لـــم انـــسى
ســــالي .. فلـــــونة .. لـــيـــدي .. هــــايــدي .. الـــنمر المــقنـــــع ... داش معاهم غلط بس لاني كنت
صديقة ولد خالتي
نــيــنجــا .. الـــنســـر الـــذهبي .. و الكثير الكثير
احيانا كثيرة .. اشاهد مع اخوتي الصغار .. بعض الكارتونز
بالامس .. الموقع .. صالة البيت .. التكــــــيــف بــــارد .. و هذا شيء نادر جدا .. لان امـــي تعشق الاجواء الاستوائية
تلحفت بكنبل التلفزيوون ... اسمه جذي ... و غطيت ويهي ... يعــني قـــاعدة اتـــأمـــل
فحاسة السمع تنشط بغياب البصر ... و هذا ما سمعت ... حوار في البابااااي
صوت طفل وصواصي : لم يستطع ان يمتص عقلي .. لان ذكائي اصطناعي !!! و قال لي انه الدكتور "" ما ادري منو "" و قد تطور الى "" ما ادري شنو "" بعد ان وصل الى مرحلة "" شيء ما
ابــــــــــــــــــــــــــــــــــــــــيـــــــــــــــــــــه شنو هذا
قطعت تأملي .. قلت : براك ... انت تفهم شنو يقولون ؟؟
قال : اي
صار ويهي علامة تعجب .. و سكت
اللي اصعب منه .. ابطال الديجيتال .. شي فظيع .. معقد تعقيد .. اشك انه في طفل مستوعب القصة
براك متابع مخلص له .. و الحوارات اللي فيه دقيقة و تفصيلية اقرب ما تكون الى مادة برمجة
C++
اليك نموذج : ان البرمجيات العالية في هذا النموذج .. قد تخترق اي نظام .. في العالم الرقمي .. كما انها مصممة بنظام حماية عالي
ضد فيروسات .. و يسطر اسامي قلــــــــــــــــــــــــــــــــــــــــجة جدا جدا
ياني اكتئاب .. جيل يكبر على جمود .. و أليات .. و اشياء معقدة
كل الاسامي اللي ذكرتها انا .. قصص دافئة .. سالي.. ابوها توفى .. و كافحت لتعيش
فلونة .. اسرة سعيدة و مغامرات حلوة .. و دروس تتعلمها فلونة كل يوم نتيجة لقافتها و شطانتها
هايدي .. روعة في الانسانية و النقاء
النمر المقنع .. قوة .. مبدأ .. شجاعة .. رجولة و حب
و البقية على نفس الشاكلة ... يعني شفنا حياة .. مشاعر .. يا ولد ضايع يدور امه .. يا بنت حالتها حالة
بشر .. يحسون .. يفرحون .. قصة .. خيالية .. لكنها ممكنة الحدوث
كبرنا .. و احنا .. نرى جزء مصغر من الواقع .. و في قلوبنا ادراك بسيط للمشاعر الانسانية الاولية... وبعض المبادئ الاساسية
ضاق خلقي .. و قهرني براك لانه مسوي روحه فاهم غصب
بقي ان اقول .. انني الى الان استمتع بمشاهدة مسلسلات الكارتون .. و عادي عندي لا اخجل من التصريح
"" انا و اخي ""
باباي يطحن اقسى قلب .. يحطم تحطيم .. اخواني اذا بدا ينادوني .. نورة بدا اللي كله تبجين عليه
يعني لي الحين في خير الحمدالله
;D
ترى من صجي هامني الموضوع مو قاعدة ابالغ كلش .. و سنرى تأثير هذه الامور البسيطة المستخف بها
عندما يكبر هؤلاء الديجيتال الصغار ... just wait
26 comments:
لوووووووول
انا اول ما قريت الموضوع طرى على بالي انا وأخي
كله اخواني يحطونه وتبين الصراحة مرات اطالع شوي وياهم وبما انه حفظي للأناشيد والشعر سريع فحفظت غنية هالبباي كأغلب الببايات
انا وأخي ..وأخي
شوق يدفعني لأراها أمي ذكرا ما لحى
لوووول
اول أفام الكرتون مثل ما قلتي لها معنى اما الحين..
أخواني الصغار مأذيني
كل ما أدش الصالة رمية السرعة البطيئة هني انا لمه سمعتها تنحت.!!
شنو السرعة البطيئة وهذي طبعاً تفنتق اخوي الصغير عمور ولا الصقر الذهبي ولا مادري شنو وطش طح طم ولا مادري شكاسرين ...
