2028 !!

Born in 1998 .. with the cutest face ever ( mashallh ) ..

used to be called as ( ka-kee) .. changed to ( Bo-SHaiba ) .. !!

he's my baby brother .. the tension boy ..

لم تصدق خالتي عندما احتفلنا بيوم ميلاده الثاني .. ذكرت الله كثيرا .. فقد كان طليق اللسان بكلمات كبيرة جدا

!

يؤكل حقه .. و يمسح فيه .. و ينطق طق .. بحكم العصابة اللي فوقه .. و لا يتغير هدوءه .. كان صغير جدا

الان .. مرعب .. ملسون .. على حق .. على باطل .. يغلبك يغلبك

!!

يتكلم بسرعة هائلة .. تفوق سرعتي حتى ;P

سم الله عليه

اسمعوا احلامه و لكم الحكم .. بس ممنوع العانية هههههه

حتى اشعار اخر

;D

.

.

.

في سفرة هذا الصيف .. تكون التنقلات بالسيارة .. اقرب الى الجحيم .. ان كنت ضعيف الايمان قد تفكر بالانتحار

اعوذ بالله

لكن .. عشرة عمر مع هالعايلة الفريدة من نوعها .. فا طورت نظام الفصل التلقائي .. معاهم و مو معاهم

!! رحمة بعقلي لا يطير مني كافي اللي فيه

الا ( بو شيبة ) يتحلطم .. و هذي الخصلة سبب التسمية اكيد

يصرخ مزمجرا .. ايييييييي اييييييي جعموني جعموني اكثر و اكثر

احسن زين تسووون .. عشان ما اعرف اتكلم بالدواوين

!!!!!!!!!!!!!!!

انا سمعت هالحجوة النقصة .. جان امووت من الضحك .. لا يا بو شيبة تكلم قول اللي بخاطرك

ابدااااااااا .. طق بيده و ريله ماني متكلم .. خلاص الدواوين ماني رايح لها

ما عليه الموقف برؤية العين و ويهه و خشمه شلون يفتح و يسكر بالخنافر من زوووود الشطة هههههههههه

يختلف عن القراءة بس عشمي بخيالكم

.

.

مرة من المرارير .. بروحه يسولف .. جان يقول .. انا بصير نائب

!!!

و مقري بحطه جبال مدرسة ناصر .. يمه قولي حق خالاتي .. و يدتي .. ترى حاجز لهم جدام

!!!

نورة .. اتيبين ربعج ؟؟

ترى انتي مسؤولة عن العشا

!!!

و بحط و بشيل و بسوي و بقول .. و من كل صجه يتكلم .. لدرجة اني اندمجت

ردينا الشقة .. مقسمين الاعمال الخيرية .. ناس تغسل المواعين .. ناس تنظف .. ناس تحط الطاولة

الصج الصج .. الناس بس انا و امي و ناصر .. و احيانا يدخل فواز

تكرم علينا الملك بو شيبة بليلة ما فيها قمر الا انا

و قال بمسح الطاولة .. ابي صابون .. قمت انا الملقوفة قلت ماله داعي صابون

ما بغيت الا عمري

!!

اهوا لي اشتط غير التخنفر .. ينبح صوته .. و يطق له عرج برقبته هههههههه مسكين اخوي

فاااا .. صار المشهد

.. انا على المغسلة معاي الاسفنجة و الصابون يقطر

ناصر .. المكنسة الكهربائية .. سكرها و واقف يستمتع بالمشهد

فواز .. لابس بكل حشمة .. ملابس داخلية فقط .. و معاه فوطة فيها ماي .. بدون صابون والله

و العم بو شيبة .. يشيل و يشدخ .. و مما قاله

انزين انا أوريكم .. راح ادش المجلس واستقيل .. تشوفون

امي : لا لا لا تعوذ من ابليس انت كفاءة وطنية هههه

بو شيبة : و لا بروح دواوين حق الناس بجابلج

امي : افا عليك يا بو مثنى ( ما ادري ليش منقي الاسم اهوا شخصيا ) دوانية بيتنا نخليها لك

بو شيبة : و لا راح اييب عيال ( ليش قالت بو مثنى يبي يعاند و بس ) .. و لا راح اتزوج .. و بقعد على قلبج

هههههههههههههههههه الحين اهيا شكوو مسكينة .. قاعد تعابل بجدر الضغط تحاتي عيشها

.

.

هذا بالسفر .. صارحنا بطموحه .. و ترى اخوي فاهم الدنيا .. كل ما شاف سيارة قال حلوة ؟؟

اذا قلنا ايي .. رد ايي خلاص عيل بشتريها لكم اذا صرت نائب

ما بقى بيت .. ما بقى قصر .. بسويسرا و فرنسا .. ما رسم عليه اخوي .. و كله من المجلس

لوووووووووووووووووول

.

