dont hate me Plz ;p
سنتي هذه كانت عصيبة .. او لنقل صعبة و غريبة
كان فيها كل شيء لا أريد ان يكون .. فصل كامل من فصول حياتي .. كان ضربة قوية
لي شخصيا .. لمبادئ اعتقدت انها اساسية .. ضرورية في كل فرد اقابله
" تقول امي حب الناس يا وليدي يحبونك "
اغنية من مسرحية للأطفال .. تغنيها امي لي و انا صغيرة حتى انام
حفرت كلماتها و معانيها .. صغت اسلوب حياتي .. و الغريب انه مقارب لها جدا
لكن .. لكي ارتاح في عيشتي .. قررت ان احبهم .. دون انتظار النتيجة
لم يحبني من أحببتهم .. هذا هو الواقع الذي جاهدته
نعم .. من قدرته .. حاول كسري
من قربته .. تحين الفرصة لطعني
----
حسنا .. هي اذا اول النقاط السوداء التي شوهت صورة سنتي المسكينة
امر اخر .. هو اعتمادي اللطف في معاملة الناس .. دائما .. انتقي الكلمات .. لا أدري منذ متى بدأت
لكن .. لا أعرف طريقا أخر للتعبير عن نفسي .. غير الطريق الالطف .. مهما كان الموقف
لا اقوى على التلفظ بكلمة سيئة .. او خارجة
حتى ان تقيمي لمن أقابل .. يحتوي في أحد بنوده على نوعية المفردات .. كلمة واحدة غير لطيفة
يسقط في التقييم .. و يدخل دور ثاني
أعلم ان قراري السابق .. بعدم الحكم على الغير .. يتعارض مع هذه الخصلة
لكن .. تقيمي يبدأ و ينتهي في اللاشعور .. دائما .. و نتائجه تخزن في عقلي الباطن
هذه السنة .. صدمت من شخص قريب .. انتكس و اي انتكاسة .. و لا نكسة 76
عقلي لم يستوعب موضوعه .. ظل يصارع كل الحقائق المقررة و الموجودة و المتجددة عندي
كان هذا .. قبل ان يحل التحالف .. بين قلبي و عقلي
ما هدأ الروع .. و فتح الغتامة في الالوان
هو انه كان رائعا .. بي .. بوجودي .. اي كان كذلك
تأثرا .. بي .. متى ما ابتعدت .. عاد لوضعه العادي
!!
صدمت .. من قسوة الكلمات .. بلا هدف .. صدمت .. ان هناك من يتفنن في انتقاء ابشع الكلمات
هناك من يتبع نظام مغاير كليا .. لما اجتهدت في تطبيقه طول حياتي
.. كيف اذا كان هذا الانسان يوما مقربا
!! حقا لا ادري
حتى الان .. نقطتين .. بلون الليل .. هناك امل لانقاذك يا سنتي المريضة
قلت .. و سأقول .. و اعيد .. ان الزين .. يفرض نفسه
---
عندما .. لا تذكر شيئا مما مضى .. و لا تفتقد شيئا الا الالم .. و تبحث في روحك عن فراغ .. فلا تجد
تأكد .. ان ذلك الشخص .. عبر .. دون ان يترك اي أثر
---
لو يسألني أحد .. ما أهم مطلب في اي علاقة انسانية
لن اقول اممم .. او اااااااه
ردي فوري .. سريع .. و أكيد .. الاحترام .. كنت أقولها .. دون أن اختبر مدى اهميتها بالنسبة لي
الى ان كان السقوط العظيم .. ليس الهروب العظيم .. عندما ترى تمثالا او سدا او برجا عاليا يتداعى بفعل فاعل
و انت ترقب المشهد .. متعبا .. فقد باءت محاولة حماية هذا المبنى بالفشل .. تسقط دمعة .. حزنا على ماضي اختفى
لا احتمل .. عدم الاحترام .. لا أتخيل .. التعامل مع شخص غير محترم
تعريف الاحترام .. صعب .. اعرفه و اشعر به
.. و الغي كل شيء مهما كان مهما .. ان خلى من القدر المطلوب من الاحترام
غريبة انا ؟؟
والله عاد كيفي هههههههه
---
المصيبة العظمى .. اني ارتبط بعاطفة غريبة مع اشخاص لا يستحقون وقتي حتى
غالبا ما اميل الى احتواء .. ناقصي الثقة .. مهزوزي الشخصية .. سليطي اللسان تغطية لضعف دفين
شخصيات ضائعة .. تركض في الطريق الخطأ .. اقف الى جانبها و اعالج ما اقدر عليه
احببتهم .. و لم يحبوني .. كنت معهم .. دائما بجانبهم .. و لم يكونوا معي يوما
من قدرت لهم اي شيء .. و لم يذكروا لي شيئا .. من لم يحترموا وجودي في حياتهم
من استغلوا .. اي طيب في ذاتي .. و تعاملوا معي بخبث لتحقيق امانهم النفسي
من سهرت .. بكيت .. فكرت .. لهم .. و لهم فقط
اقول
الحمدالله .. لم اعيش على تلك الاغنية .. و لم انتظر رد العطاء يوما
---
.. هما شخصان فقط على ما اظن
شاب .. و فتاة
لكما .. اقول .. شكراا
انتما نقاط هذه السنة السلبية
.. و اسمحوا لي .. لا سجلا عطرا لكما .. فقد حطم كل واحد منكما
نظام التهوية .. و جهاز التعطير .. الذي ثبتهه انا في حيزكم من قلبي و حياتي
لذا .. تذكر اي ذكرى عنكما .. يثير في نفسي مرضا و اشمئزاز
قلتها .. بصوت مسموع
لا احترمك انت
و لا اعتز بمعرفتك انتي
---
لكن .. انتما من اظهر القسوة فيني .. و انطق لساني بأتسع الحروف في صياغة هذا المقال السيء
سيء .. لان فيه حديث عنكما .. و انتهى كل شيء
قلت .. لن تسمع صوتي بحياتك
قلت .. سألغيك من بالي
لا أقول الا ما اعنيه .. كلماتي راسخة .. لانها واعية
لا اتفاعل مع لحظات غضبي .. بقرارت اندم عليها
شيء وحيد .. تثنى في هذه السنة
تفكير متأني و هذا أمر قديم
تحملي و تمسكي بقراراتي .. وهذا الجديد الجيد
:)
---
شكرا .. فقد تنازلت عن بعض صفات الملاك .. استغفر الله .. اقصد نموذج الملاك الانساني
و اكتفيت .. بممارسة انسانيتي الناقصة دوماااا
سأضحك ان فكر احدكما ان يعود لاي سبب .. و الاغلب .. انكما عائدان لامحالة
و انني سأضحك .. ذلك اليوم .. حتى .. امممم .. لزوم القافية .. حتى الثمالة
---
وايد ارتحت نفسيا من اعماقي بعد
مو سنة يديدة .. لكن ترسبات لازم افضفض عنها و تسلست بروحها
!!
