ها قد أتى صيف نحترق شوقاً لترحال فيه
.
.
و نرحل .. رغــم ضجيج الفيـروس
نرحل محملين بوصايا الجميع .. بحبهم .. بأشواقهم
هل يــُشتاق لنا ؟
.
.
كان الوفاء و الولاء عنواني هذه الصيفية .. فبعد إعلان جميع الافراد أملهم بتغيير وجهتنا
و بحثي الحثيث بل الحثيث جدا عن مناطق جديدة .. سكن .. الخ
عادوا لذات مدينتهم الأولى .. و وافقتهم
لماذا اذا هذه المنـــاورة العظيمة ؟؟
.
.
أُذكر الوالدة بأن الوزن المسموح به لا يجب ان يتجاوز 20 كيلو
فتشهق شهقة مغدور به .. وين اودي قشي كله ؟
ضحكت .. فلن نكون ببلد نائ
ترد .. يا حليلج والله .. ما علي منكم
ما علي منكم هذه .. أرعبتني
!
اذكر علب الفول .. و أكياس الأرز .. و أذكر أنها تبتكر كل صيف .. مكون جديد و ثقيل طبعا
الله يستر
!
.
.
.
جاء الموعد .. و كآبة غريبة تلازمني كعادتي قبل اي سفر
ترى الكاونتر يسكر 4 و نص .. ترى الكاونتر يسكر 4 و نص
كنت ببغاء .. ملل خائف و الأشنع .. متــوتر
وصلنا مطار الكويت .. و الوالدة حفظها الله تسرد قصص صديقاتها ممن سبقننا في السفر
ام فلان .. وصلت الا الدوار مسكر من الزحمة
و أم علان .. و بنت خالتهم .. و عمة يدة ابوهم
و انا اشعر بألم معدة يشابه أعراض ليلة الامتحان
.
.
فعلا .. كانت الطوابير متجمدة
و كان الموظفون باردون
و وقفت بكل ثقة .. فجميع الاجراءات انتهت
Online
سألت مجموعة شباب .. ان كانوا ينتظرون في نفس الطابور ؟
و دار حوار سمج مليق .. أدرت ظهري قبل نهايته لانه فعلا كان يتميلح
مالت
.
.
جاءت لحظة الحسم .. موظف اسيوي .. تفاءلت به
this is my 1st online booking ..
اقولها كطالبة ابتدائي .. حفظت الأبجدية و فخورة بهذا الانجاز
:P
يرد الطيف الخفيف
good perfect ..
و في كل خطوة يعطينا
thumps up ...
فأفرح اكثر و اكثر
بدأوا بدفع الحقائب .. و بدأت أمعائي كلها بالحركة فجأة
يمه شنو يايبة معاج الصج الصج ؟؟
فـــقــــع
@@
واي حرام عليج تسوين فينا جذي .. فقع يمه فقع ؟؟ اي لــيــش ؟؟
بالله اشتهوا فقع
المشكلة انها ترد .. و كأن ما تقوله .. منطقي
اشتهوا فقع ؟؟ مو ضروري ياكلون مشروم بعد كلهم عيال عم
انتي شتبين الحين ؟ ماخذة فقع و حمدي ربج بس جيس عيش و لا يبت عدس و لا يبت ماش
انا بروح بعيد .. لي خلص الوزن نادوني
و انتهت العملية بنجاح .. على القد بالضبط
و لن احرم امي من لذة ان تقول كل ربع ساعة
انا مضبطتها جذي
:D
.
.
.
و نطيــر .. و تدور أولى المعارك
8 comments:
:))))
ناطرة باجي المعركه
:**
هلو شكلكم وصلتوا بالسلامة
وها قد بدأذلك الصيف
عفية بشرينا تالي شنو صار
يحلووووها امج .. حبيتها
خليها .. شهوة فيها العافية
اي فقع .. تبي تدللكم
:P لو اني ما احبه
عوافي مقدما
:p~~
تقبلي مروري الاول
:D
صباح الشوق من هني لي هني
:))
يصير نطلع ايدنا من شاشه البلوق ونلم؟
تدرين ان الكويت كلها بعد عينج وسفرتج تضيق الخلق
!!
