تــخــــــــــيل
تعب ذهابك الى السوق .. و تكلفة شراء مقادير خاصة .. و جهد اعداد
وقت تحضير .. انتظار النتيجة
YumY yUm ..
طبق من ذهب .. وجبة روووووووعة
فخور بها .. فقد أعددتها بشغف و حب .. و اتقان
!!!
فـــــجــــــــأة
.. يهجم عليها .. ذلك الهمجي .. دون مراعاة لأدنى قواعد اللباقة
يبعثرها .. و يشتت اشلاءها
لم يستأذنك حتى في المشاركة ؟؟
ما هو شعورك ؟؟؟
----
تــخــــــــــيــــل
طفلك .. الغالي .. بل الأغلى
سنوات تربيته .. سهرك في مرضه .. جهادك في نجاحه
حتى .. كبر
.. وها انت تختال به أينما ذهبتما
.. فرحا بثمرة سنينك .. اصبح بطولك
فـجــــــــــــــــأة
يأتي .. متهور .. أرعن .. يصدمه
و لا يبقى من الأغلى .. الا ذكرااه
ما هو شعورك ؟؟
-----
تــخـــــــــــــيل
لوحتك .. الجميلة .. الرائعة
ألوانها تفوق الفكرة خيالا و انسجاما
فكرك قد تجسد .. بخطوط و انحناءات
كم من الوقت استهلكت منك ؟؟
شهر ؟؟ ثلاثة ؟؟
فجــــــــــــأة
في معرضك .. في بيتك .. أيا كان .. المهم
انك .. تراها .. و ترى انبهار الناس فيها
ويأتيك ... ذلك .. الغبي
.. يرشها حبرا اسودا كلون قلبه الاستغلالي
!!
ما هو شعورك
؟؟
---
كثيرة هي المواقف التي اقدر على وصفها
.. قد تراها بشعة .. قوية .. أو سطحية .. بلا معنى
في كلِ منها .. حاولت ان استشعر و أُشعركم
.. بضخامة جرم من يسرق جهد و ابداع غيره
من ينقل مواضيعهم .. و شعرهم .. و قصصهم .. و افكارهم
ليس هذا فقط .. بل ينسبها لنفسه .. و يأخذ عليها الثناء و المدح
!!
كلمة منقول
..في اخر مقالك المنقول
تعني .. انك انسان صادق .. استشعرت جمالا من نوع خاص في نص ما
تعني انك .. محترم .. و تستحق الاحترام
انسان امين .. يخاف الله
.. فلا يسرق .. حتى لو كان المسروق .. حروف و كلمات
!!
بصراحة .. سرقات أدبية .. كثيرة .. اكتشفتها بالصدفة
في عالم المدونات
!!
بحث بسيط .. يظهر لك عجبا
.. قد تصدم بشخصيات .. كنت تظنها أصدق من ذلك
!!
استفزتني
.. جرأة الوقوف في مقام الكاتب الحقيقي
وقاحة تمثيل هذا الدور ببراعة انتقاء ارق الكلمات
للرد على تعليقات الزوار المعجبين بالمقال
:(
لا احترم .. من ينتهك حقوق غيره
.. كيف احترم
من تدينه كل الحقائق الموجودة
؟
كيف احترم
.. سارقاً مجرماً بنظر القانون
و ان كان لا يطبق هنا
؟
قد لا يهمك الموضوع
.. لكنه لي
بالذات .. عالي الأهمية
مسألة مبدأ
.. هذه العبارة .. ليست ذات رنة في المسلسلات و المقابلات و المناظرات
ترن في .. عقلي... كلما اكتشفت
.. سرقة .. و اغتصاب لإبداع انسان
16 comments:
ما أتفق معاج في نقطة تقدير كلمة (منقول) لأن حق الكاتب الأصلي يضيع في كل الأحوال بسبب عدم ذكر المصدر الأصلي
و بالإضافة إلى أنه إللي ينقلون عادة ما يحطون انطباعهم على الشيء إللي نقلوه ،يعني مب معقولة الموافقة التامة لكل ما هو مذكور ،و مشكلة النقل إنها تنشر فكر أحادي، يعني وجهه نظر في قضية إجتماعية مثلا كتبها شخص ما، قاموا مئة شخص بنقل هالوجهه من دون إعطاء رأئهم ، معناتها أنه مع الوقت الرأي هذا راح يتحول على حقيقة مسلمة
أكره كلمة منقول و أقدر الشخص إللي يحط المصدر الأصلي و يا حلاته لو حط انطباعه الشخصي على ما نقل
:)
و صبحج الله بالخير
أتمنى من اللي يكتشف
أي سرقة أدبية أو فنية
أو أي نوع من السرقات
إنه يعلنها ويشكفها ويفضحها
للناس
علشان يتعظون
ولا يفكر أحد إنه يسرق أي فكرة
أو موضوع
ولاكتشاف بعض السرقات الأدبية والفكرية
أتمنى زيارة هذا الموقع
http://www.bader59.com/main.htm
ودمتم بود
bin3li
------
يحط كلمة منقول بفرض انه صاحب النص الأساسي مجهوووول
!!