.

امس .. رايحين بيت يدتي .. بينا و بينهم جسر .. لكن .. ساعة الا ربع .. يالا وصلنا من الاحتقان المروري

بس الحمدالله .. نائبنا كان معانا .. درس الوضع .. و من نفسه .. قال : اول ما اصير نائب راح اخفف الزحمة

!!

.

.

.

الزبدة .. ان الحملة الانتخابية بدت .. و الوعد سنة 2028

يكمل 30 سنة ان شالله يا رب بصحة و عافية

.. و عسى اللي معانا الحين .. يكون متواجد بكامل قواه و جنسيته مو ضايعة

عاد الكويت تكون دائرة وحدة .. ماكو اعذار .. صوت حق اخوي .. كاهو من صغره يفكر فيكم و بمعاناتكم

شاورا روحكم على عجل نبي نفرز الاصوات الاولية

;Ppp

Bounces ;D

1208

صوت

.

.

اول مرة في تاريخ جامعة الكويت تحصل قائمة على هذا الرقم

.

.

انتظر تحليلات و تشكيكات الخاسرين بفارغ الصبر

:)

علمية الف مبروك
----

بعض الاشخاص افضل من ان يكرروا اخطاءهم

و اعتقد انني سأصبح منهم

:)

صدق او لا تصدق

قراراتي.. اتضح انها غير انفعالية بالمرة

سنة كاملة و انا افكر و احلل .. متجاهلة الحقيقة الكبرى

و عندما سكنت الى نفسي .. و بدأت استمع الى صوت روحي

عرفت ان ضيقي و ترددي .. سببه رفضي العقلي للموضوع

لذا .. بعلاقة بسيطة .. نصل الى انني انسانة عقلانية

ادري ادري بقولها .. نوعا ما

;Pp

و كأن الله سبحانه يمتحني .. بعد اقراري في البوست السابق

لأدرك يقينا انني كنت أراعي احساس الاخر على حساب قناعاتي

اسفة ان كنت قد ضايقتك .. لكنك تعرف انني افضل من اخطائي

و تعرف ان العقل يحكم اخيرا .. بعد ان تضعف كل العواطف

و تعرف ان الاختلاف موجود .. و لن نلتقي في اي من النقاط

و تعرف .. اني غير .. هكذا بكل بساطة

واجهت الحقيقة الكبرى .. احب خالقي و لن أعصيه

احب والدي .. و احب امي .. و احب نفسي .. لا اكسر و لا ارضى بالهوان

;)

احتجت طاقة كبيرة لانهاء هذه المرحلة لدرجة اني طحت مريضة الله يشافيني

-----

i got two bounces in this week .. 7araaaa ;Pp

in school for sure ..

فجأة حسيت اني ذكية فوق العادة .. فقط احتاج الى ان اكون

relax

ادخل القاعة متأخرة .. و اسمع السؤال و انا (اقلقص)نفسي في اقرب كرسي

لا احد يعرف الاجابة

انا اعرف ههههه

.

.

.. بصوتي الساحر( اي ساحر و قتال بعد ) .. دكتوووووووور

ايواا يا بنتي

لانه في بداية المشروع تكون الاعمال المنجزة مجرد

mobilization

set-up the site

و

excavation

ممتاز طب و بالنهاية لييي شكل ال

curve

كده ؟

و اجاوب بكل ثقة .. صديقتي تضحك .. لماذا ؟؟

احد الزملاء يسأل صاحبه .. شنووو موبيلازياشن ههههه

نفس المحاضرة .. سأل لو عملنا كده يتغير الكيرف ازااي ؟؟

انا شفتيد يمين

!

مين اللي قاال ؟؟

ارفع ايدي بكل حماس

ليكي بونص

Hiyaaaaaaaaaaa

حبيبي والله انت هههه

و بونص بالاب .. و يا ربي مطر مطر مو درجات لووول

عسى ان يعوض هذا فشل تنفيذ كل خططي لرمضان .. قمة الفشل

:''( iam bad

.

.

سؤال

.. هل سمعت عن عبادة الاحتساب ؟؟

i did .. it's super waaaw if u get it ;D

later

a FaCT !

مبارك عليكم الشهر

و عساكم من عواده

----

قد تعرفني .. او لا تعرفني .. انا هنا كما أرى ذاتي .. او كما أحب ان أراها

اقول .. و افكاري مرتبة جدا .. و نيتي واضحة

تغيرت في عمقي العقلي و النفسي .. من مشهدين في حياتي

رمضان الماضي .. و عمرة قد سبقته بشهور

في تلك الفترة الفاصلة بينهما .. حدث فيها ما حدث .. و لست فخورة بكل ما كان .. الا انه حدث

!!

