a TeAr !!

وقفت .. فرحة بحضورنا .. تلمع عيناها ..

بريق ابتسامتها .. صفاؤها..

بساطتها ..

همها .. وحدتها .. فقط لا غير

و ياله من هم كبير

اختارها سبحانه .. حبا بها

اعطاها البراءة .. طول حياتها

و قدر لها عقل .. طفل

قمة في الشفافية ..

اراقبها .. خفية .. و اتعجب

كيف اكون و تكون ..

كل منا له عالمه

لم نختر اسماءنا .. لكي نختار وضعنا

تتكلم .. بانطلاق مقيد !! و قيد منطلق

تقول كل شيء .. و اي شيء

قد تصدمك بطلب جريء .. لو صدر من انسان غيرها

لقلت .. وقاحة

لكن .. عندما تطلبك .. هي ..

تهديك معها .. ابتسامة رقيقة ترسمها بلا تكلف على محياك

وجودها في حياتي .. يدخلني في حالة من التفكير

تفكير هادئ .. عميق

نعم .. تأمل .. هو اقرب ما يكون الى التأمل

تدرك حين تراها .. كم انت محظوظ .. و تفكر .. بعدها .. لماذا هي ؟؟ و لماذا انا ؟؟

الاقدار و التقدير .. عنده جل و علا

لكن .. لا ضير من الخواطر النقية .. بلا تشكيك و لا شطط

عندما التقيتها .. قالت منفعلة: اخيرا شخص اتحدث معه !! و الجميع حولها

في المزرعة ... اشعلنا نارا جميلة

تصيح في .. ديري بالج اخاف عليج

كل مرة اقترب من النار .. و كل مرة يحتقن وجهي حابسا دمعه

تملك احساس عظيم و رقة رائعة.. لكل الناس

صدح المؤذن .. الحت ان نصلي معا ..

تعرف اتجاه القبلة .. اردت ان اثق بها .. شعرت هي بذلك .. لما تملك من ذكاء فطري

اخجلتها .. فلم تنظر الي !

مواقف كثيرة معها .. تتعصر قلبي .. ليس حزنا او الما

لا .. بل لاني اعرف يقينا .. انها وجدت في حياتي .. بهذا القرب .. لهدف معين

مرة وحيدة .. اردت ان اموت فيها

كانت اختها تعنفها .. فلم تحتمل مزيدا من الاهانات

دخلت الغرفة .. رافضة الخروج .. استعطفتها كي ادخل .. وافقت اخيرا

لن انسى الموقف ابدا ..

على طرف السرير كانت .. وجهها باتجاه الحائط

انا خلفها جلست ..

نور .. كلميني .. مو احنا صديقات

حتى اضطررت ان امسك بها .. و ادير بيدي نظرها الي

رأيتها .. دمعة ..

واحدة ..

بصمت .. صاخب

سقطت دمعتها .. حاملة كل المشاعر .. مشاعر لم يسعفها عقلها الجميل على تفسيرها

لم تنقذها كلماتها الحلوة فتعبر عن ما بها ..

عندها فقط

ادركت ما هي .. الحياة

ناظرني بطرف عينه و قال: لو تفارقنا اموت .. و افترقنا لا رسايل و لا صوت

وكنت دايم اسال يا ترى وش صار فيه ؟؟

قالوا مبسوط ما عليه... صار احسن... ابتسمت و قلت هذا اللي ابيه

بس ما ادري كيف صدقته

....

يوم قال لو تفارقنا اموت

و بعدييين

اصعب شي عندي .. التعامل مع الانسان المزاجي .. و اللي يعاني من نقص معين

المزاجي .. يحكم عليك .. و يسيرك على موووده .. و هذا اللي مستحيل يصير .. يعني يوترك .. ما تدري تسولف عادي .. و الا تتكلف معاه .. تعطي من قلبك .. و الا تتحفظ .. خاصة اذا كان يهمك و تحبه ..

يعني انا اعرف شخصين فيهم هالصفتين للاسف ..

