خالد...حمد .. و ..انا

لم اتمالك نفسي ... قالها بكل عفوية ... و قسوة

عبدالله متضايق من خالد ... لانه خالد لازق في ابو عبدالله و كل ما قعدنا يقوم له يبوسه و يلمم فيه ... مجابلنا يوميا

شرايج ؟؟ انا قطيتها بويهه و تضايق من الصج

تدرين ليش خالد جذي ؟؟

ابوه متوفي من صغره .. ما شافه و لا يذكره ..

خالد قالي .. احس بو عبدالله ابوي !! يقولوي وليدي خالد ...

مسكين خالد .. قلنا ما عندك ابو بس مو جذي عاد !! كل الشباب يعلقون عليه

........................................

يسولف معاي .. يعطيني فكرة عن الموضوع ..يبي رايي .. هل غلطت لما صارحته بشعور عبدالله

ما قدرت استحمل ... دمووووووووووووع ...خنقت اي كلمة ممكن تطلع

مهما كان ... مستحيل تحسوون باحساسه ... ماحد يحس باللي فيه ... حراام عليكم ليش جذي قلووبكم

اتخيل .. نظرة خالد .. و اهما مستنكرين تصرفاته .. اهوا بعالم ثاني .. كل اللي فباله .. انه اخيرا .. قدرت احس بمعنى وجود أب .. حتى لو ما كان ابوه -الله يرحمه-و هو اكيد واعي لهالحقيقة .. بس استكثروا عليه هالاحساس ..

و لا واحد منهم .. خسر ابوه .. شلون يحكمون على الولد .. و ابو عبدالله .. مقدر مشاعره .. و مستانس عليه

انسان متدين يراعي الله ... عارف انه له واجب تجاه هالشباب ... و خالد بينهم.. يحتاج رعاية خاصة .. و خاصة جدا

............................................

صدمتني قسوتهم ... و الولد حساس لاقصى درجة ... كله من كلام اخوي عنه

شي صعب ... اللي يمر فيه خالد ... و هم الدنيا ما خلته ... تذكره بنقصه ... حتى ربعه ... ما فهموه

حمد ... لما شاف ردة فعلي ... اتسحى من روحه ... انا صعدت فوق ... ما كنت ابي اشوفه عديم احساس ...

قالي ... انا قلت لج السالفة ... لاني ادري انتي اللي بتحسين فيه ... و ابي رايج

طبعا ... بعد ما خلصت المناحة اللي انا فيه ... نزلت له ... قلت له ... خلوه ... يستمتع ... فترة و تعدي اكيد ... و اهوا خوش صبي اكيد الله سبحانه و تعالى سخر له هالريال ... صدقني حمد ... الطريقة اللي تفكرون فيها ... اقل شي اوصفها... انها مو انسانية ... حتى مو سوري على الكلمة ... بس اعيدها عليك مرة ثانية ... ماكو احد يعرف احساسه ... فحرام تظلمونه

انتهى الحديث ...

لكن

رغم اني لم التقي بخالد في حياتي ...

اثار في قلبي ... شجونا كثيرة

ألمك يا خالد ... قديم

تأكد .. انك لست وحدك في مصابك .. تأكد انه الله يحبك .. فقد احاطك بخيرة الشباب .. حفظك بحفظه

غيرك .. يضيع .. فسقا و فجورا .. و مصائب

لكنك تحفظ القران .. حمامة مسجد .. متفوق .. محبوب

خالد .. قرأت وانا صغيرة جدا مقولة تقول : الحرمان يولد الابداع

انا انتظر ابداعك يا خالد ... فكن مع نفسك ... و مع الحياة