فيني الصدق حالف .. اموت .. الصادق اللي تعرفوني
انا .. كل المشاعر .. حيل خايف .. ابسدل هالستار و ساعدوني
وداع و كلمة التوديع اسف .. و بعد ما اروح .. لا تذكروني
فمان الجرح
:)
19 comments:
اهم شي لا تندمين على اي شي لان انتي ما وصلتي الى هذا الرقي من المعرفه الى بعد تجارب صعبه و محزنه..لان الاوقات والمواقف الحلوة ما نتعلم منها وايد..والدنيا ما تتوقف على شخص او شخصين..واحييج على شجاعتج في نقطتين..الاولى شجاعتج في الغاء اشخاص من حياتج..والنقطه الاخرى في اخبارنا عن ذلك
اهم شي لا يضيق خلقج بروحج
:)
شكراً
بغيت أسجل حضور :)
*****
أنا كنت أعتقد أني ملاك أنساني
و أعامل كل الناس بطيبة
لكن مع الوقت تبين أني أمارس دور شرشبيل مع فئة من الناس، تبين أنها فئة لا تروق لي أو ما تتوافق مع أطباعي و تفكيري
نعم، أحيانا أكون فظ معهم ، في الكلام و التعامل
و هم في المقابل قمة في الطيبة و الخدمة
معاي
أعتقد أنه هذا ما يقوم به البعض الذين ننتظر منهم مردود، نكون معهم في قمة الطيبة و هم في المقابل يمارسون دور شرشبيل معانا :)
عادي ، خذي الأمور ببساطة
كلنا نملك الجانب السنفوري و الجانب الشرشبيلي
و عليه نتعامل مع غيرنا من المخلوقات :)
شو رايج بهالنظرية ؟
اول شي اختي لا تتشائمين ترى السنة بعدها بنصها
شوفي النص الباقي الي راح يكون مليء باذن الله بالنقاط الحلوة
اما بالنسبة لتجاربج السيئة مع الناس فهذا شي متوقع
الناس خليط بين الصالح والطالح والنص نص
وبالتالي فعلم الاحصاء يقول ان في نسبة نصادف كل نوع من الانواع المذكورة اعلاه
لكن هذا مو معناته انج تتحسفين على وقتج الي عطيتيه لهالناس
بالعكس اخذيها من باب الدعوة
انتي حاولتي وبذلتي كل شي علشانهم وعلشان مصلحتهم لكن هم ما بغوا
انتي خذيتي الاجر بنيتج وهم خذوا الاثم بانتكاسهم
فماخسرتي اي شي ابد ابد بل ربحتي لان الاعمال بالنيات
بنهاية السنة الماضية تعرفت على واحد من الشباب كان غارق بالوحل
اعطيته كل شي
وبالمقابل ماني قايل شنو عطاني لكن هالشي كان كافي اني الغي من حياتي نهائياااااااااا
يعني في ناس مهما كنا مانشتهيهم لكن نظل نجاملهم لكن في ناس ماينفع معاها الا الالغاء ولا شيء سوى الالغاء
مع تمنياتي لك بنصف سنة مليء بالسعادة
انا دايما اقول
التجريح اسهل شي و التلاعب على الوتر
ما يحتاج الا نظرة فاحصة للشخص و شوية
خبث .. و طبعا رجيم عشان ما نطيح
:p
عن جد .. التجريح مو صعب و لكن النفس
و طبيعتنا ترفض هالشي و تشمئز منه ولا
يمكن نسويه
تطهير القلب مطلوب و الارتقاء بالنفس جميل
و عاملي الناس بلطف و احترام و بنفس الوقت
خلي عندج بوصلة داخلية خفية ما يشوفها
الا انتي .. بتفيدج و بتوجهج عدل وقت
ما تحتاجينها
تحياتي يا باش مهندسة
يا ام المدونة القوس قوزحية
:p
قد تكون معرفتك بشخص ومن ثم الصدمة فيه شئ غريب :)
ولكنها الحياة شئ طبيعى ليس جميع الناس طيبين ويستحقون الثقة :)
تجربتى امر واكثر قسوة:) صدقينى
انا كنت على معرفة بشخص كان بالنسبة لى هو او هي الحياة بكل ما تعنيها لمدة 8 سنوات
والنتيجة:) صفر
كتبت ما كتبت لمجرد المؤازرة ولولا احساسى بعصبيتيك لما كتبته :)
السلااااااااام علييييييييييييكووووم :)
صح السانج ^_^
امبيه تدرين والله اخنقتني العبره
((( احببتهم .. و لم يحبوني .. كنت معهم .. دائما بجانبهم .. و لم يكونوا معي يوما
من قدرت لهم اي شيء .. و لم يذكروا لي شيئا .. من لم يحترموا وجودي في حياتهم
من استغلوا .. اي طيب في ذاتي .. و تعاملوا معي بخبث لتحقيق امانهم النفسي )))
سبحان الله الحين أعيش بحالة تطوير لذاتي لأني صج حسيت ان جروحي زايدة من الناس ... او يمكن توني الاحظ هالشي ..!!!!!
