احيانا .. تعجز عن وضع الحدود .. شخص اكبر منك .. مكانة .. مثلا
نقدر نقول .. دكتور .. امممم اي اهوا دكتور
ليس فجأة .. كان في شي بأسلوبه مريب .. الان .. تراكمت ريبة و شك .. فأصبح الاحساس مزعج
u'll be great in MODELn !!!!!
وين خواتج ابي اشوفهم طالعين عليج ؟؟
لانج اسبيشل .. بقولج الكلمة المهمة بالجواب
خير ان شالله .. ليش و شلون و متى سبيشل ؟؟ اخااف بس يدتي راضعتك مع الفريج ؟؟
دكتور ساكن بالشامية انت ؟ ما قصرت بقى احد ما صار خالي بالرضاعة نمشي و نحببهم ما ندري منوووو
زاعجني .. لاني ما عرفت أرد .. ابتسامة .. و أطالع بعيوني فقط
اللي يضايق اكثر.. انه فرحااااااااااااااااااان .. سجلتي عندي كورس اول ؟؟
اييييييييييييييييييييييييييييييييييه
كل مرة يتحفني بشي .. اقووووووووله على الغداااا .. طبعا مع تحسينات و تلبق
ما ادري ارضي ضميري .. ما ادري ابي ابوي يتكلم .. امي تعطيني حل ؟؟
عااااادي .. قلت يمكن انا ابااالغ .. و اتخيل انه ما يجوز
سلمنا جدلا اني اهول الموضوع .. ليش لي الحين متضايقة ؟؟ ليش بالامتحان تضايقت اكثر و اكثر
انا ما اسووولف معاااااه و لا رحت له الا مرتين .. لكن .. يقط قطات صراحة تحرجني
بالمعرض .. يقول جدام البناااااااات .. اوووف ما عرفتج كل مرة تفاجئيني بلووك
!!!!!!!!!!!!
عمى بعين ابليس .. والله قليل أدب كيفكم و حده ما يستحي و ما اقدر اسحب المادة لانها مشروع تخرج
اقدر اسحبها .. بس ما ادري منو ينزلها كورس ثاني
فيني بجوة .. احسه مو خوش انسان .. و انا ماني عارفه شنو الطريقة
eh eh eh >>> ya3nee bechait ;D
الطامة الكبرى .. اني فاتحة سايت .. يقيم الدكاترة .. و الكل .. يقول عنه .. لا ياخذون عنده البنات و يمشي البنت النص نص
ابــــــــــــــــــيه انا لالالالالالالالالا ليش مستانس علي .. يمكن فاهمني غلط ؟؟
عساااه ما يفهم و اللي ما يت صوبه .. و ما اكلمه الا بكل احترام لنفسي قبل لا احترم احد
استغفر الله .. و الله يعني انا متعبتني هالافكار .. مو اهوا .. لا فكرة ان وضع مضايقني و ما اقدر اوقف اللي مضايقني عند حده
انا ما اعرف .. جذي ما اعرف .. امسك المؤذي و اقوله .. روووح العب بعيد
هذا شلون اقوله رووح بعيد .. هههههههه ما يصير
اصلا درجة امتحاني ماني شايفتها .. مالي خلق بياخة و قلة أدب
---------------
من السنة النبوية .. معاملة الصبي معاملة الرجال .. لذلك كان للكنية وجود بارز .. في مخاطبة هؤلاء
موقف .. ايضا ضايقني .. كنا بحفلة .. عشا .. تقريبا كلهم أهل و يصيرونحق بعض .. الا انا و امي
على العشا .. كان بالحديقة .. فجأة .. قاعدين .. الا .. ثلاث صبيان .. بالتعشاااات اعمارهم .. طافوا من امامي
!!!!!!!!!!!!!!!!
منهم ولد صاحبة البيت .. عمره 15 .. احنا اخوي سم الله بو رابعة متوسط .. ما ندخله على حريم قبل لا يتغطون
و هذا .. مع عيال خالته .. طافوا عااااااااااااادي كل واحد و صحنه
بلعتها انا .. بعد امي سكتت اصير انا اسنع منها يعني
ابداا
دخلنا .. و كملت الحفلة .. مسكت وحدة المايك .. الحين اخوي فلان الفلاني بيغني لكم
!!!!!!!!!!!
