really wish to live :)

كانت جهادا للنفس

.. بكل ما تعنيه الكلمة من معاني

استوعبت فكرة العمرة الاخيرة .. و انا استعد لها بالكويت

هيئوني نفسيا .. العبارة الأشهر

سولف لي عن الأجواء .. هيئني نفسيا

!!

قدر لي الزحمة .. عشان اتهيئ نفسيا

!!

شلون الفندق ؟؟ يعني تحس انه راح ارتاح فيه ؟؟

طبعا سألته .. عبالي اخوي صج

@@

بضحكة شريرة لئيمة .. قال : نسكن فيه مع الشباب

شـبــــــــــــــــاب

يـــا لهوي

يا حسرة قلبي

انتوا تسكنون بأي مكان .. أي أوتيل عندكم ماشي حاله

لاااااااااااااااا حرام شلون يعني تفاصيل ابي انا عشان ما انصدم

؟

هاهاها .. ضحكة شديدة الريبة .. راح تنصدمين

يقولها .. بفرح .. و كأنه ينتقم مني

!!

.

.

في الطائرة .. تسلمت الشابة حديثة التخرج

.. و التي درست الرياضيات لسنوات و سنوااات

و قد نبغت في طفولتها .. بعلم الأرقام .. بلغتين .. اللهم احفظها

هذه الشابة .. متشحة بالسواد

.. و على فكرة .. تحب الطائرااااات .. و الجلوس فيها

حتى و ان كانت .. طائرة كاظمة المصفوطة منذ الأزل في المتحف العلمي

كانت بلا اي حقيبة الا حقيبة يدها .. فا احتفظت بال بوردنج

و بكل .. ثقة .. و طفااااااااااااااااااااااااقة .. تعرفت على المقاعد الخاصة بهما

طبيعي ؟

جني ما صليت الظهر ؟؟

يالا صلي و انا باتصل على رفيجي ما سلمت عليه

.

.

والله و اكبر .. و الناس و لجتها دار مداري و انا ابدا في خضم الخشوع يالله من فضلك

و تقبل علينا ذيج المضيفة .. المشهد مرة اخرى

حديثة التخرج .. اللي يقال انها دشت هندسة خمس سنين

تتعبد ..و الشاب الثلجي ..يوادع ربعه

excause me .. is this ur original seat ?

اخوي .. و لا كأن في مخلوقة تسأله

و حديثة التخرج .. تبتسم وتقول في قرارة نفسها

مسكينة هذي راح تندقر لي رزيت البوردينج بويهها

( نية شينة و الا ؟؟)

صلي يا ماما صلي

سحب الثلجي البوردينج من أمامها .. و قالت تلك اللي ما تتسمى

OH this is 45 J and u'r in 54 J :)

طبعا .. خشوعي .. هاهاااااااااااااااي التحيات كلها غلط استغفر الله

حسيت .. انها كبيرة بحقي ..كبيرة حيـــــــــــــــــــــــــــــــــــــــــــــــــــــــل

ما هموني ..المجتمع كله ما همني .. عادي يعني تصير

بس فيني انا

؟؟

لااااااااااااااااااااااااااااااااااااااااااااااااااااا

ما عليه من الصيام .. يهون علي صدمتي بنفسي و شهادتي و عمري اللي ضاع

لا بس انا ما اغلط بهالسوالف شلووووووووووون يعني و مرتزة

.

.

في مكاني الجديد .. جلست و خيبة الأمل قوية

.. أتبعها رجل يجلس خلفي .. قد تسلط على كرسيي الفقير

حتى شكيت .. أنه ناوي يخلعه من مكانه

!!

قلت لنفسي : الصبر على الأذى و هذا غيض من الفيض القادم

الصدفة الحلوة .. جعلت عدو مقعدي السابق .. جار اخي في طائرة العودة

انسان لطيف جدا

و سوالفه تونس

.. حيث اني ( قاطة اذني ) طول الرحلة لانه اخوي ما يبرد القلب

:)

تدرون نقدت عليه بشغلة وحدة بس .. داش بفقرة سلام تعظيم على شرف زوجته

!!