ومع هذا أحب طيبتي اللي يمكن يستغلونها غيري مثل ماقلتي للمصالح ..
وصدق من قال كأن علي بن ابي طالب رضي الله عنه اذا ماني غلطانه
وكل جراحة فلها دواء..وسوء الخلق ليس له دواء
مادري كلامي امشتت صراحه ومادري شقول ومادري شخلي .. ضربتي على الوتر الحساس :<
يا قلبج انتي بعد
اهم خسروا مو انتي مثل ما قال اخويAmbitious
صج الطيبه خساره في الخبثاء الي مايستحقونها بالعكس يقابلونها بالمكر والاستغلال صدمه فضيعه واحساس بالغباء ينتبنا لي صار هالشيء بس شنسوي
ياليت على قولة اخوي الطائر فيه بوصله داخليه توجهنا عدل عدل ومو دايما بطيبه عشان ماننصدم
بعدها السنه بنصها والايام مو سوا يوم لج ويوم عليج
ان شاء الله تكون هذي دروس هالسنه القاسيه حقج ويكون باجي السنه كله خير يارب
اختي كلنا نمر بمثل الي مريتي فيه ، لكن نصبر ونحتسب ، مرت علينا أيام لا تتوقين أوهن من الي مر عليج :) ..
بس أخير شي نقول الحمد لله على كل حال ،وقدر الله ماشاء فعل ..
هذي الدنية يوم لج وعشرة عليج :) ..
سلام على الدنيا اذا لم يكن بها
صديق صدوق صادق الوعد منصف
وتقبلوا تحياتي :) ..
bo9ali7
-------
سبحان الله انا كنت ارفض كلمة ندم و ما لها مكان بحياتي .. كله من الكبرياء
لان الندم .. يعني قصور في التفكير وقت اتخاذ القرار .. و كنت شايفة نفسي الظاهر
بس الحين .. لازم اعترف اني ندمت على اشياء .. و لازم ابدي اسمي الاشياء بمسمياتها الحقيقة .. و لا اراعي شعوري مهما كانت التسمية قاسية علي
انطلقت و صارت فيك هههه ليش تقول ندم
;D
كلمة رائعة اللي قلتها .. رقي
انا ما وصلت لها لي الحين
---
كلش مو بروحي سيده طلعت اللي فيني .. و مؤازرتكم و كلامكم الطيب كافي
مشكووووووور حياك الله اخوي
bin3li
------
لازم اجيك على غياباتك احسهم وايد
;D
نظريتك تبقى نظرية
و التجربة خير برهان
انا .. اللي ما يعجبني لسبب ما .. يا اشرب عليه كأس من اللبن الخاثر و ابلعه غصب .. يعني اجامله مراعاة لمشاعره .. او انسحب و ما تكون في ذيج العلاقة
بس ما اصير حيزبونة .. كلش كلش
و هذي اهيا الفكرة للموضوع كله
يدرون ان اقصى مستوى انزل له .. يساوي اعلى مستوى لهم يمكن .. فا يستغلون هالنقطة فيني عرفت ؟
ما انطر مقابل .. و الا جان انا مينونة من اللي شفته ههههه الحمدالله
طائر بلا وطن
-----------
التعب كله لتطوير هذي البوصلة و تدعيم خلايا استشعارها .. اهيا موجودة بس اخاف اعترف بحكمها و اجعم فيها
===
يااااااي .. قوس قزحية مرة وحدة
;D
بس انا اللي عاجبني ترى ههه و مستمرة رغم القيل و القاال لوووووول
mishari
-------
لانك اخووو حقيقي قلت اللي قلته
:)
حاسة فيك من قلب قلبي و من قبل لا تقول اصلا
تأكد .. اي شي اكتبه يعني صار ورااي و ما فيني الا العافية
لو على سالفة ثقة .. جان تهون
المصيبة لما تكفي خيرك شرك و اييك البلا لي عندك و ما تدري ليش
خلها على الله اعلم بكل شي
مشاري .. مشكووووووووووووووور
واااااااااااااااااايد
اقدر لك مؤازرتك صراحة
ambitious
---------
افردت لك رد .. انتبهت اني ما رديت عليك اخوي فا اعذرني ما عليه
:)
التفاؤل اساس شخصيتي الحمدالله
و الا معقولة نص سنة ما فيه الا نقطتين تعيستين .. مو معقولة لكن الحمدالله السبب نظرتي الايجابية
انا ما شفتها خسارة لي انا بالعكس ربي فكني الحمدالله من شي اقوى يمكن
طبع الناس معروف و لا في انسان كامل
لكن الصدمة ما تكون منهم
تكون من القراب فقط و بالنسبة لي القراب حييييييييييييييييل مو اي قريب
الحمدالله الغاءهم و مسحهم ما يا ردة فعل لا ابدااا
لي اخر لحظة كنت سند لهم رغم كل شي و يدرون اني ما ارد فا اول من يلجؤون له انا
كلامي كان عن شخصين فقط لم اعمم كلش
و عندي قدرة على بلع الالم او الصدمات
المشكلة مو اني صادفتهم في حياتي
ما في اسوء منهم و عادي
المشكلة انتهت الحمدالله و عالجت نفسي
