mY h@pPy pL@ces .. :')

لكل شخص طريقة .. و سلك و اسلوب

أصارع رغبتي في اطلاق الاحكام و تقييم البشر من حولي

أحيانا أصرعها .. و أحيانا أخرى .. تصرعني

هذا الصراع السلمي .. طور حس الملاحظة القوية .. لتصرفات الاخرين

ليس لنقدهم .. لكن .. ان تكون شاهد عيان .. او مطلع على قصة .. سالفة

توفر عليك مواقف صعبة .. و تحقق خبرة متقدمة على الموقف نفسه ان حصل لك

المهم .. ان ملاحظة الغير .. أفضلها ان تكون سرية

.. اي ان احتفظ برأيي لنفسي في الغالب

و اعترف ..اكره نفسي .. حين تناسق في غيبة شخص

.. و عادة ما تبدأ الحفلة برأي احدهم فيه

مقدمة .. لا تقدم الموضوع

.. الا انه طويل .. اهديه لنفسي .. لانها مجهدة جدا

و هذه طريقة بعض الناس

.. الأكيد انني منهم .. في التعامل مع الهم .. و التعب النفسي

ملينا من التحلطم و الشكوى ... لذلك

i need to creat my HAPPY LAND .. and GO there ..

Cant settle with a happy place .. I NEED MORE ..

here goes ...

سأذكر .. كل لحظة جميلة .. سعيدة .. اي لحظة حفرت لنفسها مكانا في ذاكرتي

:)

نهاية العطلة الصيفية الماضية .. موعد السفر .. في الصباح الباكر

سنعود الى الكويت .. يا حلو الكويت واللي فيها

لكن .. وداع المكان هذا ... يضيق الخلق

احتفالا باخر ليلة .. أجرنا .. اممم شلون اكتبها

دراجة هوائية

!!

doesn't sound fun !!

امي .. انا .. و اخي .. بحيرة كبيرة .. قررنا ان نلفها كاملة

!!

ما كان من صجنااااااااااااااااااااااا

اول ما هااا .. شدينا الحيل .. و انطلقنا .. رذرذ علينا مطر عجيب

طبعا انا .. انفصلت عن العالم .. عالمكم انتوا .. رحت مالي بروحي

جهاد الوالدة .. و تبديل ادوار .. و توقف للتصوير

لم ينقص من روعة تلك اللحظات .. وانا تحت المطر الناعم شيئا

:)

قلت .. ان البحيرة كبيرة ؟

و اخوي .. راسه و الف سيف يكملها

:/

نكسر بخاطره ؟؟

اووف اووف اللي ينزل كل جم يوم .. يقط الملابس بالغسالة و ينطر

!؟

اللي .. رايح راد .. على السيارة اييب جياااس ناسينهم

؟!

طير شلوة .. لالالا تأبى المرؤة

فاااا

كان له ما اراد

كانت السما .. ترذرذ .. ما ادري اذا صح الكلمة .. يعني مطر بصفة رذاذ

1

2

3

SHOWER !!!

الماما .. انعفست .. شكلا و نفسيا

الشاب اللطيف .. اندمج بوصلة قهقه .. على تعليقات امي ههههه

و انا

اغني

احم احم

ذوووبني .. ذووووووووووووووووبني

اغنية ماجدة الرومي القديمة .. بالضبط .. نفس مطر فيديو كليبها جان احد يذكره

:)

ثلاثة اشخاص .. في مساحة متحركة .. لا تزيد عن متر في متر

كلن .. يغني على ليلاه .. مع اني الوحيدة اللي خذاها الطرب

وصلنا .. بعد ما غرقنا .. اول ما دخلنا المكان

.. شالوها صفقة تشجيعا على كفاحنا المبلل

و حاشت اخوي .. هبدة من امي .. لانه شافت قواري بمظلات

;)

---------

الذكرى الثانية .. مرتبطة بمكان .. ستاربكس دبنهامز

اقوى قرارت حياتي .. اتخذتها بعد مداولة في هذا المكان بالذات

!!

أغلب مصالحتي لروحي كانت فيه

!!