ام المزاج .. اليوم تبي تسوولف .. ايييييييييي اي... تسولفووووووووووووون معاي غصب ! تاخذ و تعطي بالكلام

الاسبوع اللي وراه .. والله بالنظرة ترد .. من زووود الرقة يالله من فضلك

يعني كبير اللي جدامها صغير وسط اللي اهوا .. مو المووود تتكلم .. خلاص .. تختبر ذكائنا .. على اساس اللبيب بالاشارة يفهم

الثانية ..

لا تعاني من عقدة النقص .. عاد النقص بشنو بالضبط .. هذا حديث يطول و لا يسع الوقت لذكره ..

فجأة .. فجأة المفاجأت .. الحمدالله الله لا يبلينا و يشفيها

قررت .. ما تتكلم مع احد .. المفروض انه ربع انا معاها ... ههههه المهم

دشت عالم غير .. و هناك بدلت الشخصية .. فااا شلوون

انا اعرف حقيقة حقيقتها .. ما راح اتقبلها بال

new her !

ما ابي احلل حالتهم .. ابي القى امثل و ارقى طريقة للتعامل مع هالنماذج من البشر ..

الفكرة .. اني ما اغير من نفسي .. انا قاعده احاول اقلل ردود الافعال كثر ما اقدر ..

لانه الانسان القوي .. يفعل اكثر من انه مجرد يرد الفعل ..

بعد تفكير مو طووويل بصراحة ..

قلت ماكو اريح من التصرف بعفوية .. اذا حسيت انها قالبة اليوم .. و الا لي الحيييين ما طاح اللي براسها ..

اهما او غيرهم .. انا هني اقصد التعامل اليومي مع مختلف الاشكال و الالوان ..

العفوية الطيبة .. مو الساذجة و لا الغبية .. يعني ما اتصرف على اساس فعل اللي جدامي .. و لا اشوووف خاطره هااا راضي و الا مو بالجو ! لالا

اقوول اللي ابييه .. للي ابيييه .. و اللي ما ارتاح له لاي سبب .. او فيه شي يضايقني مهما كان ... ما في داعي كلش للمجاملة ...

فااا اللي صار مع هالثنتيين ..

الاولى ما اذكر اني وجهت لها كلام مباشر .. يعني فلانة جذي و جذي ..

و الثانية .. ما اعطيييييها اي اهمية .. ابدا ..

و هالتصرف مني ما كنت مخططة له .. يعني عفوي جدا .. و عرفت حقيقة بعد ما طلعت و زال تأثير اي شخص ..

يعني قيمت الموقف و عرفت انه الحيين بس ارتحت الحمدالله

انا فتحت الموضوع مع امي .. قلت يمكن انا حساسة زيادة ..طلع رايها من رايي و اعنف بعد ... فاااا ثبتت الرؤية

الناس ما تبي من الواحد الا الكلمة الحلوة .. يعني النفس اللي واصلة السما و الحواجب اللي لييييييييييييييييييي ما ادري ويين

وين بتوصلهم .. اذا ما نحب اللي حولنا و حوالينا .. و نحببهم فينا مو لاي سبب الا لانه في شي اسمه عيش و تعايش

شلون نقدر نحب روحنا .. انا مؤمنة .. انه اللي ما فيه خير لاهله .. مافي خير للناس

و بس .. هذي تطورات بالنسبة لي بصراحة .. لاني احب الناس لووووووووووووووووووووووووووووول

خايف .. انا خايف

لو امشي لك سنين

و يجف نبضي من الضمى .. و انزف حنين

ما نلتقي

i LuV U 9ij !

hehehe .. every body laughs at me when i say that !

بصراحة بصراحة .. احس اني اكثر انسانة تحب اهلها ! مشكلة

اطار الاهل يمتد الى ابعد شخص .. بس انا صج صج احبهم

بيتنا مثلا .. مثالي لاقصى حد .. بعيوني اكيد .. ما اتخيل اني اشيل شي فيه أو اغيره .. الا حرص امي الزايد على النظام

يعني وصلنا الى مرحلة .. طماشة .. مسرحية يومية .. مشاهد درامية و كوميدية لييييييين قبل .. ناس تبجي وناس تضحك

احلى شي .. تقعد بالصالة .. و تمر عليك احداث جدا مضحكة اذا كنت انسان ايجابي .. و جدا عسيرة اذا كنت بمكان امي بعد عمري ..

