بكل عين قوية ... و ثقة مو بمحلها
قامت الطالبة ... التي اعتزلت المحاضرة ... منذ عطلة التحرير و الاستقلال
يعني تقريبا ثلاثة اسابيع و لله الحمد
طاااخ طااخ طاااخ ... وصلت الى مكان المحاضر ... وجه منشرح ... مبتسم ... طلق
ليش ؟؟ محد يدري
دكتوووووور ... لازم نطوول المد بالواو هذا ... ليش ؟؟ هم ما ادري
رقمي عشرة ... عادتها يمكن 4 مرات ... تبي تخلص الساعة 3 يالاااا برجع بيتنا ... تقولها بينها و بين نفسها
الدكتوووووووووور ... فقير من اهل الله ... طيب جدا ... على نياته ... و يكسر خاطرها
ترى كل النااااس يكسروون خاطرها ... حتى اللي يكسروون بضم اليااااء ... يكسرون خاطرها
لذا خاطرها المتكسر دائما ... مو مقياااس ابداااا ... و انا اشهد
قال : هاااا ... الله يهاداج يا بنيتي ... انتي حاضرة بس ثلاث مرات ... و هذي الرابعة ... تدرين اليوم محاضرتنا ال 11
تنط ملقووفة مالها شغل البتة البتة : يعني ثلاث اسابيع
واااااااااااااااااااااااااااااااااااااااااااااااااااااااااااااااااااااااااااااي خير اختي نعم سم الله عليج الرحمن الرحيم
تستمر الطالبة المسيرة ... بالكويتي مسيرة يعني زااايرة ناس ...على محاضرتها ... بالابتسام و تقول : اي ادري
ما يصير انتي قاااصة الكورس الدراسي قص ... اي صح كلامك دكتوووووووووور
بعدين ... شنو تبي الحين يعني ... ابجي مثلا ... خلصنا ... تحادث نفسها مرة اخرى
عن يمينها ... و شمالها ... اسطولاااااااااااان من الطالبات ... المتأخرات
يعني فضيحة تهزيء على الهواااااااااااا اون لاين ... قالت بهدوء بالغ و ثقة بايخة كما بدأت بها اول المشهد : ما عليه بس تخلص من البنات اكلمك اذا تسمح ... اييييييييي و لا يهمج تامرين امر !! الحمدالله و الشكر
وقفت امامه ... وهي تفكر ... اكلمه شقوول له ؟ !! الصج الصج ... دكتووور انت ما قلت عن الغياب الا انك ترجع له متى ما احتاجت الطالبة الى كم درجة !!!! بكل ثقة امصخ و امصخ من اللي قبلهم كلهم ... ما احتاج احد يرفع و ينزل الحمدالله
تاااريخ حضااارة .. اقراا الكتاب بالبيت و كان الله غفور رحيم
غير جذي ... اسمح لي دكتور ... انا زعلانة ؟! هههههههههه اي اي تدري ليش ؟
قبل عطلة التحرير ... تعنيت لك و ييت الكلاس ... و انا مو بكيفان ترى ... يعني صج عنوة ... و انت ما حضرت ؟ و لا اعتذرت .؟
نطرتك نص ساعة ترى ؟ و لا بينت ؟
من يومها ... خذيت بخاطري منك ... و الصراحة شلت بقلبي عليك هاااااااااالكبر
انت ما احترمتني و لا قدرتني ... بيوم ... غبت و الا ما غبت ..؟ غبت
خلاص ... اذا قدوتي ... دكتوووري ... حتى ما اعتذر ... شنو تتوقع الانطباع اللي تكون عندي
غير كلامك الاولي ... انه حضور الطالب ... اشبه ما يكون بجيكر الجنجفة ...هذا طبعا توضيح مني ... و انا احلى انجنير... من يبي الجيكر
طبعا ... هذا الحواااار كله ... كان يدور في اعمق نقطة بعقلها ... لم يستغرق الا دقائق بسيطة
في هذه الاثناء ... تقدمت طالبة اخرى ... رقمي 25 ... شفتاااي ... موجها حديثه لي ... حاضرة 11 مرة
انا : ماااا شالله مااا شالله و استمر بالابتساااام
وراها اخرى ... قبل ان يقااارن المقااارنة المفيدة هذي ... تراءى لي منظري بعد دقيقة
اسمح دموعي ... مغرقة الدنيا ... و هذا شي عادي جدا ... بس اذا قال شفيج شنو اقول !! فا بعلت البجوة
و انتقلت الطاقة كلها ... الى قدمااي ... طاااخ طااااخ طاااخ ... لا شعووريا صعدت المدرج ... و اسمعه يكمل ... شفتي شلون ؟
هااا وينها ... هههه زعلت .؟ لا زلت اصعد المدرج الذي اصبح اضخم من اي يوم ... اصلا اهما اربعة اياام اللي شافني و شفته
اي زعلت ... وينك عن كلامي اللي قلته لك كله ؟؟ مو حرااام عليك ... يعني قلنا رياال كبير و حبوووب
بس عليك الله ... في احد حاس فيك بالكلاس اللي فيه 55 طالبة الا انا ؟؟
منو ناقشك ؟ منو سألك ؟ منو حسسك انك مع كائنات لهم القدرة على التفاعل ؟
المهم الكيف مو الكم ... اكتبها و انا اضحك على روحي
روضة انا ... قصدي بالروضة انا تمسك لي وحدة وحدة شوفي و شوفي
اعترف اني قصرت ... لكن انت لم تحدد واجبات غير تقرير عليه 10 درجات ... و امتحان وحيد اول شهر ابريل و فاينل
انا انسااانة ... اسمع و اخزن ... و اتصرف على هالاساس ... و بناء على نظرية هندسية اصيلة
وفر وقت ... وفر جهد ... و انجز المطلوب
انت ما كنت دقيق انا شنو ذنبي ؟ مادة تاريخ ... المفروض تجذبنا بقصص مبهرة خاصة انه تاريخ اسلامي
دكتوور .
