3saaaaL ..

خمسة عشر عاما .. و انا البنت الوحيدة في العائلة

اربع شباب .. صغار .. و انا على رأس القائمة .. دون حليفة

خمسة عشر عاما .. انتهت فيها حاجتي لوجود أخت تكبر معي .. كبرت لوحدي

و لو لم أكن وحيدة .. لاختلفت شخصيتي تماما .. لكنت انسانة اخرى .. لن اعرفها يوما

كنت انتظرها .. بعد اول أخ لي .. و جاء صبي .. ثم حبيب قلبي فواز

الى اخر طفل .. و الذي أظهر السونار انه بنت

فرحتي .. كانت غريبة .. لم تعد مفيدة لي هذه الأخت .. لكن .. حياها الله

رنت كلمة عمي الكبير .. اييي يبوا بنت كسروا خشمها

؟!

قلت له .. ليش ينكسر اختي والا طابوقة ؟

كرهته بتلك اللحظة .. كلامه لم يكن واضح بالنسبة لي .. لم أجد في حياتي كلها

.. منافس فطري .. لذا لم افهم معنى كلامه

كما لم احسه الحمدالله حتى اليوم

-----

كنا يوميا .. في نقاش .. اي اسم نختار ؟؟

أصرت امي على اختيار الاسم .. لا تزال تذكر .. انهم حددوا لي اسم شهد

حتى جاءت صديقة لجدتي .. و قالت : شهد ؟؟ لالالا شنو شهد .. سموها نورة

نورة .. انسانة تعشقها جدتي .. زوجة ابيها

.. لكنها فضلتها على بناتها .. و ربتها .. فأمها توفيت رحمها الله بعد ولادتها

لذا .. انا نورة .. على اطيب قلب .. و أحن روح .. كما كانت تراها جدتي

نظرا لهذه الحادثة.. راعى والدي مشاعر امي .. و دقرتها بأول مولودة لها هههه و قال يالا سمي اللي تبين

اصايل .. واااي يماااااا حصااااااااااااان

نجود .. وييييييييييييييع احسها شريرة

استمرت امي في اختيارات .. تعيسة بائسة

-----

رمضان .. بعد ان افطر الجميع .. و انتهت كل طقوسنا اليومية .. و شرب ابوي الشااااي كالعادة

ذهبت امي الى المستشفى .. و وضعت طفلها الخامس

والله .. اذكر ذاك اليوم .. و اذكر شنو كنت لابسة .. لاني ابوي وداني مصور عقب ما خلصنا ههههههههههههههههههه

احساسي كان

فوق الطيراااااان .. فوق الفرح .. اختي .. صار عندي اخت

و كالعادة .. والدي .. بكل هدوئه .. لا .. امج يابت ولد

طاااطاااطااااااا طاااااااااااااااااااااااااااااااا

-----

و الان .. بعد براك .. كانت ديمة .. طبعا اختيار الماما

.. و الحمدالله .. لم تزورنا صديقة جدتي

كان .. ضروري .. على كل عم من عمامي .. ان يسمي بنت من بناته .. على اسم والدة جدتي

لا لا لا .. مو نورة .. نورة زوجة ابوها الحنوونة

اسم اخر .. والدتها التي لم ترها في حياتها .. الله يرحم موتانا وموتى الجميع

الا ان ابي .. لم يهتم للموضوع

.. فقد كان .. عرف غير معترف به .. لمسة رقيقة .. دون ان تطلب جدتي من احد ذلك

هااا شنو سميتوها ؟؟

والله يمه سميناها ديمة

اييييييي .. تدري عاد .. عمتي .. ديمة .. الله يرحمها .. اللي عيالها فلان و فلانة

و بدأت تقص علينا .. قصة عمتها ديمة

اذا .. بكل الاحوال .. اسماءنا .. على شخصيات نسائية عائلية .. بقصد .. كحالتي

او .. من غير قصد .. كديمة

------

لماذا الحديث عنها اليوم ؟؟

لانها كبرت .. اصبحت بثانية ابتدائي .. و لازلت اراها .. بالحضانة

لا أريد هذه النظرة .. فهي ضارة جدا .. و محبطة للشخص الاخر .. اي ديمة

لا يوجد بينا تشابه

لا شكلا و لا مضمونا .. كائن حي .. مختلف كليا عني

لكنها مرحة .. خفيفة ظل .. منطلقة

فيها عيوب شرعية .. اكرهها بالناس .. لكنها اختي .. ما باليد حيله

مرة من المرارير .. استكانة مسيرة علينا

و اهيا مسكينة صارت خدامتي ذاك اليوم .. بدون لا اطلب منها اكيد .. بس عشان اذا يت منيرة اقعد معاكم