كل واحد من الرعية له ملكوته الخاص المميز و المتفرد .. عالم اخر .. مزاج مختلف ..

شخصيات عجيبة ..

حمد .. مفكر .. يمشي على مقولة انا و من بعدي الاخرين ..احلى ابتسامة بالدنيا .. يحبني بس يكابر ههههه

ناصر .. خفة طينة ..حنان.. رجولة مبكرة جدا ..على قلبي لو شنو .. يعني احسه سندي بالدنيا

فواز .. ماخذ القلب .. مهما يسوي .. انسان مينون .. حدوده الفضاء..اقول حق امي مبدع تقولي قصي على روحج هههه

براك .. عبقري .. له مستقبل .. لكن .. احساس مزمن بانه مهضوم الحقوق ..عنده قدرة على الاستفزاز مو طبيعية

ديمة .. ههههههه .. فنتق الفناتق .. تخيل طفلة .. بلسان إمرأة .. كل شي منها حلو .. فيها حناااان عجيب

رغم كل هالمواصفات المتنافرة نوعا ما .. الا ان المستقبل ان شالله راح يكشف عن اروع أخوة بالدنيا ..

اذا مو بالطيب .. هههه غصبن عليهم ..

اختهم الكبيرة .. و متحملة سخافاتهم كلها .. يحق لي

و ترى هذي عقدة..اي اعترف انها فيني .. تسمى .. استحلال الاخوان الاصغر ..

a7la eNG

Oprah !!

اكيد الغالبية يعرف المذيعة المشهورة .. برنامجها يونس .. حبة فوق و حبة تحت .. اتابعها لاني استمتع بطريقة تقديمها لافكارها ..
اللي لاحظته ..في حلقاتها
wildest dream
هذي حلقاتها مشهورة لانها تحقق احلام اللي تختارهم من المرسلين لها .. مهما كانت
يا ربي والله تابعت .. و تابعت .. و تابعت
انطر حلم يبرد القلب .. حلم احسه يستاهل يتسمى حلم ..
والله ما تتعدى احلامهم ... انهم يلتقون بنجومهم المفضلين .. يا ماااال العافية لي و لكم ..
و صراااخ و نيااح .. و مطااامر .. على شنو !! الحمدالله على العقل .. يعني اللي استنتجته و حسيته من هالحلقات كلها...

هم الاتي :
-مجتمع مادي غريق
-لا هوية و لا ذكاء
-انعدام كلي لمعنى القدوة الحقيقي العميق

مع انهم شعب طيب .. لكن كل الاحصاءات تأكد انهم شعب غير موفور الذكاء .. مع انه اللي نشوفه احنا العكس ..
ليش ؟ لانهم يملكون اقوى اعلام في العالم .. فاللي يبرزونهم اكيد ناس تبيض الويه .. عشان جذي ما ندري عن اللي حاصل في واقع حياتهم !

انا ماني غافلة عن الحقيقة اللي تصعق .. في من هالنموذج عندنا مع الاسف لكني دائما و ابدا ابقى على درجة تفاؤلي العالية و الواقعية
انهم محاطين بناس يهتمون فيهم , يدرسون حالتهم , مختصين , اولياء الامور و غيرهم
كافي حملات غراس وركائز .. يعطيهم الف عافية .. يعني في اهتمام .. و مرده يرجع لوعيه و تروح كل هالسوالف و يبقى الزين
الحمدالله .. لو كان الشاب غير مثقف .. يعني ما قرا بتاريخ الاسلام و لا شعر بالشخصيات العظيمة اللي كانت تقود العالم في ذاك الوقت .. يشوف بحياته اليومية .. دكاترنا و شيوخنا و دعاتنا .. ما شالله عليهم بارزين بوسائل الاعلام و الندوات و غيره..

حتى لو ما كان عنده ميل للملتزمين دينيا .. شخصيات اقتصادية .. اجتماعية .. رياضية و غيرهم كثير ..
موجودين و حاضرين بانجازات حلوة .. باخلاق احلى ..
لو خليت خربت .. لكن نحتاج الى اعلام قوي .. يظهرهم للمجتمع و بس .. لا يملع و لا يمجد فيهم ..

