My Head LiNES .. ;)

عندي خبر اني انسانة نقدر نقول انها

the type that works more effecient under pressure !!

متعتي .. اني انضغط لانجاز اي عمل ما .. ما ادري ليش ؟

الامتحانات .. ما ادرس الا قبل الامتحان بثلاثة ايام اذا مو يومين .. طبعا هالنظام بالهندسة غريب

اللي عندنا ما شالله يدرسون من اسبوع او اكثر

!!

و قيسوا هالنقطة على كل حياتي .. احس مغامرة مع الوقت .. و غيري يشوفها فوضى و قلة تنظيم ووو

well , I dont care .. since it's working for me ;P

------

حبي العظيم لاخواني .. وصلني الى مرحلة .. غريبة .. شبه مرضية

يعني احبهم بشكل .. لو فيني اللي فيني ما ارد عن طلب يبونه

جانه توصيل لان السايق مو موجود .. جانها طلعة بخاطرهم

ما اقول .. اني ما ادقر ساعات .. بس الدقرة تكون ردة فعل لشي مسوينه لي .. يعني العين بالعين

على الغدا .. ما ادري شنو قال ناصر .. المهم انه كلامه يجوز تفسيره على مس لشخصي الكريم

فااا .. اشتغل فلمي العربي .. الابيض و الاسود .. و انت جرحتني و الله يا الدنيا .. هذا و انت صغير

باجر لي يتك المرة .. وييييييييييي لا لا تحذفني باللي يمك

و كثرت من هالجحي .. و امي تثني علي .. قلت لج لا تضحين باجر ينسوونج

و تقص علي قصة فلانة و اخوها اللي ما قام يكلمها بسبة مرته .. و علانة اللي ما ادري شفيها

و ناصر قاعد يسمع و يضحك

ما برد قلبي ابداااااااااااااااا ... قلت له ... تدري اني اكرهها ؟؟؟

منو ؟؟

تدري انها جليلة حيا و ما تستحي ودي اكفخ فيها و اطلع حرة دنيتي كلها ؟؟

منووو هذي ؟؟؟

واااااااااااااااي لا لا بطقها و ان دشت البيت ترى ماني طابته .. ابييه ناصر انا اغار من مرتك

!!!!!!!

اخاف لي كبرت اصير هذي الحماة المينووونة عرفتوهااااااااااااااا .. الله يستر على عقلي بس

على فكرة

ناصر يبلغ من العمر 13 عاما فقط

;P

-----------

افتتاح المقر الانتخابي كان رائع .. و قمة في كل شي .. مواقف كثيرة هنا و هناك

تعليق الصحافية ريم الميع بالوطن على التنظيم و اعضاء اللجان النسائية وايد حلوووو

قالت ان احنا فراشاااااااااات

yaaaaaaaaaay thanks

i really think ena iam a butterfly

i dont know why though !!!

امرأة كبيرة في السن .. قبل بداية اللقاء .. تجلس و تطلع بويهي بين لحظة و اخرى

تمر احدى فتيات الاستقبال حاملة بعض العصائر .. تتأمل السيدة وجهها

و فجأة بصوت عالي مسموع ... يا ربي انا ما ادري وين شايفتج ؟؟؟

هذه الفتاة الفليبينية .. مرت تقريبا عشر مراااااااااااااااات .. كل مرة فيها تكرر السيدة هذه العبارة

و انا اضحك .. الى ان مللتني و حبيت انها تتجاوز المرحلة .. قلت لها : خالتي تلاقينها مناحشة من بيت معازيبها

ترد بكل حماااس .. ايييييييييي ما يبون البيت .. يبون الهياااتة بالسكيك

اقول لها : ايييييييييي بعد كيفهم كل واحد و شغله

للأسف محاولتي لم تثمر .. و استمرت في نبش ذاكرتها .. لتعرف من خدامته كانت هذي ؟؟

الا ان اغلق الباب .. او ان الفتاة انحاشت حرصا على حريتها هههههه

-----------

قراري من بداية الصيفي .. عدم التحلطم .. لن اقول : واااااااااااي حرررررررررررررر

لن اقول : وااااااااااااي تعب

لن و لن و لن .. الكثير من العبارات السخيفة لانها تنتقد حقيقة مناخية او دراسية

كل ما وحدة قالت لي واااي حررررررر .. قلت لها بالعكس .. تضحك شنو بالعكس

!!!

و انا صغيرة .. اذا عورني بطني و الا راسي .. امي تقولي لا تفكرين فيه و يرووح

الحر .. ما راح يرووح .. فكرت فيه و الا نسيته

بس انا .. راح اشتت تفكيري بحيث يقل تأثيره .. رغم اني سايحة كلي .. و ما اجمع كلامي و مكتفية اني فاهمة شنو بقوول

فا الناس ما يوصلها الا كلمات غير مرتبة .. ههههه بس مو بدلياااات .. لا

انا اختبر ذكاءهم .. و مدى التفاهم بيني و بينهم

;PpppP