رأي و رأي اخر .. وضع طبيعي
الكل ينادي بالديمقراطيبة .. و يستذبح على حرية التعبير .. وضع صحي
لكن
.. أن يعين بعض الناس .. أنفسهم أوصياء على الشعب .. و ترفض حديث جماعة .. و تصدق على اراء غيرهم
ليتكلم هؤلاء .. و غيرهم .. فليصمتوا .. فهم لا يفقهوا شيئا
ليخرس الصغار .. اي كان القصد من هذا الاصطلاح
يصرخوا .. و ينظروا .. نعم بإخلاص .. لكن .. ليخصصوا هذا الحق .. بهم .. و بمن يوافقون عليه فقط
هذا الوضع غريب .. غير صحي .. بالنسبة لي
تيار مفلس .. أسقطته الجماهير .. وفشل في كسب اي تمثيل نيابي .. خسر و سيخسر
لانه بلا شعور .. يؤصل نظرته الفوقية للشعب .. و يعزز وصايته الخيالية .. و التي يسعى اليها منذ وجوده
دماؤهم زرقاء .. لا يقولون ذلك جهارا .. لكنهم .. يدسونها .. غسيل الدماغ بين طيات شعاراتهم
كن معهم .. او عليهم لا يهمني .. الحمدالله .. احترم كل رأي مختلف .. و لا اتشنج ليقتنع الاخر بما أراه صوابا
------
عملي مع المرشح مرزوق الغانم .. لم يكن الا لرصد الاجواء الانتخابية عن قرب .. و بكل الاحوال سأستفيد
نظرتي للموضوع .. تتلخص .. في دورة مدتها شهر .. مجانية .. تقربني من الحدث .. حتى أكون على بينه و اطلاع
عندما أقرر ان اتكلم عن العملية الانتخابية .. فلا يكون حديثا خاويا .. مشحون بالعاطفة
قرأ ت في كثير من المواقع .. عن المرشحين ككل .. و مرزوق
و حقا .. هناك نقاط .. لا تملك الا احترامها .. و امور اخرى .. تدهشك من استحالة صحتها
اكثر ما احزنني .. قول وجدته غريبا جدااا .. خاصة انهم شباب واعي
من كان مع الدوائر الخمسة .. فهو مع الكويت .. و من كان ضدها أو صامتا .. فهو ضد الكويت
!!!
أكره هذه القواعد و التعميمات
الدوائر كانت قضية خسرانه .. أدخلت فجأة بالوقت الضايع .. لأمر بعيد المدى
كيف يشكك شخص بوطنية أخر .. هذا أمر لا أجرؤ عليه صراحة
ما أضحكني .. هو اتخاذ أحمد السعدون .. بطلا اصلاحيا مغوارا
رجل ذكي جدا .. و شعب غير ذكي جدا .. اذا عاد هذا الرجل
طفلة اعتبر .. بين كل الخبراااء السياسين .. رغم ذلك .. هذا هو الشخص الوحيد .. مع الصقر
لا أجد فيه لا لمحة و لامسحة .. للطيب حتى يكون للإصلاح طيف في مسيرته السياسية
لكنه .. ذكي .. عبقري .. لدرجة الخبث و المكر الخالص
انقسمت الاراء .. مع السعدون .. و مع الخرافي
بنظرهم .. مع الكويت .. ضد الحرامية
أحمد .. الهمام .. و جاسم التعبان
مجمعات وارة .. المدينة الاعلامية .. اراضي الجهراء .. فضائح كلها ألغيت من سجلات البعض
و سلطت الاضواء .. على من تنازل عن مستحقاته المالية .. منذ دخوله للمجلس
!!!
قد تكون عقدة نفسية .. ان يقف البعض .. ضد التجار
الحمدالله .. فيني عقد .. لكن ليست هذه
الغريب .. ان يحكم الغير .. عليك .. لان خالك .. و لان ابوك .. و لان عمك
الولد .. ثلثينه لخاله .. و الولد سر ابيه
الغي .. انسان كامل .. و انسبه لاهله .. صحيح الجينات الوراثية علم قائم بحد ذاته .. و أكيد فيه من أهله و لا ضير
بالنسبة للمنافسين في الدائرة الثانية
المطير .. كان ضد حقوق المرأة السياسية
الهارون .. لا يعجبني طرحه غالبا .. لكن أذكر له مواقف قوية
النيباري .. فجأة .. أصبح حقنة المصل الشافي
!!!!!
