لا تخفى مشكلة الازدحام المروري الدائم على أحد من سكان الكويت الغالية علينا كلنا
صار لي ثلاث سنين في ميدان.. و الحمدالله ما عمري سويت حادث .. الله يتمم علي يا رب و يحفظ الجميع
اعلم انها .. تعتبر خبرة متواضعة بالنسبة للغالبية
ركوب السيارة .. بالنسبة لي .. يعني وقفة تأملية
لكن هالوقفة .. اصبحت بالحسرة علي مع الزحمة الامنتهية
و كعادتي في البحث عن الجانب الايجابي المشرق من المأساة .. هههه شدعوة مأساة مرة وحدة
درست و تمحصت في شبكة الطرق و ماهيتها الحقيقية .. ما طلعت بشي مفيد .. لكن كلي ثقة بأن نتاج تأملي المسلوب
او المتحول الى تحليل لحركة السير .. كلماتي التالية .. خلاصة خبرتي البسيطة
لا تقرأ اذا كنت من عشاق الوقوف في الاشارات و تلزم البريكات
......................
احرص على اتخاذ سياسة " القطوع " تفاديا لاختناق الدوائر
الجأ الى " اختراق المناطق " السكنية .. توفيرا لوقتك و حفاظا على اعصابك
انتــــــــــــبـــه
تحتاج هنا الى فطنة .. لاحظ الطريق الذي استخدمته .. اذا كان هناك مدارس .. لا تأخذه عند العودة .. خاصة اذا وقت الهدة .. هههههه و الا ما سوينا شي
الغي الدائري الرابع من حساباتك .. ببساطة لاني اكرهه
كل الفوضى و النحاسة تتجلى فيه .. لو امووت .. لو افتح باب السيارة مهددة بالانتحار .. لو ليت اشارتي يحترق
ابي اطووف .. محد يخليني .. اشعر باني في غابة و كل السيارات تبي تهجم علي .. ببساطة .. اكرهه
لا تنخدع باسم حارة السرعة .. ابدااااا
اتخد غيرها من الحارات .. لانها ابطء وحدة فيهم .. مغترين فيها الناس .. و طق عصي عليها
و تشتغل واسطات و ناس اطوف نااااس .. فاا بالنهاية .. توقف اكثر من غيرها .. و لا يبقى لها الا الاسم
انتــــــــــــــبـــه
الحديث هنا عن حالات الذروة فقط .. اذا كان الشارع سالك .. تكون اسم على مسمى .. لا تظلمها
توجه بسيارتك .. الى الحارة التي تتفرع منها لفة فرعية
عند اي اشارة من هذا النوع .. احرص على ان تكون في هذه الجهة .. لان اغلب الناس بتلف اللفة
فيخلق لحضرتك مكان متقدم على الجهة الاخرى .. و بالتالي .. تكون سباقا للمرور عندما تفتح الاشارة
و تفوز عليهم نسبيا فقط لوووووووول
لكل الطرق الرئيسية .. طرق موازية لها .. اتجه اليها حال اكتشافها .. لانها اقل ازدحاما عادة
شبكة الطرق تتحدى ذكاءك .. متى ما اكتشفتها .. تكون انت .. ملك الطريق
;D
تأكد .. ان طيرانك .. و تبتونك .. و حالتك المختبة كلها .. ستصل بك مع من شخطت
عليهم الى نفس النقطة
هذه الدراسة غير موثوقة .. انا مسويتها .. هههه .. اربع من بين خمس سيارات اثبتهم .. يكونون شطار يعني و كل ما شى سااايد لفوا عليه .. يوصلون معاي للمرحلة التالية .. جانها اشاره او شارع اخر
خــــــــــــــتــــــــــــــامــــــــا
..الى كل من لا يعجبه الوقوف في الطابوووووور الطويل .. على " فوق تحت " او اشاااره ..او حارة الطوارئ
و ايييك عرض .. غصب الا ادخل.. و اهوا طايف هالامة كلها المحترمة نفسها واقفة تنطر يمشي الشارع
الى ان ينجبر احدهم و يطوفه .. اقول .. انت غير محترم و انا اكرهك
..............................
