نفسيا اذا ما ابي الشخص كل لغة جسمي تشتغل

نطحت خدي يعني بوسة .. و لا عيدج مبارك ولا بطيخ

فااااا خلاص .. قصينا الشريط .. كل شي الا السلام .. ماكو خط رجعة

اول ما قعدوا حزب الظلام الله يهديهم

.

.

.

.. قامت خالتي .. من مكانها .. و قعدت يمي

و يت خالتي الثانية و قعدت يمي .. وناااااااااااااااااااااسة

.

.

طبعا لو كان الوضع العام طبيعي و غير مكهرب جان قلنا عادي .. بس الحركة كانت من قلب مقصودة

ما قصروا ..الصج اني استانست منهم

رغم الواحد ما وده يصير جذي .. مو مني والله يعلم

:/

-----

طلعنا رحنا حق بيت يدتي الثاني

.. غدااا كبير .. و ما شالله الكل ايي .. العيال و عيالهم و الانسبااا

فااا

.. بما اني اموووووت على الناس .. ابتسامة شقاقية من دخلنا لي طلعنا

.

.

في نقطة

.

.

.. بسم الله الرحمن الرحيم

لاحظت بعض الجناااين .. اي زوجات الأولاد .. يعني حريم عيال عمي

مو راضين يخلوني احبهم

!

الله يعين حمولتي .. غصب غصب غصب راح يحبوني

.. يعني من اهدافي في الحياة ههههه

.

.

عندكم هذي .. و وحدة ثانية

.. لا يعرفون يسلمون مثل الناس .. لا عندهام حجوة سنعة

اصلا وحدة منهم و اهيا اكبر مني بسنة .. سلمت ما عايدت

الثانية .. وصلة مدح في نفسها .. انا باربي انا اصيلة

!! sick

!

يا ربي داشه على اهل ريلج

.. سنعي نفسج بيض ويهه

.. و ريلها حلييييو و حبيب بعد لو كريه جان ما عليه

;Pp

الثانية أبد شخطت على ويوهنا .. سلمت على الطابور ..و اخره قالت مع السلامة

!!

ya3nee hi bye ;D

و في نماذج نيرة مشرفة .. لسه الدنيا بخير و فيه سنع الحمدالله

-----

.

.

العادة نطلع عقب المغرب .. البنات كلهم

.. انا من عمري مع الكبار .. اكبر مني ب3 و 4 سنين

كلهم تزوجوا سم الله عليهم

فااا السنوات الاخيرة

.. اضطريت اضطرارا اتقبل واقع جديد ..

اصغر مني .. بسنة و سنتين بس ااااااوف

عالم ثاني

.

.

ما بقى لي الا ثنتين من الزمن الجميل .. اللي من و احنا صغار كله مع بعض

وحدة طيبة .. من اهل الله .. ما ادري ليش تعوور قلبي ؟

.

.

والثانية .. الله رحم حالي فيها.. انه .. ردت من الدراسة بره صار لها فترة

.

.

فااا .. كل مرة نجامل الدفعة الاصغر .. هالمرة .. كشتنا من قلب ههههههههههه

.

.

غير ان قعدت قعدة سنعة مع دفعة الزمن الجميل

.. كل مرة على الطاير و سوالف و ضحك

.

.

احبهم انا حيل .. و احب كل الناس

;Pp

وايد وصلني كلام طيب جدا جدا جدا .. من ناس وايد اقدرهم و احترمهم

.

.

احلى شي بالدنيا

.. تكون محاط .. بقلوب نظيفة .. و عيون تحبك

.

.

عناد لبست اعلى كعب عندي .. ليش يقولون لي لا تلبسين عالي

هاهاهااااااااااااا

iam bad ;D