عادي .. ناس غيييييييييييير عنا .. عالم اخر
طليت انا عليه .. الغرفة اللي اهوا فيها .. مفتوحة على الصالة .. قلت يا حليله جنه مشووورب الصبي
شفت الناس قاعده .. قلت عااااااااااااااااااادي
شوية .. جان تقول امي .. لبسي بسرعة .. دخلوا مهابيلهم علينا ههههههههههههه
الا شباب الاسرة .. ثلاثة ما ادري اربعة .. قاعدين
ما عليه .. بو خمس تعش و اربع تعش حتى .. ياهل ؟؟
اذا اي .. فهذا ياهل عندكم .. انا عندي شاب .. يفهم و يستوعب
و ما يصير اصلا .. يعني بنات و حفلة .. شنو لابسين ؟؟ انا اخواني ما شافوني هذا يشوفني جذي
حدي عصبت و احتريت .. و امي كذلك .. لان السالفة غلط في غلط في الف غلط
لو يدري ناصر اخوي .. جان اسدحه بالصبخة اللي يم بيتهم ههههههههههههههه
ما ادري شلون يطحيونه من عين نفسه جذي .. اهوا ياهل معناته .. و هذا افشل اسلوب بالتربية
نقول ماكو ريايل و خلصوا و وينهم .. هذا و احنا بخير
لي يوووونا هذيل .. رواد حفلات تخرج خواتهم .. يااا سلاااااااااااااااااااااام
هذا يكمل ثلاثين و اهوا ...... طوووووووووووووط
كل واحد يحط اللي بخاطره بالطوووط هذي
------------------
فاصل فكاهي مليق
راحيين نشتري هدية حق ولد خالتي .. الجمعية .. راعي المحل يسولف مع امي عن الصبيان الشياطين و جليلين الحيا
جاان
والله ان ابني .. اصغر واحد .. أد العروووسة سم الله عليها .. اللي اهيا انا طبعا
مواليد 90
لووووووووووووووول .. قهقهت من الضحك .. اقوله لا اهيا 98 .. عبالي عن ديمة
يا حليلك يا عمووووو .. لا انا 94 كاااااااااااااااااااك
قلت لا .. اي 90 .. قبسة هال 90 مساكين
انا 84 .. ما باعدت ترى خخخخخخخ
هالحوار كله بيني و بين نفسي .. انا بس ابتسامة سحرية .. و امي صلحت المعلومة
كافحت و ناضلت يااااااالااااااااااااااا وصلت 21 .. هالحجي ما يونس الحين
الوعد .. بعد 10 سنين .. و قوولي ذيج الساعة .. العروسة مواليد 90
حزتها .. يمكن اصوور معاااك و اعطيك جائزة قيمة بعد
عموووووووووووو يا عمووووو يعني صايدها .. كلش ما حزرت
23 comments:
since you and him are engineers maybe he mean mathematical modeling :D
Sincerely,
حرني هالدكتور والله
مشكله فعلا لانه طبيعه العلاقه وكون الدرجات بايده ويقدر يتسلط عليج يمنعج من انه تردين
الله يعدي الكورس على خير وتفتكين منه يارب
حقريه الحقران يقطع المصران ولا جنج تسمعين شيء
اما سالفه الي طاف الالف سنه وبعده ياهل هذي حتى انا احسها
ما ادري ليش بعين اهلهم عمرهم مايكبرون مايبون يكبرون عمارهم شكلهم هالحريم
كلما تنادي وحده ولدها اقولها من فلان لا كبير لايدخل صرت اتغطى عنه تقولي توه صغير
اي توه صغير طول الباب ماشاء الله
وانتي صاجه هذاك اليوم مارضيت اطلع عند جدتي وخالتي اوريهم فستان سواريه شاريته وكنت اقيسه الا لما يطلعون ولد خالتي بعده بابتدائي بس هم استحيت منه والله
ما ضحكوا علي ابدا
بس انا ماعلي منهم اهي شيء ارتاح :D
أما عاد الدكتور يدرعم على المدونة بالغلط.. يا سلام , تعالي رقعي...
