Memories ...

حفلة تفوق ديمة ... نيتي لحضورها كانت اقل من الصفر ... احتاج الى تدليل نفسي بعد يوم سبت حافل

بكلمة واحدة ... اصبحت عازمة ... على تشريفهم بطلتي البهية

قالت امي : باجر حفلتها الساعة 12 ... قلت : اي ماني رايحة ! ... امي : هاااااو يا ويلج من الله ... و انا انومها تقول انا ماعندي الا اخت وحدة ... و اهيا ... تقصدني ... ما عندها الا اخت وحدة ... يعني في قلب بالدنيا يعبر مايروح ... والله لو مشي على هالحجوة يا العيارة ايييج

طبعا ... كانت احلى وحدة فيهم كلهم ... اول ما شافتني ... تقول حق اللي يمها شوووفي اختي

وااااااااااااااااااااي عسووووووووووووووووووووووووولة اختي

مر شريط امجادي السالفة ... صولاتي و جولاتي في التكريم و التفوق ... الله ياني كنت شي ... لا لا لا ما كنت الا الاولى او الثانية في حياتي كلها ... ما شالله علي ... وين راح كل هذا ما ادري

كنت بمدرسة خاصة ... فيها جاليات وايد... و طبعا لك ان تتخيل الشطارة و العبقرية ... ما كان يتكرم بعيد العلم

الا اول اثنين على الصف ... و انا من اول ما دخلت هالمدرسة لين طلعت و انا معاهم ... يعني انجاز والله

المتوسطة ... وصلت نسبتي الى 99.8 % ما ادري ليش مو 100 % ههههههههههههههههههههههههههه

الثانوية ... كنت لي سنة ثالثة بمعدل 3.95 ... بعدين يبت اول بااااااااااااااااااااء في حياتي ... و تخرجت بمعدل 3.85

قبول فوري في كل كلية بالجامعة ... والله نجاح ترى ... بس ما ادري شياني الحين !! اللي يشوف الكسل ما يقول انا انا !! الله كريم

اليوم ونستني صديقة ... كانت معاي بالمتوسطة ... و الحين تلاقينا بالكلية

تسولف حق بالبنات عن شطانتي ... شطانة الشطار عسل على قلب الابلات ... غير خفة الطينة الطبيعية

ههههههههههههههههههههههههههههههههههههههههههههههههههههههههههههههههههههههههههههه

تقول ... بيوم من الايام ما كنتي حالة الواجب ... قالت الابلة اللي ما حله يوقف ... طااااااااخ جان توقفين ... و انا اقوولج لا لا قعدي

جااااااااان ... اقول لها ... العهدة عليها طبعا انا ما اذكر ... لا اللي ما يسوي اللي عليه يتحمل المسؤولية

لووووووول كنت اولى متوسط او ثانية ... من عمر عمري و انا صاحبة مبادئ و قيم ... و اتفلسف على العالم

يا حليــــــله والله ... ونستني ... قالت حجي وايد ... اتفقت كل فترة اتيي تنعش ذاكرتي

موضوع مهم جدا ... تغيير كبير ... تطور صااارخ ... في حياتي ... قادم ... لكن ... ما ادري ليش مترددة

اخر فكرة

الشخصيات ثلاث انواع بالنسبة لي

صاحب قرار

نص و نص

لا نص و لا ربع

لماذا ... عندما تقرر امرا مصيريا ... او تحدد هدف وقتي مهم بالنسبة لك ..و تسرع الخطا لتحقيقه... تأتيك الاصوات ... محبطة مكسرة لهممك و عزمك مستخفة بأفكارك

هنا تتحدد هويتك ... اي شخص منهم تكون...؟