اصبح الخبير .. المنشود .. نعم .. الوضع صعب .. لكن .. إعادة .. رموز سياسية معتقة .. فشلت في اصلاح امور ابسط
و ادخالها .. مع الدعاء الخالص في الثلث الاخير من الليل .. كي يقويه ربي و ربه على هذه المعركة
امر .. ارفضه و حاولت اقناع نفسي فيه .. لكنها أبت الا رفضه
ختاما
لكي امارس الديمقراطية التي أفهم .. يجب ان أتخلص من تأثيرات المحيطين .. و أحكم على طرح كل المرشحين
حسب .. عقليتي البسيطة .. و تفكيري الابسط .. لن أدخل في حياتهم الشخصية .. و لن اسمع اشاعة مريضة
صراحة .. مو ناقصة ذنوب .. و لا ابي ياخذون من حسناتي
صوتي أمانة .. كلمة ملينا منها .. لكن .. فهمناها ؟؟
موفق يا مرزوق .. اذا فيك خير و كل من فيه خير للكويت .. و انا مع الشباب .. و الوجوه الجديدة .. مهما كان
و لكل من يستخف برأي الاخر .. و يناقض نفسه .. اقول له
تعوذ من ابليس و راجع نفسك
التواضع نعمة من الله سبحانه .. و الكل عنده حق مثلك بالكلام .. لا تسمع .. كيفك .. لكن تسكتهم
مالك حق .. ابداااااا ابداااااااا
21 comments:
eNGy ,,
awal shay en maknt ma3ach lel awal ajbrtene a7trem wejhat na9'arich :)
etha elwa7ed kan sejla abya9' mu lazm endawer neq6a sooda o lwa7ed ya7sen el9'an b elakhreen dama mashaf menhum ela kil khair o enshalla eli fee elkhair yoo9al !
ana knt nawya law knt ba9awet eni a9ale estkhara gabl , la2na el9oot amana o aham shay la2na rabe a3lam b meno elkheera !
qawaach allaah o allah eywafeg elGhanim :)
ما اعتعقد ان النائب التاجر يفضل القوانين اللي تخدم الفقاره على القوانين اللي تخدمه تجارياً..انا ما اشكك بنزاهة احد بس من عمر الدنيا..الحكم الناجح هو الحكم الخالي من التجار..اما السلطه واما التجارة
وشكراً
utmost
------
well .. i do respect urs in deed :)
we should take it more seriously instead of fighting for our own intrests !!
iam hoping that all of us .. go and listen to decide later :)
wedich ma akoon 3laa '7abte emsajalaa bel gaid elente'7abee
loooooool a9eer nektaaa ;D
teslmeeen w ya36eech el3afiaa ..
bo9ali7
-------
حياك الله اخوي
i posted my thoughts abou the whole process .. not about MArz. him self :)
تصدق .. انا الحكومة بكبرها اشوفها ضد الفقااارة
!!
و الضرايب اول من بيفرضها .. شيخنا صباح و هذا شي نادى فيه من قبل
فااا .. لو كان في قوانين ترفع من المستوى المعيشي .. ما راح توصل
يجووز كلامك صحيح .. على حسب الشخصيات اللي حكمت عليها
بس .. ما مسك الكويت الا الأوليين اللي كانوا تجار
الفرق .. ان اهل الكويت كانوا على قلب
غنيهم و فقيرهم .. لا تشوفه كلام رومانسي بايخ .. هذا واقع كان و صار الحين حلم
القضية قضية اخلاق و مبادئ
تاجر و الا موظف
ما عليه كثرت كلام لاني مفكرة فيها امس بالليل
عمر بن الخطاب .. كان يسوي جرد على ممتلكات الولاة .. قبل الولاية و بعدها
تتخيل لو يسونها الحين .. شنو يصير ؟
والله يا اخوي .. نائب حالي كان ساكن بملحق في بيت ابووه .. مع كل اخوانه
الحين بيتهم قـــــصر
!!!