عمرتي الاولى في حياتي .. كانت مع والدي

.. مثالية لاقصى حد .. و فيها حدث تغير خفي نسبي

.

.

لكنه .. خفت و بهت ..فضعف العزم

جاء رمضان .. و قلبي حزين .. و هو لم يعرف الحزن من قبل

ليس لفراق حبيب .. او صدمة قوية

بل .. لما دمرته بيدي .. و بكامل ارادتي .. من قيم و قناعات .. كانت ضعيفة على الاغلب

.

.

لذا لم تصمد

!!

رمضان .. بكل اجوائه .. و روحانيته

.. تفاعل مع اساسي النقي .. و ثبت من جديد ذلك التغير السابق

و تغيرت

.

.

كنت اسمع القران .. و لا اتأثر

.

.

.. و الان تدمع عيني و يصل وقعه الى ابعد نقطة من روحي

.

.

كنت اسمع المواعظ و الدروس .. و لا اهتم

.

.

.. و الان ابكي و اشهق رأفة بحالي

.

.

.

تغيرت .. و تغيرت .. اعرف ذلك يقينا

و خطواتي كسولة بسيطة و بطيئة

.

.

هل تعرفني ؟؟ لا يهم .. قلت ما قلت .. كي تعرف ان فرصة التغيير أتت .. و الظروف كلها مواتية

ان كنت تضييق من نفسك .. عند جلوسك وحيدا .. و لا تعرف ما بك

فكر .. ان تعود الى الله .. لا تتنظر مصيبة تحطمك فلا تجد غير خالقك .. ليكن عودا طيبا

احبك يا ربي .. و انت اعلم اني ما تركت ما كنت عليه .. الا طمعا في رضاك

P.s :

و انت صائم.. لا تنسى .. الفرق

.. بين شخص يعرف ساعة افطاره و قد يكون مقترحا لعدة اطباق يشتهيها

و اخر .. لا يجد ما يسد رمقه

و كلاهما صائم

!!!

استشعر الفرق .. هو مؤلم .. و فيه حكمة

:)

Sanaa '7amsaa ana tara ;D

انا : والله اهما الخسرانين

اهيا : هههههه ليش بالله ؟؟

انا : احنا عقليات شابة جبارة .. اي شعبة تتشرف فينا صراحة

هالحوار .. تم الساعة 9 صباحا .. و نحن نجوب الممرات .. بحثا عن دكتور المادة .. ذات الشعبة المغلقة

بكل احترام و ذوق و احساس .. يشرح لنا صعوبة تحقيق الامر .. لانه كذا .. و بسبب كذاك

يقول : والله انتوا عقول شابة كلها طاقة

انا : ههههه

والله توني اقولها هالكلام قبل لا نوصل مكتبك بس زايده عليه انكم خسرتونا

الدكتور :ههههه كلامج سليم 100 % بس صدقيني لو بيدي جان ما رديتكم

----

اهيا : وينج ؟؟

انا : انا بروح باركنج علووم

اهيا : وييييي بعيد تعالي الفرع

انا : نظام الباص و يوتر لي اعصابي

!!

تخيلوا .. بيني و بينه ثلاث امتار .. و اهوا فاتح الباب يا عله شقوول .. بكل بساطة مشى

!!

ما فادني المشي السريع و شفط المعدة ههههههههههههه

بكل حرقة قلب : وااااااااااااااااااااااي يحر يحر يحر

نظرة من الشاب النحيس اللي شافني اتكسر ما كلف نفسه يقول حق الباص اللي عند خشمه وقف شوية

عطيته نظرة نارية و مشيت

!!

انا : شفتي شلوون ؟؟؟ قلت لج الباص يوتر لي اعصااااااااااااااااااااااااااااااااااابي

على فكرة .. انا من اوائل اللي ركبوا الباص .. اول ما وفرته الجمعية .. ينقل الطلبة من مواقف الفرع الى الكلية

ماكان احد يركب .. والله كان الوضع جنه سايق ابوي .. و الباص خااااااااااااااااااااااااااااااااااااالي

انزل منه .. الكل مندهش .. هذي من وين يايه ههههه

الحين .. أرد و اعيد واقول .. يوتر لي اعصابي اووووووووووووووووف

-----

من كثر ما يشطني هالباص و حالة (الا نظام) اللي اهوا فيه

.. ترى اكثر من باص يعني مو عبالكم في بومباي متجايسين كلنا في واحد

.

.

مــــــــــــــــــرة من المراريــــــــــــــر

ركبوا بنات .. و سكروا المكان على الشباب .. بكل احساس ما شالله عليهم و حب الاخرين

دخلوا جم واحد .. طلوا و وقفوا شوية و مشوا ..بعد وين يقعدون ؟؟

.

.

سكت انا ؟؟؟؟؟

!!

