warning
this is a long post
.
.
شطبنا على العيد السعيد
و سلم علينا يا حلوه و قال حللوني يا جماعة
فقدته من غير شر .. لويته تونس عسانا ما نفقده
لوية اول يوم بالاصح .. لكن
لولا الخدم
@@
صج صج حسيت بيني و بينهم ثــــــــــار الا شوية
ايـــــــــــــــــــي و انا عند ربي صــاجة
بداية توتر العلاقات.. بالقرقيعان
دز مدازز باليهال .. و صافين كلـــــــــهم اللي معاها صغير و الا رازة جيس و اثنين و ثلاث
الكل مشى الموضوع .. الا انا
وقفت اليهال اول صف و ثاني صف .. و لأني مثبتة الخادمات المشاغبات
قلت لهم بصوت عذب ان شاء الله
:P
انتي انتي .. و انتي و انتي والله العظيم شوفي انا قلت والله
بعطيكم بس اخر شي .. حرام كله بيبي يبي قرقيعان
تبوسموا لي .. و اكيد القلب داعي لي
انا شوية اذل اليهال على ما اوزع .. بس الله يشهد نيتي اعطيهم فكرة عن مبدأ الاتقان
قرقع بضمير تجد ما يسرك
غلطانة ؟؟
موووو غلطانة ... اصلا اصلا الكل قال ختامها مسك
و انا اعطي اليهال ... في ايد غير ايدي بالصندوق تخطف من هاللي فيه
@@
رفعت عيني .. الا خدامة غير لطيفة .. طالعة فيها و يايتني اسقــاط من فوق
@@
صاعدة فوق صبة السور اللي حاطة عليه صندوقنا
و تنطرني الف عشان تخمط
@@
ليش يا حافظ ليش ؟؟
المهم اني تأملت ويهها برهة من الزمن .. ما ابي ازفها و اكسر بخاطرها
شسويت ؟
شفتوا ربعي الأولين اللي اقسمت لهم بأغلط الأيمان
؟
قلت لهم بكل حب و حماس .. انتوا شاطرين وايد واقفين بالدور بعطيكم الحين
و الف على صاروخ سكود اللي محسرة بعمرها ... انتي اخر شي لانج ما تسمعين الكلام
احلى شي انهم يتضحوكون .. سوينا لبعض جو يا حليلنا
:D
يانه العيد السعيد .. و الزوارة كلها حياة ترد الروح
نورة رايحة رادة على المطبخ ليش ؟؟
لاني بس اشوف 3 ويوه تتكرر .. وين الجيش اللي ياي
حول 10 خدامات
@@
رحت استخبر من اللي مبسطة و من اللي تكرف
بعطي بونص اعمال السنة الظاهر .. المهم اني ثبتهم عساني ما انظلني
و لانه الغدا عندنا .. و مو الكل يعطي من روحه صراحة
و ما احب الحريم الكبار يحوسون و انا اسولف
.. فا بكل الاحوال طايحة على اللي بالمطبخ طايحة
سواء نيتي اطب عليهم فجأة .. او عندي سالفة صج
:P
يعني مو مينونة رسمي .. لا .. بس شوية مداحرتهم
ما احب احد يستبد بأحد و انا ساكتة .. خاصة انه امي كل ما شافتني
قالت : وعليه فلانة " خدامتنا" طاح حيلها ما يعاونونها
هالحجوة .. كلش ما تشيشني
!
بعد ساعتين .. فهم الستاف كله اني صاحية لهم
;)
فا صارت علاقتنا ودية .. قمت اشجع .. و اصفق و انتي حلوة و انتي شاطرة
ما بقى عاشوا عاشوا .. و لا ايوا يا ايوا
والله حبيتهم كلهم .. ما عدا ثنتين
@@
اولا يتخششون .. بس على مين ؟
ثانيا .. مكدشين الأمة ؟؟
تقولون معازيب
!
سكت لهم من الصبح ... لين شالوا- غيرهم- الغدا
انزين استحوا ؟؟ خيلوا ؟؟
و ادعرم واشوف العمة حاطة لها صحن .. فيه كيك و حلو
-عليج بالعافية مو القضية انج قاعدة تعلفين من دخلتي البيت-
.. و عبيدها يكرفوون بالغسيل و المواعين
عليكم الله ... ربنا بسابع سماه يرضى
@@
انا فار الدم فيني ..و بنفس صوتي العذب الأولي قلت لها بحنان العيد
:D
انتي .. يبي صينية و تعالي بليز
تستهبل على مخي لاعبة دور السرحانة في سماء المطبخ
بهاللحظة .. تخيلت
و خفت من نفسي
اني كامشتها من شوشتها .. و امردقه يبهتها بباجي المرق
لانها صج جليلة حيا
كلهم منهد حيلهم .. و شغاليين .. و اهيا ياية راحة و استجمام حرام
!
