Home .. aLone !

تـوني استوعب اني مدمنة او شبه مدمنة على النت .. ضاع الكرت مال الشو نت اسبوع كامل

عيزنا و احنا ندور .. وينج يا الابرة .. و لا لقيناه .. عاد طلعت بدل فاقد

سبحان الله صارت خيرة عشان اصد و يمكن أدرس !! يمكن

المهم .. عدنا يا هلا فيني

---

الدكتور ما رضى امتحن مبجر .. الله يسامحه ..قفلها من كل صوب ما قصر

يعني القرادة شلون صايرة .. حمرة خضرة زرقة

!!

يقولون هذا الدكتور .. قانون الكلية يتمشى على الارض .. كان عميد شؤون الطلبة فا يعني ملم الماما حثيثا

بكل قاعدة و كل نقطة و كل الاشياء اللي ما يصير يتساهل فيها الدكتور

عاد انا هابة الحين ادعي على الناس .. ليش و شلون ؟؟

ما ادري ليش كله في بالي انه ابيه حرام ندعي على الناس .. و لو شنو .. يقطعونه تقطع ما يصير ندعي عليهم

بعدين قريت مقالة عن الاعتدال بالاسلام بين اليهودية و النصرانية

احدى الفقرات .. تتكلم عن رد الظلم

اليهود .. مجبور ترد الصاع الف صاع و من الخطأ انك تسكت لو مهما كان الموضوع سخيف

النصرانية .. مبجور .. تسامح و تسامح و تستمر بالتسامح .. مهما كان الموقف خطير و خطر

و يأتي التوسط .. مختالا في الاسلام

من حق الانسان .. ان يدافع و يرد الظلم و الضرر عن نفسه .. و من عفى و أصلح .. فهو خير له

يعني روعة صراحة .. الحمدالله على النعمة

فاااااااااااااااااا .. نتيجة لذلك .. و نظرا لانه صعب علي ادعي .. اخاف اكون ظالمة الشخص

قمت اقول .. يا رب .. اذا ظالمني .. فا جذي و جذي

الدكتور .. دعيت عليه .. قلت يا رب اذا صج كان يقدر يسهل علي و ما سهل فا جذي جذي

و الحمدالله .. لي الحين ما سحبت على العالم دعاوي .. بس يا ربي ساعات الانسان ما عنده حيلة

يخلي الحرة بقلبه ؟؟ مو زين جربت .. ايدي شبت علي رحت الطبيب

يقول : عندك مشاكل في البيت ؟؟

انا : لا الحمدالله

يرد : طب بتحبي ؟؟

انا : نعم ؟؟

بس مع تعابير مبققة و مشدوهة .. خير دكتور سم الله عليك

انا : لا ما اعتقد ههههههههه

يا بنتي مش كويس على شانك انتي لسه صغيرة ما تكبتيش في قلبك .. ده الالم اللي في ايدك من حاجة نفسيه

و فعلا .. لاحظت هالشي .. كل ما احتر من سالفة .. اقوم .. ألم مو طبيعي .. بس طبعا محد يدري الا انتوا

الطبيب كنت رايحة عشان تحليل دم و قلت يالا مرة وحدة يمكن استفيد

:)

---

ودي اسولف عن الاسبوع اللي طاف كله .. اصلا من كثر ما فقدت البلوق .. و البوح الفضفضي

انام و اقوم و انا اكتب بوستات .. ذهنية عقلية .. الله ستر علي و وصل الكرت اليديد اليوم

ودي .. بس مستثقلة طينة نفسي صراحة .. وايد مو شوية ما ادري ليش

!!

بيتنا خالي .. يعور القلب .. و كل ما اذكر اختنق .. و أصيح

لين مليت من نفسي .. لي الحين .. تكرر المشهد ثلاث مرات .. و اهما امس راحيين من غير شر

لكن الحق ينقال .. حبيبة قلبي .. كتكوتة .. ما قصرت كلش .. اصلا .. اسكره منها و اكون بالعة العبرة مثلا

سيدة مسج .. لا تضيقين خلقج يا مينونة .. هانت كلها جم يوم

غير انها .. امس نايمة عندي .. و سهرنا و سوالف و ضحك .. و يتنا استكانة بالليل و حده وناسة كان

بس الخلاصة .. اني اذا فكرت اختصر نفسي بكلمة .. بقول أهلي

ما اسوى شي .. بدونهم .. يمكن ثلاث ارباع اللي يقرا .. وصل ضغطه الف من كثر ما مللته بكلامي عنهم

بس انا بادية و فبالي فكرة .. وصلت لهم .. يعني .. اهما كل شي

بس ما ابي ابجي لانه مصخت السالفة و ضروري يصير في كنترول صراحة عيب مرة شكبري

---

استغفر الله ..استغفرالله .. يعني كلش ما اتمنى احد يفهمني غلط .. و يمكن محد يفهم علي

هههههه سوري بس احتمال و لا فيه نقص قدر لكم

انا حاسة بقوة .. و قوة قوية جدا .. اني ما اصلح اعيش بالدنيا

!!

