ellaa one year !!

في ذلك اليوم .. كنت بالضبط .. مثل دعاية

mbc

عيش الدور .. تسألني كيف ذلك ؟؟

احتاج ان اضيف مادة للكورس الصيفي .. ضروري جدا ان انتهي منها قبل الكورس الاول

ليس لانها مادة مسبقة لاخرى .. ببساطة .. الدكتور اللي منزلها بالصيف عجيب و طيب و حبوب و اينن

اما اللي محتكرها دب الدهر .. فهو باختصار .. صدام حسين ..هذا لقبه بين الطلبة

الشبعة مغلقة .. قالوا لنا .. روحوا شويخ .. التسجيل .. يشوفون الموضوع .. لانكم خريجين

قلبي .. قلبي .. خريجين .. سمــــعــــتـــوا

رحنا شويخ .. فوضى عارمة .. زحمة بشر .. شباب وايد .. بنات وايد .. مكان اشبه بكاونتر الكويتية بالمطار

نسأل .. طبعا كل واحد يودين حق ثاني .. و الثاني ردنا حق الاول .. باختصار .. لعبوا فينا

بس لاني ذاك اليوم كاشخة .. و مستنانسة .. تجاوزت البهدلة اللي كانت

روحوا العمادة .. طلعنا .. سألت الامن .. وين العمادة ؟ قال : شفتي المبنى الاحمر اللي هناك هوا ده

طريقة كلامه و نبرة صوته .. حسستني انه ابد خطوتين و انا هناك .. طقيناها مشوة .. وكان بعيد

بعيد .. بالسيارة اكتشفنا هالشي .. لما عبرنا المسافة اللي كانت قبل لحظات .. مشيا

مشكلة نساء الكويت .. انهم يتكلمون بطريقة متعجرفة .. اذا كانت سكرتيرة

بس هذي اللي صدفتها بس من كثر ما بطت جبدي عممت على كل النساء .. فاا سوووري

اقولها .. قالت لي وحدة ايي اهني .. تقولي من طرف طرف خشمها و اخر نقطة في نفسها " ما ادري شنو يعني " .. مستحيل !!! ابتسم شلون مستحيل ؟؟ ليش ياية اهني انا ؟ و اهيا تتفحص لبسي و تتمنظر بطلتي

لالا مستحيل .. سألي هناك .. يعني اهيا ما قالت شي .. بس حسستني اني بزززززززززززززززز

و افتكر حاطينها تواجهه الناس .. المفروض تشتغل على مهارات التواصل المبسطة

دلونا على الموظفة المختصة .. بالمبنى اللي كنا فيه .. مو الاحمر .. لا الزحمة المووووووت

هههههه .. فجأة .. بنتين .. كل وحدة ماسكة ورقة وردية .. و هندي يصورهم

تقول له .. انت ليش تضحك هااا ؟ تخرجت انت عشان تضحك ؟؟؟ احنا بس نضحك ههههه

انا ما ادري شكووو .. مبروووووووووووووووووك

تقولي .. تهقين يتسلط علينا دكتور و ما نتخرج ؟ قلت وييييييي .. بروزي الصورة .. روحي له .. و طقيها بجوة

على الصورة مو له بس جدامه .. لوووووووول

الحين نبي نرجع المبنى .. نشوف الباصات تخطر .. شلون نظامها ما ادري .. وقف واحد .. سألته وين ؟

ما ادري وين أشر لي و مشى على ويههي

يا ثاني.. ثالث .. ابيه صرنا هذيل اللي يأشرون .. مو قطاع طرق ههههه لا .. عابرين سبيل

ما وقف الا لما استعرضت بنص الشارع .. ضحيت بنفسي يعني

يأشر لي اربعة .. قلت له انا بس واحد شنو اربعة .. طلع يقصد موقف رقم اربعة ههههههههههههههه

وحدة حليــــوة .. قالت لازم تنزلون لانه بيوديكم بعيد .. قلت والله لو ماشية اللي مشيناه جان قعدتي حتى لو بيروح العبدلي

قالت تبون اوديكم ؟؟ هااهااااااهاااااااااا اخيرا سمعتها

انقز رفيجتي .. اخاف بعد ما تحب و الا دعلة .. لاني جدا عادي .. ما حست الحلوة .. قلت ما ادري انا عادي

و اضيف .. انا واصلة مرحلة .. كنت بركب وانيت قبل شوي .. و كنت شبه بركب مع اي احد بس اوصل

اشوه انج بنية هههههههههههه

الحين .. وصلتنا ما قصرت .. اقولها انا ما راح اشوفج .. بس والله ما راح انساج انتي انقذتيني

القاعة .. سكروا بابها .. لان بطاقات دفع الرسوم خلصت .. فا الجماهير كلها بره

وصلت الباب .. ورااااي امة لا اله الا الله .. الامن : مافيش كرووووووووت .. انا ما ابي كرت دفعت خلصت

جاااااااااااان .. يسألني بأعلى صوته .. لاحظوا ان وراااي كل شباب و بنات الكليات .. الا شوية

انتي خريجة ؟؟ بكل شموخ و أنفة و كل شي : اييييييييييييييييييييييييييييييي

دخلني .. المسؤول كويتي .. وين يبه وين .. خريجة ؟؟ اييييييييييييييييييييييييييييييييييييييييييي

اكبر من اللي قبلها .. و اكثر ثقة

وصلنا حق الموظفة و الكل يستفسر خريجة ..؟ و انا ارد اييييييييييييييييييييييييييييييي

مو بحماس جني مو مصدقة .. لا لا عادي اعطي احساس اني كل يوم اتخرج كككككككخخخخخخ

الموظفة زووووووووقة .. جدامها طوابير .. اي كلية ؟؟ هندسة .. اكشخ

تعالي جدامي مااسمعج .. كلهم تحركوا عشان ادخل .. الا وحدة .. نحيسة .. وقفت اطالعها .. طبعا مقفاها .. تضحك اللي يمها

تقولي دخلي .. قلت لا لحظة.. موجهة حديثي الى النحيسة : لو سمحتي شوية بس عشان ما اضايقج .. و ادخل غصبن عليها

احلى لقطة ... لما بدت تحسب المواد اللي باقية ... و انا طاااااايرة ... اكتبتهم كلهم ... شووووية

قالت بس وايد عليج تعب .. تتخرجين كورس اول .. قلت لا اقدر ان شالله

و اطالع ورقتها .. الله صج الايام تركض .. الحين بس هذا اللي بقى من عناء السنين

وراي وحدة .. عيزت و اهيا اووووووووووووووووف و اووووووووووووووووووووووووف

منقبة البنت .. مما زاد الحنق و الغضب عندي .. لان عندي فلسفة بخصوص الموضوع

يعني تبيني اطير ..؟ ما ادري

لفيت عليها .. اختي الله يعافيج .. لا تتأففين علي الاخت تكلمني

قوية .. ما ادري شياني ذاك اليوم

..................................

رنين كلمة خريجة .. و كثرة سماعها ذلك اليوم .. خلتني اعيش الدور بكل اقتدار .. رديت البيت فرحانة

امي تضحك و ابوي كذلك .. الكلمة سوت فيج جذي و اهيا مو صج .. لو صج

انا خريجة .. بس ان شالله السنة الياية هههههههههههههههه

ya3nee '7reeja ELLA one YEAR ;D