ابداااااااااااااااااااااااااااااااااااااااااا

.

.

انا : لو سمحتي ممكن تنزلين شوية عشان يدخلون الشباب ؟؟ لانكم مسكرين الممر

.

.

هن : !!!!!!!!!!!!!!!!!!! صاجين نعم شتبين يا انتي

مانطرت .. قمت بكبري يعني قدوة هههههه .. و طلعت من الباص

اخوي اخوي .. تقدر تركب في أماكن وايد

( مو قلت لكم باص ابوي .. من الرواد انا في هذا المجال فا يحق لي )

.

.

و جدا فخورة بنفسي .. لانه ولد ناس و الشمس حارة عليه مثلنا بالضبط .. و افتكر عيب كل وحدة مرتزة

و عيالنا يطقونها مشي و في كراسي فاضية

!!

و ركبوا كلهم و عشنا بسعادة الحمدالله

.

---

احم احم

انـــــــــــــــــــــــــــــــــــــــــــــــــــــــــا

.

.

ســــــــــــــــــــنـــــــــــــــــــــــــــــــــــــة

.

.

خـــــــــــــــــــــــامـســـــــــــــــــــــــــــــة

رجاء كل من حاب يعلق .. يسألني هالسؤال .. انتي اي سنة ؟؟

;PppPppp

والله جنه امس .. مستجدة امشي بالممر اللي يوصل لي العلوم واقول ليش ما احول علوم ادارية

:")

shaHeeeeeQ .. all the time

منذ بدء الخليقة على هذه الارض .. كانت الملابس تهدف الى تغطية الجسم

و تطورت حتى تخصص البعض في فن اخفاء العيوب .. بأقمشة و قصات معينة

تخيل لعين الرائي ان حلم المنيكان اصبح سهل المنال

الكل يعرف .. ان اجسام معينة .. و نادرة مسموح لها .. بحكم الحرفنة التخصصية .. ان تلعب لعب

اي تعيش بحرية .. و ترتدي ما تشاء .. بأي لون و شكل

لكن هل الكل يعرف .. الهدف الأولي من اكتشاف الملابس .. ؟؟

.

.

اختي العزيزة

.

.

لبسي من قال لا تلبسين .. بس مراعاة الحق العام .. ضرورة واجبة .. نص عليها الدستور

.

انا ماني ملزومة .. امرض من المناظر التعبانة .. ما راح اقول الكلمة اللي من ثلاث احرف

اخاف تجرح .. ( ك ر ش ) لاني ادري مو منج يا بعد قلبي انتي .. اصلا اسمها عضلات مرتاحة علميا

.

انتي المفروض .. تصيرين اذكى من اللي يخطط لتشويه جمالج .. مثلا .. اللي ابتكر البلوزة القصيرة

هذي ما يصير منطقيا .. تلبسها الا اللي عندها خاصية

Flat stomach ..

يلوع الشكل الخارجي ( ادري الاخلاق اهم و الروح و الجوهر بلالالا بلالالالا بلالالا ) اذا كانت هالخاصية معطلة

مؤقتا ان شالله .. عندج

حتى الجينز .. ترى

low waist .. is OUT .. Go for High plz ;D

.

.

انا بقلبي كلام واايد .. بس ما اقدر اقوله .. ودي اذا مستذبحة يا اختي العزيزة .. انج تفهمين النظام

لانج قاطه فلوس

.. احلى شي بالبنت انها تكون لابقة حق عمرها .. تعرف شنو حلو عليها و شنو لا

اللي مستصعبه المسألة .. بدال التهووول .. تروح ( بالصراحة أحلى ) تقدر تعطيها فكرة

مع انها مو زوود .. بس تساعدج بالقصات و الالوان

.

.

عشان انا ارتاح .. و اصلا فيها شبهة قانونية .. مثل ما قلت انتي يا اختي قاعده تضايقني مع الاسف

.

.

حاولت اسامحج اتجاهل اتغاضى .. ما قدرت .. تكاثرتوا و بعضكم يشجع بعض

انا لو المنظر .. يوافق ادنى مستويات الجمال .. لانه الجمال نسبي

بس ما اظن في احد يحب منظر العضلات المرتاحة .. جان ما قلت شي والله العظيم

فااا واللي يعافيج صرفي نظر

.

.

.

اخي العزيز

لا تلبس شورت الا رايح شاليه .. او لعب كرة .. غيره ما احب انزين ؟؟

مشكور ادري فيك سنع بس ساعات تنسى

و ترى الدشداشة تخلي الجيكر .. زوووقة .. و من قلب اقولها هههههه

.

.

اتفقنا كلنا ؟؟ نلبس ملابس تخفي الديفوووووووووووو اللي فينا

شطورين يا كثر الزين والله لي كشختوا و نزاكة و ذوووق يا فرحتي

جان بخت والله .. مناااي

.