استغربت و استنكرت على رجل كويتي .. يمدح بزوجته هههههههه

حتى اضمحل .. مو بس زال .. استغرابي حين قال انها من

(.....)

احلف .. بالله و بمحمد رسول الله

حلف نمر بن عدوان هذااا

:D

انه عادة منتشرة بين هالصنف من الرجال .. و كأنه يريد ان ينشر ثقافة خاصة

ليست حالة واحدة ..كل رجل متزوج من غير كويتية صادفته في حياتي

يدخل موضوعها و سعادته معاها وسنعها و و بالسوالف غصب طيب

احد سألك ؟؟ أحد درى عنك اساسا ؟؟

اذا ليش ؟؟

فاصل ما عليه

:)

.

.

مطار .. جدة

وصلنا بحمد الله .. و شفت ابلتي بالروضة

:D

طرى علي استفسار .. تدري شكثر يكلف تاكسي لي مكة ؟

اقترحت نسأل الأمن اي احد قبل لا نطلع

و صج صج صج عطونا رقم محدد

;pP

its range

100-350

!!

تونا بسم الله طالعين و يتلقفنا شاب .. مكة يا شيخ ؟

بس قال اي .. و الله و يسحب الجنطة و يطير

!

اسأله جم تاخذ قبل لا نركب .. قلت ثلجي صح ؟؟

وااااااااااااااي فت قلبي يالله سأله

250

الملقوفة : غلطان اخوي 1000 احسن

هذي وحدة ما نعرفها ..اهيا ساعات اتيي و ساعات لا

;p

يا اختي سيارة 2005

الملقوفة مرة ثانية : من قال بشتريها انا 2005 و الا 2015

بعدين قررت تسكت لانه ويهه سمح الريال

و اسمه عبدالعزيز و اهيا تعز هالاسم وايد

لو كان اسمه احمد .. والا غيره جان علوم

.

.

الغريب انه نحيس .. يسولف بصوت واطي ما ادري ما يبيني اسمع ما ادري الحيا مقطعه

حتى اذا تكلمت .. يسأل اخوي .. و كأن اللي تكلمت .. فتحة التكييف مو انا

!

بس حاربته باجي الطريج

و عيني على العداد .. ما يتعامل 120 و فوق

.

.

نبي برج خمسة

ما شالله عليك اختي اشوف وين حاطينكم أول ههههه

اي ما عليه شوف و حطنا برج خمسة الله يعافيك

قد يكون من دعاء الوالدين .. او صبري على أذى الأخ بالطيارة

اخر غرفة ببرج 5 .. و مطلة على الحرم

:D

الخوف من السكن .. طار

.. لانه الغرفة قمة الحمدالله و يديدة و عجيبة و عمرهم الشباب ما طبوا ربعها حتى

:p

.

.

.

لا اطوفنا لحظة الفطور

شلون يعني قولي لي هيئني نفسيا

واي انا مليت من عمري من كثر ما قلتها

شلون اخيي بعد قلبي و يوصف و يشرح لي يا مال العافية

:)

احساس عجيب .. حين تلقي نظرة خاطفة على ساحة الحرم

الكل يدعو غيره للافطار .. مجاميع تتشكل و تنفض بعد دقائق

حلقات من البشر .. تتكون بسرعة .. و تندمج مع اخرى بسرعة ايضا

و كأنهم في رقصة تعبيرية من نوع مختلف

.

.

.

رغم اني صليت المغرب على درج بوابة الملك فهد

.. الا ان رعشة القلب اجبرت العبرات على النزول

قراءة و ترتيل .. يجعل من احساس تصاعد الروح

.. معجزة تتحقق

اللهم بارك لهم في حفظهم و تلاوتهم و امامتهم للمسلمين

.

.