أما عن al easy
فأغرب موقف سمعته . في القريب الحاضر , صديق استوقف صاحبه الذي كان يمشي مع زوجته... شلونك يا فلان, شولونج فلانه ؟
فلان ليش مخلي فلانه لابسه عباه مخصره؟ ترا عيب...
سبع البرمبه يرد: والله شنسوي موضة الأيام..
يقول الراوي وددت لو أني انتحرت طعنا بالدبوس و أنا أشاهد هذا كله
شوفي يا وخيتي الجامعه مثلها مثل اي مكان هالدكتور او غيره يطلع لج مثله بالشغل
بالنقابه
بالعمل التطوعي
بمراجعه
وساعات بالعايله نفسها تلاقين واحد هالشكل
يمكن باجر مسؤلج بالشغل
يمكن ويمكن
لكن الشاطره اللي تعرف شلون اتعامل مع هالمواقف
عندي انسان هالشكل والله ومتى ياخذ راحته وايد اذا اتصلت فيه تليفون ..طبعا بتقولين شكو تتصلين فيه بقولج لنا شغل معاه ..لكن والله يحترمني وااايد عرفت شلون اوقفه عند حده يعني ما اقوله فلالان ترى مصختها ..لأ ابدا ..البنت اللي مكيفه على هالاعجاب تبين ..والبنت اللي موعاجبها تبين بعد ..
انتي مو عاجبج ستايله الدكتور خليه ..دامه ما سوى شي يظر سمعتج ..وخلج على احترامج لنفسج ولا اتبوسمين بالعكس ..ردي عليه بنفس الصوت واللهجه والسرعه اللي يحاجيج فيها << ترى هالشي نفسي
وخلي عينج قويه
قالج فلانه ما عرفتج قولي له لأني لابسه جنطه ..اي شي بس بيظحك لأنه مفتشل
قالج فلانه كل سوم انتي بلوك ..قوليله نرقع بعمرنا شنسوي بعد
يعني بالعربي اكلليه بالحجي
اللي قلت لج عنه ذاك اليوم دش الممكتب علينا عاد عندنا بورد نحط عليها منشورانا ...حاطين صورتي وانا اشرح حق راعي حفل ومأشره بيدي على لوح وايدي كان فيها اوراق
جان يقولي عتيجه هذي انتي قلت له ايييي ادري جني محصل كهربا ظحك وسكت ..أكلللليييي بالحجي :)
اما من ناحية الموقف الثاني ...لاتعليق
الموقف الثالث حصل لي مثلاته تقريبا
كنا رايحين نشتري دراريع انا وامي وا نبيل شروا ام نبيل وامي عاد تخيلي انا اكبر من ام نبيل
ماراح اقولج بجم
المهم جان يقول لهم المصري مش عاوزين حاجه للصغيره
طبعا انا الحلج انشق وام نبيل طنقرررررررررت وبوزها شبر
جان تقوله هذي اكبر مني
وانا ميته ظحك وامكيفه
بغيت اصور معاه
:P
وامشي يا حره ولا عليج مظره :)
أنا عندي فكرة
خذي صورة هذه
http://www.robertuniverse.com/imagesstudy/Jaworski%20(10-05-02)%20Maryland's%20Strongest%20Man.jpg
و ركبي صورتج معاه
و راويها الدكتور،قولي له
شرايك بخالي: هذه صورته و هو يعدل البنجر
يجنن مو؟
و قولي له ، أنه خالج يغار عليج موت ، داش السجن في دكتور قايل لج انج اسبيشل و اللوك مالج عجيب، لا و عاطنج جيدا جدا مرتفع
الدكتور عطاك عمره و خالي بيطلع من السجن الأسبوع الياي و حاب يزور الجامعة
عاد بيض وجهي :)
يخرب عقلج يا عتيجه .. والله بنت محكر (يعني بالمصري حاجة كده أورجنال)
والله هالدكاترة مشكلة ..لكن مثل ما قالت عتيجة ..هالأشكال موجودة بكل زمان ومكان .. لو بتكلم عن الدكتور الي خذيت عنده علم نفس بالكويت راح اعب المدونة لا ستنتج بالنهاية ان الدكتور كان مريض نفسي .. وماعنده سالفة غير ان انتوا يا الجيل الجديد ماعندكم احترام للبنات وعلاقاتكم مشبوهة وييين ايامنا ايام الستينات لما نقعد بكل احترام مع البنت مو بس الي لابسه ميني جوب لااا حتى الي تلبس مايكرو جوب ، ويوم الفاينل ليش دكتورة عيوزة كانت تراقب معاه مابقى نكتة مليقة ماقطها .. يعني شوفيني دمي خفيف .. قال مايكرو جووب قال :)ـ
الي زرتوهم ويعالهم مايحسون على دمهم هذيلا موجوديين بكل عايلة .. الناس عموما قاموا يفصخون الحيا .. واذا صارت حملة حق تعزيز الاخلاق نقزوا جماعة الثوار وقالوا لك يبا احنا مسلمين وماله داعي هالورع الزايد ... الله يستر عليج يا كويت !!ـ
والله يعينج على مابلاج
A.
