sOo wET .. really WET ;P

من حق الطفل ان ينطلق ... كما يجب ان يكون الانطلاق

من حقه .. ان يلعب .. ان يبعث .. ان يكتشف .. و يستكشف .. يركض في كل مكان

يقع .. يبكي .. يضحك .. من حقه .. ان يكون طفلا

في حضرة الطفل .. كبيرا او صغيرا .. ذكيا .. او غبيا

مستحيل .. ان يروادني اي حرج او خجل .. من فعل يفعله او كلمة يقولها .. نعم مستحيل .. قد تجدني انفجر ضاحكة

او .. مناقشة له .. مضيفة له افكارا جديدة

من يرفض .. حقيقة الطفولة .. و يجبر الصغير .. ان يتصلب في مكانه .. مسموح تحريك مقلتيه فقط

انسان .. غريب .. متسلط .. يسلب من الجمال مسحات و لمحات .. كيف اذا يكون الطفل طفلا حقيقا ؟

من تحرص على مخاطبة ولدها .. بالانجليزي .. و كلها أمل ان يشعر الجميع بهذه الثقافة العالية .. حتى انها قد لا تمانع من تركيب ميكروفون لكي يسمع من لم يصله صوتها

لماذا التعقيد ؟؟

احلى شي .. سوق شرق .. النوافير اللي بره

جان في يوم .. شفتوا صبي جميل .. ياخذ

shower with out a shampoo

فهذا فواز الغالي .. و اذا شفتوا بنت منقووزة مطفووقة كلها خبة .. و اكيد اتينن

فهذي ديمة حبيبتي

و اذا شفتوا واحد .. مترفع عن البلل .. و يشارك برقي و كلاس .. فهذا براك

و اذا شفتوا .. وحدة .. طايرة عيونها عليهم .. ودها تكون مكانهم

داقة على استكانتها .. تشكي لها احكام العمر و المجتمع الخليجي اللي كله ممنوعات

هههههههههههههههههههههههههههههههههههههه

هذي انا

راحت الوالدة .. شرت لهم ملابس العيد الجديدة ..فتغير الحال بلحظات .. من قمة الرطوبة .. الى اناقة و ستايل .. ناشف تماما

اعجبتني ديمة .. امي الله يسامحها .. خدشت أنوثتها .. تبي تبدلها جدام الله و خلقه

ديمة .. عندنا ياهل و بيبي .. بس اهيا بأولى ابتدائي .. يعني شووووووووية كبيرة

امي مصرة .. و اهيا تتعكف و اتعبر .. ليييين ياتها المنقذة .. كنت اصلي

يماااااا .. الحين .. الا حيائي .. ما ادري يعجبني حيائي .. المهم انها حاملة تشيل و تشدخ

و انتي .. مرغتي حيائها بالتراب .. و لا مراعاة و لا احتواء .. تعالي مالج الا اخيتج .. و انهينا اللمسات الاخيرة بعيد عن العيون

الجدير بالذكر .. ان السيدة الفاضلة .. في الطاولة المجاورة لنا .. اجتهدت ايما اجتهاد في عملين جليلين

لو ما عندها الجنسية .. جان عطوها عقب هالاعمال صراحة

بعد ان انهت خمس الى ست حوارات مع بنتها الصغيرة .. بلغة انجليزية مبسطة .. و أكسنت مضحك

و تأكدت انه تم قبول ندائها على مستوى هاغن داز تقريبا

قررت .. ان تهزأنا شوية .. ياها ولدها البارد .. ماما ابي ألأب بالماي

شاف اخواني الاشاوس يرجخوووووون مياها

قالت بصوت جهوري مسموع .. لالالالالالا هذا ماي وصخ كله من الارض وصخ الماي .. الماي وصخ

يماااااا ... ههههههههه احنا وصخين ترى .. بس قوولي لها ترى علم

جدا ضحكتني هالانسانة .. اهيا و اللي معاها

.......................................

أمر اخر .. مقلق .. محزن .. صفنت فيه .. لين عورني راسي .. و شربت لي فينتي كرامل ماكياتو

طفلة سمراء .. شقية .. تسحب فيها الخدامة الهندية

مصعتها الا شوية

وصلت لي مقاعد اسمنتية

على مرمى عيوني السحرية

و يا عل ايدها الكسر .. ما خلت بخاطرها كفخة هبدة طقة سريعة

تسحب .. تقرص .. تهديد و وعيد .. و انا اشوووف .. و ابلع .. الطفلة اتمسح على الخدامة .. و اتحببها و اتلزق فيها

و انا .. تجلت لي صورة اذلال و انكسار الطفولة .. الياهل .. مبين مرعوبة من الخدامة

1

2

3

لحقت البنية .. حبيبتي شمسج ؟؟ مرييييييييم .. وين امج ..؟ طالعة ؟؟ اي ادري انتي الحين هذي اسمها طلعة بس اهيا وينها ؟

راحت عندها شغل بره .. يعني مو بشرق معاكم ؟ لا

صوت المزمار الحزين .. سمعته باللحظة هذي .. عزت علي الحياة .. كلها

انتي تقولين حق امج ان خدامتج اطقج ؟؟ لا .. لييييييييييييش قوولي لها .. بس مو الحين لما تروحين البيت .. و لا تقولين حق الخدامة شي

انزين .. هذا اخوي حمني .. انتي فكي روحج عقب نشوف حمني وعليه

يحق للخادمة .. ان تضرب و تتفرعن .. لا رقيب و لا حسيب .. غياب الام .. ممكن قبوله

لكن .. تركهم في مكان مثل شرق .. مع الخدم .. و الاكيد ان مدة تواجدهم طويلة .. لان الخدم مالييين حدهم

خطر .. و صعب .. و شخصيا ارفضه .. كنت بكتب حق الام و اعطيه البنت .. عقب قلت اللي قاطتهم هالقطة

ما راح تبدلهم بالليل و لا هي شايفة شنو بمخابيهم مثلا ..عشان احط لها رسالة و الا بطيخ

بس كانت غصة .. أورثت ألما .. قبل ان يبدأ مهرجان اخواني مع النافورة

;)