الـــساعة الثانية بعد منتصف الـــلـــيــــل ... جسم متعب ... عين ناعسة ... رغبة في النــــوم ... لكن مالي اغالبه فأغلبه ؟؟
احداث يومي عادية ... اسبوعي كله عادي ... استجدت امور بسيطة ... لا تستحق الذكر ... هدأت اوضاع كانت عاصــــــفة
انعكست اوضـــــاع اخــــرى ... قــرارات سحـــبت ... اخـــرى أقــــرت
............................................
اهـــم حــدث ... ان مكالماتي هالشهر 23 دينار كويتي ... يعني فزت هاهاهااااااااااااااااااااااااااااااااا
خـــالي متنقص لي خط يديد ... استحيت منه والله ... يقولي هاااا ... قلت له خالي خـــــــــــــــــــــــاطري رقم حلـــو بس مو احــــلى
منــــــي ... هذا و انا مستحية منه ...يصير اتشرط عادي ؟؟ ما ابي سبعة و هالسوالف لا لا لا ابي تسعة اول شي ... تبين ذهبي و الا ههههههههههههه كيفك خالي على ذوقك مشكوووور .... و بس زعلت على ابوي ... شلون ايني و يقولي خفي على الموبايل لا
احوله ايزي
قلت له ... جرحتني يبه ... جرحك كبيــــــــــــــــر ... انا تهددني ؟؟ ليش ؟؟
لان حمد عــــدا 60 دينار ... انا اقل من نصه ؟؟ اية بالقران تقولك :"و لا تزر وازرة وزر اخرى "
ليش يبه??? انا بنتك
;D gooOolay wallah !
طبعا ابوي ... يطالع الشووو مالي باهتمام ... لكن ملامح باردة ... والله ما يجوز ... بنت اقتصادية ... تتحمل المسؤولية
ادري مو انا اللي ادفع ... من جذي احرص ... ليش تطلعني بهالصورة ... الامبالية ... اللي تفسفس
طبعا ... كبريائي ما اظن بقى فيه شي ... و ماني قادرة اعبر محترمة كونه والدي العزيز ... قلت له
خلاص ... انا ما انذل على فواتير ... مواضيع المال حساسة جدا عندي ... انا ادفع مكالماتي ... قلتها و تحسفت
قووول لا قووووول لا ... نطق رب الاسرة ... من وين يعني ؟؟ من فلوسي بعد ... اممممممممممممممممممممممممم بعدين
عصبت و من صج انجرحت ... الحين شلوون ازعل ؟؟ بالصالة اتابع التلفزيون ... ياني ابوي مرة ثانية ... ما يدري اني انطر الزلة
مد ايده ... يبي الريموت ... جان انظر له ذيج النظرة المقهورة ... حسيت اني بعصر انكسار المرأة في الزمن الغابر
قلت له ... يعني انا مو روووووووح ... ما احب اشوووف شي استمتع بشي ... تاخذ الريموت يعني ابوووووووووووووو
طق طق طق صعدت داري ... و انا اصعد الدري ... دموووووووووووووع ابيه يشوفووني ههههههههههههههههههههههه
ما عبرني الله يسامحه ... شكيت يمكن انا مو بنتهم ... يمكن لقوني
مأساة حياتي .. ان امي و ابوي .. يلعبووون في عقلي و انا صغيرة ... بالابتدائي
خالتي الصغيرة .. بيني وبينها اربع سنين .. تقولي انتي لقيناج بمصر .. عند الاهرام .. قلت حق امج .. حرام
اخذيها تصير خدامة حقي .. اتيب لي سانكيست .. توست و جبن .. اهيا كانت مطرشتني وانا ما ابي اروح
رحت حق امي .. الحضن الدافي .. القلب الحنون .. قالت اي صح !!!! هاااااااااااااااااااااااااااااا
ابوي .. قال لا .. انتي امج عراقية .. فقيرة .. يتنا بالغزو قالت ربوها .. خذيناج
تخيلوا .. طفلة بريئة .. لا من ام .. لا ابو .. لا خالة .. كلهم تعاونوا عليها .. و انا اقول ليش قلبي مكسور و دمعتي زاهبة