ما ادري اذا وصلت الفكرة اللي بعقلي صح ..اذا امريكا اقصى حلم لفتاة عمرها فوق 25 انها تمسك مطربتها و تصور معاها .. و بس
و غيرها وااااااايد و الاسخف ياااي بالطريج ... فاا اقوول الحمدالله ... اذا نبي نختار مثل اعلى ... له انجاز محترم و مفييييييييييييد رااح نتعب من كثر النماذج النيرة اللي عندنا ..
تفاؤل و نظرة صافية و تصير الحياة اروع ...

خواطر من كتاب

" اكثر الناس تستهويهم الشهوات,والقليل منهم يدفع الإغراء ويدافع عن نفسه حتى ينتصر"

شهيد المحراب بقلم عمر التلمساني

قال رسول الله-صلى الله عليه وسلم-:" لا يقدر رجل على حرام , ثم يدعه ليس به الا مخافة الله, الا ابدله الله في عاجل الدنيا قبل الاخرة ما هو خير له من ذلك."

ابن كثير ج5

اقرأ حاليا الكتاب الاول , يحكي عن سيدنا عمر بن الخطاب-رضي الله عنه- و قد بهرت اكثر بهذه الشخصية العبقرية, لكن الموضوع هنا ليس ذاته رضي الله عنه, انما الحقيقة النفسية التي نجدها في حياة هذا الصحابي الجليل.

الانسان قادر على كبح جماح نفسه,قادر على لجم شهواته,قادر على الاستقامة , اذا هو قادر على كل شي -بإذن الله- اذا كان مقتنع بما يرغب و تتحقق لديه الرغبة في الفعل.

كنت اذا ما جلست مع نفسي احاورها .. اقول.. ما اجمل زمانهم .. طهارة و صفاء.. يكفي انهم نهلوا و تربوا من محمد عليه الصلاة و السلام.

كنت اغبطهم على هذه الميزة التي كانت لهم , كيف يعقل ان نجاريهم في دينهم و اخلاقهم و سلكهم !!

ثم قرأت الحديث الذي يبن فيه رسولنا الكريم مدى شوقه لاحبابه , الذين يحبونه و لم يروه .. فرحت اشد ما يكون الفرح .. شعرت بان الله سبحانه اراد ان يحيي فيني ما قد فتر من عزم و تأمل..

كذلك .. كنت مبهورة بالمثالية الساحقة التي وردت عنهم .. و هم كذلك ولا يمكن ان نزايد على كمال حياتهم ..

فهم خير الناس .. اصطفاهم الرحمن لرفعة الدين الذي انزله لبني ادم..

هذه الفكرة .. اشعلت في روحي قبس من الغيرة الايجابية .. وددت لو كنا اقرب ما يكون لحياتهم التي كانت ..

لكن مرة اخرى .. اراد الله ان يفتح لي افاق اوسع .. كنت اتابع برنامج متميز للشيخ د. محمد العوضي " بيني و بينكم " و ذكر بان الرذائل و المعاصي كانت موجودة في ذلك الزمن القدير.. لكنها كانت مخفية .. منبوذة .. و محاطة بسبل واسباب المعالجة..

هم بشر مثلنا .. لكنهم تعلموا الدين على اشرف و اطهر يد .. سمعوا القران الكريم .. من اشرف الخلق ..

يكفيهم ان رسول الله ربط حبه بحبهم .. و كلنا يعلم ان لا يصح الايمان الا عندما يحب المرء الرسول-صلى الله عليه وسلم -اكثر من نفسه و ماله و ولده...

قال رسول الله:"لا تسبوا اصحابي, فولذي نفسي بيده لو ان احدكم انفق مثل احد ذهبا , ما ادرك ما مد احدهم و لا نصيفه
."
زمن الفتن الذي نعيشه الان .. يحتاج الى اقصى الجهود .. و اعلى تركيز كي يسلم الانسان بدينه و نفسه .. لكن ايضا يجب ان نرقى لمن هم اعلى من مكانة و نقتدي بهم .. بصراحة قراءة تاريخنا الزاخر بالعباقرة و الفضلاء احلى و اروع بالنسبة لي من قراءة افكار اي كاتب اخر ..

a7la enG

HApPy 3eEeD...