انا و فواز اخوي .. كلش مو مال نعيش فيها .. اشوف فواز .. و يطير قلبي عليه .. يمكن لانه اشوف نفسي فيه

!!

مشكلة .. اذا انت ما تقدر الا تبدي الناس عليك .. مشكلة اذا ما تستحمل تكسر بخاطر احد

مشكلة .. اذا تفكر .. دائما .. بمشاعر الاخرين ..قبل نفسك

انا الحمدالله .. عديت مرحلة مهمة .. و السلام عم المكان .. من سنين مو توه

فهالنقطة .. كلش ما كانت تضايقني في نفسي .. و لا احس فيها

بس .. مع الحياة .. التقيت بأشخاص .. يعني شقول .. مو طعنا بأحد .. و لا في انسان سيء بنظري

لكن .. مجرد اني .. استوعبت .. شلون يفكرون فيني .. او شلون يفسرون ردود افعالي .. ضحكني على عمري

وصلت فيني هالخصلة .. اني انزل من روحي نتفة .. بس عشان ما اكسر نفس احد

اني اتفاعل و اعطي من روحي .. و افكر عنهم و احاول افهم و اعين .. و اهما وييييين

يمكن .. انا كنت اعطي اشارات مبهمة .. و يمكن .. شخصيتي غريبة شوية لاني اذا كشيت من احد ما يهمني اسمعه

!!

الله أعلم .. و انا كلي يقين .. انه بيعطي كل انسان على نيته

---

مع الاسف .. تأكد لي اني انسانة .. تموت على المدح

!!

مع اني .. اقول انه لا .. و الصج الصج اني ما انحرج من شي كثر الثناء

!!

بس يا ربي يونس صراحة .. خاصة اذا كان من شخص ما تتوقع منه .. او كان على حين غرة

;P

ليش مع الاسف ! لاني عارفة نفسي المفروض ما اتبهلل وايد على الموضوع .. احس الأذرب ابتسامة و شكرا

موو .. ياااااااااي بعد قلبي من طيبج .. حبيبتي و الله ووووووووو

انا كلش مو انا لما اكون محرجة ..ابدا ما اسيطر على الوضع

أحلى كلمة انقالت .. يعني الكلام وايد بس انا متواضعة لوووووووول

دكتور .. مدرسني من مدة .. كنا ننطر الدرجات تطلع حق مادة ثانية .. قالي ها ان شالله 100

قلت .. ههههههه .. اذا يبت

C

اسوي حفلة

قالي ليش و شلون انتي لا ما اصدق .. ما شالله عليج يعني عندج منطق

و مخج نظيف و تفكيرج جدا مرتب .. والله ما انسى بالكلاس .. حوسة و ازعاج

و انتي ..فجأة تقولين لحظة شوية .. و تسأليني سؤال .. استانس طول اليوم منه

جان يفز قلبي .. قلت اذا قال راقية او سنعة يعني يقرا البلوق فا عارف نقاط ضعفي هههههههههه

يعني عقب هالمدح .. مو لازم اتحنط و اقعد بالبيت عشان محد يردني الواقع

خربت علي رفيجتي .. طلعنا عقبها .. الله يهديها اهوا موجه الكلام لي انا .. سوته جمع مؤنث سالم

صار الحجي .. عني و عنها

عاد اخاف بس انا انطره .. او غيره .. والله

;PpP

---

بعد يا ربي شنووو

!؟

اممممم

.

.

اي .. الموضوع اللي معور عقلي .. لانه عايم و غامض و بايخ و شرس

الحمدالله الحمدالله .. الحمدالله الف مرة

بخطوة جريئة .. بسيطة .. انقشع الغبار و عرفت اللي ابي اعرفه و زيادة

ابدا .. لا تعطي اي انسان اكبر من حجمه على امل ان يملأ ذلك الحجم يوما

cuz he/she wont

.

.

.

it's finally out of my system ..

اكبر غلط اني ما عالجت الموضوع بطريقتي .. و مشيت مع تيار مو نظيف .. للظروف

اذا انا عندي القدرة على المواجهة .. غيري ما عنده يمكن .. فحرام .. نقدر تفاوت القدرات صح

؟

لذلك .. كانت كل العوامل مهيئة للحركة الختامية .. النتايج خلابة .. مع انها كانت عفوية بدون تخطيط

حلوة العفوية .. احس ربي موفقني لاني اتبع قلبي .. في مواضيع معينة

the puzzle is completed .. no matter if the pic is ugly ..

iam pretty that's enough i think ;D

my advice ..

is to talk about what u think .. never depress it .. it wont be ended then ..

fill the missing parts .. Don't leave spaces

lettn it out of ur heart .. and mind ..

will make u feel great .. and so over it ..

i forgot every thing ..!

one thing i've learned from this mess ..

every thing has an ending point ! so deal with it ..

never ever .. feel that u wasted something on some one .. It's a two parties process ..

u've done stuff .. and got ur share of the others stuff too ..

poor me .. look what they've done to me !!
all these phrases .. are useless here ..

stop feeling sorry for urself .. stand up high .. smile ..

and take a deep breath .. u survived ;D