بقول حق استكانة سالفة عنها .. و ما ابيها تعرف عشان ما تصير حساسة .. مثلي يعني هههه

و استكانة تقولي وااي شدعوه .. من صجج

لاني .. كنت اتكلم بشفرة صعبة جداااا

فجأة تتدخل ديمة و تقول .. نورة .. قولي لها لما دزتني على الباب و قلت حق خالتي وووو

تضيف على السالفة .. مع اني كنت حذرة جدا

طارت عيونااا سم الله عليها .. و بنفس واحد .. طلعي بره لو سمحتي ههههههههههههههههههه

----

ما اثار عاصفة الذكريات

طلعة البنيااات على قولتها ... انا و اهيا ... رحنا الفنار

اقول لها .. قبل الطلعة .. تروحين معاي الفنار .. بشتري شي

ردت علي ام ست سنوات : ويييييي زحمة و كله شباب

!!!!!!!!!!!!!!!!!!!!!

قلت لها ما عليه .. خلج تكانة محد يأذيج ان شالله

!!!!!!!!!!!!!!!!!!!!

تمشينا و تمشينا .. و ديمة انسانة متطلبة جدا .. ابي مااااااااااااااااي .. ابي مصاااصة .. ابي اشووف ابي ارووح

و هالشي .. ما احبه ابداااا و ينرفزني وايد

اخر شي .. سمحت انه نشتري ذرة .. طلعنا .. الا موووووت حرررررررر قمتة

قلت .. شرايج ندخل ناكلها داخل .. عشان ما نتلف السيارة

بكل حماااااااااس .. ايييييييييييييي بمووووووووووت من الجووو والله

!!!!!

طريقة كلامها تضحكني .. احسها مسكونة بشبح عيووووز احيانا

قعدنا .. فووووووووووووووق .. في دجة .. و انا اتأمل السقف .. و افكر شلون يغسلونه بالله ؟؟

جان تقوول .. نورة .. شرايج نطر ؟؟

لوووووووووووووووووووووووووووووووول

صاجه على قعدتنا الغريبة

والله استانست معاها .. و اكتشفت فيها جانب انثوي نوعا ما .. لاني كنت شاكة صراحة

ليش شاكة ؟؟

مثلا

قبل امس .. بتروح حمام السباحة

طق طق .. بوريج شي

فتحت لها .. شنوو ؟؟

شووفي عضلاتي .. و تسوي لي حركااااااات .. ابيه صبي .. حمود عبود مو ديمة

يتني البجوة حزتها .. بس كنت احاتي عيوني اطيح من مكانها

ثــم

.. ذكرت .. انا ما ضرني .. كله صبيان .. لكن ايضا وضعها غير.. كنت الرئيسة .. اما ديمة .. تاكل طق و تكفخ

وصلت مرحلة .. يهبدون فيها .. تقووم .. و كشتها قايمة معها

ترى ما عورتني !! تدري

يا ربي .. مينونة بس عسووووووووووووووووولة

انا شفت صوري قبل .. يعني كنت برابعة ابتدائي .. النظرة .. المشية .. الحركات

هوووووووووووولة .. سلوووووووم فصووول .. بس مو نورة

لذلك .. بعد تحليل التجربة الشخصية .. و دراسة المعطيات الحالية

.. و وضع الخطط بتكثيف احتكاكها فيني و في العالم الناعم

حسيت ان خوفي و قلقي و سهر الليالي .. المفروض يخف شوية

.. و احتواء هالبنت ضرورة و أولوية قصوى

مو كل مرة تسلم الجرة

شرحت حق ابوي .. الحالة اللي احسها حرجة و صعبة

قالي .. تدرين انتي مرة سألتيني .. قولي كنتي بالمتوسطة .. يبه عادي اطق صبي ؟؟

ههههههههههههههههههههههه قلت له : أدب و اخلاق و تلموني لي قلت يبه احس اني انحب ههههه

.. يعني استأذن بكل شي و لازم توقع على القرار

اذكره هالولد .. كان مليق و دعلة و يتحرش فيني .. و طقه ولد خالي يعني حمش هههههههه

عقبها باسبوع .. طقني انا هالولد خال المجرم .. حوبة ذااااااااااك

يالاااااااااا تمشي الدنيا ... بس ادعوا حق اخيتي ... تصير ناعمة و بنووتة

مو باجر .. لي كبرت .. و خطبها واحد من عيالكم

عرفتوا لاسم .. و انا مرتزة .. تعايروون اختي

ترى .. لنا ماضي عنيف .. و عادي جدا يصير دموي

;D