ها قد ذهب العيد ... يحمل معه اجمل المعاني ... و يعدنا باللقاء القريب ... احبه ... اشعر انه يفرح بنا كما نفرح به

اجد الجميع .. يردد .. لقد تغير العيد .. او انه للصغار منا فقط ! هم من يشعره و يتحسسه و يتهلف له

لكني اقول .. انني انتظره .. و اتوق للقياه .. قلت باني احبه .. له جوه الخاص .. الحميم .. يغمرني به حتى لا اكاد افيق الا على كلماتهم السابقة .. فاقول بيني و بين نفسي .. ياااااه لما كل هذا التشاؤم .. هو العيد نفسه لم يتغير .. بل يتغير حسب نظرتنا اليه ..

من يريد الفرح يلقاه .. من يسعى للسعادة يجدها .. و لن يتحقق شيء..

من ذلك الا عندما نحب انفسنا بكل ما فيها من عيوب .. و نسعى للمثالية

للتفاؤل اكبر مكان في روحي ... دائما الغد افضل ... و سيكون بعد غد افضل منه .. كيف لا ؟ و الله عند حسن ظن عبده به

مهما صار و مهما بيصير ... الله عالم بالنوايا ... و اعلم بما تخفي القلوب ...

اللهم اجعل سريرتي اطيب و انقى و اصفى من ظاهري

a7la ENg....

DoN't SEnd BAd SigNALs 2 Ur Brain !!!

مشكلة كبيرة و عويصة و عظيمة و و و و الخ من كلمات التهويل .. من منظوري الشخصي اكييد .. ان يمدح الانسان نفسه
او يذكر صفاته الحلوة.. من حقه .. اي من حقنا كلنا .. لكني اتضايق او شبه اتضايق من هالطبع .. اللي في كل الناس .. و انامنهم
ليش ؟ لاني احب ابني افكاري و استنتاجاتي الخاصة و الخاصة جدا .. اللي انا و انا بس استخلصها من احتكاكي بهالشخصية ..
فاا لما هالانسان يعطيني اياها جاهزة .. يكون اثر علي و لو بشكل بسيييييط
و بعدييين احس و كأنه حد من شخصيته ..
ya3nee he/she framed themselves !! that's the way i express it all the time !!

انا احب اتعرف على الناس .. كل الناس .. احب اسمع .. و استااانس لما يتكلمون عن حياتهم و افكارهم

.. لكن ما احب انه يحدد لي
حدوود شخصيته و اقصى قدراته

.. يمكن لاني من النوع الطموح و المتفاءل جدا الحمدالله

.. لذلك ادري و مقتنعة انه اخطر شي على الانسان .. الرساااائل اللي يطرشها حق نفسه

.. لما اقول انا حدي اقرا كتاب كل سنة !! اهني العقل ياخذ هالمعلومة و يخليها حقيقة
بالتالي .. نقص هالشخص من طاقته اللي ما عرفها اصلا .. لكنه حكم عليها لفظيا .. و تحولت الى فعل

في مقولة حلوة قريتها .. تقول انتبه الى افكارك .. لانها شتصبح افعالك قريبا جدا !! لنحذر في سبيل تطوير الذات
a7la enG

حسيت بمسؤلية

شهر رمضان الكريم فرصة لتجديد العهد و الوعد مع الله سبحانه و تعالى , فرصة لا تأتينا الا مرة واحدة في العام الكامل

لو نتخيله معرض يعرض لنا قطع نادرة , و ليش قطع نادرة , الموضة هالايام معارض لسيدات االكويت و بناتها وانا اشجعهم مع اني ما رحت الا مرتين , والله انه الناس اتسابق عليه و يصير حديث الناس و تتهافت عليه الجماهير و غيرها من مظاهر الحرص على استغلال فرصة وجود المعرض الفلاني او العلاني , يعني الحرص موجود في النفس البشرية , لكن متى ؟ على مشتهاتها طبعا