.

مع الاسف .. انا مو قاعده اتكلم عن الستر .. اخاف احد عباله داعية و انا مو قد الكلمة لي الحين

.

.

نصايحي الخفيفة للتخلص من المعدة المرتاحة

-----

التركيز على الجلوس الصحي والصحيح

.

.

قاعده تمشين .. تاكلين .. تنامين .. اي شي .. الحرص على شد العضلات و ذلك بشفطها الى الداخل

هههههههههههه والله من صج انا قلت لكم و التجربة خير برهان

.

.

.. الشرب بعد الاكل .. مو لقمة و جقمة

.

.

البنات .. اذا كلش كلش يعني الرياضة مووتج .. انصح باصرار .. الالتزام بالرقص

اكتبها و انا مستحية .. بس لضرورة احكام .. شفت شي مو شوية والله .. و الشبهة الشرعية مالي شغل انا

Venezia ..

Since I have countless crazy dreams , i had to list them( for no logical reason ;D )


starting with the impossible one :

1- I wanna shave my hair (3laa el zerooo) .. and be Zalabooo6aa ;D

i don't know how to say

agra3 mogaira3 for a girl .. Is it gar3a mogaira3aaa ??

2-Riding on a public bus here in Kuwait, not for a tour ,, laaa laaa mn 9ij !

3-sliding on the main Corridor in campus ..

Definition:

This is an ancient comlpex movement , which is -mainly- created from :
running and shooooooooooooo sliding on the SHINY floor , using only ur weight and knees ;D

(maybe I'll consider doing it when I graduate !! )


4-Crossing the main street by taking the PEDESTRIAN BRIDGE .. This is soo can do ..

5-visiting Venice.. AND I did it .. I did it I did it ..

-----

رومانسية فائقة .. سحر خيالي .. احساس غريب .. تفكيري في عالم مختلف

أنا .. أمشي على طرق من تاريخ ..و ألمس جدارن عصر النهضة

يوم .. رائع .. و ليلة سكنت في ذاكرتي .. سهرت فيها على نافذتي .. أراقب الليل في البندقية الحالمة

رغم اني أخاف السير وحدي بالسفر

لكنها .. آسرت قلبي .. فأحببت ان أرافق المطر الناعم .. و أمشي مودعة الطرقات فيها

باحثة عن ذكرى صغيرة .. انتقيها .. من حلمي

the baby me !!

افهم الحالة .. ثم .. اعبر عنها .. او احتفظ بها لنفسي

!

انزعج كثيرا .. و كثيرا جداا .. عندما اعبر .. عن احساس او فكرة .. قبل تحليلها و تحديد رأي و موقف

!

فجأة .. لا انام الا مع زقزقة العمال المزعجين جدا .. تحت نافذتي

!

على الساعة 7

10

صباحا

!!

خير ان شالله .. اسهمج بالبورصة طاحت ؟

اهلج ضاعوا ؟

همممممممممممممممممممممممم

بعد جمع العوامل كلها .. و دراستها .. و تحليلها

"" انا احاتي ابوي ""

الاسبوع الماضي .. كل ليلة .. بين السهر و التفكير .. يكون الخوف .. وتكون الدموع

تعب قلبك ؟؟ الله يعينك على الدنيا و اللي فيها .. اكيد يتعب .. ما يأذي احد .. يسكت .. و يبتسم

الخميس الماضي .. على الغداء .. امي تعلن للملأ

ترى بو حمد بالمستشفى

!!!!!!!!!!!!!!!!!!!!!!!!!

طبعا انا ما ادري ؟! هل كيف ؟

حس بنقزة قوية ما قدر من جم يوم فا لزمت انه يروح يشوف

ما اذكر اني حسيت بالاكل عقب هاللحظة .. و ما ادري ليش امي ما قالت لي لما سألتها عنه

الحمدالله ما فيه الا العافية .. طبعا هذا كلامهم

اهم شي انا ما اعبر اكلم احد مريض .. ينعصر قلبي و احس ألم بروحي ما استحمل

فا .. مسج مني له

سلامة قلبك يا أروع أب بالكون .. و سلامة الطيب اللي فيه كله

يالاااااا تعال بسرعة عازمتك على فلم " كتكوت " تضحك لين يطيب قلبك

الحين اكتب لاني خايفة عليه وايد .. كل يوم من ذيج السالفة لي اليوم .. ما اقدر انام الا بعد حالة و عبالة

عادي اتعب من البجي و انااام .. مو ياهل بس احبه حيـــــــــــــــــــــل

:""""")

تقول امي : خلاص الصيف الياي حمد معانا و انت ارتاح

جان اقعد ابجي .. شلوووووووووون تقوولين جذي .. واهوا يضحك

اللي ودي صج صج .. الله يشيل كل اللي فيه و يحطه فيني .. و لا اشوفه تعبان أو يشكي من شي