لكن .. مصيبة و مرض
اذا نسخ الموضوع كله .. و نسبه لنفسه
افلاس .. و فشل .. و الغاء
لنفسه و الاخر المسرووق
هدفهم .. شوية اكثر من افادة القراء
ما قريت الردود لانك والله تطلع عيونك
:/
مساك الله بالنوور
:))
Sologa-Bologa
-------------
انا ما واجهت حقيقة سرقتهم
الا بعد تتبع اكثر من موضوع و رصد التعليقات .. كنت اتمنى يردون انه منقول للفائدة
بس .. ما احد طرى هالنقطة
:/
اللي ذبحني ..وحدة تقول
كاتبته بقلبي و احساسي
والله احتريت على هالكلمة حرة مو طبيعية
:( How sick is that !!!
شكرا على الموقع .. لازم نشجع حملات صحية مثل هذي
تسلم سلووقا بلوووقا
:))
إي والله
:)
ثاني تخيل .. هيّج هيّج عندي
يحق لك أختي الكريمة أن تغضبي من فعل أولئك الثلة المجرمة !!
والله عيب أن أتكلم بلسان غيري !!
شنو هالمستوى من الأخلاق !!؟
والله أستحي أقص على روحي و أقص على الناس .. أحس هالنوع من الناس ماعندهم ثقة بأنفسهم إطلاقا !!
و أحسهم ناس فيهم مرض نفسي !!
الله يفكنا منهم .. بالنسبة لي كمصور .. أنقهر إذا شفت صورة لي تاعب فيها ماخذها شخص و حاطها باسمه أو مسوي تصميم عليها من غير استئذان ..
حسيتج محتره :(
والله ما تنلامين
شي يحر
بس هم العتب على اللي يشوف و يسكت
Alather
-------
بعد عمري
:(
الله لا يحطنا بهالموقف .. بس تعبيرا عن حرتي طرى علي هالتشبيه
Kuw_Son
--------
عيب و خزي و عار
و صح .. مرض نفسي والا شنو المتعة بالسرقة هذي
!
ايـــــــــــي
قــهـــــــــــــــــر
يعني انت احد المتضررين
:(
شعور صعب
!
Cr8ivia
-------
eeeeeeeeeeeeeeeeeee ..
اللي يقولج اني كتبت لأحدهم بكل حسن نية .. مع انه الردود على التعليقات مبينة النية الشينة
اختيار موفق للأديبة سعاد خضر
و هذا رابط الأديبة لضمان حقوق الملكية
يييت من باجر .. الا الاخت ماسحة البوووووووووووست كله بكبره
!!
و غيرها يرد
it's a game !!
عقليات شاطحة بعيد شقولك صار لي اسبوع ما عندي الا هالسالفة
:/
أوكي... أنا ضعت.. إيس فيه؟؟
منو بايق بوست والا مقال منو؟
شكلج حدج محترة :(
بس صاجة ، هذا اغتصاب وسرقة ، بس هم أنا من راي بن علي ، منقول بروحها ما تكفي .. يفضل الاسم والمصدر إذا توافروا
وعلى كل حال ، لا تحترين :** يُظهر الحق ولو بعد حين :**
انا يقوول انت ايس فيه
;P
ايوا .. ناس تبوق مقالات على اشعار ده على ده .. كوبي بيست
as a Post in their blogs !!
they'r tak'n the credits w act'n like they made the effort !!
ooofff .. so mad WiTTy ..