في صغري .. اعشق العاب القوى .. خاصة الوثب العالي

لذا .. كان التنقل في ربوع الحرم .. و اعني هنا مصليات النساء .. متعة خاصة

:D

ضاق المكان بالمصليات .. و اطفالهن و امتعتهن

.. و بعد الافطار .. سوائل و اكياس

بمعنى ان الموانع كثيرة

.. و الطفلة المجنونة .. حكمتني حكما قويا

كان الهدف .. سطرا متقدما .. في كل صلاة

;)

سنة .. و جنازة .. و بين الاذان و الاقامة

و قد التزمت بشيء واحد في حياتي .. الاستغفار الحمدالله

من لزم الاستغفار رزقه الله من حيث لا يحتسب

وهكذا بين

وثب عالي و استغفار

:)

حتى .. حال بيني و بين غايتي مانع .. ضخم

لا مجال .. لألعاب القوى

.. الا فوق هامتها .. و قطعا ستكون قلة ذوق مني لو فعلتها

اشارة مني .. ترى بنطج .. تهز رأسها موافقة

@@

هههههههههههه .. مني اطوف عادي ؟؟

و سبابتي موجهة نحو رأسها

!

ما ادري تستهزأ عبالها مو قدها انا .. ما ادري ما فهمت

.. عموما علم يوصلج و يتعداج

انط فوق اثنين منج ترى اييييييييييي

و وصلت بفضل الله

.

.

صلاة التراويح .. متابعة لها على الشاشة

و الحين بطلع عالتلفزيوووووووووووووووووووووووووووووون

:D

تذكرون جارتي العجوز من الرباط ؟

ما شالله لا حول و لا قوة الا بالله .. صحة و نشاط و كأنها بنت 15 سنة

متى خفت انظلها ؟

لما .. فقدت تركيزي .. بعد الركعة العاشرة

كان يوم كبيس مع الارقام صراحة

سألتني ما ادري شنو .. و احلى شي اني سولفت معاها و مع تركية

و لا ادري شيقولون .. اهما يكلموني بلغتهم

!!!!!

.. فا حسيت انه اللعبة جذي

كل واحد يقول اللي بخاطره و لا احد يدري عن الثاني

;)

المهم اني جاوبتها .. بعد بقى الشفع و الوتر

امووووووووووووووووت على المضيعين و يفتووووووووووووووون بعد

طول قراءة السديس .. اطفي و اشب ..بعدين .. قواي كلها خارت

و اجاهد و اعاند ..الى ان استسلمت .. قمت اقعد شوية و اقوم و هكذا

لين .. صج صج .. قلت لا .. بموت اهني و لا معاي بطاقة مدنية حتى

!!

هل اطلع ؟؟ و هالشي شبه مستحيل لانه محاوطين بالرجال .. و الصلاة بدت

هل اقعد خلاص ؟؟ و هالعيوز ما شالله عليها .. احسن مني ؟؟ ابدا

هل اكمل و اذا غشيت عليهم يتدبسون فيني ؟؟ على هالطاري يتني البجوة

لو سمحتي باقي وايد ؟؟

هذا السؤال .. سألته لي اختي الصغيرة بالتراويح اهني قبل السفر

.. و ضحكت عليها سبحانك يا ربي .. رد لي الموقف و ضحكت علي

هههههههههههههه لسه كتيييييييييييييييييير

لسه كتير

!!

بلمح البرق .. انا طالعة برة .. و كفاح و لا كفاح بو عمار

وصلت الفندق

.. طول الطريج و انا ادعي الله يحفظني و اوصل سالمة ما ابي اطيح جدام الناس

:"(

بعد هالموقف .. اكتئبت .. و تكدرت و حسيت اني مو خوش انسانة

وانه شفيني ؟؟ و ليش ؟؟ و منو و متى وااااااااااااي

بموت من اليوع ... ابيه يوعانة .. خبري بالاكل امس

الحبيب ماااااااااا هل هلاله الا الساعة 11 و نص .. زمزم مسكر و الاوتيل ايضا مغلق

!

كسر خاطري انقلب ويهه .. ما علقت البتة قلت له عادي

اي شي على ذوقك و سادة هههه

:)

ينزل يا عله يتعشى بالجنة .. و يشتري لي من كودو

.. هل كان لذيذ صج والا ليش انه الحالة كسيفة

!

.

.

.

