Dear Q8lover .. this is 4 u .. cuz i just got the info. i needed ;D
على موضوع كلية الهندسة و كتبها
معلومة مؤكدة .. هندسة الكويت .. الكلية الوحيدة اللي حصلت على اقوى اعتماد لبرامجها من
ABET
خارج الولايات الامريكية .. و كان ذلك منذ عام 1990
اخر مرة يونا سنة 2000
و استحقت اعتماد و شهادة لمدة ست سنوات .. و هو امر نادر الحدوث من هذه المنظمة
so laaa tet7arash b kooleety again .. b3d kel shy wa'67 w 3la mostwaa 3alee jedan w professional b3d ;Pp
..........................
قائد .. قيادي ..تقول لي قناعتي التي .. لم تتغير .. يولد القائد قائدا
اي شغل ..سواء يكون
project .. report .. research .. etc
بنات اول مرة اشتغل معاهم .. او مشتغله من قبل
بالبداية .. ضروري يكون في خربطة .. و ضايعة الامور
و غالبا .. تشتغل خاصية القيادة .. و اوزع العمل .. و احدد الاجتماع .. و ارسم صورة عامة
و اقنع الفريق .. المشكلة .. دايما احس .. انهم يشتغلون اكثر مني .. مع ان الواقع يقول عكس هالشي .. لكن القى روحي دايما اتشكر و يعطيج العافية .. تعبناج .. ما قصرتي .. يا حلوو الشغل والله
بعدين انقد على عمري .. انه شدعوه عليج نورة .. شغلج اهوا شغلها .. يعني اهيا مو مجتهدة فيه عشانج بس
الاكيد .. ان تقدير جهود الغير .. مهما تضاءلت بالنسبة لك .. و مهما كانت بسيطة
له مفعول سحري خارق و غامض .. يملك قلوبهم ان كانت صافية لك ههه
على طاري التقدير
اخوي عنده مشروع يسوي دائرة كهربائية .. طبعا منوو يسوييييييييييه ؟؟؟
احم احم .. انا .. مو يبت اليهدة .. اصلا من كثر ما انا دقيقة و مركزة .. نسيت السلك و حرقني
و محد يدري شكثر انا اعشق ايدي و احبها حيل حيل حيل .. ابيه وايد مينونة ايدي انا
فااا احتريت عليها حبيبتي .. و طوفتها و كملت جني ح.......... محشوومة انا
وريته امي .. نظرت اليه شذرا .. بكل امتعاض قالت : هاااا ليش التلزق جذي مو حلوو !! قلت لها : عشان يبين انه صبي صغير اللي مسويه
.. لمعت عيناها .. فأيقنت انها تضمر الشر .. قلت لها بكل قلة ادب .. لكن طوفتها لي .. من حر ما فيني طلعت عيوني
شوفي يمه .. والله العظيم والله العظيم والله العظيم .. شوفي حلفت 3 مرات .. اذا غيرتوا فيه شي .. بحياتي ما المس مشروع لا حق فواز و لا الميانين اخوانه
عطتني الامان .. و حست بمدى جديتي .. كل مرة اتعب و اسوي و احط و اضيع وقتي .. اقووم الصبح الا مغيره فيه
شايلة شي حاط شي .. يوم انج تعرفين .. ليش مطلعة خيوطي ليـــــــــــــــــــــــش
صار باجر .. و انا وثقت فيها .. يا اخوي .. قلت له شفت اللي سويته ؟؟ قال لي لا ابوي خذاه حق رفيجه يركبه
طلعت عيووني .. و حسيت بغصة بقلبي قلت اخاف ذبحة و الا جلطة سم الله علي توني صغيرة بس الضيم يسوى العجب
طبعا .. وقفت لهم كلهم وقفة .. بكل ذووق و رقة .. وضحت لهم وجهة نظري .. تكلموا وايد بس ما سمعت شي
لاني ساعات اذا مقتنعة وايد .. و اللي جدامي يرقع .. يقفل نظام الصووت عندي
غير ان عرضت ايدي للخطر .. و عيوني بعد قلبي تفقصوا عشان اضبط الاسلاك البايخة
مر فبالي موقف يتكرر كل يومين اذا مو كل يووم
اطلع شنو بلبس باجر .. ازهب شغلي كله .. و اعلق بره اللي ابي خدامتنا الغالية تكويه لي
عادي جدا .. اغير رايي الصبح .. والبس شي ثاني .. شنو شعورها لما تكون تعبانة و مخلصة شغلها
اتيي تلاقيه لم يقدر .. بل رمي كل ما بذلته من جهد .. وذهب مع الريح
كل شي يصير له سبب وحكمة .. احساسي بعدم تقدير جهدي .. يقابله .. عدم تقديري لجهد " سيتي " المسكينة
اهيا كاتمة في ألبها و ساكتة .. انا قلت اللي بخاطري كله .. ما ادري اخليها تعطيني كفين جذي أحلل ذمتي فيهم
................................