انا ما اخذ موقف بناء على ردة فعل
اقتله بحث و وصلت الى نتيجة الغائهما لكل الاسباب المذكورة بالبوست
صاحبك اللي تكلمت عنه كسبت فيه اجر اكيد
انا ما كنت انظر لهم كمشروع خير
كنت احبهم و عايشة معاهم و عادي بساطة كاملة .. لكن صار اللي صار
الحمدالله على كل حال
تصحيح
المشكلة مو اني صادفتهم في حياتي
في وايد اسوء منهم و عادي
النية صافية و الله يعطينا على نيتنا
----------------
relaaax
-------
حبيبتي والله سوري ضيقت خلقج
كلامج عسل و جنه البخت احلى شي العفوية و عادي احنا نسولف مع بعض اهني شفيج لا اديرين بال لترتيب الافكار كله يوصل ان شالله
:*
انا ما احس اني طيبة هههه عادي يعني معدل طبيعي .. بس اقدر كل شي حتى البسيط جداااااااااااا
و هالشي يشفع للغطاان دايما
اهما استغلوا هالنقطة الظاهر
لين مليت صراحة
و باجي الاسباب كلها بالبوست
بريت ذمتي و الحمدالله الى اخر لحظة ما تخليت عن مبادئي او اخلاقي و هذا شي انا اشوفه كبير و عجبني بنفسي اذا تسمحين لي اقوولها يعني ههه
تطوير الذات .. لما اكتب افكاري و اللي احسه .. و اتيني ارائكم و اسمع زوايا ثانية
كلش الا سوووووء الاخلاق صعب صعب صعب
الله يرزقنا احسن الاخلاق و يجعل خلقنا القران يا رب
حيااج الله
حكاية روح
---------
هلا بالغالية
القصة مو خسارة و ربح و فوز و غيره
قوولي هذا من حال الدنيا
المسألة وصلت لي حالة من المرض والاشمئزاز
رأفة بحالهم مسحتهم من حياتي
لاني ما احب انظر لاحد جذي و لا ابي اصلا
ما اعرف والله اتعامل مع ناس اشوفها وايد تحت وااااااايد بالنسبة لمعايير الخاصة اكيييد
مثل ما قلتي .. غبـــــــاء
تحسين سؤااال يدوور .. شفيهم ليش ؟
انا تعبني هالسؤال اللي ماله اجابة
لين وكلت امري لله و ربي معاي
لو ما لجأت اليه جان انا زاار عقلي
ما تتخيلين انا شكثر ضعيفة مع الناس اللي احب .. والله افكر باحساسهم لا اجرحه بدفاعي عن نفسي جدامهم
و تحترمين كل لحظة و ذكرى .. لين تشوفين الوضع صعب .. عليج انتي بس لانج بمكان مو مكانج و لا جوج و لا ناس تستاهل تكون معاج
يالااااااااااااا دوختج و طولتها
البوست يمكن بس انا افهمه و مشاري و بلا وطن خخخخخخخخ
و لا هانوا الباجيييين اكيد
:)
بوجسووم
-------
افاا عليك بس .. انا كلي تفاؤل
مو قلنا اني بوولياااااانااااا
ويييييي نسيت ما شفت انت بوليااناا
حسااافة
انا ما قلت اني الوحيدة اللي صار لي شي صعب
و لا قلت ان ما يجوز يصير لي جذي
الحمدالله كل شي لصالحي لو مهما كان
و كل اياام السنة معاي باذن الله و بدون شك
و ما نقول الا الحمدالله والف الحمدالله
كافي بصحة و عافية و خير و نعمة
لكن .. تحتاج احيانا تقول كل اللي بقلبك و يطلع كل شي سلبي
عشان يصفى ذهنك و تكمل ايامك بقلب نظيف و قوي ان شالله
و بس سلامتك و تعيش
:)
بارك الله فيج أخت نوره
هذا مقال جيد جدا أدبيا ولكن موضوعيا لابد من وضعه تحت مجهر النقد البناء بإذن الله من عدة محاور
( وهذي على أي حال نسبيا خوش صيده على كاتبتنا لأنها ماشاء الله موضوعيا صعب تخالفها في أكثر اللي كتبته )
---------
ألاحظ كقاريء أن الكاتبه أرسلت لنا الحكم من غير حيثياته التفصيليه على الشخصين ، وبمعنى الحكم منها كان عائد لتقييمها للصواب من الخطأ مما بدي من الإثنين فهي أخفت التفاصيل عنا ،
لاأقصد أستحث هذه التفاصيل طبعا اهنيه لأنها مومهمه في سياق النقد نفسه ،لكن التذكير إنه لاحكم لنا كمراقبين على الشخصين إلا برهان صحة حكمها أولا ، وهذا مو شرط يمنع وجود ظني الخاص بأني راح أقتنع بصحة حكمها لو عرفت التفاصيل لثقتي بصحة منظورها عموما ، ولكن يبقى هذا ظن ماينبني عليه ويمكن هالمرة أخطأت ، وفوق هذا اللي يمنعنا كقراء نحكم نهائيا هو إنا لازم نسمع دفاع الإثنين وقد تكون لهما أو أحدهما حجة خفت عنا تضع نوره في موقع المتعجل في الحكم ..