و غيره وااااايد
تهقى هالنوعية .. بتفكر فينا ؟؟
مرزوق الغانم عنده رؤية و نظرة
اقتصادية و سياسية
خبرته الاقتصادية معروفة و افكاره فيها راح توصل اذا وصل اهوا
حياك الله باجر بالافتتاح حتى لو ما كنت بالدائرة .. اسمع له يمكن تتغير نظرتك
خلاصة كلامي الطويل
حالة الشخص المادية و وضعه مو مقياس
بالنسبة لي شخصيا
و لا احكم على الانسان من خلاله
طرحه و افكاره .. هذا اللي احسابه عليه بعدين .. اذا ما حاول يحققها
لكن .. الفرصة .. لازم اعطيه
انا راح اقولج شغلتين لان اشوفج وايد مندفعة حق مرزوق
اولا يحقلج تدافعين لانه مهندس :)
بس خل اقولج شنو تتوقعين من واحد لى امس بس محول 250 صوت من الجهراء ولاعبين نادى الكويت؟
شنو تبين من تاجر وصل المجلس؟ هل ينادى بقوانين تفيد جمعيع فئات الشعب؟
من يوم ما سوى اللقاء الصحفى ماله مال مباراة البرازيل وانا حلفت قلت والله يا جماعة ان هالريال ياى حق المجلس وذكروا كلامى والحين كاهوا نزل
الشغلة الثانية اللى وايد مهمة شوفى اللى على نفس منواله بالمجلس منو ؟
وليد العصيمى تاجر
عبدالوهاب الهارون تاجر
وغيرهم شنو اضافوا حق السياسة او الشعب الكويتى ؟ وغيرهم وايد
عزيزتى انا معاج الشباب مطلب لاضفاء وجود بالمجلس بس المشكلة مو جذى شنو تاريخه السياسى؟
شنو مشاركته السياسية؟
شنو تمثيل النقابى سوى ان رئيس نادى
وبعدين يبه مو كل شى الفلوس
الحر حر لو كان سيف القصاص على رقبته
انا ما اتحامل على احد ولكن هذا الواقع السياسى
تحياتى مهندستنا النشطة :)
كان ودي تعلق على افكاري العامة
بس على العموم
مندفعة لا .. متحمسة ايي
في فرق كبير .. نفسيا و عقليا
;D
انا الاشاعة اللي عندي انهم
600 اسم نقلوا الى الدائرة
145 اسم تم شطبهم
فا معناته معلوماتك اخف وطأة ههه
anyway
سجلات سكان الضاحية و الكشوفات بالاسماء و سجلات العقار .. ثابتة و تقدر تتأكد
هذا شي
شي ثاني
الطعن بهذه الاسماء .. مفتوح
من شهر فبراير
تصدق .. محد طعن ؟
;D
اهوا يشتغل للانتخابات من سبع سنين تقريبا .. يعني ملاحظتك متأخرة شوية
والله يا مشاري اني أعزك ادري فجأة بس اخاف يكون ردي حاد او شي
من الحين اقولك .. انت اخوي الكبير اوكي و انا اختك الصغيرة .. و عقليتك متفتحة و ما نختلف لكن نتبادل معلومات و اكيد انت اللي تفيدني مو العكس
back to the subject
:)
مقارنة ما اشوفها عادلة
ما اقدر اقول .. فلان وفلان شباب و تجار فا انجازهم راح يكون متقارب
!!
ما اشوف فيها منطق .. انت تشوفه على راحتك اكيد و احترمه
اذا قلت لي .. الغير تجار شنو اضافوا للمجلس .. غير انهم استغنوا
الا الشرفاء منهم و اللي حتى اهما ما سلموا من الكلام النازل و الصاعد
لما تقولي .. الشباب مطلب
و تقولي عقبها .. شنو تاريخه السياسي
اقولك .. المفروض يعطون الشباب دورة
تمهيدية قبل المجلس ؟؟
كل انسان له خطوة أولى
و من باب اولى نقول
يا اصحاب التاريخ و الخبرة السياسية
شكثر لكم قاعدين ما شالله .. ما سويتوا شي ؟؟
خلاص .. دور الشباب تاخذ خبره
و تكون تاريخها السياسي مثل ما انتوا بديتوا
التمثيل النقابي .. كان بره الكويت
بما انه شاب .. و ما دخل المجلس من قبل
فا نشاطاته النقابية كانت بأمريكا
مهندس ميكانيك تخرج بامتياز و تخصصه المساند رياضيات
بالضبط من قال كل شي الفلوس
انت اللي تقول تاجر و حاط تجارته مستمسك سبقت فشله في تجربته اللي ما بداها
يعني انت حكمت عليه كونه تاجر
طبعا هذا رايك
انا احكم عليه بعد ما اشوف اداءه
نظرة كل واحد الى الواقع
تخلي الواقع مختلف من شخص لي اخر حسب مقايسه اللي يقيس عليها واقعه