لاني استوعبت الدرس جدا .. امس سيروا علي الحلويين .. بمناسبة تتويج استكانة على عرش 22
حتى اشعار اخر ههه
من باجر .. قلت لهم .. والله انا صديق .. كله يقول .. واايد زين " تاتي " و " سيتي " يعرف كل شي و اكل وايد حلوو
انا يقوول .. قووول ماشالله ما شالله والله بعدين يسافر اندونيسيا ما يجي مرة ثانية
خخخخخخخخخخخخخخخخخخخخخخخخخخخ
الله يا فرحتهم .. قاموا يتعكفون من الوناسة .. مشكوور مشكوور .. حقي انا
الكلمة الطيبة صدقة .. تصدقوا يا ناااااااااااس
9 comments:
اصلا من كثر ما انا دقيقة و مركزة .. نسيت السلك و حرقني
جملتين متناقضين المركز ما يحرقه سلك لان حذر :) مخيالف تحملينى لان عسر بهالسوالف
أطالع شنو بالبس باجر :s
ماكو فايدة كويتية يعنى انا اتوقع الامريكية ما ادرى ولا ابى افتى اللى جدامها البسته ومشت بس انتوا لازم الجوتى نفس الساعة وخط اللون الموجود بالبلوزة نفس الحجاب
بس كل هذا ما يمنع انج تكونين من احسن المدونات الموجودة لسببين
عفويتج
وبعدين شطورة
GOOD LUCK يعنى قاعد اصرخ
وبعدين صح كلية الهندسة عسارة الدنيا علشان يحافضون على مستواها والله يوفقج
كويت لوفر ..من صجك تتحرش بالمهندسة ؟! الله يكون بعونك ..اسال مجرب :)ـ
بس يامهندسة المشكلة انج هم بعد غلطتي ..مو بس كلية الهندسة الي معترف فيها ..حتى كلية البزنز عندكم معترف فيها من منظمة عالمية ..جيكو الويب سايت هذا
http://www.aacsb.edu/General/InstLists.asp?lid=3
واحد من ربعي مقبول بعثة بزنز قالوا له الوزارة لازم تختار وحدة من الجامعات الي معترف فيها هني بس ..وكلها جامعات مستواها مرموق وموتجاري
انا كنت ايام الثانوي اردد انه جامعة الكويت معطينها انذارين وبيسحبون اعترافها لكن للامانة ماكان عندي اي دليل غير الاشاعات الي نسمعها .. واحد من الشباب متخرج من العن كلية هناك ..كلية العلوم وياي يدرس ماجستير بوحدة من اعرق الجمعات بالعالم ..يقول ماشفت فرق كبير عن جامعة الكويت ..قلنا له ليش عيل شاد حيلك وياي هني ..يقول من عقدة العيون الزرق ..اذا شهادتك مو موقعة من واحد عيونه زرق وشعره اشقر فنقعها واشرب مايها بالكويت .. صج عقدة النقص!!ـ
اما عن مهارات القيادة فصج الله يعينج ..الي الاحظه ان الطلبة وحتى الطالبات غالبا لما يشتغلون ببروجكت يكون مالهم خلق وكل شي فوضى ومالهم خلق يفكرون حتى بضرورة ان يكون في قائد للمشروع .. طبعا انا مو من النوع الي افرض نفسي بشكل مباشر ..ابدى شوي شوي اطرح افكاري ..شرايكم نسوي جذي وشرايكم فلان يسوي جذي وانا اسوي جذي او العكس الي يريحكم يعني ..وبهالطريقة عقب جم يوم القى نفسي صرت الليدر :)ـ بس صج مهمة صعبة وكل شي يصير بويهه هالليدر المسكين ..صج تاكدي ان اكثر واحد يتعب هو الليدر فالله يكون بعونج
اما خدامتكم فيبيله تفتح بلوق ..تفضفض عن حرقة القلب الي مسويته لها ..خليها تكتب بوست عندج واخذي فيها اجر :)ـ
mishari
........