وآخر شي حصيلتهم من هالببايات الزف لووول...
زكرتينا بالزي مضى..
ملاحظة:
باباي يطحن اقسى قلب .. يحطم تحطيم .. اخواني اذا بدا ينادوني ..
اول شي ..شوي شوي علي
كل ما التفت يمين الا منزلتلي بوستين
ترى ما يمديني
شوي شوي
شوي شوي
ثاني شي سالفة ابطال الديجيتال اليهال كلهم مستوعبينها
والجيل اليديد جيل الديجيتال
مو احنا مسجله ام شريطيين
يكون نسوي مونتاج مع ويوهنا
لووووول عتيجة جنج تدرين والله ماشاء الله انا مو محصل مواضيع أكتبها والمهندسة موضوعين موضوعين ما يمدي نقراهم لوووول...بس شي طيب :) ..
حرام عليكم لا تصكون البنت بعين .. تف تف تف ماشاء الله تبارك الله .. صلوات على محمد وعلى آل محمد ( الي يبي خدمة الرقية الشرعية لمدونته ترا حاضرين وبارخص الاسعار .. خصم خاص لمدونات المطاوعة ..العرض ساري لفترة محدودة !!)
المدونة مساحة للإنسان يكتب فيها الي بيه ومثل مايبي ومتى مايبي .. طبعا شي اكيد اذا البوستات وايد راح يقل نصيبها من القراء لكن قد لا يكون الهدف من الكتابة اساسا التواصل مع الناس ..قد يكون الهدف مجرد تفريغ وتنفيس فائض هذرة !!ـ
بالنسبة لموضوع الرسوم المتحركة فانا كنت مدمن عليها في صغري بس الحين لما الشباب يتيمعون ويتحسرون على ايام الصبا انا اقعد اتنح ..ما اذكر اسامي الرسوم المتحركة ولا اسامي ابطالها ولا اي تفاصيل .. غسيل مخ !! من كثرة هذرتهم بديت اتذكر ..لكن المسلسلين الوحيدين الي مشتهي اشوفهم مرة ثانية هم النسر الذهبي و بسييييط ... هذا بسيط عجبة زمانه " كانوا يحطونه ايام الغزو " .. اذكى ثور بالعالم .. ابو الكريتفيتي والابداع والحلول الغير المتوقعة ..يعني مستر بن على ثور :)ـ اما النسر الذهبي فكان يشدني حيل ..احس فيه تاريخ واسرار والغاز ..صج كان شوي معقد لكن يشد وللحين ودي اعرف النهاية وين وصلوا !!ـ
اما سالفة الديجتال فالي العن منه مسلسل ماصخ ينقاله يوجي يو ...يانه مااصخ وماله طعم ..يقططون بوراق الجنجفة وتطلع وحوش الدجتال ويتكرر السيناريو المعتاد ..الوحوش الاول يطق الوحش الثاني بالضربة النارية فيتوهق المعزب مال الوحش ويقط الجيكر الي بيده فيتطور الوحش وينفث النار المضيئة فيهلك الوحش الثاني وانتوا عارفين باجي القصة الملة ..المشكلة منتشر بقوة .. كنت اعيب على اخواني الصغار طلعوا ربعي نفس الطقة !! .. ياشباب انتوا رياييل شكبركم كل واحد لحيته اطول من الثاني وتتابعون هالسخافة ؟؟ لااا فيه دراما وفيه قصة انت مو فاهمها !!ما اقول الا الله يرحم ايامك يا بسيييييييط .. الي يحصل له لي عالنت له هدية قيمة ...رقية سوبر ديلوكس على مدونته ضد كافة انواع العين وكل قبائل الجن الازرق والاحمر والوردي " الجن البرتقالي هذا يكلف شوي لازم اشتراك VIP "
ومشكورة على هالبوست الي رعجنا لايام الطفولة البريئة !!ـ
سووري ..صاير نص كلامي هاليومين بدليات .. شكلي لازم ابطل كتابة قبل النوم !!ـ
عتيجة موتيني من الضحك من المسجل
ما أدري إذا كانت عندكم موضة المقاطع السريعة
شريط كامل يغني على السريع :)
*****
نرجع للمهندسة
بوستاتج تذكرني بكراسات خواتي
كل سطر بلون :)
بصراحة ساعات عيوني تعورني لأنج تختارين لون فاتح على خلفية رمادية فاتحة
فينفتح راسي من الصداع
تكفين لون واحد :(
*****
و عن الرسوم ، يبا ألحين هابين بنروتو وون بيس
اليهال ألحين يتابعون الرسوم بالياباني
و ينزولون الرسوم من النت و يتابعون المانجا أول بأول
و أنتو لين ألحين بالديجيتال!