ولكن لنفترض إنه حكم عادل ياأختي نوره إسمحيلي أسهب بفصل إن شاء الله مفيد :-
ليش تغلقين الباب عن إحتمال وجود حكم أنور من حكمج وماأقول أعدل فالعدل واحد ولكن أقول أصلح ، إيمانا مني إن العداله وإن كانت واحده لابديل عنها ولكن دائما تبقى بين حدين ، الحكم الصالح والحكم الأصلح وإن خفى هذا الأصلح غالبا فهو يتطلب فهم ونور خاص من الله .. والدليل طبعا موجود في قصة الغنم التي نفشت في الحرث فالصالح العادل كان حكم داوود والأصلح كان حكم سليمان عليهما السلام ، وياليت تسنح لي فرصة ثانيه أستعرض عمق تفاصيل هالقصة ، ولكن سياقنا إهنيه إن فيها دليل على أن أي قضيه واحده ممكن يكون لها أكثر من حكم واحد دون الخروج عن العداله ، ولهذا إصطلحتها بين حدين الصالح والأصلح ، وهذا من باب يذكرنا إشكثر الإسلام عظيم والأصلح لإستخراج الأسس الكبرى لبناء الدول بينما نحن للأسف لازلنا نلاحق الفلسفة الفرنسيه لوضع أسس عدالتنا وهاجرين تدبر القرآن في المقابل !
أعود لنقد الموضوع بأنج إهنيه حكمتاي حكم نهائي لارجعة فيه ( إلغاء ) إنزين يمكن فيه إستئناف يمكن ياي تمييز ، جمدتي حكمج وايد ، ولو كان فيه تجميد للأحكام كان داوود عليه السلام أولى يجمد حكمه ويرفض غيره .. وعشان أثبت لج زود .. إنتاي قلتيلهم إنت ماأحترمك وإنتاي ماأعتز بمعرفتج ، هذي كيفج صج وإنتاي أخبر منا باللي صار ، لكن تقولين إنت ماراح أسمع منك أبد وإنتاي سألغيك من بالي ، لا مو بالضرورة بكيفج إهنيه ، يمكن يحصرج ربي بظرف زمان ومكان وغصب تسمعين منه ، بعد السمع ماله جفون ومافيه تغمض وإلا جان ماإصنع المنبه يرن :) ، والثانيه تقولين لها سألغيج من بالي ، لا هذي هم مو إبكيف الإنسان وأوسع من قدرات الإرادة البشريه الإرادة محدوده بإستطاعه ( إن أريد إلا الإصلاح ماإستطعت ) (( وهذي اللي يتناسونها كثير من الزقمبيه اللي يدعون الإصلاح العام ويتشرفون له اليوم وكل واحد منهم حتى ماوصل إستطاعة إصلاح نفسه وبيصلح البلد))) ..
وأقصد مختصرا إنه حكمج وإن عدل يبقى تقريرج للمستقبل وأوامرج التنفيذيه يبيلها تأني ، لاتصيرين مثل قضاءنا يحكم وهو عارف إنه التنفيذ بطيخ ولايهتم ولايتحرك لإصلاح هالوضع الذي يهدم العداله من أسسها ..
طبعا آنا إهنيه ماني محامي لهم وإلا جان صممت على تسجيل هذا ضدج لأن من صالح موكليني ، لا طبعا أنا ممكن أخففها وأشوف إنه قصدج من اللي قلتيه إنه إنت راح أفارقك (ماأسمعك ) وإنتاي راح أتناساج ( ألغيك من بالي ) وجذيه تفوت بس أكون ذكرتج ترى إنتاي إمعصبه .. وعلى فكره هذا مثال على خطوره موقف القاضي وقدرته على اللعب على أي حبل يبي بين ثنايا الحيثيات ، يشوف جذيه أو جذيه بكيفه ممكن يثبتها على المتهم أو يلغيها يعتبرها كنايه مومقصوده ومشكلتنا محد يحاسبه إلا ربه ..
إنزين إنخلص من المحور الأخير ، تقولين وغالبا أنتما عائدان لامحالة .. وساضحك حتى الثماله .. لزوم القافيه :) (على فكره هذي ضحكتني وروعه من ناحيه أدبيه والله يقطع إبليس الشعرا جذيه يثملون بالقافيه وبعدين في كل واد يهيمون .. إلا المتقون طبعا) ، (لكن نرجع للموضوعيه)... يمكن بالفعل عائدان أو أحدهما عل الأقل بس شدراج بطبيعة عودته مو يمكن تأسيسا على مافات واللي ياي وتكون العودة بظهور خافي ويتبين لج إنه حكمج كان على ظاهر ناقص وتوهقين وتضحكين على نفسج موعليهم( حتى الثماله صج عاد لما إتذكرين ردي :) ) ..
