قلتها بكل عفوية
السنتين اللي طافوا .. مروا علي لي اهني ميانين
قمت اعرفهم و اعرف لهم
:P
اللي حصل انه ( وحدة ) نفست فجأة من حليوة و سوالف و ضحك الى صمت القبور
اللي حتى بالموقع .. ما قالت نص كلمة و العادة نتناقش نحدد افكارنا للتقرير
!!
.. افوكر بيني و بين نفسي
قلت وخزياه يمكن ليش شاوطت بالشغلة الفلانية ؟
اممم
يمكن ليش ما دخلت معاها بخصوص الموضوع الفلاني عند المدير ؟
طبعا التطور اللي جرى علي .. اني فهمت طنقورتها بسرعة
و الا عادة اقعد 3 اشهر و ربع يالا استوعب
حسيت فيها و احنا طالعين .. اسولف عن شي و اهيا على غير العادة صاخة و تفاعلها صفر
قلت لها شفيج ؟ قالت ما فيني شي .. سألتها : يمكن تعبانة ؟
قالت اي والله حاسة اني دايخة
ما تشوفين شر
:)
ما ادري ليش أنبني ضميري .. قلت الكلمة الطيبة حلوة
مسج بسيط ما راح يضر .. فـــا دزيته : حبيبتي يعطيج العافية حسيت تعبتج اليوم وايد
و اهيا بو حقور هههههههههههههههه
شخصيا ما كنت ناطرة رد منها لانه المسج ما ينرد عليه
انزين من باجر تلقيني بريج حلو بويه صبوحي
ابدا ابدا ابدا
البنت لها ثالث يوم .. مهي الأولية بتاتا مطلقا
شي سبحان الله سكتني .. لا طريت المسج و لا قلت شي
سحبت نفسي و طول اليوم قاعدة عند البنات
و شاكة بنفسي لي اخر لحظة .. اني حساسة و الزميلة ما فيها شي
اليوم .. ثبت علميا خــلاص
قلت بكلمها عن قلبتها القشرة
ها ها على طريف .. الشي نفسه اللي سكتني ذاك اليوم
قمتني هالمرة
الحلو بالموضوع اني مسكت نفسي و لا هي عادتي
ليش مسكت نفسي ؟
لاني طيبت خاطرها هذا بفرض انه خاطرها فيه شي
و العلاقة كلها علاقة عمل .. صارت ودية بمباركة من الطرفين
.. و ترد رسمية ما سكرنا الفوق تحت
و الاحلى .. اني اتعامل بالدوام معاهم بروح منفتحة جدا الحمدالله
ما غير اقلب عويناتي و اتأمل بأنماط الشخصيات
و لأني شايفة وايد ميانين يالله لك الحمد و الشكر
حسيت فيها من أعراضهم .. ربع و فجأة نقلب حتى من غير تنحنح
لما تحصل هالمواقف .. تقيسها على نفسك لا شعوريا
و تقيم فعل الشخص المعني .. لو انت بمكانه شنو تسوي ؟
لو انا بقدر لها سؤالها عني و انها حست فيني
و بمسح حجوتها جانها حجوة .. حركتها جانها حركة
بالاستيكااااااا
كلش كلش .. خلاص وصلت مرحلة عافك الخاطر
امشي معاها بالتدريج لي النهاية .. مو حار بارد
.
.
.
اكره التعامل مع المزاجي .. ما فيها العلاقة اي أمـــن نفسي
مزاجك خله على نفسك .. و دامك مع الناس .. مجبور تحترم الجو العام
و الله اعلم
.
.
يا ربي يا حبيبي لا تبلينا بس
و كافينا شرهم و تقلب مزاجهم و أزمة تقاطع حياتهم الشخصية بالوظيفية
اللهم امين
:)
11 comments:
أنا ثلاث أرباع السالفة ما فهمتها
لكن فهمت ان التعامل مع المزاجي صعب
و انا مزاجي جدا جدا جدا
يعني عادي عادي يدشون اثنين ورا بعض واحد أضحك معاه و الثاني أزفه
أو عادي جدا جدا يدش علي واحد مرتين مرة أسولف معاه و مره أقوله اقضب الباب و ورني عرض كتافك كم انتش
ليش؟
ما عندي تفسير واضح
ممممممممم
دام انتي دزيتيلها مسج
خلاص المهم ريحتي ضميرج
وكيفها متى ماارتاح بالها بترد لطبيعتها
يمكن عندها مشكلة
يمكن بالها مشغول وموقادرة تركز باللي حولها
يمكن حاشيتها حالة التتنيحة
والصمت ومالها خلق
:p
في ناس ماتقدر تفصل بين حق نفسها
وحق الآخرين
بس عجبتني سالفة الامن النفسي
:**
نفسية متعبة
يبيلها بنشر
الله يعينك
أهم شي ريحتي ضميرك بالمسج
:)
ikhalifa
==========
عندي خبر طال عمرك
:D
تبي الصج لو انت معاي بالدوام
ما اتعامل معاك ابدا ابدا
سوري بس احس المزاجية فيها طفولة من النوع السلبي
!