عاد يابت الصينية .. و وراي .. خليتها تلقط لعافيظ الصغار بالحديقة
حسافة مو وايد اشياء
:Pp
بس عقبها صارت فترة سكون .. اليهال طاشين بره
و الشاي و القهوة زاهبين .. اهني عتقت ربع المطبخ من كبساتي
لانه الوضع كله تحت السيطرة صار ,و لاني تعبت بعد يعطينا العافية كلنا
.. ولو ما شفى غليلي بهالثنتين
بس يابت الصينية و الا ما يباتها
؟
يابتــهـــــــــــا
:D
ترى ماكو عداء شخصي .. اهيا غير عن المغاوير اللي كانت بالقرقيعان
بس حطوا روحكم مكان اللي شغاليين من الظهر
.. و يطالعونهم و هم يتمخطرون ما غير تبلع و تطلع
حرة و الا مو حرة ؟؟ ما ادري عنكم انا حسيت دام السالفة في بيتنا
فا اهيا بذمتي
@@
عشان يكون عملهم الجماعي فعال و ذو كفاءة
.. كان لازما علي .. اعطيهم اولا
احساس عظيم بالتقدير .. وثانيا أدنى محاولة للعدل
ياني احساس اني امممممم
مدير البنك المركزي بالوكالة .. اصلا ما ابي اصير
;P
قلت كل هاللي قلته فوق .. باوصل منه لحكمة العيد الجديدة
كانت الزوارة .. ناجحة بكل المقاييس
لكن .. المرة الياية .. نرفع شعار لا للخدم .. نطلب لنا سيرفس جم وحدة
ياية مرتاحة تشتغل لها هال4 ساعات و تروح
و لا عوار قلبي و محاتاة تكافؤ الفرص اللي بالشة روحي فيه
و شكرا
.
.
.
ثاني يوم ..رحنا عكس الناس .. المنشر فحيحيل
ما ادري ليش احبه ؟
امبلى دريت
:D
يا كثر زينه والله .. و الصبيان اسم الله عليهم
مغتريــــــــــن و نسفة مو اي شي
.. بس لا يدرون اني قايلة عنهم صبيان
يهدر دمي هناك
:P
ثالث يوم .. طلعة بنات العم
من اولها لي اخرها .. ضحك
كبيرتنا .. كل ما يانه مدير المطعم تسبهت
@@
اهوا الحق ينقال .. ذرب لدرجة
من كثر ما تعبت و انا ارد عليه
اعتقد قلت له بعد قلبي او حبيبي شي جذي
:D
بس رغم ذلك ما ينغلب وااااااااااااااااي
تعبت .. قبل المغرب استسلمت قمت ارد بس
شـــكــــرا و شكـــرا
و هاللي يمي .. متنحة هههههههههه
والله ماكو على جلحة و محلة عيالنا
اصلا دفاشتهم تحسسج انه الدنيا بخير
بلا لعيونك بلا فتوش
:Pp
و لاني ارفض .. و صج صج
تأبى المرؤة .. و الكبرياء .. و كل شي
اني انذل على طاولة و كرسي
اي مكان .. في ساتـــول طول اللي عند سفارة السعودية
مستحيل ..اطبه
من بعيد .. شفت ظلال الأمة الواقفة تنطر
في تشوكليت بار البدع
قلت ولاني رايحة
اشوه اللي معاي سهالة العالمين يا حلوهم
توفقنا بمكان احلى و اهدى و كله اللي فيه
بــحــــــــــالـــهم
و الجو بديع .. و في داخل حفلة
فا كل 3 دقايق تنزل مجموعة نساء ويهف علينا بخور
والله .. مال خيمة و قعدة ارض و قهوة
بس يالا ستاربكس ما بها شي
,
,
و الختام .. العجيب .. الرايق الراقي
مع وحدة ما تعرفونها و لا احد يعرفها بس انا
برحلة رعب لانه سواقتها صايرة
امممممممممممم
مو لي هناك .. كيفج بس صج وصلتيني لي مرحلة
الجـــــزع
@@
طلعة معاج حق الجمعية تونسني
هل كيف حالة الاخلاء العام لطارئة وصولنا اماكن عامة
:Pp
بس تعبت .. هذا الموجز ترى
أمـــا التفاصيل
.
.
.
هههههههههههههه
على البال كل التفاصيل لا تخترعون
:D