وأذكرج منتاي أعلم من موسى عليه السلام يوم شاف بعينه المساكين إشلون ضيفوهم في السفينه قام وهذا يزاته لهم يخرق لهم سفينتهم ! ظنه بيغرقهم ( أخاف ظنج فيهم يطلع مثل هالظن لأنه السالفه فيها أكبر من فهمج للمعتاد بين السبب والنتيجه ) وشفتاي إشلون إكتشف بعدين إن العبد الصالح بالفعل غرقهم لكن بالذهب مو بالماي ، وإكتشف إنه أساء (تقييم ) السبب المنظور (الخرق ) وظنه يطبع السفينه لكنه كان مجرد (يعيبها) ولهدف جوهري وهو حراستها من الطمع فيها ولأنه كان فيه سواعد تنزف لي بره أكثر من اللي يسرب إلى داخل ، طبعا ماقدر يقيس السبب بهالدقة (( دققتي بالاسباب لحكمج؟ هذا سؤال مفترض)) ، وفوقها غاب عنه الخافي من وراهم وهو إمصادر المراكب ياي بالطريج (( أخاف فيه إحتمال فيه دافع خفي ماشفتيه، هم سؤال مفترض)) ، و شوفاي القصة قيسي النهاية لما صفى للمساكين البحر من غير منافس وزاد الطلب على العرض للسمج ، مو هذي غرقه بالذهب ، ماكو أحسن من جذيه شكر ورد كرم الضيافه ..صار لهم سبب غنى غير متوقع وكان يايهم حفو عالحديده .. تهقين شنو كان حكم المساكين لو كانوا مكتشفين إنه اللي ركبوهم خرقوا السفينه لهم ، أكيد سوولهم (إلغاء:) ، ومثلها قصة ذبحة الياهل (نفس زكيه ) بعد مايبيلها هذا حكم نهائي بالإجرام ، هم غلط ، طلع هذا الخير كله للياهل هذا اللي بصير كافر وبيدخل النار صار طير بالجنه وخير لأهله اللي كان يايهم غيره بالطريج صالح جان أذاهم ثلاثتهم طول عمرهم هالبجر الأقشر الحمدالله إنذبح له ولهم .. ومعناتها يبقى الإحتمال مفتوح مهما ظنينا إنا محكمين الربط بين السبب الظاهر ونتيجته المتوقعه واللي ماتخرش الماي ، مايغلق إلا لما نبلغ مبلغ عليم مو بس عالم بين السبب والنتيجه يعني تعرف باطن الشي فوق ظاهره وقايسين إحساب ماوراء الحجب من اسباب إذا متعلقه ويايتنا بالطريج ..
......
إهني أنتهي من النقد الموضوعي وعساه بناء ( والمسامحه على رص الطوابيق إشكثرها فوق على بو بناء :) ..وأبقى أهنيج على مقالج من جهه والأهم على موقفج عموما من الصبر والتفاءل وأقولج
السنة أولها مريضة مو مشكله كلش ، ومثل ماقالوا الجماعه ( وهذا الله ياخذ ويعطي ) يبا أجر وعافيه وكفارة ومناعه مكتسبه وهذا الشفا واضح والحمدلله ، وهذا إنتاي بهالكتابه عطيتي دليل إنهم ماإسدحوج بالفراش متحطمه لأنج أقوى من جذيه وهذا المهم ، أماكسر النفس شويه فخيره لأن الجبر يقويها حق جدام ، وهالمواقف دليل على إنج ماشيه بطريج الخير من معرفه وعلم وحكمه تجارب ماتنقرى بالكتب ولابالمدونات .. اللهم آمين أجمعين
اخوي جاسم
----------
وااااااااااايد مشكور على التعليق
احس صج صج صج من قلبك تتكلم
:)
كلامك صحيح و فوق الصحيح و مفيد جدا
لكن
السوالف كلها صارت من زماااااااان
يعني مو امس .. فالعصبية مو عامل
التفاصيل مهما اسرد فيها ما راح تكون موضوعية لانها من زاويتي انا و بس
حكمي السابق لاني سعيت
عشان ما تخترب صورتهم و ما يطيحون من عيني و قلت لهم هالشي بصريح العبارة
و رحيل كليها من حياتي كان ضرورة
قصوى لماالت اليه الاحوال من قلة أدب و تصرفات تمسني شخصيا و تفسيرها الوحيد عدم احترام العلاقة اللي كانت
هالشي انا ما اسمح فيه مو حماية للذكرى او المشاعر
لا
ما اقبلها على نفسي و لا ارضى احد يتخبط في حياته يعفس حياتي انا
لما تقول حق احد انت غير موجود في حياتي من اليوم و رايح
المفروض لو لك قدر عنده يحترم هالشغلة و يمشي
ما صار هالشي
و قراري اني بحياتي ما راح اسمعه لو تكلم
لان ماكو كلام يقوله خلص الحجي كله
كلامك منطقي الدنيا مو على كيفي اكيد
و المستقبل عند الله سبحانه
و ما كان عندي مشكلة اتعامل مع اي شخص فيهم لو كانوا واقفين عند الحد اللي انا راسمته لهم
بس للأسف تمادوا واااايد و كسروا وااايد اشياء كانت تشفع لهم
راح يرجعون هذا توقعي انا
عندهم خبر اني ما راح اخليهم يرجعون خائبي الرجا هههه
بس الله وحده يعلم انهم ما سوى لي معروف واحد أرده لهم بالمجاملة هذي ان صارت
خلاص استحكمت فيني فكرة استغلالهم لي
وااايد تعوور الكلمة اول ما سمعتها في عقلي .. بس الحمدالله واجهتها و كتبتها اهني بعد عشان يكون الموضوع رسمي اكثر
;)
خلصت الفرص اللي لهم عندي و ما فيني صراحة اطول بالاخذ و الرد
لان ماكو اي قيمة مضافة تذكر
-----
اكيييييييييييييد بناء اكيييييد
ههههههههههه افااا جان دخلت اختك بالمشروع مهندسة على ويه تخرج
اصلا لي الحين قريته 3 مرات
و راح اقراه اكثر
والله بيني و بينك انسدحت بالفراش و قمت الحمدالله
مرت السوالف بكل مراحلها الطبيعية
الى هذي النفضة الاخيرة و خلاص صفى قلبي و ارتاح بالي الحمدالله
تسلم اخوي و يزاك الله خير جهدك واضح
و كلامك رائع و مرتب و مدعم بالأدلة
مشكووووووووووووووووووووووووووور
اسعدني وجودك
عندما .. لا تذكر شيئا مما مضى ..