هههههههههههههههه والله عجبتني صراحة على هالدقة .. كلك انا سبحان الله
اهيا بطارية .. كبيرة و خمس اسلاك .. من كثر من انا مركزة على طرف و قاعده اضبطه .. حركت ايدي الا السلك بالطرف الثاني اححح حرقني شوية.. غير ناصر اخوي اللي كان يسوولف و ابوي اللي يعطيني افكاار .. فاا خلها على الله .. لكن نادرا ما يتناقض كلامي و معاك كل الحق تركيزي لازم يكون شامل مو بس بالنقطة اللي اشتغل فيها
لا تقول انت من اللي يفكروون جذي .. اشوفه من السنع صراحة اني اجهز كل شغلي من الليل .. عشان ما يصير لويه الصبح .. كله تنورة جينز و توب مو قصة مثل اللي فبالك ههههههههههه
والله والله والله مشكوور يعني اخوي صج صج كلامك الطيب أثر فيني و ونسني من قلب
:')
شفت شلون كل الناس تدري الا كويت لوفر ;)
ambitious
.........
hehehe ya waleek mn allah ana shreeraa ya3nee ;D
اخوي ما اصدق صراحة .. زين فكرت اطل على اختك ما بغيت .. معذور الى نهاية الفاينلز
لا من قال ان غلطت .. الكلية الوحيدة اللي تحصل على اعتماد هال
ABET
خارج امريكا اهيا كلية الهندسة بالكويت
فهمت كلمة " وحيدة" غلط .. ما قصدت انها الوحيدة المعترف فيها .. لا قصدي من هالمنظمة الامريكية العالية المستوى بس كليتي الحلوة استحقت الشهادة
;P
yabeele asafer 3shaan a36eek rayee hehe etbadel .. a'7eth be3thtek w a36eek mukanee .. ana bagee lee one year bs tara ,, haa shgelt ?
عقدة النقص هذي احس انها قاعدة تندثر ما ادري ليش .. راحت الخبة على خريج بره وعليه .. باقي اثبات ذاته بالمجال العملي
ويييييييييي احنا .. ما عمري شفت طالبات مالهم خلق .. ما شالله عليهم .. انا اطلع قمة الكسل و الربادة عليهم .. ما تتخيل يعيشون بالكلية .. اشك انهم يفرشون بالاب و يكلمون النوومة و لا مشاريع التخرج خنت حيلي
اقولك القائد بالفطرة .. يدخل شوي شوي لانه هذا دوره الطبيعي في الحياة الا اذا اعترضته ظروف مثل راس يابس من احد الافراد و الا نفسية مريضة ووو
هههههههههههههههههههههههههههههه
بعد طيبت خاطرها شنو اسوي اخليها تنام و اسوي شغلها لا تحسسني بتأنيب الضمير و الله احبهم انا ترى
;D
abaaaih at'7ayaal el7achee ely betgoolaa loooooool ;PpPpP
يا عيني يا ليلي عالهندسةةةة....اوووب
الله يوفقكم يالهندسة وتبين الصراحة اختي عندي جم واحد من الربع وياكم وكاسرين خاطري كله قاعدين بالبيت يدرسون ، الله يعينا ويعينهم...