انا لما سمعته يتكلم جدام عيني
زاد يقيني انه يستاهل ياني احساس مريح
و قلت لك .. اشتغلت ابي خبرة بسيطة
و لانه انطباعي عنه جيد من قبل
اخترت العمل في حملته
مشكوور اخوي والله متعة النقاش معاك تعطي طاقة و حيوية و تستفز افكاري كلها و احلى شي انه متفقين على التعبير الحر و النفوس الصافية
:)
P.s
نتايج اخر استباين على موقع الجاسم
تقول انه حصل على
41%
which is 1st place ;D
السلام عليكم ورحمة الله
أشكرج أختي على هالمدونه
وإن شاء الله لي رجعة أعلق على بعض المواضيع والأفكار
وأشكرج على شهاده محتاج لها حول مرزوق
وتلمستها لما قلتي ( سمعته ولقيته مريح )
الحقيقة أنا من زمان ماسمعت له وكنت خايف إن دخوله معترك العمل العام قبل فترة وجلوسه على أحد كراسيها إنها تكون غيرته لاسمح الله
مرزوق كان في عيني من عشرين سنه أمل تغيير للمستقبل
وهذا من أول مرة سمعت له ومن أول مسكه له للميكروفون
لا حتى من البروفه اللي سوييناها بالليل
صاجه هو إنسان مريح
حسب شهادتي فيه القديمه واللي أكدتيها لي الحين
ومريح ببساطه لأنه من النوع اللي آرائه ورؤيته (بغض النظر عن صحتها من خطأها ) هي من النوع اللي من القلب إلى اللسان من غير فلتره
والمرحلة القادمة محتاجه حق الناس اللي تؤمن بماتقول أولا ، لأنهم أقرب إلى الإستمساك بكلمتهم ووعودهم وقت الصجيه وإندفاعهم للعمل راح يكون تلقائي تطبيقا لمايؤمنون به وتم إنتخابهم على أساسه
وبمعنى شبعنا من اللي يستغلون ضعف ذاكرة الأمة ويتجرأون على مواقف ماتمثل مصالح الشعب
وكونج إستغليتي فرصة ترشيحه لدخول هالكورس العملي في حملته
أبي أأكد لج إن مرزوق يحمل شخصية القيادة فطريا واللي تؤهله للنجاح في العمل النيابي والسياسي بغض النظر عن كونه ولد منو
وياليت تجتهدون في توضيح هذا الشي في حملتكم الدعائيه
وهي أنه بقدراته الذاتيه وبمكونات شخصيته يحمل مؤهلات قائد شعبي ، لاممثل فئة معينه ، وصدقيني هو من أكثر أبناء فئة التجار إستغناءا عن قوة إسمه العائلي للوصول لو توضحت شخصيته ..
الحقيقة أنا أنتقد السياسة الإعلامية اللي ترافق حملته لعدم قدرتها على توضيح هالحقيقة وتترك المجال بتصويره من قبل البعض أنه مجرد ممثل جديد لفئة التجار
أرجو أن لايفهم إن كلامي دعايه حق مرزوق
هذي مجرد شهاده عن اللي خبرته فيه من زمان ، وآنا من أكثر من يعرف تأثير السنين على البشر وإن شاء الله قريب راح أتأكد أكثر لما أسمعه ، أبي اشوف إلى الحين هذا هو مرزوق المريح كلامه وإلا غيرته الجماهير والكراسي والملايين مثل ماسوت مع كثير غيره
إن شاء الله مايكون هذا اللي صار
...
ياإختي حبيت أبين لج أهميه الكلمة من خلال السطور اللي فاتت وإشلون كلمة مريح من بين سطورج حسيتها صادقة وإتلاقى مع شهادة قديمه عندي فكان لها أفضل تأثير من أي صياغات دعائيه قاعد أسمعها من بعيد عن مرزوق
وهذا عشان أختم لج بأن اللي مثلج وبعمرج ويقدر يكتب هالكلمه الصادقة اللي شفتها خلال كتاباتاج
أهم اللي محتاجه لهم الكويت للمستقبل إذا خطو أول خطوه صحيحه
فسمعي كلام أحوج لصغير ومعاه أخوج لكبير وإبدأي بعملك الكتابي أي كان وتراهو ناجح
من نواحي متعدده أهمها التلقائيه في طرح الكلمه والقدره على التأثير
بالسهل الممتنع
وهذا من خلال قراءه سريعه ( سكانينج ) بسبب ضيق الوقت
وإن شاء الله لي عوده
ولكن إنتاي إخذي مسأله إحتراف الكتابه بشكل جدي
إخذيها نصيحه من قاريء ديناصوري :)
وبالتوفيق
شوفى عزيزتى انا بالضبط صارلى 10 سنين تقريبا بديت من العمل فى المقرات وشفت وايد مرشحين من لما كان عمرى 19 سنة لى اليوم