بس شووفتج طخختني والله
;**
يحطون المصدر .. اذا كانت النية نقل الشي ..بس النية بوووق الشيء
يعني شفيج اهيا كاتبته و عاصرة مشاعرها عليه
شلون تقوول منقول عقب
!
عرفتي شلوون .. شي مهووول والله
واااي بعد عمري .. خلاص طلعت الحرة بالبووست .. ههههههه
hope'n to see u here soon ..
:** take care
9a7 kalamech :)
إييييه ياوخيتج، هذي مشكلة الانترنت (اشفيها العيوز مالت أول؟) ماكو فيها حقوق طبع ، كل واحد على كيفه يكتب ويقول أنا اللي كاتب
بس ما تنلام ، "إن لم تستحِ ، فاصنع ما شئت"
أشوه طلعتني حرتج إهني ما يسوى عليها تقعد بقلبج :***
وسلامات يالغالي سلامات :))
اللى اختشوا ماتوا
الادب عندما ينقل يجب ان يحترم
ولكن مع الاسف الناس تفتقد صدق الكلمة ومن ثم احترامها
تحياتى
للحرامى :)
أول شي ، ريلااااكس
سلامتك سلامتك
نود لك
سلامتك
حياتي انتي
وايد ناس تبوق، مو يقولج
من آمرك قال من نهاني
مسألة حفظ الحقوق و الحريات الفكرية بالشبكة العنكبوتية صعب
أهم شي ان احساسج يوصل للناس
صدقيني ، اللي يبوق كلام و احساس غيره
عمره ما راح يقدر يوصل - هاللي بايقه للقراء
والاحساس مثل البصمه
ينعرف منو راعيه
مهما حاولوا يغيرون فيه أو يخفونه
احنا نكتب عشان نعبر
ونبوح
ونشارك
وأهم يكتبون
عشان ينعرفون
وينشهرون
ويبوقون
الفرق واضح
تخيّل
حرامي يقول آنا حرامي
ما تصير
لكن
تخيل
الكلمه تنطق بإسم كاتبها
أعتقد هذي تصير
;)
قوي قلبج ، ووسعي صدرج
وربي يحفظج من شر الحراميه
:**
هناك دائما الأمور المزعجة
لكن الكثير منا يجعل للأمر أكثر من قدره ,
لا أقصد كل الأمور التي ذكرت
,,,,,,,
المهم في الموضوع هو موضوع السرقات
لم أتعرض كثيرا لهذه السرقات ولله الحمد
لكنني أحرص دائما على وضع كلمات من تدويناتي في الجوجل , والبحث
أحيانا أجد الموضوع في أحد المنتديات وأكتشف أنني أنا من كتبته نقلا عن مدونتي !
Loco
----
shukraaaan .. w welcome waaaid mo shwayaa :)
Witty
-----
اي والله اي والله اي والله
كلن و ذمته يا اختج
;P
الله يخلي هالبلوق .. من احتر طقطقت على راسه و سبحان الله اطخ عقبها اذا ما انسى السالفة هههههه
حياتي والله .. الله يسلمج غدااا شري
;Pp
Mishari
-------
ايــــه
كاني انا حية ارزق و اختشي
;Pp
اذا .. من فقد احترام الكلمة
لا يحترم نفسه .. يعني مسكين
:(
احترامي للحرامي صاحب المجد العصامي
عبدالرحمن بن مساعد
78o8eya
-------
خذيت نفس عمــــيـــق
صرت ريلاكس والله يوم نورتي المكان
:*
تخيلي كلمات انسان تعب فيها
منسووخة اهيا زيها بالزبط
و عايشين الدور انها لهم
واااي معذوورة ما شفتي شي
:(
فعلا .. و الدليل اني شكيت بمسألة نسبها لهم .. كان في شي غلط و ظهر الحق ببحث سريع
لا وين قوي قلبج .. كلي قوية الا قلبي وعليه عليه .. اذا صار قوي الدنيا بتصير مو حلوة صدقيني
;*********
عابر سبيل
---------
حياك الله
:)
حسب اهمية الشيء يكون قدره
و الاهمية نسبية من شخص الى شخص
لم اتعرض لسرقة .. لكن شفت سرقات
منقولة من مدونات أدبية او حتى مكتوبة من سنة 2004 بالأردن مثلا
فاااا .. ما فيها لبس ابدا سرقة واضحة
:)
Post a Comment