احبه مو لانه ابوي و بس .. لانه انسان عجيب .. حنون و طيب لأقصى درجة

يقولي ماكو قلب انتي ..؟

انا : انت اللي كاسر خاطري و قلبي من صغري

ابوي : هاااا شلوون ؟؟

انا : تذكر بالعيد ألعاب مشرف بقمة الوناسة .. تسألني شنو تحسين و انا معاج .؟

انا ما عرفت ابوي فا ما اعرف هالاحساس

كنت صغيرة .. ابتدائي .. و بجيت بالعيد عليك .. كسرت قلبي و الا لا ؟؟

بالسفرة .. رايحين منطقة بعيدة .. فااا غيرنا السي دي .. الا صوت حزين .. منشد عراقي يعني روعة بالاداء

انا قايلة حق حمد لا تحطها .. و تفاجأت انه عاندني

فاااااااااااااااااا .. اهيا عن قصة ولد مع ابوه .. من صغره لين يتوفى .. تحطيم لا معقووول

طبعا طبعا .. سبحت بدموعي .. و انكسرت رقبتي و انا لافة على الدريشة .. لين وصل مقطع موت ابوه

الحين ما فيني بجوة صامتة .. وصلت مرحلة النوح اللهم يا كافي

جان اقوول وااااااااااااااي بس سكرووووووها

امي شفيكم شفيكم .. ديمة تبجي على بجوتي .. و ابوي صامت

ردينا الكويت .. امي تسولف .. جان تقوول عن النشيدة .. تخيلوا اللي بو حمد من تحت النظارة دمووووع

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

انا اذكر لما وصلنا الشقة سألني تعالي ليش تبجين على النشيدة ؟؟

قلت بس

!

لو ملزم علي .. جان صار فلم هندي

.

.

ابجي

.

.

لاني اشوف كل كلمة في القصيدة فيك .. لاني احسك عطيتنا شي انت كنت فاقده

لاني ما ابي ينجرح احساسك .. ما ابي ما ابي ما ابي .. ما ابي تذكر انك ما شفت ابوك و لا عرفته

.

.

سمع اللي ما ابي يسمعه .. و حس باللي ما ابي يحسه .. و تأثر .. و تذكر .. و انا ما قدرت اسوي شي

بس بجيت قبله .. و اكثر منه .. و حس فيني .. و فهم علي .. ما عليه هذا اللي بيدي الحين

احبه اكثر من روحي .. ودي اسوي له شي يشوفه بعيونه و يعرف غلاته عندي

ابـــيــــــــــــــه ما ادري شفيني ؟؟

امس طول العصر .. و انا على هالكلمة

ليش ما تروح طبيب ثاني ؟؟

ما ابي

ليش ما تروح طبيب ثاني ؟؟

الحمدالله و الشكر قلت لج ما ابي

ليش ما ترووووووووح طبيب ثاني ؟؟

يضحك علي

!!

علقت على هالسؤااااااااااااااااااااااااااااااااااااااال لين تعبت .. و لا اقتنع هههههههه

يا رب .. طول بعمره و عطه الصحة و العافية .. و احفظه من كل شر و كل ضرر .. ياااااااااااا رب

اللهم ارحم موتانا و جميع موتى المسلمين

يمكن الحين اقدر انام

!؟

P@sSion...