كل المرشحين عند قدرة ان وقت الندوة ببث طاقة ايجابية على المرشح
عزيزتى
اقولج صراحة اتمنى ان ما ينجح لان الشخص اللى دعم من قبلة واللى اهو محمد المطير بين موقفه
مع الاسف مجتمعنا قام ياخذ بالاشكال وينسى المضمون
والناس بطائن وليس مظهر خارجى وصدقينى لو ما انى انسان ما احب اتكلم بامور شخصية جان يبتلج بالصور وتشوفين بعينج وتقولين ذيك الساع صج فى ناس ما يستاهلون ان حتى يمر بالشارع اللى مقراتهم الانتخابية
الدين قبل كل شى وهذى تلخيصى حق ما سبق
اخوي جاسم
---------
يعطيك العافية على كلامك الطيب
قريته اكثر من خمس مرات صراحة لانه مليء بالنقاط الهامة .. اللي عبرت عن احساسي و أكدت لي اياه .. بخصوص المهندس مرزوق
يمكن لاني اصدق احساسي رغم عجزي عن فهم مصدره احيانا
ان شالله يكون نفسه اللي عرفته من زمان و حتى لو تغير اتمنى يكون للأفضل
النقطة اللي ذكرتها اخوي عن شخصيته
اهيا بالضبط اللي انا كل يوم اشرحها حق ابووي
:)
و قلتها حق وحدة من اهله
شخصيته كفيلة انها توصله
و الحمدالله اكتشفت ان ابناء الدائرة عارفينه عدل .. و الكلام السلبي كله من بره المنطقة .. و من ناس ما تعرفه لكنها سمعت سوالف و وقصص و كونت رأيها على هالاساس
اهني ارتحت .. حتى اللي ما راح يعطيه ما يطعن في شخصه .. غالبا يكونون معطين كلمة لغيره او اسباب ثانية
انا عضوة في اللجنة الاعلامية .. و قلت هالكلام لكن محد فهمني .. خططهم مختلفة شوية عن اللي افكر فيه .. و انا اصغر وحدة فيهم
!!
اللي مريحهم ان الريال معروف شنو معدنه بالنسبة لدائرته و بس هذا كافي
ان شالله تسمع طرحه و أراءه و ما يخيب ظنك فيه
---
يعني ما ادري شقولك .. احرجتني و ما استاهل انا كل اللي قلته والله
شكرااا على كل ذوقك و تشجيعك
شكرا من قلبي لان أثر فيني وايد
:)
ان شالله الفكرة في بالي و راح افكر جديا اني ابدا قريبا
حياك الله اخوي و ناطرة تعليقاتك ما قصرت على جهدك و وقتك
يزاك الله خير
mishari99
---------
اخوي .. الطاقة الايجابية اللي فهمتها منك .. غير عن اللي قصدته انا لما قلت كلامه مريح
بعدين سبحان الله انا من الناس اللي يستشعر الصدق .. بين الكلمات
ماادري شلون افسرها لك
لكن .. ما كان الحوار معاه على النمط الانتخابي لشحن العواطف و شحذ الهمم
كان .. كلام عادي .. يرد على استفسارات السيدات
كان جداعفوي و كلامه طبيعي
ما فهمت ليش تتمنى سقوطه لان المطير بين موقفه
يعني يؤخذ بذنب غيره و الا شنو ؟
اذا تقدر توضح لي ما كانت واضحة النقطة
كلامك صحيح .. و انا قلت اي مرشح له توجه ديني .. و يقول هالكلمة صراحة جدام الناس .. تترجح كفته عندي
كبراءة ذمة جدام الله سبحانه و تعالى
و توجهه و افكاره تكون معروفة و محكومة بالدين
لكن .. مع الاسف
دائرتي ما فيها احد من هالنوع
!!
غير جذي .. اصبح صعب جدا في ظل احتراف الخداع و التلاعب بالالفاظ ان نصل الى بواطن الناس
حتى من ياخذ الدين شعار .. ضروري التأكد من افكاره
ما اعرف اشخاص صراحة ياخذون بالاشكال
بالعكس التمس من الغالبية الحرص على اختيار الاصلح
و هالكلمة تختلف حسب معايير الصلاح
الله يوجهنا للي فيه الخير
و يوفق اللي ناوي على الخير
حياك الله
هذا انا مشارى
ماكو غيرى :)
بس انا كنت داش بال user
بالغلط :))
أختي نوره بارك الله فيج
.......
بالنسبة للعمل الإعلامي الإنتخابي وسياسة الحملات وإداراتها أحب أتوسع في الموضوع لأهميته المستقبليه ..
لازلنا في الكويت نتبع الطرق التقليديه في إدارة الحملات رغم إن التطور فيه عالميا بلغ مراحل متقدمه جدا ً ..