---
hehehehehe ... maybe ;D
bs 3ad shloon a9laa7 for this type of modeling !?! hehehehe
حكاية روح
---------
مسكين اهوا زيين وااايد و خفيف طينة بشكل مو طبيعي .. بس لو ما هالسوالف جان صار أريح بالتعامل بالنسبة لي
والله عفيةعليج .. مو بس حقج حتى حق الولد يحس انه ريال .. تربويا أصح انا اشوفها
الله يخليج .. سم عليهم عيال خالي يهالوو ثالثة ابتدائي يسلموون من بعيد .. زفهم ابوهم يقول حبووووها لاحقين على من بعيد لي بعيد هههههههههه
انا أشد على ايدج و اثني على تصرفج
و يعجبني حياؤج
;)
raed
----
لا تحاتيني ادبر نفسي هههه
بالنسبة للموقف .. مع انه نيته زينة لكن أخطأ في أداب النصيحة
الرسول عليه الصلاة والسلام من رقته و مراعاته لاحساس الفرد ما قال فلان فيك و فيك .. كان عليه الصلاة و السلام يقول : ما بال اقوام يفعلون كذا و كذا
للعلم .. الحمدالله الستر فطرة و استر من عباية او خصر
3teeja
------
هلا و غلا
بالضبط هذا اللي كنت اسويه .. لاني كلش ما احط في بالي انه مو مؤدب
اصلا انا وايد استانس عليه حدده خفيف طينة ما تتخيلين بالكلاس بس نضحك
و اهوا أقدر دكتور يدرس المادة
لما قال لي كل يوم لوووك .. قلت اييي بعد كاشخة حق مشروع رفيجاتي ههه
و طول الكورس وضعنا جذي .. يقول شي أخذه على غشمرة .. بعد يا ربي اول مرة اشوف دكتور جذي
!!!
و انا كنت استغرب اصلا من البنات اللي واااايد متزمتين ما يردون عدل
و قلت حق وحدة منهم .. انه يا فلانة عيب تردين عليه بنفس اهوا عياله اكبر منج يمكن .. ترى تحرجينه و اهوا مو قصده
!!!