لا الحين ما يرضون اسوي بعيالهم جذي .. حرام عليج يا ويلج من الله .. شنوووووووووووو مالي رب انا يعني
الحين .. زعلت الريموت .. وصلت داري .. بجيت شوية .. خلصت البجوة .. استوعبت انه ماكو سالفة .. ملاقة يعني .. لا قمة الملاقة
بنزل بس فشلة .. كاشت فيني و ارد جذي مثل .... ما احسها حلوة بحقي
المشكلة ايضا اللي اعاني منها .. لازم .. كل الامور تتوضح .. لاني ما اعرف اكلم احد و بقلبي شي .. او فبالي شي مو شرط عليه
لا اي فكرة تخصه متعلقة فيه .. ما اعرف تسرح عيوني و اتسبه والله اذا تفكيري راااااااااااااااااااااااااااااح بالحوار اللي ابي يصير
طلعت .. الا اهوا .. جان .. نظرة اللي على جنب .. لا اطالعني .. انا زعلانة عليك .. ويييييييييييييييييي ليش ؟
انت ما تحترمني .. عمري 21 سنة .. تاخذ الريموت .. ههههههههههههههههه استحيت و انا اقولها
تقولي مكالماتج ما ادري شنو ... الف سنة عندي الموبايل ما اشوف احد تكلم ... يوم ان الشيخ حمد استهبل انا اللي اكلها
اي اي حساسة و عماة عين .. انت ابوووووووووي اذا ما تحملتني منو يتحملني
و الله و اطلع عقد الطفولة كلها ..هههههههههههه ... سالفة اللقيطة ... يوم كان يقولي سكتي ساعة و اعطيج دينار
يكسرون بخاطري ... ابي اطلب يخلون حمد ... لانهم وعليه يبنون شخصيته ... كنت ماسحة شي اسمه حمد انا ... مجرد ظل لي
كل شي .. و الوالد يسمع .. لما خلصت .. قالي : ما شالله ... هالقمر يشابهني والله صج ؟؟؟؟ عمتج تقول لو انت بنت احلى
يعني اصير مثلج
ههههههههههههههههههههههههههههههههه
قص علي ... بس بكيفي يا زينه والله ... قلت له عادي اخذ الريموت عادي بس قولي برقة و لطف مو امر عسكري بالاشارة
و عشنا اسرة سعيدة ... و غدا يوم اخر
الحين يمكن انام ... باجر امتحان تاريخ ... لعبتي ... الله يوفقني يا رب
12 comments:
ايام مارجعت اربع شهور للديرة عمال بطال ماعندي شغلة الا القرقة مع الشباب ..كنت استهلك بالشهر خمس كروت ايزي امهات خمس دنانير ..يعني نفس مبلغج تقريبا .. فبالقياس يتضح انه اخوج الله يهديه مصخها ..فاثبت الوالد انه قائد حكيم بمعاقبة المخطيء وسن القوانين التي تحد من اي تجاوزات مستقبلية من بقية افراد الشعب .. بطيتي جبدي بمحاولاتج للإلتفاف على القوانين الجديدة باستخدام وسائل غير مشروعة كالتحلطم والتقرطم والقنابل المسيلة للدموع الا ان الوالد اثبت مرة ثانية انه قائد اصلاحي حكيم لا يقبل بالفساد حتى وان كان من الناس الواصلة !!
الله لا يحرمكم منه ولا يحرم البلد من القادة امثاله !!
انـــا ما اقرق .. هذي المشكلة
ما عندي تبهلل يعني و مكالمات مختصرة نوعا ما .. والله العظيم
اقووولج جرحني .. لاني صج صج حريصة
بس شلون يكلم حمد بروحه ؟ ما يصير
>> '3eeeraaa ?? la not at all ;P<<
عمم و نسف كل اعوام فواتيري المشرفة
لا تعصب علي طموح .. انا ما التفيت
بس احتريت .. و معاك حق جدا اصلاحي و صارم بعد .. ههههههه
الله يسلمك ما قصرت .. و امين و تصير والد قائد انت كمااان
لوووووووووول والله يالطموح طلعت قائد حربي لووول..