العالم تتطورت
ينصر دينك يا بن علي
والله فاهمني عيني راحت من الألوان العجيبة لوووول ...
الطموح الله يخليك نبي رقية حق مدونتنا وهالله هالله بالسعر :)))..
اخوي بو جسووم
.............
يعور القلب هذا انا و اخي .. اقولك
الصج .. اتابعه لان قايلين لي اشابهه الولد الصغير هههههههههههههههههه
اهيا بس على السرعة البطيئة .. حجي اصعب و ادق .. الله يعينهم على روحهم بس
تـــــــوتة
...........
;D
اهم شي ان طفولتنا مشتركة
الله يا الاشرطة اللي عندي .. مبتلش فيني اخوي حمد .. اسمك ؟؟ اي مدرسة ؟؟
شنو تحب تكون لما تكبر ؟؟ هههههههههه
و من هالملاقة الله وكيلج .. و الا يا ابوي تسمعه بالطريج الى اي مكان
اي انتاج فيني مجبووور هالريال خنت حيلي ينقرد و يسمع
...........................
لوووووووووووووووووووووووووووووول
يعني شلوووون
الا اتشيحط واقوولها
ما يصير يتواضع الانسان
اقوول .. هندسة شسوي برووحي .. و الهندسة .. غــــــــــــــــير
احلى من جدة بوايد ههههههههه
زين لكم الحين .. اشوف نفسي على روحي و تعالوا ردوني الى ارض الواقع
ambitious
.........
بعد قلبي اخوي و الله .. خفت على اختك
;D
لا ما وراهم حسد .. فقارة و قلوبهم كرستالية و الله اعلم
ههههههه بس هم اقرى على بلوقي اكثر و اكثر .. و انا بتعيير بغط جذي جم يوم عشان يخترعون هاهاها شريرة
شرايك نسوي مكتب .. انت رقية .. و انا اعطي افكار حق مواضيع لووول
فاهمني اخيي والله .. صح كلامك مع اني واااااااااااااااااااااااااااااااايد
وااااااااااااااااااااااااااااااايد
وااااااااااااااااااااااااااااااايد
افرح بتعليقاتكم و يتعطر بلوقي بوجودكم و افقدكم لي ما علقتوا
بس يبقى في النهاية .. مكان البوح الالكتروني بالنسبة لي
..........................
هذا بسيط شلون ما اعرفه انا !! ابيييه طافني
;Ppp
النسر الذهبي .. وايد حلوو و تابعناه بحماس منقطع النظير .. و كل واحد فينا حاجز له شخصية يعني اهوا
يهال الحمدالله و الشكر
لكن مع الاسف .. اذكر ان نهايته مخيبة للامال .. طلعت مدينة الذهب ما ادري المدينة اللي طحنوا يدورنها .. يا مو موجودة .. او اول ما وصلوا لها ما ادري شصار و تدمرت جدام عيونهم
من كثر ما كسر فيني هالشي .. نسيت اللي صار و بقى الالم
loOoOooooooooooooOoL
هذا يوقي يو .. ياب لي المرض الله يكافيكم الشر .. بس بس حرني ما ابي اذكره .. ان شالله يموووت
انا سوبر ديلوكس فوور فريييي اكيد ما يحتاي بعد .. بسبتي فتحت البزنس انت
bin3li
......
حياك الله .. نور المكان بأهل الامارات الطيبين
مو عاجبك الديزاين ؟
امممممممممممممممممممممممممممم
يعني مو حلووو
:(
انا قالي بو جسوم بس نســـــــــــــيت
سووري .. بعد كلش و لا العيون
الله ياني كشخت يوم قلت المهندسة
ههههههههههههههههههههههههههههههههه
حسيت التعب كله طاااااااار على هالحجوة
;D
ما دشيت الكلية عشانها .. لا شوية عشانها مو وايد
;PpppPPpp
الحين القصة مو اخر الموضات .. اثر هالسوالف و عزل العواطف و الانسانية بكبرها عن فكرهم .. و ارتباطهم بأليات و ماديات
الله يستر
حياك الله
بو جسووم
........