اللي اثار الشجون و ارق العيون و شبه هز فؤادي , هو منظر يمكن ألفناه الان و اصبح هو السائد

, رحنا الخميس المنصرم سوق شرق

ادري انه قلعتي و استهال اللي ياني من انفعالات لانه شماااااااااااااااااااااااااااااله رايحة !!! يارتنا كل مرة تطلب امي انه تشوفنا بمكان فالوالدة الغالية فشلت منها وخااصة انها شبه لمحت ان هاااا ترى باخذ بخاطري , فا شدينا الرحال و توكلنا على الرحمن ,, وصلت المكان اللي نسيته اصلا من طول مدة الجفاء اللي وقع بينا و ما تدخلوا الا العذال للصلح . امواج من البشر من شباب و بنات .. مثلنا يعني ما فيهم الا العافية , بس والله اني حسيت بالاجواء كلها ضياع !! اشكال متشابهة كلهم نفس الشعر و نفس اللبس و نفس كل شي , ضاااق خلقي و تكدرت , في منهم صغار حيل الله يحفظهم , و في من كل قطر اغنية

شرق الله يساامح القائمين عليه خربوا علي ... ما سمعت اغاني الا مالوت المسلسلات .. طلع عندهم مسابقات ما ادري شنو و طبووووووولهم شااااااااااااااااااااااااااااااااااااااااااااااااااااااايله

و المسجد الكبير هااا كاهووو حذفة عصا ... واااي و انا اكتب عورني قلبي ... يعني شدعوة عشر اواخر حتى ما تصبرون

انتابني الضيق و تملكتني الدهشة و خيبة الامل و الاصعب احساسي اني مسوية انجاز و اني احسن من غيري و هذا شي انا ملغيته من مجمل احاسيسي في سبيل خطة تطوير الذات ... حسيت بالمسؤلية تجاههم او بالاحرى تجاه المجتمع ... ما طرت لي فكرة تخليني اساهم لكن صج صج ما ابي اروووووح اتووووووووووووووب و الله اتوووووووووووووووووب

و اذا دقت يارتنا و ضاقت علي الدنيا من االاحراج ... باخذ موقف و نروح بايام عادية او نروح الكوت اللي صار ملجأ لاغلب العوايل الكويتية اللي تبي تطلع ترفه عن نفسها و تسووووولف و تسمع سوااااالف بعضها مو نقرا شفايف

اللهم اصلح شباب الامة و بناتها

اللهم اصلح شباب الامة و بناتها

اللهم اصلح شباب الامة و بناتها

بسم الله الرحمن الرحيم

شعور غريب يراودني ... لكن فيني ضحكة !
معقولة انتقلت من مرحلة خواطر القلم و الصفحات البيضاء .. الى
Teck tik teck ... KEyboard 'N a screen !! weLL ...why not ?!

كملت 21 ربيعا من جم يوم ... فلك ان تتخيل الكم الهائل من الافكار ... القرارات ...الاحلام و الامال
كلها انهمرت مرة وحدة ... لا مو مرة وحدة ... نقدر نقول كانت طول هال20 ربيعا تطبخ على نار هادية ... و الحين استوت و علي بالعافية ... مو سموه " سن الرشد " يعني نضج و عقلانية ... اكيد نسبية !

الفكرة حلوة ... مو يديدة علينا ... كنت اتابع وايد
BLoGs
لكن بثانية اجدمت على الخطوة ... ليش؟
... لاني بهالانطلاق ارتب افكاري ... و افهم حياتي اكثر ...
مبدأ الشفافية مهمة جدا ... المصداقية ...اختها... بنت عمها

... ما ادري بس الرابطة جدا قوية و انا وايد اتلزق فيهم ثنتينهم ...

... فا لما اكتب افكاري و تعليقاتي ووو ...
.. -احس ان هالمكان يكفل لي بقاء هالعلاقة بينا -انا والخوات او بنات العم نبحث صلة القرابة بعدين

اهااا ... يمكن هذا تفسير غرابة ما راودني من احساس
!!!
بسم الله نبدأ والله المستعان ....

A7L eNG...