بس هذا .. مع السوالف اللي كاتبينها عنه بالموقع .. غير انه مصخها و كافي اصلا اني متضايقة الحين عقب الفاينل ما ادري شقااال بس تضايقت
اما جدامه .. لا حدي مسيطرة على الوضع أرد عليه بنفس الجوو اذا ما ياني شعور عادي .. و اذا ما حسيت انه يصير أرد ابتسم او اتصيمخ خخخخ
يااااامااااا مهندسين لابااات ينوا و أقعدوا .. و عااادي .. خزة خطيرة يخاااف و يحترم نفسه
بس هذا .. طريقته خبيثة هههه عيااار
واااااااااي ام نبيل بعد قلبي .. جان دشيتي محل قبلها و اتفقتي مع اللي يبيع يقوول لها نفس الحجوة .. و دخليها بعدين هههههههه و ترد بووزها
bin3li
------
LoOooooOoooooooooOooooL
بدعت صراحة .. خيالك ما شالله خطير
اهوو خال .. اهوو عم
وراااي قبيلة .. بس لي الحين أحوال أحسن الظن و أركز على الايجابيات
اللي قلته كله فضفضة لانه ضايقني ما اقدر أعبر الا بهالكلمة
اهوا بس لو ما يدخل بالعميق و سوالفه تكون بسيطة مثل اول الكورس انا ارضى والله
و لي صاار ما صاار ماكو الا خطتك
;D
ambitious
----------
حيالله الطموح .. اخوي اللي بأصقاع كندا
:)
يا ويلك من الله .. دكتورة عيوزة ههههه
كسرت خاطري ما ادري ليش
عيوز و شايب خلهم مساكين ما تدري يمكن الله جمعهم بامتحانك هههههههه
انا دكتوري نكتة .. شوف انا صعب اقول عن أحد دمه خفيف .. بس هذا ابيييه ما تتخيل شكثر
و انا وايد أقدره .. كدكتور لمادة علمية
بس مشكلته انه مؤخرا ما أدري شفيه
اول الكورس تقبلت منه لان تفكيري طبيعي
بس مع الاحداث .. حسيت انه في شي يضايقني و انا كلش و لا اتضايق
لا ولدها بعد تغصبه يروح مع شباب المسيد مو عشان الدين .. لالالا
تقول مسكين كله بروحه .. يطلع يروح ايي
يعني امس اهوا بحفلة .. من باجر الصبح رايح مع شباب المسيد
تناقض !! الله يستر علينا و عليهم
والله يااحلى مهندسة ما عندج سالفة هذا تشتكين عليه من اول يوم
كلمى الوالد ويروح حق العميد ..وخل يسمعه كلمتين يادبه ويوقفه عند حده
هالاشكال المسخرة تخاف ما تستحى
....
لا تطوفينها له صدقينى ..لا وبتاخذين عنده الكورس اتلياى
ماعندج سالفة
سحبى عليه الف مرة بعد وان شاء الله تاخذينه عند واحد احسن منه..يولى ...(..) بشكله
Mathematical Modeling is intellectually challenging approach to answer questions without conducting experiments or going out in the field.
Simple example. you want to calculate the rate by which a fluid of known density flows over a hill of known slop and characteristics (the soil type, the particle size, etc) and you know the wind direction and speed.
Why do you go to the lab to calculate the rate? isn't better to use mathematical equations to calculate the rate while you are in your office? After finding the right equations considering all the variables, you could make a computer program to solve similar problems to yours so engineers do no waste their money, efforts and time and by not going to the field.
the applications of mathematical modeling in engineering are so diverse and include applications in construction management as well as structural engineering. If you have good knowledge of mathematics and statistics and find an appropriate supervisor, do your graduation project using this approach.
To warn you, it is very complicated but its outcome is amazing.
Sincerely,
بالنسبة للدكتور
لا تضحكين بويه
وحسسيه إنه ملييييق
و زين سويتو يوم تغطيتو
لما يوو الصبيان
حتى لو الصبي ما كبر وايد
بس حسيتي إنه بدا يفهم
خلاص تغطي عنه
و في النهاية
العمر كله إن شاء الله بالطاعات
و الخيرات
:)
ما شاء الله فى ناس تكتب جرايد اسمه تعليق
باختصار
الدكتور يستغل مكانته علشان يسمع بنات الناس هالكلام ما يتسحى
العايلة مينن مو عارفين حدود اليهال باعمارهم احنا عندنا شباب الماكدونالدز بسرعة بكل شى
جان زين انا عمرى 21 الحين
لاخبره بما فعل المشيب ;)
تخياتى المعبقة بدهن العود الخصوصى مالى :)
فى السابق كان اللى عنده شهاده دكتور او شهاه جامعيه تحسين ان فيه جانب من الاخلاق والحياء حتى لو مو ملتزم تحسين فيه جانب من الحيا اما الان ومن غير تعميم اختلط الحابل بالنابل
ومن خاف سلم
وحرص ولا تخون
(:
مدرى من قالي
أحساس المرأه لا يخطأ
او
حدس المرأه لايخطأ
.
.
.
وبما انج منتي صغيره الحل بيدج
.
.
.
خارج الموضوع
وين صورت ( الورع) اللى ميت من العطش هذي من اولها قطيتي ولدج على الخدامه
(:
ههههههههه
لا تزعل ادري دمي ثقيل
(:
مواليد 90 قلتي !!