اسفة اسفة نسـيـــــــــــــت
تدري مهندسة
;PPppppPpppP
عاد اشتغلت كيفكم بقولها لين امل
فاا المهندسين ينسون .. عرفت شلون
و ما ادري من اشوف ازرق او سادة
يضيق خلقي .. لازم الوان و كشكول
بس ان شالله احاول
يعني مو حلوووو
هاي حبوبة :)
شلون نسيتي قراندايزر؟؟ هذا الباباي العريق كل الحقب عاصرروووه ;pp
بس مثل ماشرتي البابايات الحين مختلفة عن قبل,,,قبل تحسين بشوية رومانسية وقصص ناعمة ونفانيف كشكش
الحين مخلوقات غريبة وبووكيمون و اجهرزة
مشكورة عالموضوع :)
والله فكرة .. الجيل الجديد لي كبروا شوي لازم كل واحد عنده بلوق علشان يصير كوول .. يعني الواحد لما يرقم ولا شي لازم بكرته يكون الرقم والايميل والبلوق !! ـ
فجذي فكرة حلوة نفتح مكتب بالقيروان للشباب الكوول فقط .. الوحيدون لتصميم وبيع بلوقات باحدث خطوط الموضة الالكترونية .. نزودكم بموضوع جديد يوميا .. سيرفراتنا هي الاولى على مستوى العالم التي يشرف عليها مهندس للصيانة ومهندس للنفث والرقية والقراءة على البلوقات الي تعلق .. اطلب بلوقك الآن واحصل على بلوق ثاني مجانا ..لا تنسوا السحب الكبير على الجائزة الكبرى .. 100 موضوع دفعة وحدة ..
شكلي اشتطيت .. بس ما استبعد ابد ، من خبرات سابقة ، انه مثل هالبزنز يلقى نجاح منقطع النظير .. المتخلفين وايد للاسف !!ـ
الظاهر ما لحقتي على مسلسل تان تان
او ساسوكي
او الغواصه الزرقاء
او فارس الفضاء
مسلسلات حلوه وممتعه ومفيده بنفس الوقت
هاهاهااهاها
ذكرتينا بالذي مضى ...السندباد وودبيكر ....وبينك بانثر .....والاول توم وجيري .
ايام :)
soulvoice-misso
...............
eSaLmich sweety ..
لا ما نسيته .. بس الصراحة بس اذكر اسمه .. و انه طق مطاقق
حياج الله
7amee
......
تان تان كنت بابي ايامه
;P
اذكر سانشيرو البطل المغوار
ما اقدر صراحة احصيهم ..بس انا ذكرت الغاليين علي منهم
bo_sale7
.........
السندباد هههههههههههههه
مع انه كان خالي من الجوودة و قمة الدثارة بكل شي .. صوت الوان رسم
بس ما ادري ليش نحبه !!
توم و جيري لي يومك الله ويكيلك
;)
my favorite was SanshiRO;)
at that time it was revolutionary for the elder generations; the same is true for the new cartoons and us!
Sincerely,
A.
hiiiiiiiiiiiiiiiiiiiiiiii
where r u ???
abaaih iam used to see ur comments 3la each post ..
3asa ma shaar .. welaa nothing intersting !!!
.................................
ee 7ataa ana a7ebaa .. i mentioned it gabel shwaya ..
sanshairo .. kan 3n a boy with his toy .. mu9ara3a ..
those new stuff .. '3air ..
a7es lehum t2theeraaaaaat
mo zainaa at all .. 3la el long term ..
7yaak allah ..
ماكو على السنافر
حتى ذوق البرسوم متحركه هالجيل ماعندهم
ماكو احلى من بونبو <<< لاحظي بونبو ترا مو بومبو
ههههههههههههههههههههه
وجازورا
وسالي وبيل وسباستيان
وهايدي الصغيرة والتنين الصغير وآلة الزمن
ورنين وسفينة الأصدقاء <<< اتذكرني برمضان
كنت اكره المؤذن مال المسيد
لاني كنت اشوفه الوحيد اللي يخلي البباي يتأخر حزة الإفطار
ككككككككككككككككككك
سالي اتذكر كانت تطلع عقب ما نرد من المدرسة ويصكر التلفزيون
فترة القيلولة كنت اتلحف بالكنبل وانام وانا حاطه ريلي
على دقم التلفزيون خوو قبل ما كان في شي اسمه ريمووت كنتروول
وجك بم اقعد العصاري ولا طايفتني الحلقه
واقعد أحط حرتي بعيال الفريج
<<<<<<<<< كنت وحيده أيامها علشان جذي استعبط على الأوادم
لووووووووووووووووووول
mashir but had a short vacation.
Sincerely,
A.
موضوع جدًا حساس ..