----
أما عن القادة ، فانا بإعتقادي انه القائد ينولد واهو فيه هالصفة ، بس اتوقع ممكن تنميتها بالشخص او زراعتها فيه ..
مع التدريبات ، والشغل اللازم :) ..
----
أما الخدامة فأنان اوافق اخوي الطموح واقول لو تبطلين لها بلوق تاخذين فيها أجر عالأقل تفضفض الي بقلبها :)))..
وبالتوفيق اختي :) ..
الهندسه حتى بالعيد يدواموون !!
لا يحوشك !!!
قاعده تتكلمين عن المأسات الي عايشتها ;S
مشكلة القروب بعدم تكافؤ الاعضاء فيه !!
يعني اكبر مشكله قاعده اوجهها انه ما وصلهم التطور لي الحين !! ولا وحده عندها ايميل!!
عيل شلون جامعيين مااااادري !!
في وحده تقولي انا كلش ما ارعف حق الكمبيوتر ولا اقعد عليه !!
مآآآآآسيي ! ;s
اذا ابي شي منهم لااااازم نتواعد يوم و اخذ منهم الشغل !
باردين لاقصى درجه !
و الي ما تبي تتكلم !! و الي مشغوله ومالها خلق شي !!
و الي و الي!!!
انا و همم ماكلينها عدل !!
الله يعييين !!
عشان اخليهم يشتغلون خليت قروبنا اول واحد يشرح !
من خبره .. وقت الضغط يكون الشغل اسرع .. و يكون في وقت معين للانتهاء ..
بالنسبه للقائد ..
بعض الناس يكون عندهم هالشي فطري.. يعني تلاحظين في يهال حتى باللعبه يكون اهو القائد .. و يختار اللعبه و الاعضاء و الكل يمشي على كلامه ..
و هالشي طبعا يحتاج تنميه مع الوقت ..
و في قاده يحاولون انه ينمون قدراتهم مع انه ماضيهم يقول عكس هالشي .. فتكون القياده مكتسبه ..
و هذي النسبه قليله جدا ..
لانه عموما التغيير صعب حييل ..
وصح كلامج.. الكلمه الطيبه ما اتعب الانسان ..
سبحان الله في ناس من كثر ما لسانهم حلو ما تعرفين شلون تردين عليهم.. احس اني ولا شي جدامهم !!
و في ناس !! لا تقربين يمهم !!
يا ربي لا تبليييننااا !!
شكرا على البوست الحلو..
و مره ثانيه ركزي عدل عشان ما تحرقين ايديج يا باااش مهندسه ;)
صح كلامك عن ABET
لكن ترى كلية الهندسة خبه وحكره على الفاضي
ليش جامعات امريكا اسهل دراسة الهندسه فيها من الكويت
والمهندسين اقوى !!!
اخوي بو جسووم
.............
الله يعطينا مثل ما عطاهم .. ما عمري حكرت رووحي .. بالعكس حياتي الاجتماعية اولى اولوياتي امس اقول حق ابوي خخخخ
انا سالفة الدورات و الكتب كيف تصبح قائدا و غيرها ما تقنعني كلش .. ما ادري اذا في ناس تستفيد منها او لا .. عن نفسي حاولت اتغصبها ما قدرت
اذا بسوي حق خدامتنا .. الثانية ينكسر خاطرها .. سايقنا يحتاج اكثر منهم هههههه .. فاا كل يومين بسمعهم حجي حلوو يرفع معنوياتهم .. لاني جذي بالتشجيع و التقدير احط الناس بعيوني نشوف ينفع و الا اسوي بلوق و امري لله لووول
حياك الله
qiyadiya
........