إنتي رغم صغر سنج من بين أعضاء اللجنه إلا إني أشوف موقفج هو الصائب والأمر مايرجع للسن تذكري (ففهمناها سليمان )
مرزوق اليوم دخل المعترك السياسي وترشيحه يعتبر خطوة الألف ميل
والمفترض إستخدام كل الأدوات المتاحه وأهمها عندي رسم خطه لإدارة وتطوير الهوية السياسيه لإسمه ،
الإشعاع اللي يتركه إسم مرزوق الغانم في أذهان الناس هذا أمر يجب إدارته بدقه وهو قابل للتطوير المستمر
ويجب رسم خطه طويله الأمد لتحقيقه على أفضل مايكون ، كثير من الكفاءات تصل أول مرة ولكنها تجد صعوبه في الإستمرار ،
تحقيق الإشعاع الجيد يتيح لمرزوق واللي على شاكلته ممن نأمل بوصولهم تغيير فعلي لواقع رديء هذا الإشعاع ينفعه موبس عند ناخب دائرته وليدخل به المجلس ولكن حتى عند النواب الخمسين زملائه لما يستشعرون قوة صيته عند الناخب الكويتي عموما..
فالإكتفاء بأن صيته حلو عند ناخبي دائرته هذا مايلبي الطموح على الأمد البعيد
وشخصيه مثل مرزوق ماشاء الله حرام نغلقها على دائرته أو ننتظر الزمن ياخذ مفعوله حتى يتحسن إشعاعه عموما ويستطيع عبرها قياده تكتلات في داخل المجلس ..
ليش وبإالإمكان رسم الخطه المناسبه لتوضيح من هو مرزوق لعامه الناخب كما صورته بالنسبة لي ولج وللقريبين جدا منه واللي ماتاثر عليهم الإشاعه حول إسمه لأنهم تعرفوا عليه عن قرب،
ليش مرزوق ينشغل في وقت الإنتخابات مثلا علشان يبرر اللي حصل مع صورة الإعلان ، ليش نترك مقولة ثلثين الولد خاله وماشابه تاخذ مجراها سلبياً ونضطر نوقف موقف دفاعي عشوائي منها مع إنها مع رسم الخطه المسبقة تكون هذه مفترض متنبيء بخروجها فتكون الوقاية المناسبه وخطه إحاطتها جاهزه
.. الإنسان طاقة محدوده وكثر التعب هذا والإضطرار إلى الدفاع وتبرير النفس يؤثر على أدائه عموما في فترة الإنتخابات القصيرة وبالتالي تتراكم على شكل سلبيات متتابعه تعود وتعتم على الناخب حقيقة إشعاع هذه الشخصية السياسية الجديده
... خاصة وأن عموم الناخب الكويتي على أدنى مستويات الوعي اليوم وسهل خداعه بالتعميم وحقنه ب(الخبث ) الإنتخابي
التفاصيل تطول في الشرح ، ولكني أكتفي بنقاط عامه وبحمله مرزوق كمثال ولأبين لج كشابه تمارسين هالتجربة والمشاركه لأول مرة إن التطوير للمستقبل بيدكم في أمور كثيرة يمكن أن تتقنوها وبالتالي تنهضون بالعمليه السياسيه عموما
وترقيتها إلى مايجب أن يكون
ومن خلالها نتقن كيفية توصيل الكفاءات العاليه وذات المواصفات المطلوبه والإبقاء عليها وحمايتها ، وبهذا الإبقاء فقط لفترة كافيه يتم التغيير ، ولأن الفشل في هذا سيؤدي بالضرورة إلى إحلال البدائل التعيسه كل مرة واللي مايتقنون إلا الكذب وإستخدام كل وسيله لاأخلاقيه من أجل الوصول ولأن هدفهم بعد الوصول أصلا لاأخلاقي ..
أو حتى يؤدي إلى إنقلاب الناس النظيفة بسبب اليأس وتحولهم إلى الأدوات الفاسده لنجاعتها وسهولتها وهذا حدث كثيرا للأسف ...................
والمختصر المتعلق فيج إختي إستمري في العمل والمراقبه وحاولي رصد مايحدث ولاشك تلاحظين أنها فرصة تعليم ميدانيه كبيره لايمكن تعليمها بالمدارس والكتب ، أما ردج حول موضوع كتاباتج سأترك التعليق عليه بهالرد ، أولا لأنه متعلق بموضوع الكلمة عموما وهي عندي أكبر من كل إنتخابات أوحتى سياسات ، وثانيا لأني قرأتها تقريبا كلها من بعد قراءتي لردج الطيب وخرجت بإنطباع أكثر من جيد وكذلك فايده غير متوقعه ..ثم رجعت لردج أقراه مرة ثانيه ولقيته ...إشوي إبط الجبد :) ...لأنج وهقتيني ! إشلون اشرح إنطباعي الحين بنفس مستوى صراحتج دام فيها إحراج ..إلا جان تسحبينها ...