و تمس احترامنا للاخرين
بس يمكن انت لايقة عليك
:Pp
Najmah
=======
اي على قولتج .. انا جني حسيت انها بتقلب و دزيت مسج عشان اخلي مسؤوليتي
:D
لا يا نجمة ما عندها مشكلة
!
من الصبح لي الظهر البنت طبيعية
و من زود الميانة كفختني مرتين ههههه
عرفتي حركة الطقة على الجتف بضحك طبعا و الا جان طقيتها بجوة
:Pp
راحت ردت بظرف 5 دقايق
شخص ثاني
@@
يعني مو ياية من بيتهم جذي
فهمتيني اكيد
:)
المشكلة اني مو على كيفها هههههه
ترد حق طبيعتها و الا ما ترد
ما تشوف شر
.
.
اييييييييييي بعد قلبي انتي العجبة حسيتها اهيا اللي توصف احساسي بالضبط
:**
qesat_5ayal
============
اي الله لا يوصلنا هالمواصيل
و يثبتنا ان شاء الله
و كتبت الموقف عشان ما اتراجع و انسى
:P
" اكره التعامل مع المزاجي .. ما فيها العلاقة اي أمـــن نفسي "
هذي الجملة أجمل ما في البوست
كانت في بالي هالفكرة من قديم و كنت أتضايق من المزاجي لهذا السبب
بس لو باشرح باشرح بكلام طويل عريض يشتت اللي جدامي و ما اوصله
الصراحة اختصار استفدت منه جداً جداً
مشكلة المزاجي أعتقد إن طبعه فيه كثير من الأنانية ..يعني اهو مرتاح يبي الناس يكونون مرتاحين غصب .. أهو متضايق لازم يعكر مزاج البشرية ولا يا تحسون فيني يا ما فيكم خير
و مسألة الأمان النفسي هي أجمل ما في العلاقات إذا فقد صار صعباً التعامل مع الشخص المقابل بأريحية كافية
:)
عادة
ما يخالطني اشخاص ذو امزجة
متقلبة
بكل يوم ..
قد اجاريهم لمجرد قربهم مني ليس الا لانني اهتم لرأيهم
..
لكن ان كانوا بلا ثقل
اول تأثير في حياتي
و خصوصا اليومية
فليش اعور قلبي
يصطفلون
:P
as i care
و ان كنت املك من المزاج
و تقلبه خصله
الا انها بين يدي
ازيلها دوما ..و قد ازيدها احيانا
على حسب اللي جدامي
:P
قد استعمل فكرتي
الخطيرة
"المرآة"
:P
ذكريني اقولج اياها
بلوقي
يسأل عنج
sorry
على الاطاله
فعلا الناس المزاجيين مشكلة ..
وأعتقد حضرتج سويتي اللي عليج بالمسج وطيب التعامل ..
ومن باعنا برخيص بتراب ينباع :)
تحياتي ...
@@
امرها غريب ياصديقتي
:\
والحين شلونها؟
.
.
بقولج سر
انا من ذاك اليوم
وانا معلقة على كلمتج
الأمن النفسي
^_^
أعتقد ان الحياة صارت زحمة
و وسائل المعرفة و قنوات الإتصال بالناس
من حولنا زادت و استجدّت و أصبح هناك أكثر
من مجال قد يجمعك بآخر أو يجعله يلتصق بك
و هذه مشكلة عن جد
و تتطلب إدارة حكيمة
عن جد زادت الشعرات الفاصلة و الرقيقة
المتواجدة في حياتناو اللي لازم نداريها
عشان جذي وايد اغبط الماضي على بساطته
و فطرته و وضوحه و اريحيته بخلاف حياتنا
في هذا الوقت و اللي كل مالها و تتسع و تتشعب
بشكل غير محكوم و عبثي أحيانا
يالله .. دام انها زميلة عمل تهون
و الصبر الصبر
:)
سلام
في هالحالات أفضل أشرب ماي
يقولون زين ويساعد على التطنيش
انتهى الموضوع على كل خير
الحمدالله
:)
واي حدي ارتحت
i'll be back ..
Post a Comment