عالموم الله يعيينج يا المهندسة انا اشوه اذا مكالماتي وصلت حدها طقت العشرين دينار لووول..
مو ما أتكلم وايد اما أخوي توصل الـ 70 دينار ...
يعني قصد سيارة بحالها ..
الله كريم مشكلة اذا يتج أوامر صارمة ما تقدرين تسوين شي ومرات اللف والدوران ما ينفع ..
وعلى طاري اللقيطة انا كانوا يقولون لي نفس الحجي بس اخواني الكبار يقولون لقيناك بالشارع جان امي تآخذك وتربيك لووول..
وخالي يقولي انت طلعت مع الفقع وهالحجي من سنين ولي اليوم يسميني حمود الفقعة ومسميني بتلفونه الفقع لوووول...
الله كريم كل ياخذ نصيبه بهالدنية :) ..
بوجسووم
.......
فهمـــــــــــــوني
اهوا ا بووو يامر بكيفه.. محد يتكلم
انا مو محترة لانه قالي شي
بس لاني بالمعدل الطبيعي اللي كل شهر انا فيه .. لكن
يعني ما ادري من باب العدل
قال الكلام نفسه حقي و حق المذنب المجرم حمد .. حتى امي حرص عليها تخفف
............................
لوووووووووووووووووووووووووووووول
يعني نفس الحالة .. امممممم
ليش جذي يسوووووووووووووون فينا ؟
انت اخوانك و خالك
انا امي وابووووووووووووووي
يعني ياهل ما تفهم .. اصحاب الامر يقولون لها انتي ما بنتنا
ايــــــــــــي على قووولتك
ما ضرنا الحمدالله
;D
السلام عليكم .....
هاهاهاهاهه وااله ظلمج ...بس اداء انثوي رائع ومبدع :)
الله لا يحرمج منه .........
و عليكم السلام و الرحمة
هلا و الله
تضحك على جروحي و ألامي الله يسامحك
شفت شلون .. اوعدك بالمزيد و التطور
;D
الله يسلمك مشكور
لي رابعه ثانوي مكالماتي بالايزي 5 دنانير بالشهر :>
دخلت الجامعه 10 دنانير باليوم
:#
wooOoow
وايد فرق .. وااااااااااااايد
من خمسة لي 300
لا انت الحين خليتني بطلة الابطال
يعني سووري بس بقول حق ابووي
عشان يقدر جهودي الحثيثة
:)
احم احم .. اتوقع ان شركة الاتصالات راح تخسر عقب ماقررت اني اسكر الخط بكبره بعد مو احوله ايزي
;)
انتي عجيييييبه
والحمدلله في احد غيري يهددونه بالايزي اذا زادت فاتورته :)
عادي مردتج بتحولينه .. اقولج شي .. حوليه او قطعيه وعقب التخرج ان شالله فجي خط اتصالات يديد :)
وجهة نظر وهاذا اللي بسويه
اوخيتج اللي بلوقها قيد الانشاء
hehehehe ...
هلا و الله اختي اللي بلوقها قيد الانشاء
عيارتج شدعوة قيد الانشاء
انا اقل من دقيقة انشأته ههههههه
لا حاشا و كلا ... ايزي ما احبه
و الحمدالله انتهت الازمة على خير
و فزت و انتصرت و الناصر الله
و كلهم استحوا مني
اليوم ياتنا يدتي و بطيتها بويها
قلت لها يحز بالنفس ان ياخذونج بذنب غيرج ماسحين كل تاريخج المشرف
عاد يدتي زفتهم كاااااااااك
مبروك على الايزي .. يا ربي انا مو ايزي شسوي بروحي
;Pppp
waitting to check ur blog out ..
just let me know ..
Where did you find it? Interesting read » » »
Best regards from NY! »
Post a Comment