وعلى كل حال لي عودة إن شاء الله
والشكر مني يوصلج ويتعداج إلى كل الأخوان والأخوات اللي أثروا هالمدونه اللطيفة
يزاكم الله خير جميعا
mishari
-------
hehehehehe
لاحظت كلامي رسمي يا ربي تكانة انا ههه يعني ما اعرفك لووووووووول
اشوه عبالي مشاري ثاني ضاق خلقي كنت بطير اعلمك ما ادري ليش
سببت لي ربكة دير بالك مرة ثانية
الله يعافيك
اخوي جاسم
---------
يعطيك الف الف الف عافية
مقدرتك جهدك فوق ما تتصور .. اقرأ كلماتك و انا ابتسم .. لان حماسك و تركيزك في كل حرف
اول ما رجعت من المقر .. فتحت البلوق و قريت تعليقك و استانست
لاني قلت لمقررة اللجنة نفس الكلام
قالت لي انها وصلت لهم هذي الافكار و ان شالله يحطونها فبالهم
و تقول انها كلمت مرزوق نفسه و قالت له لازم تركز كلامك على نفسك
يقول لها ما اقدر اتكلم عن نفسي ابداا
امالك اللي معلقها علينا كبيرة و انا كلي طموح و تفاءل انها راح تكون واقع بيوم
ان شالله
كلامك كله مفيد و رتب لي افكار وايد
شكرا على النصايح و التوعية و نقل جزء من خبرتك العملية
:)
---
وي وي وي يا حسرة قلبي
ليش لقيت ردي يبط الجبد ؟؟
اتشرف اذا قريت كل اللي انا كاتبته
يعني عيزت و انا اشكرك بس صج مشكور
ما ادري وين حسيت في احراج
و شنو اللي اسحبها
ضعت انااااااااا ؟؟!!!!
تأكد ان كل كلمة تطلع بنية صافية و من القلب توصل .. و الصراحة مفيدة بكل الاحوااااااااااال
بالنسبة لي شخصيا
اتقبل كل شي خاصة من شخصية محترمة مثلك اخوي .. لذا اطالب برأيك دائما خاصة اذا كان مخالف لي
اشرح انطباعك و لا تحاتي شي
:)
ما قصرت و يزاك الله خير على حرصك و تفاعلك يعني شقولك غير ان المكان مكانك و حياك الله اخوي .. يفرحني وجودك
الصج الصج يحليييييلج :))
مهندستنا بشرى شلون الدرجات والا بس قرقة ومطامر بالبلوجرز بدون نتيجة :))
بارك الله فيج إختنا نوره
شوفاي
أقول سبحان الله مسبب الاسباب
إكتشفت موقعكم عبر سلسلة من الاسباب
جو الإنتخابات
صاحب لي في الديوانيه طرى مرزوق وأنا أسمع من بعيد
وسمعته يذكر هجوم عليه بالبلوجرز
قلت له وين فيه
قال ساحة الصفاة
قلت له عطني عنوان الصفاة
قال مادري مخزنه عندي
قلت مو مشكله نبحث تحت إسمه ونلقى الصفاة وغيرها
خنشوف شيقولون عن مرزوق
لاحظي عدم معرفة صاحبي لعنوان الصفاة هم صارت سبه على سبه رغم إنه مديم يدخل عليهم
بحثت ولقيت خمس مواقع تطري إسمه
وإكتشفت هالمدونه من بينها
دخلت الصفاة وقريت وطلعت
وهذا أنا إهنيه وحافظ إسم هالمدونه وناسي عنوان الصفاة ..
لا وصار المكان مكاني بعد :) ..
على فكره كثير من الإكتشافات المذهله تحققت خلال خطة بحث لأهداف صغيره وبالطريج يظهر أخير من اللي كان متوقع
كله تقدير طبعا آنا ماأؤمن بالصدف كلش والحمدلله حتى كل ورقة شيره تطيح جدامي غالبا أتذكر إن طيحتها مكتوبه
ومكتوب أشوفها وتكون لي ذكرى فسبحان الله كيف هي عجب .. تراتيب الأسباب
..........
قريت هالمقال ولقيت أهم مطلوبي من البحث شهادتج بعفويه ورحت أستطلع على عجاله باقي كتاباتج أعجبت فيها وقلت يبيلها رده وقرايه بتمعن
ولكن قلت أسبق لج الشكر...
أقول ...
جني سويتها قصه آنا !
:)
لا لازم أنهي الحلقة الحين لايصير الرد فيلم هندي
....