لا انسى .. يوم اجتمعنا انا و استكانة

لا اذكر تفاصيل اليوم .. الا صفة ذلك الحوار العميق جدا

حديث .. ليس كغيره

وتكررت في نفس المكان احاديث اخرى .. كلها روحية بحتة

لا استطيع شرح نفسي او ما اشعر به .. الا لنفسي

لكن .. هناك .. يطول الكلام .. و يتشعب و يتحور

.. و اصل الى استنتاجاتي الخاصة

بصمت .. احيانا .. و اعلان في احيان اخرى

احبه

but ... they have to renew its furniture ..

:D

------------

أحب .. لما اقوم الصبح .. مثلا

!

او اي وقت فيه شمس .. يعني لي العصر تقريبا

;P

افتح باب الغرفة .. لأجد .. قوس قزح يملء المكان

قطع الكرستال في الثريا الكبيرة المعلقة .. تعمل كمناشير زجاجية واااااااايدة

i feel so happy ..

walk'n w touch'n the walls where the mini-rainbows are ..

--------------

In Sidney .. one summer ..

ليلة .. اخيرة في المدينة .. لم نفعل شيئا سوى التجول

شوارع عادية .. مظلمة .. ركضنا فيها جميعا

.. و تمشينا حتى المركز الرئيسي

كل شيء فيها كان مغلقا .. لكن .. لا ادري لماذا لا انسى تلك الليلة

كانت حرة .. غير محدودة .. كل شيء فيها غريب و مجهول

متعة .. خاصة .. او انهم استمتعوا كذلك

!؟

---------

صغيرة جدا .. عمري رقم وحيد

غدا .. يكون العيد السعيد

.. و العرف السائد .. ان اليوم الأول محجوز للعائلة الكبيرة

طلعة عجيبة .. لكل الصغار معا

.. بسيارة واحد .. فوق بعض مو مشكلة المهم وناسة

امي .. ما عندها الا انا .. و صبيان .. فا تخيلوا شطتها على لبس العيد

من الفركيتات .. قاموا يسمونهم كليبسات

بالضبط مثل ما صارت الكشة كيرلي هههههههه

الى .. البدلة المسكتة

قرر القائد .. ان يذهب بنا الى الجزيرة الخضرا

.. ايام عزها هذا اذا كان لها ايام عز

;D

لعبنا .. طلع من خشمنا

.. اذكر بيت الرعب .. واااي يخرعون من صج ما ادري انا كنت وايد ياهل

كل النشاطات .. صارت

القائد .. ذو شخصية رااائعة .. حيوية .. بلا حدود او قيود

جزيرة .. يعني دااار مدراااااااااها بحر

ياهلوووووه قوووقش .. تبون تسبحون ؟؟

معقولة احد بيقول لا

!!

ترى عيد .. عيد سعيد

.. امي ب كيدز ستور تلبق سبعتعش قطعة حق بدلة بنتها

هههههههههههههههههههههههههههههههههههه

اشوه .. انه فطن .. و قال كل واحد يحط ملابسه اهني و يطب

!!!!!!

الصبيان سهالات .. و البنات هههه اسهل و اسهل

بعد كلنا شوورتااات و فنايل واااااااااااااي لا لا لا

سبحنا .. و عينا من الله خير .. طلعنا .. نطرنا ننشف .. لبسنا هدوم العيد

على ملحنا و كشيشنا الميبسة و ردنا بيوتنا

ابدا ما بغت امي تروح فيها .. من يقوول ؟؟

اذكر .. النطرة على اليال عشان ننشف

يوم .. مينون .. جدا

.. و عذرا اذا انخدش حياء احد و الا شي لا سمح الله

صج سباحة اختلاط .. بس لبس شرعي على العمر ذيج السنة

;Pp

-----

واااي .. صرت احسن الحين الحمدالله .. مع انه طرت علي ايام وايد

بس .. يوم اني وصلت حق الطفولة البعيدة ههههه .. يعني وصلت خير

الي وصل لي اهني .. اقول له شكرا

رد علي عفوا عشان اعرف المجاهد من غيره

;D