وقولي لي:
الكآبه ما قبل السفر طبيعيه؟
من امس وانا بحالة كآبه
والجنطة الفاضيه تسمع حسج
.
.
.
واي يا خالتي
lol
فقع عاد؟
يا بعد قلبي قلبها،هذا الموسم السنوي لإبراز مواهب خالتي في المطبخ ومواهب بعض الناس بالتنظيف
استمتعي
بكل شي
بكل لحظة
بكل مكان
:))
الله يحفظ حبيبة قلبي انا
:**
الله فقع !!
و الله ما قصرت فقع بالسفرة .. لو انا جان انشف القنجة
عليكم بالعافية و تردون بالسلامة
مثل ما قالت استكانة استمتعي بكل لحظة و بكل مكان
..و جواباً على سؤال استكانة
انا قبل كل سفرة بطني يعورني
ليش ؟
الله أعلم
:D
التناقضات جميله
بالشتا كنت اتمشى في شوارع لندن تالي الليل بالمطر وانا اسمع بالايبود قصيده نبطيه ومحمد عبدة وكان شعور جميل مناظر واماكن مالها علاقه باللي اسمعه بس متعه صج
فانتي جربي الفقع في ذيج الديره اتوقع راح تحسين بمتعه التناقض هذي
طبعا انا قاعد اعطي الوالده عذر على شيله الفقع ولا بالصج ماترهم موليه :)
سفره ممتعه انشالله وتستانسون وتردون بالسلامه
ولا تنسين اذا سمعتي اي ذكر حق جدي المفقود ترى لازال البحث عنه جاري او عن بقاياة على الاقل
:****
بعد قلللبي
تروحين وتردين بالسلاااامة
يالله نبي قصص
^_^
وسلمي على خالتي وايد
:))
الزين
=====
يا هلا و مرحبا بالزين كله
:**
AL-NOOR
========
مرور يشع نور على نور
:)
امي عجبة مو لانها امي طبعا
:Pp
اليوم كفتة الله وكيلج بس صج
لذيــــــــــذة
عاد ثوبتها لكم
;)
يعافي قلبج يا رب
esTeKaNa
=========
حيــاتي انتي
:**
والله يقولون حاشكم غبار
عقبي
:Pp
تكفين خلصت رصيدي و انا ادز مسجات
ليش ما تردين
ترى قمت احاتي والله
:(
عساج بخيــر يا الغاليـــة
:*
mtfa2el
========
ما احبه مسكين
:(
حاولت بكل قوة بس ما حبيته
:((
خلاص و لا يهمك اطرش لك نقصة بال
DHL
:p
والله قاعدة استمتع الحمدالله
رغم العصابة و حرب الأخويين
و الله كريم خل الطابئ مستور
.
.
لانه كنت محتارة شنو مفاجأة الصيف
و طلعت فقع
:D
اظن التغيير سبب المشكلة هذي كلها
والله اعلم
:)
عبدالرحمن
=========
يــا مرحبــا
و مســـهـــلا
.
.
صحيح التناقضات جميلة
و بالمثل
ان تجلس على كرسي بكامل حشمتك ههههه
و حواليك المساديح لابسين و مش لابسين
نفس الفكرة صح
:P
لمحمد عبده بالسفر طعم خالص له فقط
و على البــال
تمزج نفسها غصبا مع الطبيعة و الشقار
يا حلو السفر بس
:)
ما احب الفقع مع الاسف الشديد
ادري غريبة
:P
تصدق عاد لقيناه مفرزن و جاهز عند صاحبنا اللبناني بس امي تجاهلت حقيقة المشقة و العناء و الكيلوات المسافرة
هههههههه
الله يسلم عمرك
اي لا توصي حريص من اشوف اشباه عربي متخفي .. صورته لك
;)
Najmah
=======
يا نجمتي يا ندية
:*
الله يسلمج من كل شر حبيبتي
احاول اصير قصاصة
عشان خاطر عيوونج
:P
Post a Comment