إلى اللقاء
ومع تحيات حمدي فريد
First, of I'll I'd like you to really sell your candidate not put down the others to make him seem better in comparison the truth of the matter is that marzoog maqadem shay lina yimkin tafawaq bil majal il riya'6i bes ili imbeyin ina malah bil seyassah lail7een masima3na mina akeed ga3ed e7a'6ir 7eg il nadwa o il ga3ed e7af'6oona kilmita right now bes dont be another puppet because this time its serious 7al il baled ma'esawii o ni7taj men like naibari,il si3doon wil sager ilii ohma ra7 eqadmoon lina hatha il ta'3yeer alathi na7no bi7aja ilayh
mishari
-------
الصج الصج مشكوور
نتايج حلووة الحمدالله
المطامر الظاهر ياب نتيجة ههههههه
اقل درجة الله يسلمك
C
thanks 4 askn :)
اخوي جاسم
---------
هذا من حسن حظي اكيد
لي الشرف انك تحفظ عنواني والله
كلامك صحيح
صار المكان مكانك و ضروري تكون موجود
استانس على تعليقك واااايد
النهاية
سعاد حسني
ههههههههههههههههههههههههههههه
anon
----
first of , i'd say u didn't get the post ! at all ..
2nd, i cant reply u cuz u didn't speak right or fair ..
u did put him down hehehe
sub7aan allah ..
tanagu'6 bs cute ;D
Nice colors. Keep up the good work. thnx!
»
ههههههه
2-
أكمل عن إنطباعاتي بشكل عام ..
طبعا ماأسهبت في مقدمة عن الأسباب وتسلسلها باللي فات ( إلين خفت ردي يتهند طولا وقلت أحسن أحولها حلقات على وزن لقيمات من حمدي فريد ) ماأسهبت بذكر الأسباب بالذات إلا عشان أوصل بالإقناع لأهم الفوائد المفترض تكون مرجوه لما وحده مثلج تمسك القلم ..
وهو إنج تكونين سبب خير بقلمج ، وهذا أهم شي دنيا وآخره .. والحمدلله الشهادات والإشارات كافيه عندي إنج ماشيه بهالطريج ..
وإذا عرفتي أهميه هذا عرفتي أهميه الحرص من التحول إلى الضد وتحاشيه .. وحاشاج..
لأن أصحاب الأقلام المؤثره في خطر والعياذ بالله من تحول كلمتهم إلى سبب شر ..
والله يرحمنا برحمته آنا مادري إشكثر كتبت إللي خفت إنه يكون سبب شر أو فتنه ولولا إيماني إنه الحسنات تذهبن السيئات جان كسرت قلمي وصكيت حلجي وإعتزلت تماما واللي خوفني إني شفت بعيني التأثير وعرفت إن المسأله مو لعب ، والحقيقه آنا شبه معتزل بشكل عام لأسباب متراكبه ولكن أظن هالشي مؤقت وإلى حين..
لما رجعت أقرا بتمعن بديت بالأحدث ورجوعا للأقدم من الشهور يعني مثل فلاش باك وكنت أتفاجأ بين وقت ووقت خلال القراءه كيف كلامج السهل يكسر فجأة إلى عمق فكري بين طيات الحدث إنتي متفكره بطبيعتج وهذي أظن حلاوة قلمج للي يحبون الغوص في المعنى ، تاخذين القاريء وتستدرجينه بقدره فطريه غير مصطنعه يكمل معاج السطور جنه قاعد يشرب ماي من سهوله السطور وفجأة تعطينه فايده أو تصنعين عجب مضحك أو تخلينه يوقف يتفكر يعني فجأة يبرز طعم غير متوقع للقاريء وساعات كأنه من سونا إلى غطسه بحوض بارد تعبير عن المفاجأه .. وهذي موهبه شبه مستحيل إنها تصطنع .. و فيها دليل على إنه اللي مثلج لازم يمسكون القلم مع معرفة سر الكلمة وبالغ أهميتها ومقدار تأثيرها حتى لاتغره نفسه ويلعب فيها بما لايحمد عقباه ، وإهنيه فايده النقد البناء للكتاب واللي في الحقيقه نادر هالزمن ، ماكو إلا تنقد ( وود بيكر ) بإسم النقد ، نعم أشوف الكتابه هي حرفتج الأساسيه المفترضه مستقبلا بإذن الله هذا حسب تصوري من الظاهر ، ومن محاوله إستنباط طبيعتج الفكريه ، إلا جان يكون ماخفي عني من مواهب أخرى كان أعظم هذا شي ثاني والله أعلم يامهندسه ..
قبل لاأكمل فلاش باك إنطباعي...
أقول :)
جنه توفيق الدقن دش فجأه ..
أخاف يطلع علينا موس من حلجه ويخرع سعاد حسني ، و بو أباظه مادري وينه الله يهداه ..
إن شاء الله ننهي الحلقات على ثلاثيه ..
وسامحونا على التأخير لأني مشغول هالأيام أحارب الفساد بالبلد حتى حصاني أسمعه يصهل بالكراج مستعيل لمعركه الليله ..
Super color scheme, I like it! Good job. Go on.
»
Post a Comment