على اني احب اتحدى نفسي ... و اعشق اشوف اقصى حدود التحمل عندي
لكن ... في مواقف ... غريبة من الناس بالاماكن العامة ... تخليني احس ان الذوق صفة نادرة
مثلا ... انا لو انتهت الطلعة عندي و رايحة سيارتي ... اكون على مهلي ... عادي
بس ... يختلف الوضع ... اذا في احد ينطرني اطلع ... اهني ... يختفي البرود و اتيني شطة و خبة ... انه بسرعة الناس ناطرة
حتى لو ما كنت اسوق ... احننننننننننن يالا بسرعة و يالاااااااااا فشلة لين تحرك السيارة
في ناس ... و لو ما تكرر الموقف حتى تهيء لي انه عادة و عرف ... ما تعنيت و علقت ... والله انها اتمشى و توقف عند السيارة تسولف مع اللي معاها جنهم ما راح يركبون نفس السيارة ... و تركب ... و تسنع جانه شعرها حجابها اللي اهوا ... و تفتح و تسكر وووووو لي الحين ما شغلت السيارة ترى ... ما تحر ... اتكلم بصيغة مؤنثة لاني ما صادفت ريااال سوى هالحركة
موقف ثاني ... ليش لما الناس توقف عند مطعم فاست فود ... او كانتين السينما ... ما تقرر شنو تبي قبل لا يوصل الدور عندها
رحت موفي الويك اند اللي طافت ... واقفة بالدور جدامي بنتين ... وحدة سايحة على روحها و الثانية بالطريج ... اللي يايوا معاي خلصوا و ياوا ناس ورااهم و انا انطر هالحلوة و المزيونة ... نبي كاراميل بوب كورن ... و كاكاو ما ادري شنو ... و بيبسي لارج و وو
ياب شغلها ... امممم بعد واحد بوب كورن ... امممم ابيه ما شرينا حق ما ادري منو بيبسي ... و استمر الحال
جاااان اقوول بصوت مسموع : اوووووووووووووووووف
طلعت عفوية و الا انا صبري خرافي ... بس استفزتني بذكاءها الخارق ... لو نايمة قلنا ميخالف
سرعة البديهة نعمة من الله ... و الاحساس يا يكون موجود او لا
الله يعين عديمي الاحساس و يعنا عليهم
No comments:
Post a Comment