و لا تفتقد شيئا الا الالم
.. و تبحث في روحك عن فراغ ..
فلا تجد
تأكد ..
ان ذلك الشخص ..
عبر ..
دون ان يترك اي أثر
كلمات رائعة لامست قلباً إحترق
عندما أسأل أن كنت لازلت أحبه
هذا هو جوابي
ولكنك عبرت عنه بسهوله ووضوح أكبر
أشكر ظروف مروري بمدونتك
لا شك ستكون محط إهتمامي
أطيب تحية
2-
أكمل عن إنطباعاتي بشكل عام ..
طبعا ماأسهبت في مقدمة عن الأسباب وتسلسلها باللي فات ( إلين خفت ردي يتهند طولا وقلت أحسن أحولها حلقات على وزن لقيمات من حمدي فريد ) ماأسهبت بذكر الأسباب بالذات إلا عشان أوصل بالإقناع لأهم الفوائد المفترض تكون مرجوه لما وحده مثلج تمسك القلم ..
وهو إنج تكونين سبب خير بقلمج ، وهذا أهم شي دنيا وآخره .. والحمدلله الشهادات والإشارات كافيه عندي إنج ماشيه بهالطريج ..
وإذا عرفتي أهميه هذا عرفتي أهميه الحرص من التحول إلى الضد وتحاشيه .. وحاشاج..
لأن أصحاب الأقلام المؤثره في خطر والعياذ بالله من تحول كلمتهم إلى سبب شر ..
والله يرحمنا برحمته آنا مادري إشكثر كتبت إللي خفت إنه يكون سبب شر أو فتنه ولولا إيماني إنه الحسنات تذهبن السيئات جان كسرت قلمي وصكيت حلجي وإعتزلت تماما واللي خوفني إني شفت بعيني التأثير وعرفت إن المسأله مو لعب ، والحقيقه آنا شبه معتزل بشكل عام لأسباب متراكبه ولكن أظن هالشي مؤقت وإلى حين..
لما رجعت أقرا بتمعن بديت بالأحدث ورجوعا للأقدم من الشهور يعني مثل فلاش باك وكنت أتفاجأ بين وقت ووقت خلال القراءه كيف كلامج السهل يكسر فجأة إلى عمق فكري بين طيات الحدث إنتي متفكره بطبيعتج وهذي أظن حلاوة قلمج للي يحبون الغوص في المعنى ، تاخذين القاريء وتستدرجينه بقدره فطريه غير مصطنعه يكمل معاج السطور جنه قاعد يشرب ماي من سهوله السطور وفجأة تعطينه فايده أو تصنعين عجب مضحك أو تخلينه يوقف يتفكر يعني فجأة يبرز طعم غير متوقع للقاريء وساعات كأنه من سونا إلى غطسه بحوض بارد تعبير عن المفاجأه .. وهذي موهبه شبه مستحيل إنها تصطنع .. و فيها دليل على إنه اللي مثلج لازم يمسكون القلم مع معرفة سر الكلمة وبالغ أهميتها ومقدار تأثيرها حتى لاتغره نفسه ويلعب فيها بما لايحمد عقباه ، وإهنيه فايده النقد البناء للكتاب واللي في الحقيقه نادر هالزمن ، ماكو إلا تنقد ( وود بيكر ) بإسم النقد ، نعم أشوف الكتابه هي حرفتج الأساسيه المفترضه مستقبلا بإذن الله هذا حسب تصوري من الظاهر ، ومن محاوله إستنباط طبيعتج الفكريه ، إلا جان يكون ماخفي عني من مواهب أخرى كان أعظم هذا شي ثاني والله أعلم يامهندسه ..
قبل لاأكمل فلاش باك إنطباعي...
أقول :)
جنه توفيق الدقن دش فجأه ..
أخاف يطلع علينا موس من حلجه ويخرع سعاد حسني ، و بو أباظه مادري وينه الله يهداه ..
إن شاء الله ننهي الحلقات على ثلاثيه ..
