iam still 10 ;D

عندما تجد ان عمرك يزداد يوما كل يوم ... سنة بعد سنة

و انت لا زلت ... تحمل في نفسك مشاعر ... الطفل الذي لا يكبر بروحه ... لكن بعقله و فكره

اليوم ... تأكدت من هذا الاحساس

امي الحلوة تبي جوني روكتز ... السايق مع اخوي ... طبعا انا تطوعت اني اروح ... لانه ابوي حبيبي استعد للنوم

ناصر ... ماني رايح ... عادي ناصر بو طنقوورة قبل دقيقة قال اي عادي

المهم ... ابوي فاتح سيارة يديدة ... يالاااا نرووح كلنا ... ركضت انا ما ادري ليش ؟؟ كان ممكن امشي ههههههه طفاقة على غفلة

لابسة و نازلة ... الا الوالد ... دشداشة البيت المقلمة و جريمبة ... امي عباااااتها مالت الحديقة ... زوووزي و براااك ... بجامات

ابد ... شكلي ما كان غلط كلش بينهم

تمشينا ... لين وصلنا المطعم ... الزحمة خيالية بكل مكان الله يعينا

تايك اواي و بالطريج سواااالف و ضحك ... و انا فرحااااااااااااااااااااااااااااااانة جدا

ليش ؟ ادري الطلعة ما تسوى ... و لا تتسمى طلعة عند بعض الناس ... بس انا عندي

حسيت عمري عشر سنين ... قبل لا نتعرف على جحافل التتار ... انا و اخواني الذربين الاثنين

لي الحين ... طلعتنا جماعية على قوولتهم

لكن ... هالمشوااار السريع البسيط ... و الوضع العام ... الوقت متأخر ... و عشانا بالسيارة

ما ادري ... بس لفتني مشاعر عميقة ... حسيت اني محظوظة فيهم

الاماكن ... اللي مريت انت فيها ... عايشة بروحي و ابيها

الله لا يفرقنا و يخلينا حق بعض ... امين يا رب