My LAiser EYes ;Pp

this is the top week .. in stupidty ..

i've done silly .. stupid things .. lain gelt bs !!

kel shy .. was done in the most bad way !!

LAst week .. kan week of " na7asa n netHala "

this week is the week of " '3aba2 w gel san3 "
..................................................................................................

اول مرة بحياتي .. افكر .. اني ما ادخل امتحان .. مجرد عبور الفكرة على خاطري .. أورثت ألم في معدتي .. و قرصة في قلبي

الامتحان .. اااااااااااااااااااااااااااه

لست من الذين يتوترون .. او يخشونه ..لا بالعكس .. خاصة في فترة دراستي الجامعية

يعني مو بس مسكبة الدنيا .. الا مريحة روحي اخر راحة

اصلا .. اخر همي .. و اذا احد قالي معدلج و الا بطيخ .. أرد .. وصلت و الا ما وصلت ؟؟
وصلت و كاني الحمدالله ماشية

ترقبوني بالمجال العملي .. لاني لن اجهد نفسي الا فيه .. و لن اثبت قدراتي الا من خلاله

دكتور .. عجيب .. حيوي و نشيط .. جدا فاهم .. و شرحه عجيب

المادة .. جوانب قانونية مهنية .. شلون نتهاوش مع المقاول بذرابة على قولته

وايد احب المواد اللي تعتمد على المنطق و الفهم العام

لذلك .. قررت ا ن شالله .. يكون تخصصي الدقيق
my minor ... CONSTRUCTION OF MANAGEMENT ...

سألت الدكتور سؤال .. طار من الفرح .. و المهندسة نورة .. و مثلا المهندسة نورة .. كل مثال يقوله رازني فيه

شين زين .. كله انا هههههههههههههههه جدا ارضى غروري سماع اسمي و قبله اللقب الفني

اللي فجأة حسيت اني وايد احبه

خلصنا الكلاس .. رحت اكلم دكتور ثاني .. الا هاللي يايني .. نورة شلونج ؟

الحمدالله توني معاك بالكلاس هههههههههه ... اخاف عباله مو حاضرة بعد شدراني متعقدة انا من الحضور و الغياب

قلت دكتور فلانة الفلاني تذكرك بالخير وايد .. و تقول انك احسن دكتور يأسس بالمادة اللي الحين شغلها كله تطبيق لها

و كلامي صحيح الف بالمية .. ما يبت شي من عندي والبنت موصيتني اقوله

قال لي ما انساها اكيد .. ذكاءها وراثة من ابوها ما شالله

بس انتي ... سكت !! قلت ويييييييييييي لا يطب فيني شاف التبلتع عباله قد الحركة والله ابجي

انتي ما شالله ... و انا قمة الثقة ... ظاهريا بس ... يا ربي شنو بيقول قام يقطع ههههههههههههههههه

ذكائج ... يـــــــشـــــــــــــــع ... من عيونج

جان اطرق برأسي خجلا .. صار لي ساعة مبققة عيوني بويهك دكتور ناطرة صدمة لوووووووووووووول

قلت مشكور و الله انت اللي تشحذ تفكيري ... و الا غيرك ادخل و اطلع و لا افكر اتعب نفسي و اتكلم

الحين ... قلت السالفة حق عائلتي الكريمة

امي : يا حليله .. جان قلتي له عطني بونص
ابوي : لا تعليق .. نظرة غريبة..ليش ما سألتيه تعرف فلان الفلاني " زميل ابوي و كان طالب عند الكتور" و خذيتي رقمه لانه فلان يبيه
حمد : شرايج تعزمينه عشان يتأمل عيونج عدل
ناصر : اي اي نقعد بالحديقة مع النور يشوف احسن

ماكو تشجــــــــــــــــــــــــــيع للذكاء المشع بالبيت هذا يا ربي ساعدني

;D

امتحاني ... اللي امس كنت مقررة ما امتحنه و تعوذت من ابليس ... اشك اني مستغفلة و اخواني الطلبة و الطالبات فيه

حدي كنت تعبانة .. و مريضة .. و اهيا مادة عسل على القلب

STRUCTURAL ANALYSIS

سبب الشك .. مستحيل اصدق .. مهندسين و حالتهم حالة .. يقعدون يحلون مسألة اربع خمس صفحات

كل محاضرة .. تقثني .. لازم اسأله .. يعني مافي سوفت وير ؟؟؟

يقولي لا .. دكتور يعني معقولة ماكو سوفت وير بس ادخل الداتا و يطلع لي السلوشن ؟؟

رده يا ربي مو مقنع .. و فيه لحظات بوووووووز طويلة نسبيا .. جنه يخش عني سر

المادة وايد حلوة ... لانها تحليل و حسابات وايدة ... تونس بس مو مال امتحان ... هوم ورك يمكن ارضى

انا احبها .. و دكتوري احسن واحد يدرسها .. بس تنظيمي للوقت فاشل .. و مشكلتي الثقة

الحين ذاك لما اكتشف فيني الذكاء سم الله عليه .. قلت بقلبي .. لو اني ادرس مثل العالم .. او حتى اهتم من صجي

جان علــــــــــــــــــوم .. بس لو تفتح عمل الشيطان .. و اعوووووذ بالله من الشيطان

خلاص هونت .. بقعد على حالي .. لا ايني الشيطان

شفتوا شلون الانسان يقدر يقنع نفسه باللي يبيه .. حتى لو قص على روحه و لف و دار

سبحان الله