زين طلعنا كبر بعض يعني !!
ذاك اليوم كنت رايحه مع امي طبيب الاسنان .. امي عندها شي سريع و بتطلع .. فقاعده اسولف معاهم مع الدكتوره ..
عاد بعد جم يوم لما امي ردت راحت مع السوالف عبالها الدكتوره اني بالمتوسط !!
يااا قلبي و هالسنين الي من عمري وين راحت !!
عاد تصدقين ذاك اليوم قاعده اسولف مع همم عن هالموضوع ..
اني متى ما ابي اخلي شكلي صغير و متى ما مابي اخلي شكلي كبير ..
الكبير اخلي حق الزواره .. و الصغير حق الكليه و الاماكن العامه ;p
الصغير : عباة ساده و شيله ما فيها الوان و اذا فيها خفيف و جوتي وانتي بكرامه رياضه و امش .. و احلى شي اذا نزلت من غير جنطه و خليت بوكي بجنطة همم !!
اصير جني بالمتوسط اذا وصلت 2 ثانوي زيييين !!
جذي .. ابعد عن كلام الناس في الاماكن العامه و اخذ راحتي و ارتااااح !!
و اذا بصير كبيره .. تلاقين العباة نفس الشيله و كعب و جنطه و الحاله حاله ;p
طبعا الحاله الاولى مريحه لاقصى درجه ;p
و الدكتوره شافتني بالحاله الاولى ;p
و بالنسبه حق الصبيان !!
اذا بعين اهلهم ما اكبروا متى راح يكبرون !!
اذا ما قالوله عيب انت ريال متى راح يصير ريااال !!
محد مخربهم غير اهلهم .. الله يهدي الجميع ..
و بالنسبه حق الدكتور مثل ما قالت عتيجه .. هالشي تصادفينه بكل مكان ..
ابسط مثال بالسوق لما راعي المحل يقعد يتغزل و انتي قاعده مو عارفه تردين !!
انتي قادره انج تردين عليه و توقفينه عند حده ..
و فكرة بن علي لا باس فيها ;p
و على سالفة يدتج مرضعه الفريج !!
ابوي راضعينه 4 !!
في وحده وايد تيينا الزواره !!
و ما اعرف منو بس اسلم .. طول المده اناديها باسمها !!
قبل مده قصيره عرفت انها عمتي و اخت ابوي بالرضاااعه !!
فلازم اقولها عمتي !! بس ماني قادره .. فامتنعت عن قول الاسم !! ;p
و امي طبعا سالفتها سالفه !!
اختها راضعتها !!
خالتي متزوجه صغيره و امي المولود القبل الاخير !
فاذا انشغلت يدتي خالتي ترضع امي !
فالحين بنات خالتي خالاتي بالرضاعه !
;p
خبيصه العالم
ماعليه بدش عرض في موضوع ثاني
بالنسبة لل
mathimatical modeling
ما أتفق مع
A
في موضوع امكانية جعلها مشروع تخرج لطلاب البكالوريوس
نوعية هالأبحاث تستهلك الكثير من الوقت
و في عدد من الجامعات تطرح برامج خصوصية للماجستير
ما أنصح فيها ألحين أبدا
و بعدين ما يحتاج عمل برنامج خاص لانه فيه برامج موجودة أصلا ، و أصلا لو أنتي محترفة في أحد برامج
3d
مثل المايا و غيرها ،تقدرين تسوين
scripting
و تشكلين أشكال مبنية على معادلات رياضية
وييييييييييه يا حظي
عبالي ولد ازغير من سنكم هالدكتور
طلع ريال عووود وحظرتج كبر احفاده
وييييييييييه ما اقول الا سليحط
يبا بعكس الدكتاتره لكبار عامله مو على انه دكتور
على انه ابوج
اي ابوج
وصدقيني ثم صدقيني ان غشمرته هذا معاج ومع غيرج بس انتي ما تعودتي
يمكن شايف فيج بنته او شي
اذكر كان عندنا دكتور رايح راد على بنيه اسمها دلال
اخر الكورس جان يقول لها جدام البنات والذكور ادري اني رايح راد عليج يا دلال ..بس ترى بنتي اسمها دلال تشابهج وتدرس برا
كسر خاطرنا
يعني احسني الظن فيه وخلج على ما انتي عليه ..ماتدرين شعنده ولا شنهو يفكر فيه
ويمكن ما يفكر بشي اصلا
يمكن لو اتخرجين وتطوف سنه تيينه يقول وين شايف هالويه او ما يذكرج