توقيت الطواف .. كان ممتاز الحمدالله .. الكل قال طوفوا بالتراويح

بس ربي ستر جان رحت من جيس اهلي جد هالمرة

على الساعة 1 .. خفيفة الزحمة

.. و دعيت كل اللي بخاطري و حق اللي وصوني و ذكرتهم

و حق ناس احبهم وايد و راحوا بحياتهم الله يهنيهم

و اللي اسمعه يدعي .. اتدووده و ادعي معاه

.. و اللي معاه مجموعة يطوفها و يصدح بأعلى صوته

احم احم .. معاهم

.. و ناشبت اللي يبجووون و ابجي معاهم

احس اطوف .. و تختفي كل هموم الدنيا .. اطيح شوي شوي

مبتسمة من قلب قلبي .. طايرة

.

.

سألني اخي سؤال .. شعورج بهاللحظة ؟؟

دموووووووووووع

ابيه انا مستحية من الله

:"""""(

كثيرا ما اشعر بهذا الشعور .. لكن ان تكون في بيته

و يكرمك براحة نفس .. و هدوء بال و طمأنينة ..تدعوه .. في كلمات صريحة

و اليقين يداعب حقيقة استجابة دعواتك

و في عقلك .. صوت الملائكة ترد .. حين تسأله امرا لاحد أحبتك

و لك مثله

ليس عندي شريط ذكريات يمر امامي .. لا عندي نقطة سوداء تنغص علي

لكن .. استعظم الذنب .. فيصغر عنده سبحانه

برحمتك لا بعدلك .. اصلح لي شأني كله

تدخل الخواطر .. و الشجون .. بالكويتي بالفصحى

انت اعلم مني بي .. فاصلح لي شأني كله

و اغنني بحلالك عن حرامك

من ترك شيء لله ابدله الله بخير منه

:")

.

.

السعي بين الصفا و المروة .. الى يومنا هذا ماني قادرة احفظ شنو نقول و وين

بعد سالفة التراويح .. صارحت الاخ الكريم .. يمكن انا منافقة ؟

او فيني شي يعني مو زين ؟؟

مع السعي .. استغفر الله .. و ليش انت حافظ و انا ما اقدر

اخوي : انتي صوفية ... تروحين بالاجواء و الاحساس و التفكير ههههه

مدحني؟ غلط علي؟ .. يمون

من تصير الدنيا خضرا .. استانس .. يالا هرول

تعب .. ما قام يهرول

بصراحة .. انت بلا ضمير

المحرم ما يهرول عادي

شوية .. وا لا ذاك الاندونيسي .. صج يااااااااا بعد الضمير و الذمة

متقضب مع بناته ما ادري خواته .. و هرولة عن حء و حئيئ

طبعا ما يخلونه .. صرخ واحد الهرولة مو للنساااااااااااااء توه بيقضب احرامه

و الا ذاك فوريييييييييييييييييييرة ما شالله عليه

.

.

خلصنا الحمدالله .. عسى الله يتقبل

.. و تمشينا ما ندري ليش بس انا اكيدة انه كان مضيع ههههه

يشاورني اقرع و الا لا .. اييييييييييييييييييييي قرع قرع

طبعا تدرون انه بخاطري اسويها و عرفت انه مكروه للمرأة

بس الحين قريبة من هالتحسونة

;)

.

.

فجر يوم الثلاثاء .. تم ارسال مسج للغالية استكانة قبل الاذان

ana noraaaaaaa neltgee 3n bab 3abdel3aziz fooog wara e9laaaaaaaaaat ..

قبل الأذان .. رحت على راحتي .. و كلي شوق اشوف الويه الصبوحي

و تخلص الصلاة .. و اركض مراكض .. لي باب الملك عبدالعزيز

والله .. و افرش سيادتي .. بالضبط تحت كلمة عبد

بالمركز يعني .. ما ادري ليش ذكرت المناهل

قلت عشان سيده تقرا الاسم و من تنزل عينها تشوفني

:D

تعرفون اغنية فيروز .. أد ايش كان في ناس عالمفرق تنطور ناااااااااس

هذي عني انا .. كان حولي عالم و أمة .. خلى المكان الا مني

قلت اكيد ما شافت المسج .. تشاغبت .. و امشي بالمصليات كلها

اطلطل بويووه السيدات و الانسات .. تعبت من البحث

:(

و لا شفتها

:((

و بس تعبت من الكتابة

و احس هذا اخر بوست

!!

على كل حال .. السموحة و حللوني يا جماعة