اعشق الاختلاف .. عبارة كثيرا ما ارددها .. عن قناعة فائقة الحدود
لكن .. احيانا .. اجتماع المتناقضات .. في مكان واحد .. امر صعب
على الارواح شديدة الحساسية .. في ما يخص المشاعر الانسانية
أدخل مع والدتي .. مستشفى هادي .. المصعد .. الدور السابع
ينزل الى السرداب
او الى الدور المخصص للعناية المركزة
تدخل امرأة .. و شاب .. كلاهما يعاني اشد المعاناة .. المرأة شبه منهارة .. او انها كانت في قمة الانهيار قبل لحظات
و الشاب .. مصدوم .. واجم .. عيونه حمراء دامية
انا .. في كامل اناقتي .. و علامات الفرح ظاهرة على محياي
امي .. تردتي احلى عباءة .. و شكلها قمة في كل شيء
اربعة .. اشخاص .. و المساحة .. مترين في مترين
كل واحد منا .. يتيه في عالمه .. انا انتظر رؤية بنت عمي .. و مولودها الجديد
امي .. تترقب زوجة عمي الاخر .. هل تصادفها ام لا
و هاذان الاثنان .. الله وحده يعلم .. حال من تركوا بهذا الدور .. قبل ان يصعدوا معنا
تملتكني .. مشاعر غريبة .. أحسست اني سخيفة .. لا يجدر بي ان ابتسم .. حتى .. مراعاة لمشاعرهم
خجلت من نفسي .. لماذا كل مظاهر الاحتفال ؟؟ لماذا لم افكر ان في المكان نفسه .. ناس فقدت عزيزا عليها ؟
اخرين .. علموا لتوهم خبر مرضهم الشديد و الميئوس منه ؟
نزلوا هم الى الاستقبال .. و اكملنا اداء الواجب الاجتماعي .. غبت للحظة عن هذا الخاطر .. مع زحمة الناس في جناحها
و طار قليلا .. مع الاحاديث القصيرة .. هنا .. و هناك
لكنه عاد .. اول ما وصلت الى المصعد .. لا ادري ان كان نفسه الذي شهد تناقض الاحساسيس و شدة تباين المشاعر
او هو مصعد اخر .. ربما حضر ماسي اكبر .. و اختلافات اعمق
وزعت نظري .. بين الارض و السقف .. لا اريد ان ارى اي مشهد اخر .. وصلت الى السيارة
يمه .. ترى استقبالات المستشفى مو حلوة كلش .. المفروض يمنعونها اصلا .. ازعاج للمرضى .. و تعب على المرأة الوالدة اساسا
و احس المستشفى اخر مكان يصلح تستقبل الناس فيه .. بالوقت اللي الغرفة كلها فرح .. في ناس تصرخ من الام
قد لا يهتم احد .. بغيره .. قد اكون مهتمة بزيادة
لكن .. صعب .. ان تجد من يبكي .. و انت مبتسم .. صعب ان ترى من يحمل على نقالة .. و خلفه احبته يصرخون
و انت .. تزعج حتى احساسهم بالحزن .. بصوت كعبك العالي .. و مجوهراتك المعلقة
المشكلة .. ان النافس بين المستشفيات الخاصة .. في توفير الاجنحة الراقية .. على اشده .. لان الطلب موجود عليهم بكثره
ما ادري شسوي بعمري .. بعد لازم نوجب العالم !!! ما ادري
14 comments:
انا معاج اختي في الي تقولينه لازم نراعي شعور الناس ، لكن إذا جذي ففي كل مكان مراعاة لشعور الغير وراح نتعب واااايد طبعاً من مكان لي مكان تختلف درجة المراعاة :) ..
لكن في هالأماكن مثل المستشفيات أو المقبرة لها وقار وسكينه لما فيها من رهبة وبنفس الوقت حزن ، قد يخالطها بعض الفرحة مثل شفاء المرض او الولادة ، لكن طابع الحزن يغلب ..