عدي الموضوع وانا لو اكو دكتور غشمري جذي اخذ عنده كل كورس :)
تصدقين ان في دكتور من كثر ما طقيتها صحبه معاه كنت استحي اخذ عنده لأن احس انه مثل اخوي ...وسنه قريب من سني فأخاف يعطيني درجه مو من حقي
وعقب ما طلعت من المقرر ...اذا عنده امتحاني يخليني اراقب معاه ههههههه اي والله صرنا ربع ..ولي الحين احنا ربع ..يطلب مني شغلات وااايد اييبها حقه واطلب منه شغلات وااايد ما يقصر فيها ...ولي اليوم امر عليه واعرف عياله كلهم ومرته ...ولو اسولفلج ما اخلص ..وكنت احس انه امميزني ..وبالتالي قالي كنت احسن انج مميزه لكن شسوي فيج وانتي ما تدرسين ...ابيج اتمييزين اكثر ...لو اقولج سوالفي مع الدكاتره ما اخلص والله ما اخلص
لا تأمني للناس وإن حلفوا
خصوصًا إن كانت حولهم شبهات
أو من أصحاب النظرات الخبيثة
أو ممن يزينون القول
تحياتي
kazmawy
-------
اقولك شي يضحك .. كل امتحان في اخر صفحة اسئلة غبية .. من طقة
ما اكثر المواقف التي تضايقك بالجامعة ؟
ما اكثر ما يضايقك من الدكاترة ؟؟
يعني بالضبط كاد المريب ان يقول خذوني
سالفة اشتكي .. الله يخليك بس دكتور بالقسم اشتكت عليه بنت .. و السالفة قوية جدااااااااا .. ما صار له شي
!!
لي يومك يدرس و اللي تنقرد و تنجبر تاخذها عنده .. ما عندها الا التحلطم
هذا حالته واايد اسهل و اهوا محترم نوعا ماااا .. لكن .. هالجم زلة خربت صورته بعيني
!!
A.
---
waaaw .. thanks wallah 3l these nice INFO. mashallaaaah 3laaaaik mashallaaaaaah 3laaik 3sanee ma an'6lek .. waaid estefadt ..
we work on MS project and another softwear .. in MANAG.
maha
----
هلااااا والله و كل الهلااااا
اهوا دمه حده خفيف و من قلب يضحك يعني محاضراته عجيبة
صعب ما اضحك .. بس بالنسبة لتصرفه معاي .. يكون ويهي خالي من التعابير و قد تتسلل ابتسامة من اللاوعي لتخفيف الاحراج
تقوول امي مو اول مرة يدخلوونهم .. بأكثر من مناسبة ههههه اشوه اني ما حضرت من قبل
الله يسلمج من كل شر
mishari
-------
واااااااي انا احب التعليقات اللي عندي و اللي يعلقوون ترى ما ارضى عليهم لاني منهم ههههه و انت اخبر
الدكتور قرقاشة و مزاجي حده
اول مرة اضبط مع احد
لووول
و هم مو عاجبني
ياااااااااااا سلااااااااام
خووش دهن عووود .. عطرت المكان ما قصرت
" بس جنه مال شياااب "
;D
qalm-jaf
--------
هههههههههههههههههه
صاااج كل الامثلة مطااابقة للموضوع
انت اللي فاهمني والله .. حدس المرأة
بس خربتها .. ب انتي منتي صغيرة
يعني .. حالك من حال الدنيا حبة فووق و حبة تحت .. و لا تبوق لاتخاف و اللي بالجدر يطلعه الملاس
الورع الله يسلمك .. كسر خاطري
يعني من حطيت صورته و اهوا يحاول يشرب هالماااااي..و لا شربه فاا احتريت عليه جان اغيرها
هههههههههه
qiyadiya
--------
انا ما اعرف أدقر احد .. الا نادرا و تكون عن غير قصد
غير جذي .. الحمدالله .. اللي يصير بأي مكان ما يأثر فيني كموقفي مع الدكتور هذا
عرفتي شلون .. الوضع غريب مو مثل اي شي ثاني .. على الاقل بالنسبة لي
يعني السالفة مو عجزي عن التصرف .. لكن .. فهم الموقف مسبب لي ازمة اخلاقية في عالمي الوردي هههههههه
انا لو تشوفين ويهي و انا احقر احد جدامي تكرهين حياتج
و لا اتعب نفسي بالرد حتى
تصدقين انا اذا قالوا لي شكلج صغير ما استانس واايد
!!