بس بدش عرض وبقول
انا مو باط جبدي ومرارتي ومصراني الأعور الا مألف مسرحية الأطفال " أبطال الديجيتال )
يبيله خطف واعدام ويبث بتلفزيون الجزيرة
وسلمتي
q8lover
.......
اهلين اخوي . لا تكبر روحك وايد و تقول هالجيل .. لان الجيل 30 سنة
السنافر الله عليهم .. كافي لونهم يفرح القلب .. و بيوتهم اتينن .. مع ان ماكو الا سنفورة .. بس طوفنا لهم تعصبهم الذكوري
نون النساء
..........
فرحتيني و انا اكتب اسمج .. حياج الله
ايـــــــــي بوبمو و امين رفيجها
قمة النعومة .. تشم الورد و تشحن روحها .. يا ربي في جذي الحين
زين ما صار فيج شد عضلي و انت تسوين ريلج ريموووت
;PPpppPPppp
كل اللي ذكرتيهم احبهم من قلب
اذكر ننطر الفطور لانه وراه باباي
و بس هالباباي يصير مال رمضان
الحين غيروا العادة .. صار مسلسل كوميدي
يالا الله كريم
Abdullah
.........
ashwa 6amantnee cuz mukanek bayaan 9ij .. w b guwaa ..
ma asta'3nee 3n o'7ooy eroo7ee tara ;P
hope that u had great time ..
i_live_in_q8
.............
hehehehehe
سم الله عليهم كلهم .. ليش محتر جذي
لهدرجة شنيعة هالمسرحية ..؟
اشوه اني ما شفتها الحمدالله
بعدين شمعنه اهيا .. اغلب المسرحيات الحين تفشل .. سكوب سنتر رقص و مسخرة
و الباجين .. اي شي .. بس ناخذ فلوس اليهال وعليه
شوي شوي على روحك .. ترى الاعصاب تضر الواحد .. و الله يهديهم بعد شنقوول
حياك الله
انتي قاعده تحاجيني توته والله ما فرزنت الحجوه زين
شدراني بعد
والله عيوني مطبجه بس قلت الاخت الليطيفه الظريفه وين راده علي وانا حاقرتها
ما يصير بعد احقرج...باجر يتشمتون فينا العذال
اي
والله شحلو هالاشرطه بس تصدقين ما عندي منهم وايد
عندي خرابيط
انا احاجييج عن مونتاج الغناوي
اللي نروح نشتري شريط من لوازم العائله اغلى شريط بربع لأن مرسوم عليه قلب حب ومكتوب عليه آي لالاف يووو ونقعد نفرز الغناوي
ونحط الغناوي اللي نبيها بالشريط...وانا ما بقى غناية حق عبدالمحسن المهنا مو عندي
ولا عبدالكريم ..واسامي وايد يمكن الحين مو معروفه
واسامي معروفه
بن علي
عندنا كل شي
ما بقى شي ماسجلنا بالمسجل الحين في ديجيتال ركوردنق
يعني حق الصحافه ووالندوات والمحاضرات وايد زين
يربووو وقولولي شرايكم...ترى يربته:)
loooooooOOOOOOooooooooooool
بعد قلبي .. ما ياز لج و الا شنو
ترى اهم شي يكون عاجبج اذا لا نغيره
نشيله نحط غيره .. انتي بس تكونين مرتاحة
و تحسين انه يعبر عنج
;PppPPPpp
وييي حركة المقاطع و الاغاني لما صرت اكبر .. يعني بالتعشات
بس الصج .. انا كان يتساوالي غالبا او ابوووقه ههههههههههههههه
واااااااااااي عرفته بو قلب حب
و في اللي عليه هاواي ما ادري شلون صاير .. ويييييييييييييع
وين ذوقنا ذيج السنين
انا قصدي عن البوست السابق .. تقولين لي نفسي بس محنا متحجين !! و استفسرت ما رديتي علي !! اي اي خلي قلبي على قلبج عفية عليج تعجبنيني
:***
نجرب الديجيتال و نرد لج الخبر
حياج الله
شلونج بنية :)
صراحة عدل كلامج وما تنلامين .. لاحظت هالشي ..
ما أدري بالضبط هل هالشي يبشر بالخير وإلا شي ثاني .. !!
بس ماكو على بباياتنا أول والله خصوصا البباي اللي ينحط برمضان مع الفطور :)
يعطيج العافية ،،،
هلا بنية
;)
اي والله ماكو عليهم
اهما الخسرانين .. خل تنفعهم هالخرابيط
;D
اي والله ننطره نطرة اول يوم رمضان
عشان نحجز الشخصيات .. كل واحد يختار
حياج الله
Post a Comment