الله يعطيج العافية عالموضوع ، ونبهتينا لنقطة مهمة إن شاء الله نتجنبها المرات الياية :) ..
كلامج صحيح..الممستشفيات صارت جنها صالات افراح
الناس وين والدنيا وين
وعسى الله لا يرينا مكروها بعزيز امين
تجربة شخصية ::
فرض اجتماعي للأهل .. وديتهم عشان نقضى كم مشوار بعده. شوي ولا اصعد معاي تحمد للبنت على سلامتها. صعدت .. البنت والدة من يومين وتستقبل بالثالث والتعب مبين على وجهها وزوجهاوانا كل مادخلو حريم غرب طلعنا .. الريّال يواقص .... مشتاق .. بيقعد مع أم بنته والناس مخربين عليه وناسته. بوحده من الطلعات وراني - بفخر - بنته
كل هالخبة عشان بنت كبر جف ايدي :) !
شلي حادهم يخبون نفسهم؟
Sincerely,
A
موضوع في الصميم..
و نمتنى انه الكل يحس بالمشاعر هذي !!
من متى صارت استقبال بالمستشفى و عقبها لاحد ايني بالبيت !!
عيل البيت ليش موجود ..
اذا استقبال الولاده بالمستشفى ..
زواجي بالصاله الفلانيه
حفل تخرج مادري وين!!
اذكر مره امي بتروح مع رفيجاتها حق وحده والده .. بس ما دروا انها ولدت الا لما اطلعت من المستشفى ..
راحوا يبون يباركون .. دخلتهم الخدامه شربتهم عصير و عقبها قالتلهم ترا ماما ما راح تنزل و تقول انه سوت استقبال و ما تستقبل احد ابيتها !!!
الي اعرفه انه الي تولد الكل يروحلها و يتحمدلها بالسلامه ..
بس استقبال و كشخه و لبس .. ليش مادري !
وصاروا بعد المستشفى يوفرون ناس للتقديم !!
عشان حتى خدمج ما تيبينهم من البيت !!
الله يهدي الجميع..
الله يعطيج العافيه ;)
أخوي بو جسووم
.............
كلامك صحيح .. و دام عايشين في مجتمع
افتكر من اهم الامور مراعاة افراده
مراعاة تكون عقلانية و معقولة
لكن الفكرة .. انه هالسوالف فنتق
و مو حلوو .. و في قلة احترام للمكان و اللي فيه من ناس
انا ابي يمنعون هالسوالف .. و نرد مثل اول عادي طبيعي
حياك الله
kazmawy
.......
أهلـــيــن
تدري وصلوا الى مرحلة .. بوفيهات من اوتيلات .. ناقص ديجي بس الله يحفظنا
امـــــيــــــــــــــن
Abdullah
........
looooooooooooooooooooooooool
الصغير يكبر .. ليش طايحه من عينك اللي كبر جف ايدك يا ويلك من الله بنته شلون ما يختب و يفخر
:D
اي على قولتك .. ناس ياين يأدون واجب في الغالب .. يزاحمون اهل البنت .. اللي تعبانة اصلا مالها خلق
مجاملات .. غير اهلها اللي ما يبقى قهوة كاكاو بالكويت ما شقلوووه و نقلوووه
في الحين .. ناس فاضية
interior design wallah
حافرة اسم ولدها على جبس .. و ملبسته الطوف كلها مثل ديكور !! ليش ؟
وحدة من تدخل لين تطلع كله ريـــــش
ليش ؟
شمــــــــــوع جنه معبد بوذا .. ليش ؟
خبة عل غير سنع يا اخوي الله لا يبلينا
qiyadiya
........