للاحتراق فن .. قل من يتقنه

يعترف .. ان ليس له جمهور

تعذب انت .. دون ضجة

احترق .. بألم .. و ملامح ملتهبة

عش .. دون رفيق .. فانت حارق لذلك الاخر.. ذلك الذي عبر .. و لم يظفر

احب .. الاحتراق

في الشمعة .. و البخور

في الشمس

في زيت ينتظر التهام المقالي

في ام .. تعطي حتى الذهول

احترافي .. احتراقي

نادر .. في عالمي .. و احترفته .. فالصعاب كانت لي .. و انا من يهوى الصعب

كلماتي .. تحار .. فيني .. ليس لي الا خيالي .. و احتراقي

لك .. و لكي .. و لمن يعشق دفئي .. و حنيني

للشموع

للبخور

لصوت تلك الفطائر .. تغوص في زيت الفقير

احب الحرائق .. و الاشتعال

ارى فيها خصوصية الانسان

احترق .. و انت تحب

احترق .. و انت تعمل .. و تعطي .. و تعيش

اعيش انا .. محترقة .. مشتعلة

شعلة .. لا يطفئني برد الشتاء البعيد .. و لا صمت المشاعر المزيفة

اشتعل .. احترق

تميز .. قل من يهوى الاشتعال .. فالكل يغوص في دنيا من الثلج الصناعي

لا حياة في احساس مجمد .. و لا عاطفة في قلب بارد

احترق .. تتقن .. فلسلفة الوجود

احترق .. ترنو الى ما ذاك السمو

احترق .. انا .. منذ بدايتي .. شغفي باحتراقي ينصهر .. و اكون انا

فتاة .. بسيطة .. بها كل الحرائق

ترفض ان تظلم انت امامها .. تنتفض لبكاء طفل .. لألم روح

تحب .. و تعيش .. و ترى الحياة باهرة عامرة .. مشتعلة .. لذا دوما مدهشة .. هذه انا

بأسراري الساحرة .. لن ابوح بها .. الا لها .. و باحتراق


قل من يتقن فني .. هو فن الاحتراق

juSt a thought ..

اذا اتفقنا ان القاعدة الصلبة التي نقف عليها و نتفق معها

.. هي العقيدة الاسلامية الكاملة المتكاملة

منهج حياة .. سلوك .. اخلاق .. ممارسات

ما شدني في الكثير من المدونات

.. والتي بكل حال من الاحوال تعكس و لو نسبة بسيطة من حقيقة الكاتب

هو التصريح الصريح .. بالخطأ .. و الحجة التي يقوم عليها دفاعه هي

.. لست مثاليا و كلنا اصحاب معاصي و ذنوب

لم يكن تلميحا .. بل كما قلت تصريح .. كأن يقول احدهم

.. اترك المثالية لكم

!!

من يعجز عن الغوص و لا يرى الا السطح .. قد يغتر بتلك الشجاعة و الجرأة

.. نعم قمة الصدق و الواقعية

!!

لكن .. شخصيا اراها .. أمرا اخر .. فأنا من النوع الغطاس

;)

الى من يفخر بعرض معاصيه

.. و يرى انه مجرد انسان يمارس قصوره.. علنيا ..لكنه يملك من الاقدام و الثقة ما لا نملك

نحن مدعي المثالية و الملائكية .. استغفر الله

اليه أقول : حقيقة بسيطة مغيبة عن عقلك الابسط و اقولها لك لأبرئ ذمتي فقط

من ستر الله عليه .. وجب عليه ستر نفسه .. هل فكرت بذلك ؟؟

قد تقول لنفسك ..مهونا عليها فعلها في نشر الفساد .. انا مجرد اسم مجهول الهوية من يعرفني قلة قليلة

!

انت .. و انتي .. من يروج للمعاصي و يسهلها

من يهون الذنب على الاخرين .. من يحطم مقاومة البعض

ليست المسألة قوة تكمن في ذاتك او ضعف يملك حياتهم .. لكن .. عرض الخطيئة .. مهما كانت صغيرة

وانت مدرك لرفض المجتمع لها .. رفضا لا ينطلق من العرف و العادة .. بل من الشرع

تكون هنا قد أعنت الشيطان على غيرك ..على من يجهاد نفسه

.. و تراه انت اقوى منك.. لدرجة تجعلك ترد ردا عكسيا

قد لا تدرك تلك الحقيقة .. فعقلك الباطن غالبا .. يحميك من الواقع

.. بدل ان تحاسب نفسك و تحاول تقويمها

تستسلم لها .. تمجد أهواءها و نزواتها .. فتكون بطلا على من هم مثلك فقط

.

.

و ترى في أعماقك

.

.

من ترميهم بالنفاق و المثالية الزائفة .. ابطالا حقيقين .. لكن تصرح بالعكس ارضاء لكبريائك فقط

.

.

ان كنت تقف معي على الارضية الصلبة التي ذكرت

.

.

.. فلا تنسى القول النبي الكريم عليه الصلاة و السلام

.

.

" اذا بليتم فاستتروا "

.

.

.. البلاء اكبر .. و المرض يملك عقلك .. عندما تقرر انها حرية تعبير

فقط لان من أدب النصيحة ان تكون سرية

سيكون اسمك او اسمكِ سريا .. و لكن حديثي موجه لأشخاص بعينهم

Baskootaa w katkootaa ;**

رحلة هذا الصيف .. رحلة التأملات .. و التطورات .. العقلية النفسية

يكفيك منظر يثري خيالك وحدك ..وقد كنت في الصيف الماضي تتمنى ان يراها من تحب قبلك

!