GEt real ..
كيف لي ان انجذب لمحاضرة ... يقول من يحاضر فيها بكل اعجاب بنفسه ... صراااحة انا اعتقد ... ما ادري انتوا كيفكم ... بس رأيي انا
ان القران الكريم ... معجزة
لالالالالالالالالالالالالالالا والله ... قوول والله
شلوون ؟؟
من يقول لي ... لا تاخذون التاريخ المدون كمسلمات ... لا ... ترى هذا تاريخ غير دقيق ... حطوا بالكم كلامي مهم
اهم شي بالحضارة الاسلامية ... ما قدمه المسلمون فنيا من رسوم و طرب و تقاسيم و اشعار و اثار مادية
من يتكلم ... و انا اتململ بمكاني ... و رغبة جامحة تعتريني ... ان اجعله يستريح ... و احاضر انا بدلا منه ... حتى تصل المعلومة
سليمة واضحة غير مقطعة ... او مشتتة بالف مليوون فكرة اخرى ليس لها علاقة بالمرة
الله يسامحك ... انا نسيت ليش ما احب احضر ... بعد ربع ساعة من بداية كلامك بس ... تذكرت
المشكلة .. و هم قاعدة اضحك و مستحية و انا اكتبها
انه كبريائي .. مع برستيجي .. انخدشوا .. انا لقطت اللي قدرت عليه و انا صاعدة المدرج
ما ادري اروح اكلمك بالمكتب .. اشرح لك كل اسبابي اللي الخصها في انك ما قلت الحضور الزامي
و الا اعزف لك على وتر الهندسة ... و انا مسكينة و عندي بروجكتز و عندي لابااات و و و و
الله يعيييييييييييييييييييييييييييين ... و يصبرني على بلواااي
4 comments:
Kafo walla:p
I had this subject with engineering colleagues and the secrete weapon of yours was used to cover up their absence: we have laaaaaabs and projects but the dr denied their request and took off points
Personally, I used to sneak in 10 minutes before the end of the lecture and sign the attendance sheet because the lecture was boring. consider this strategy, it might be helpful
good luck
Sincerely,
A.
لووووووول أهم شي إنه القرآن حسب رايه معجزة :)))))...
إختي الله يصبرج على بلوج وعندنا وعندكم خير ، والمصيبة الي عندنا لما يدرسنا دكتور كتاب المادة ويكون اهو الي أمألفة هني الطامة يفصل في تفصيل وزين ما يزيد المنهج ولا يحذف شي يدقق بكل شي علبونه اهو الي مألفة تكفة ارحمنا ولا غير الكتاب ....
اييييييييييه الله كريم..
خوش موضوع وبالتوفيج ان شاء الله
اختي ما اقولج إلا
صبراً آل هندسة إن موعدكم الجنة :) ..
lOoOOoOooOoOL:)
المشكله انه مو فاهم انج ماخذه بخاطرج منه!!
وما يدري انه في تخزين لكلماته في عقلج وتطبيقات على اساسها
انا اقول تنزلي وعطي على قد عقله وداومي وانا اخيتج
:)
يا بو عيون سود حلوة ووساع
وجودج في كل مكان يونسني
يريحني
ويضيف لكل مكان رونق خاص
:))
A .. i wish i know ur name .. cuz it feel odd to say A ;P
My problem is to get out baitna .. '7laa9 once iam over this .. i can attend kel class bel univers ;D afaker a7'6er .. for 10 mins and leave .. bs he never turns
بو جسووم
ايييييييييي اهوا كاتب فصلين من الكتاب ... بس ماكو ثروة لغوية حتى يشدك فيها ... والله يجبر بخاطرك
انا و ال الهندسة نشكر لك تعاطفك
والله احنا دكاترتنا خياااااااااال
بالاخص المدني ... يعني ناس راقية فاهمة
اذا ماكو شرح .. تلاقيه قمة في المعاملة
استكانة
حسبي الله على ابليسج
استحيييييييييييييييييييييييييييييت
ماني راده عليج اهني
Post a Comment