على الطاري .. تذكرت مدربتي العزيزة " ام محمد " الله يذكرها بالخير
اكتب عنها مرة ثانية ان شالله .. لاني تعبت .. كنت كاتبة البوست و انمسح كله
11 comments:
heyyya heyyya ana awal wa7da ared ;P
awal ya engyyy wa7shanee aweee awee ;** w elnabe tege etzorene ;P
thane shay ekteshafatich mothhela ;p oo a7la shay lama wa7ed shad 7aila o shway oo eydsh fene 3ala bona mest3yel oo akher shay athnaina wa9len lkoliya b nafs lwagt , Yawwww shenooo wannasssaa lol ;P ente9ar dakhle :P
zyada 3ala thalek ;
eldae'ere elsades kan fe zzman qadeem sare3 oo 3ajeb ama al7en fa ohwa az7am mn marina youm elkhames el3a9er ;P
fene nom o gmt akhora ;P
thanks 3al khola9a eNgy :D
لوووول
الله يعيينا والله انا غالباً ما أعاني من هالإزدحامات وأحاول أتفاداها كثر ما أقدر تآخذ وقت وايد :) ..
الله يعيينا على هالشوارع :) ، وانا طفارتي لمه اطب بشارع زحمه واكتشف انه طريجي غلط لأني بيني وبينكم انا شوي خرطي بطرق الكويت وامشي عالريحة لووول
وياما صارت فيني رايح منطقة وأخير شي مو هذي الي أبيها لوووول ..
يالله الله كريم وكل طراق بتعلومه والصراحة خدي حمر من الطراقات لووول :) ..
خوش موضوع وومتع ايضاً :) ..
هههههههههههههههههههههههههههههههههه
ماشاء الله عليج وعلى نصايحج
بس انا ما اسوق هذا اولا
ثانيا ماني بالكويت
لووووووووووووووووووووول<-- شحقه تقرينه اجل
حسيت انج تتكلمين ومتحمسه من قلب خاطري اشوفج وانتي تسوقين
تدرين قريت عن واحد شيسوي ليش انه دايما تصير له مواقف نص كم وايا سايقين ثانين وماعنده وقت يبطل الجامه ويصرخ يكتب عبارات صغيره بورقه ولي طفر به حد رفعها انه اقرا
نسيت شيكتب بس شغلات حدها تضحك
احس انه رااااااااااااايق
مشاوير سعيده يارب
والله الاخت مهندسة مو هينة ..بظرف ثلاث سنين صارت استشارية ..عقب جم سنة تفتح مكتب تعليم قيادة :)ـ
وانا اقرا البوست توقعت تقولين انج وقت الازدحام تحاولين تحليلين طريقة تخطيط الشوارع هندسيا بصفتج مهندسة مدنية وبالتالي تصممين لنا بالمستقبل مدينة مثالية مايصير فيها ازدحام .. لكن بما ان تصميم مثل هالمدينة مستحيل لان من المواصفات القياسية لاي مدينة بالكويت هي ان تكون شوارعها زحمة وتلوع الجبد ..فاشوف انه البحث الي سويتيه ابرك بوااايد من الي كنت افكر فيه :)ـ
يبدو اني راح استفيد وايد من هالدراسة لان اكثر شارع مشيت فيه خلال فترة سواقتي القصيرة هو الدائري الرابع .. طلعت عليمي :)ـ
ناطرين بوست ام محمد خنشوف خوش مدربة ولا نفس المتخلف عماد الي دربني 12 يوم عالطل !!ـ
utmost
......
EDaa eDaaa EDaaa .. entee henaaa mesh ma32oooool laaa2 ..ana gaayaa w shamaa ree7et foool w 6a3miaa .. hehe 2a9dee full elward ya3nee ;D
merci ya 7abibchee .. entay kul ezhoool elly b duniaa .. el7een galb elsanee shloon ard ;PPp
ee a7es b nafs 6a3m ente9arich w wedee asaweelaa 7aAAARAAAAAAA loool
nooom el3afiaaaa ya b3d galbee la teg63eeen .. w ab2aa azoork f esaidaa zeenb ;***
بوجسووم
.......
هلا و غلا .. انا متعة حياتي اني اضيع و القى نفسي ههههههههههه فهمتني اكيد
اكتشف مناطق و طرق يديدة .. و احس كبر عقلي من الضيااع لوووول
حياك الله اخوووي تسلم
حكاية روح
.........
يا هــــــــــــــلا و مرحـــبا
افـــا من يقرا اذا انتي ما قريتي .. والله ما اكتب اذا ما قريتي كاني حلفت ههههههه
بيني و بينج انا خارج المنزل تكانة جدا ما تتخيلين اني انا ههه اللي اهني قصدي بالبلووق .. فااا بره و انا اسووق قمة الثقل و بس ابقق عيوووني يااا منبهرة يا متعجبة يا متأملة
هههههههههههههههه تخيلتيني و اذا معصبة حواجبي توووصل ما ادري ويييييييييين بس فووووووووووووق
يا حليله هذا الريال .. بس ماتنفع معاي اكتب جم كلمة .. لووووووول ماكو الا احط عنوان البلوق و كل ما سوى لي احد شي .. قلت له هيييين و اوريييه الورقة عليها العنوااان
;PppppPPPPPpppppp
و ايااامج اسعد اختي
ambitious
.........