nice to see u here :)
ابــــــــــــيه طردت الناس ؟
ياين نشرب عصير فقرانين ما عندنا مثلا ؟
وي وي وي يا حسرتنا شنوهذا ؟
على قولتج ليش حاطين بيوت ما ادري
خل يكشخووون كيفهم بس يراعون مناسبة الوقت و المكان
شوفي انا .. تكمل شهر .. تسوي استقبال جم يوم .. منها صحتها احسن
و منها تيمع العالم و تخلص
بس المستشفى .. بالكثير ثلاث ايام مو الكل يقدر ايي .. لابد احد يبي يوجب اذا غالية عليهم .. يدقون على الام هااا متى يناسبها ؟؟
و تتضبط السالفة
بس هاللي بالمستشفى .. باااايخ ماله اي طعم .. و لا فيه احساس على الطاير
توست و جبن يعني
:pPp
امين والله يسمع منج
شكراااا يعافيج يا رب
حياج الله حبيبتي
نورتي والله
السلام عليكم ....
والله حالة ...انقلب الحال ...تصدقين انا اشوف انه اللي ماعنده بيت هو اللي يسوي مناسباته الاجتماعية بره .....شنو استقبال بمستشفى !! من زين المستشفى ولا من زين مكانه !!!
الله يرحم الحال ......
وقفت على سالفة استقبالات الولادة في المستشفيات بس ؟
المجتمع الكويتي متروس بالعادات الاجتماعية الدايخة
مهندستنا قولي رايج بصراحه واحنا كلنا وراه نكسل التوجب ؟
كنسلناه نبيها من الله
الحين حتى العزا قزز تشوفين بره البيت زقاير وسوالف واي وحده تمر بسياره
شوف شوف شوف شحلاتها قطعه
طبعا في بنات الله يستر عليهم يتعمدون يمرون المره الاولى بسياره والثانيه بسياره ثانيه يعني عشان لايصيدونها
بس ماشاء الله الشباب نظره ثاقبه على قولتهم يصيدها من كيلو اهي ولا لا
;P
مستحيل أدش مستشفى مهما كان الحاله
ولادة ولا حالة خطرة
ما احب ادشها ولا احب اشم ريحتها
وان رحتلها بكون مغصووبة ومقومين على الصراط المستقيم وانواع
المحاضرات من امي وابوي..
حتى لما امرض احط راسي وانام
بلا عوار قلب
وسالفه التوجب والإستقبال بالمستشفى هذي حركات يديده
طارئة علينا ما كنا نسويها قبل
بس يختي الفلوس زايده والناس مو عارفه وين تقطها
:/
bo_9ale7
........
و عليكم السلام و الرحمة
اي والله حالة !! شفت شلون ... والله اكتشفت انه ماله علاقة بين اللي عنده بيت و اللي يسوي استقباله بالمستشفى
يعني في ناس بيتوهم موجودة بس يسونها هناك
الحين .. اجنحة ملكية ... اجنحة شخصيات هامة ... و اجنحة امبراطورية
في بمستفى خاص .. جناح كل اثاثه ماركة عالمية مشهوورة للاثاث .. تقولي وحدة بروح اشووفه !!! يعني مبدعين بحياتهم
حياك الله اخوي
Epatriate
.........
اهلــين اخوي .. ليش ليش ؟؟
ترى انا واايد ما ارضى على الكويت و مجتمعها .. على علاته يظل مميز باشياء كثيرة .. غير جذي اصلح اللي تقدر عليه على الاقل بمحيطك .. عشان ما يصير دايخ
!!!!
هذي ما احسها عادة اجتماعية
حركات هابين فيها من سنين قريبة
انا ما اشكك بوطنيتك ابدا بس انت قلت متروس و دايخة .. استفزيتني صراحة
!
q8lover
.......