السفر مع اطفال .. صعب لانك ملزم بتوفير كل شيء لهم .. و ان كانت والدتك تحرق نفسها لترتاح

فسوف تتعب انت ايضا .. من ملاحقتها و خطف الاشياء من بين يديها لتقوم بها انت

اكتشفت انني عاشقة للنظافة و الترتيب .. رغم ان غرفتي بالكويت عادية .. الخادمة تتحمل هذه المسؤولية عني

و السفر يظهر طبائعنا الحقيقة

;P

------------

احب المدن الصغيرة .. القرى اللي ما فيها سياح .. احب محلاتهم

اقعد ساعات .. ادقق في تفاصيل الاشغال اليدوية و الانتيكات

----

كنا رايحين " انسي " و تعبنا من المشي .. قلنا نشرب لنا شي .. القهوة صايرة على مفترق الطرق

اخر اطرافها .. سيدتين .. متقدمين بالعمر .. من الكويت اغلب الظن

.. و قاعدين معاهم " برد" ما طليت فيه فا ما ادري شنو نوعه

!

تجابلنا انا و امي .. و نسولف و نتشاور و يمكن نحش الله يسامحنا

و الحرمتين .. قاعدين .. ما يكلمون بعض حتى

!

امي : متحاربين ؟

انا : لا تخيلي طول عمرهم يكلمون بعض .. ملوا

!

نلهى عنهم .. و نرد و اهما على نفس الحال

يالا بنقوم ..دفعنا الحساب

انا : ابيه نخليهم ؟

امي : هاااا اي والله شلون ؟

انا : روحي كلميهم شوفي ناطرين احد ؟

امي : لا فشلة

انا : كيفج ترى برقبتج

! هههههههههههه شكوووو

قمنا .. اربع خمس خطوات

انا : وااااي قلبي عورني انا برووووح

اول ما جبلت عليهم .. جان يبتسمون لي .. طبعا انعصر فؤادي ما ادري ليش ما فيهم الا العافية اصلا يعرفون فرنسي

!

قلت السلام عليكم .. خالتي شلونج

جااااااان تخطم ايدي .. طرى علي ابوريت شهر العسل

سعاد عبدالله : .... يعني بتلسم علي و خرعتني .. و امسكتني و اسحبتني و كمشتني قمت اصرخ يمااا لحقيني ذبحتني

تسألني انتي من بنته؟

فلان الفلاني

ترد الثانية تسألني ,, نفس السؤال

انا اقول لها : خالتي انتوا ناطرين احد ؟

قالت : اي والله البنات راحوا السوق و خلونا .. متى يسكر السوق ؟

قلت لها عشر دقايق

ردت علي انتي من بنته .. ووين ساكنين و بيتكم بالكويت

!!!!!!!

و الا الا تعرفين بناتنا و يعرفونج

!!!!!!

والله ما اعرفهم .. اتشرف بس ما اعرفهم

اهني يتني امي .. و نفس المشهد .. و نفس الاسئلة .. مع زيادة سؤال .. شنو العلاقة بينا ؟

بنتي .. و تعيد هذي بنتي

انتوا من بيته ؟

فلان الفلاني

اييي و النعم .. فلان اللي ما ادري وين منكم ؟

ايييي عمي

او

لالا مو منا

و تعدد لي سكان الكويت و نرد ايي او لا

المهم .. طلعوا بناتهم اللي مصرة الحاحا اني اعرفهم .. وحدة ناظرة امي قبل و الثانية اكبر

!!!

و احنا 25 سنة انيي " رول " و زورونا .. و بالكويت خنشوفكم

عرفت خالات ابوي .. ما شالله على انها واايد كبيرة بالعمر بس فيها حيل

تطمنا عليهم الحمدالله .. و مشينا

يعني منظرهم .. مرر الف صورة .. و خاطرة .. و عبرة .. و فكرة في بالي

اصلا حتى قبل لا اكلمهم .. وايد انشغل فكري فيهم

و اسولف مع امي .. و اقوول فجأة : واااااااااي بسكووووووتة انتي

امي : هااااو منو ؟

يمه العيوز اللي وراج تتحجى فرنسي اتينن

فجأة ثانية .. يااااااااااي الكتكوتة الثانية سلم قلبها والله

بس قاعده اتحلى عليهم .. ما شالله يزغوون القلب .. الله يطول بعمرهم

مرت عاد .. ذيج الشمحووووووووطة اللي انا مقدرة حقبتها بما يلي

.. هذي يا يمه ناظرة الروضة اللي كانت فيها صباح

!

لابسة ذاك النفنون .. الظهر عاري .. و الشعر اشقررررررررررررررررررررررر

رافعته شنيون .. و الجنطة و الكعب .. و الميك اب .. و على يمناها رفيجها

قلت وييييييييييييييي لا تمر يمهم .. يالاااا بعيد يا علج الحتحاااااااااات

سبحان الله .. العمر له هيبة و احترام .. اهما كل الوقار و القدر .. حجاباتهم و شالاتهم و رزة

و هذي .. يا هوولة تهولي

حبيتهم .. يا زينهم والله .. لو متأخرين عليهم جان بقتهم انا

p.s:

only for the sake of ur eyes ( nOny) .. this post is colorless >>> so not me ;D