اهلين اخوي .. وييييييييييين من زماان ما نورت اهني
:)
اييي جنك تدري ان شالله باخذ كورس هندسةطرق يا بالصيف يا كورس اول .. عاد تحمل التفلسف حزتها لا تستعيل على رزقك ههههههههه
الدائري الرابع عدوي الوحيد بس تقريبا طريجي يمر عليه كل يومين شي جذي .. و لي الحين اكرهه بس يمكن علاقتك فيه تكون احسن مني يعني ما اقدر احطها بذمتي و يصير منبووووذ مسكين
لا ام محمد هذي .. دي تعرف كل حاجة بالدنياااااااااا شفيك ههههه
طلعتى تشتغلين بالداخلية واحنا ما ندرى
وسلمى على ام محمد:)
hehehehe
ايييي شفت شلوون
الله يسلمك .. ما يندرى وين ارضها من سماها
و الي يقولج مجبورة اني امر على الدائري الرابع !! ="(
نحااااسه مو طبيعية !!
يعني المفروض يسمونة دائري النحاسة !
كل واحد يقول نفسي نفسي !
يمشي بالشارع ولا كأنه احد معاه !!
و بالنسبه للحارة الي فيها لفة فرعيه هذي تعلمتها من البابا ..
و صرت اطبقها .. تنفع وااايد ..
بس الي يقثج صج ..اذا انتي كنتي بتلفين و واحد نحيس في مسافه جدامه بس مو راضي يدني شوي !!
يسوي روحه انا الاسكت !!
شارع ابوه و انا مادري !!
عموما قصتي قصه على ما سقت !!
اول يوم تدريب رديت البيت ابجي .. مابي اسوق خلااااص ..
تعقدت نفسيا من شوارع الكويت !!
حتى صار ثالث يوم جان اروح حق امي الحين ادقين على المدربه تيي تاخذ فلوسها و تتوكل على الله .. مابي اسوق خلاص ..
امي انصدمت !بس لما شافتني ابجي جان ادق عليها و سويت الي براسي ..
و بعدين شوي شوي ابوي يدربني لما انفجت عقدتي و قدرت اني اسوق ;p
و طبعا طول فترة دلعي و ليلحين اروح و ارد مع همم ..
بعد الحين اهون اقدر اسوق عنها ..
بس اول لأ !!
بس عموما ما تلاحظين انه الزحمة زايدة هالايام !!
و شكرا لج على النصايح ;)
looooooooooooooooooooool
جربي الدائري الثالث .. كله اشارات بس تفتح بسرعة و غالبا الصبح كلش مو زحمة
aywaaaa ya ana yaa GPS
;D
انتي الوالد علمج انا عملتني الحياااة
حررررررررررررررررررررررررة
احتريتي مني ؟؟
قوولي ايي
;PPpp
انا عادي عندي ان ما يجدم و اطوف .. لان احب اشوف صبري لي وين ممكن يوصل
اخذها تدريب شخصي لاقصى مدى لي بالتحمل
مو صاحية ادري لووووول
بس اللي يعصبني
لما تكونين بالشارع عادي و تبني تروحين حارة ثانية .. اطقين اشارة .. تكون السيارة بعيدة .. فجأة تحلى الحارة بعينه و يدوووووووووووس
بس عشان ما تلفين
فهمتي الحركة الشريرة هذي .. غالبا من السواق تصير و ودي اشمخه صج
هذا مو دلع صراحة .. انتي خوافة
انا انصدمت فيج .. كنت حاطه فبالي انج مغواارة شجااعة مقدامة قيادية
الحين
اممممممممممممممم
ههههههههههههههههههههه فشلتيني يالا عن الملاقة قومي اقتحمي الميدان و يحفظج الله سبحانه
بعد نصايح و عطيتج عصارة خبرتي لوول
الزحمة صايرة مينوونة بكل يووم و انا قمت اكره الطلعة و السبة الزحمة
بس الله كريم
ما بالبيد حيلة .. و قاعده ايمع لي بشتري لي هيلوكوبتر تحطيم معاااي
وااي يتني حالة ملاقة اشوه معاج اموون ههههههههههههه
What a great site dog snow boots masters special education online 1949 dodge truck service manual how can you reduce mortgage initial interest paintball gun Neurontin+dosage audio conferencing Hud home refinancing for people with disabilities Search+engine+positioning+expert Auto insurance in canada Best spyware adware popup blocker mature Sikh girl dating black guy vibrators Impact backpacks Pink rose ddr mp3 new car bmw
Excellent, love it! » »
Post a Comment