لااااااااااااااا انا ما قلت جذي
ناطرها من الله هاااا و بتحطها براسي
بالعكس .. تواصل الناس و اهتمامهم ببعض .. شي حلووو وايد
نحرص عليه .. بشكله الطبيعي البسيط
عشان يطغى الاحساس .. طبعا اذا كان في احساس مو اداء مهمة والسلام
;)
ما فهمت ليش قاعدين بره زقاير و الناس يعزون !؟
ولا فهمت ليش البنت و لا شلون تغير السيارة و اهيا تفرفر !؟
ههههههههه اي ادري بعيالنا ما شالله تركيز عالي و مدى نظرهم بعيد
نون النساء
..........
يا هلا و مرحبا
لا انتي حالة خاصة جدا .. تخافين و تكرهين المستشفى مرة وحدة
انا لو فيني اللي فيني ما ارووووح
الا طبيب الاسنان .. يعني اطيح و اقوم
جانها سخونة .. فلوو .. شي ما ادري شنو .. ما يطري فبالي اني اروح
طالعة على يدتي الظاهر
بس عادي اودي ناس .. و اروح معاهم
وييييييييييييييييييي
فلوس زايدة هذا قبل
الحين حتى اللي قده .. يمطط عمره و يتقشف عشان مرته تبي تولد بالامبراطوري
الحمدالله على العقل .. والله في حريم عقلهم على قدهم .. حتى الولادة اقساط
قاعدين بره عشان السوالف والظحك والحش
والتمنظر بالي رايح والياي وخصوصا راعية السيارات
اما راعية السياراة مو شرط عاد يمكن بساره وحده بس قصدي انه تقولهم ترا انا عندي فلوس شوفوني :D
وعشان لحد يعرفها يعني ترا وحده ثانيه وتبي احد يقط لها شي
بس انا اول مره اسمع بالامبراطوري هذا ؟
وين
قاعدين بره عشان السوالف والظحك والحش
والتمنظر بالي رايح والياي وخصوصا راعية السيارات
اما راعية السياراة مو شرط عاد يمكن بساره وحده بس قصدي انه تقولهم ترا انا عندي فلوس شوفوني :D
وعشان لحد يعرفها يعني ترا وحده ثانيه وتبي احد يقط لها شي
بس انا اول مره اسمع بالامبراطوري هذا ؟
وين
قاعدين بره عشان السوالف والظحك والحش
والتمنظر بالي رايح والياي وخصوصا راعية السيارات
اما راعية السياراة مو شرط عاد يمكن بساره وحده بس قصدي انه تقولهم ترا انا عندي فلوس شوفوني :D
وعشان لحد يعرفها يعني ترا وحده ثانيه وتبي احط يقط لها شي
بس انا اول مره اسمع بالامبراطوري هذا ؟
وين
موضوع جدا ممتاز و جميل ان بعض الناس الى الآن لديها احساس بالمجتمع..من وجهة نظري الخاصة التي لا تعجب كثيريين (لأني مافريك) اعتقد ان مجتمعنا في الفترة الأخيرة اصبح التنافس فيه على المظهر و ليس هذا فقط بل التنافس على النفاق الإجتماعي (و ليس الواجب الإجتماعي)، فما المشكلة اذا كانت امرأة مشغولة بتدريس أبنائها او بإلتزامات عمل او اي شيء ان ترفع التلفون و تتصل على المريضه او التي ولدت للتو لتبارك؟ المشكلة ان الناس ستفسرها بمليون تفسير (اكيد محترة، اكيد ما زارت علشان احنا قبل 15 سنة لما جدتنا كانت عايشة ما راحت حق خالت جدها!!!) دائما نحاول ان نفسر تصرفات اي انسان من دون مراعاة ظروف الإنسان.. ما احب اطول .. موضوع جميل و حساس و اتمنى ان نحاول ان نغير بعض العادات و النظرات الدخيلة التي لم تكن بمجتمعنا
(لاحظوا اني لم اذكر الإسراف الخيالي لبعض الإستقبالات) غطا فراش ب5000 دينار فقط لإستخدامه لمدة 3 أيام!! الله يستر بس
شكرا على الموضوع الراقي مرة اخرى
Post a Comment