وسامحونا على التأخير لأني مشغول هالأيام أحارب الفساد بالبلد حتى حصاني أسمعه يصهل بالكراج مستعيل لمعركه الليله ..
newme
-----
تسلمين على رقة كلماتج كلج ذوق
اشكر الظروف اللي نورت لي المكان بوجودج حبيبتي
تتشرف حروفي انها توصل و تمس احساسج
شكرا عطرتي البلوق و حياج الله
:)
اخوي جاسم
---------
مسموح اخوي مع اني انطر نقدك ههه
لا تحاتي سعاد سبعة و اخت ريايل
;D
فهمت من كلامك انك كاتب .. يا ريت تكون في فرصة اطلع على مقالاتك مثلا
مواهبي هههه الله يستر بس كلها فنية تصدق
المشكلة المجتمع لي الحين مكبلني بقيوده
لا لا لا اتغشمر ترى
كلامك يوصلني و افكر فيه بعمق
اذا قريت الارشيف مالي الله فا يعطيك العافية .. عسى ما عورت عيونك كان الخط وايد صغير
لاني كنت اكتب لنفسي فقط .. و ما كنت ابي احد يقرا لي شي
مرحلة مضت و الان انطلاقة اولية
لكن في نقطة عشان ما احس اني خيبت ظنك بشي مني مناك
انا اكتب حق نفسي .. يعني لما تقرا اي مقال .. لا تتوقع حكمة او فائدة
احيانا احتاج اطلع هالكلام بره عقلي و بس
just be u ..
iam here tryn to be me ..
هذي كل القصة و الغاية من هالبلوق
لاني احس ان رأيك احترافي فا وايد اتمعن فيه .. عرفت شلون
اذا تحب يعني تقدر ترسل لي على
ana_6mooo7a@hotmail.com
و عسى يطلع لي عربي لانه ساعات يفصل
!!
مشكوور اخوي على كل حرف و كل كلمة
طلعت انت الفارس على صهوة جواد الاصلاح
هههههههههه سبحان الله و الناس تدور منو هذا الفارس الملثلم
سرك في بير ما راح افتن ابداااااا
يعطيك العافية و حياك الله اي وقت
بس بعد صرت من اهل البيت اصلا
:)
me now who have problem writing in arabic :)
ofcourse my pleasure to let u read my writtings infact most of it not ready yet for publishing ..also the most important articles still hidding in my head waiting for michaa3.. but really i`m searching for (my first special reader ):) really i`m not joking>>he/she got to be E.I = emotional intelegent ..if multi-talented also ,, thats gona be great ,,if she already a writer waaaw ,, kaifich 3ad wahagti 3omrich u asked for it ,,
yes sis i wrote alot but all published in internet ,,most gone with the wind ,,as like ( fotha khalagah ) theory :),,
but really ! r u multi-talented ? i guessed that infact & this is me wla (mawahib fanya wayed kilha emjamida tagreeban :/) ,, also u got to know that u have special intelegence called emotional ,, this is so rare intelegance ,,i guess u r also lateral thinker cause of your way of thinking .. there r pics in psychology to prove lateral thinkers from others ,, they see from a point of view others can not see .. these are amazing subjects in para psychology .. also me myself had my own theory about community unconcious i called it (al-lawa3i al-jama3i ) not perfectly completed yet ...
it`s so crazy hehehe but i`m gona tell you about it weli feeha feeha ,,
it`s simply assuming that unconcious of ppl also communicate not only their concious & this happened in away their concious do not notice it ..
but in sleepness they could transfer messages for concious of what happened during aday unconciously ..
this is could help devolping relationships between similar ppl or vise versa betwee the un similar ppl from inside ..
or may be for other unknown goals ,,
4 example let say me the one who asked your email b4 you say it here ,,
cxause i swear i thought about it conciously that better i write longer articles & send it by email .,
but because i didnt say it directly,,
my unconcious in such away asked it from your un-c through our conversations in such away , it is hard to know how exactly ,,ofcourse this happened after my concious asked my un-C for help through sleepness >>
( sorry i know it`s complicated & difficult to explain it in here in perfect way specially with my bad english but i`m trying my best just for fun ) ,,
this is i kept noticing through years i mean this un-concious communications but still not very sure about it ,,
also still this is only a theory i have no perfect proff yet <<
but ..if it is true , i think i found such communication in your last post above ...
it is so interesting as i found ..
it is full of signs profing that my un-c emfatin 3alay oo gayel 7ag your un-c some old secret thoughts i`m hidding ,, i kept laughing assuming this is true ,, when u said sirik ef beer mara7 afatin u r conciously joking about faris mulatham yes ,but it could be from your un-c a serious message saying= dont worry about these thoughts & also joking at me as like 4-example(hehe i know what u did last summer ) loool ,, adri wla crazy ma eti9adag ,, but yla enmasheeha by assuming that my un-c whois saying this theory not my c ,, ba3d u know el un-c marfoo3ah 3anahum el-qalam ,,
lakin still your un-c 6ayeb wlah 3alamni 3n hal-efteni :) bazin6ah al7een bs khal aroo7 anam looooool
....
agool ethahir 7amdi fareed bekharibhaa oo bidakhil el-ba6al mustashfa el-myaneen :)
n.b sis tra dazeet short email kan 3indi mishkila bs madri wo9al wila la ,,
thanks for these nice conversations ,, & u guys mo et9adgoon 3ad 3abalkum maynoon lo bel3arabi chan easier ashra7 bestifathaah ,,
see u soon ,, 7alqatna 9arat 3afsa eb 3afsa kila min tawfeeq ediqin alah yeg6a3 eblesaa kharba6 3aleena enaqd el-bana2 eb-malaqtaa.. yla unconciously bye :)
hehehhehehe
no comment
:P
actually there is, but I' d rather not to post it here :)
---
90% of what had been said above is (B.S)
and I can prove it :P
Post a Comment