بعدين .. اقولج يدتي راضعة فريج اذا مو قطعة كاملة ههه تقولين لي اربعة ما ادري جم
بدخلها بكتاب غينيس هههه ما شالله عليها
bin3li
------
ماشالله .. مثقفين عيالنا
فتحت مؤتمر علمي
يعطيييييييك الف عافية .. و ادخل عرض طوووووول اللي تبييييي حتى اسقاط رأسي انت صاحب المكااان افااا عليك
على حسب ظني .. اللي نستخدمه بالكلية
برنامجين .. و الشغل عليهم
ان شالله نستفيد من معلوماتك لي اشتغلنااا
تسلم اخوي
3ateeja
-------
لالالا ما فهمتيني
انا اقوولج .. طوووول عمري و حياتي و لي الحين .. ما أفكر الا انه ريااال كبير و كل شي يقووله عادي .. لانه حسبة ابووو اخوووو عم خاال يد
و يبت لج هالمثال انه في بنات وااايد احنا تكانة و تنفس على الريال
فااا انا ابدي رايي و اقول لها غلط تكونين حادة جذي .. انتي اصغر من بنته ما يصير تفكرين فيه الا باحترااام
و خذيت عند شباااب صغار توهم متخرجين
عجيبييييييييين شوية
ادب و اخلاق و احترام و ووو
شي مو طبيعي .. والله ما انساهم لي يومج و لي الحين اشووفهم بالكلية
لذلك
تضايقت حيل من تصرفات هالدكتوور
لاني اعرف الوضع الطبيعي .. و اصلا ما اعرف الا الوضع الطبيعي
فااا يا ربي تحسين في شي غلط
عرفتي شلووووووووون
هذا اللي مخربطني شوية .. و الا الحياة تمشي و انا قدها ان شالله
مأمون
-----
كلامك صحيح الف بالمية
و هذا سبب قلقي الظاهر
الف شكر و حياك الله
اما الدكتور فنصيحة فالله يعيينج عليه ، والمشكلة الدرجات بيده ، بس كثر ما تقدرين تجنبيه ، وادعي ربج يبعده عنج :) ..
----
أما الصبي فياما شفنا جذي وديري بالج ترى مو صغار بالتعش على قولتج ، ووايد في ناس عندهم عادي فري ، هذيله الله يعيينهم على نفسهم والله يعيين أهلهم عليهم باجر بيلعبون فيهم وقولي ما قلت :) ...
وهدي اخوي لا يدري لا يوسيها فضيحة لووول ..
----
وعلى فكرة خوش فاصل الي كتبيتيه لوول بعد شتبين صغرج عشر سنين لووول :) ..
----
ملاحظة: جنكم قاطعتونا على فكرة مدونتي مو منتج دنيماركي :) لوول ..
اهلـــين اخوي
الحمدالله درجاتي واايد زينة الحمدالله
اهوا مو لهدرجة مينوون بس انه مو تكانة شوووية عرفت هههه
بالنسبة للعايلة .. لا فري و لا شي
بس طايح من عينهم مسكين .. و يقولون انه ياااهل من صجهم .. حده يكسر الخاطر
صغرني ست سنين موو عشرررررررر
ملاحظة : اصلا اصلا .. انا معلقة عندك قبل لا تكتب عندي والله العظيم
هههههههههههه صرت صج مواليد 90 جني
;D
حدي متأخر..ماعلي
ههههه
دكتوركم هذا مال طق...
..طول ما انا قاعد اقرى ميت من الضحك
Hi! Just want to say what a nice site. Bye, see you soon.
»
Cool blog, interesting information... Keep it UP Card designs business card epson inkjet
Post a Comment