انتي الاحلى من البوست و اللي كاتبته بعد
;**
اي اي في نسبة بسيطة يايبين اليهدة و يداومون بضمير لا يوصف.. بس انا مريحة روحي
انتي تدرين بعد ما يحتاي ارد اعيد
ههههههههههه
البنات اللي معاج من كثر ما انتي مشتطة و يدرون انج بتسوين الشغل .. قاعدين يتبيردوون ..
بس سالفة الايميل .. ابييييه الله يعينج
يعني انتي اللي بتسوين كل شغل الكمبيوتر هههههه اخاف مسوينها دقة فيج لانه وايد امية في التكنولوجيا بزيادة مساكين
الضغط احبه جدا .. ممتع بالنسبة لي
لكن الشغل اللي تسوينه فيه .. تقدرين تسوين اروع بوايد لو ان الوقت لصالحج فا اهني اتحسف شوية
اممممم يمكن كلامج صحيح بس انا ما اشوف جذي ما ادري ليش
ايــــــــــــي يا ربي جان زين الكل يعرف هالفرق في التأثير اذا كانوا الناس يهمونه و يحب يترك اثر طيب فيهم .. و ينتقي الكلام الزين دايما
انا احااول بكل قوة و جهد و الحمدالله راضية عن روحي لي الحين و اطمح للمزيد خخخ
لا اشوه لو صار فيها شي جان الحين مسافرة اعالجها بره ههههه
balqees
.......
:) ajm3een
7amee
.....
حيالله اخوي حامي
بالعكس تأسيسنا وايد اقوى منهم .. و على ذمة دكاترة متخرجين من اميركا .. يقولون انتوا اقوى بالمجال العملي لانكم مكروفين على اصول الكرف فا الشغل يكون أسهل بوايد .. هذا الحجي سامعته بأذني اكثر من دكتور
مو عالفاضي احس .. و لا محكورة كلش
يا ربي احبها كليتي ههههه بين غلاها
حياك الله مرورك اسعدني
:)
لووووووووووول اسف اول شي على التاخير
زين ياباش مهندسه وصلنا خير
دام انه الكليه بهالمستوى المغزى كله من الي كتبته ليش مايكبرون هالكليات ويخلون الطلبه الي بره تدرس بالكويت ؟
المهم انا مومعترف بشي اسمع جامعه الكويت اذا تخرجتي انتي ان شاء الله ومعاج تقدم شخص شهادته من خارج الكويت منو الي ينقبل ؟
يمكن القانون اي معذورين قانون كويتي بس الهندسه لالا ماعتقد :P
_____________________________-
الله يعين خدامتكم عطيها كل عيد عيديه بو5 دنانير طول السنه تنسى شنو سويتيلها
والحين مهندسه وحارقه ايدج باجر الله يستر :#
ما يبون كسالى الظاهر .. و اللي ما ياب نسبة شلون بيمشي فيها
كلية الشطار و الشطارات ما تقبل غيرهم
;Pp
انا عطيتك حقائق و وقائع صايرة و انت تعيد علي نفس الاشاعات والاقاويل
انطرني اتخرج و اقدم و الله يعينك على الاحراااااااااااج .. لان الموقف متكرر مو يديد
بس انتهى النقاش لانك بتييب لي الجلطة
انا عبالي على نياتك و قاعدة اقنعك طلعت من الحاقديين على بني هندس
;pPp
اصلا اصلا اهيا تحبني هههههههه لاني احبها
بس ساعات امصخها و اكدشها .. احلى ما فيني ان لساني مساعدني فااا اول بأول اطيب الخواطر عرفت شلون
ليش تغار مني و محتر .. ؟؟
كيفي بحرق ايدي .. ايدي و الا ايدك
بعدين شكووو هندسة بالحروووق ؟
انا مدني .. ما تنلام قانوني ما تستوعب
;PPpppPPPPPPPPPppppppp
كنت بقولك اذا يوم بتبني و تبي اشراف هندسي عالي .. ترى اختك موجودة و فرييي اووف جاااارج
بس يوم انك انكشفت على حقيقتك .. سحبت العرض اللي ما عرضته هههههه
Post a Comment