تتحمل المسؤولية ... باختيارك ... ام لانها نصيبك من الحياة
كل امور الدنيا ... مخير انت بها ... اعقد العزم ... او اتركها الى غيرها من الامور
قد تكون لسبب ما ... حامي الديار ... سند الجميع ... نافذة غفران الكل ... مصدقا لقرارات الاغلبية
هذه مسؤولية كبيرة ... فالجميع يريدك جزءا من حياته ... و يرغب بأن تكون فاعلا متفاعلا بها و معها
في سياق بحثي مع ذاتي ... انا و ذاتي ... اغوص بأعماقها ... و ابحث في جوهرها
اكتشفت اسرار كثيرة ... كانت تحركني ... و انا جاهلة لوجودها ... مستشعرة لها فقط
كبرت و انا مسؤولة من اخوتي ... لا يتعرض لهم احد ... لا يغلط عليهم احد ... لا يهدد امنهم بأي شيء
عندما اكون حولهم ... و معهم
كبرت و انا مسؤولة من عائلتي الاكبر ... لا يحزن احد او يتكدر خاطره ... او يزعل ... او نفسيته تتعب
و انا موجودة ... صرت اخصايئة نفسية تحت الطلب و التوصيل مجاني
احاتيهم ... و اطالع عيونهم ... راضين
خالتي ... تسميني اسم كويتي يعني مثل نك نايم هههه
تقولي انتي : اشفى و ارضى ... طقتني البوهة شهر ... سألتها ... جنها دعاية بالتلفزيون ؟؟
قالت لي المعنى ... جااان استحي ...هههههه
لي مع خالاتي حالة حب مميزة ... مع ان موقعي غير مميز ... فوقي بنات و تحتي بنات
اخر حركة رومانسية ... الوووو وينج .. ؟ لازم وينج هذي ما ادري ليش
سمعي سمعي ... طبعا انا قلت ما اسمع اغاني بس اهيا نست
الا محمد عبده
مذهلة ... ماهي بس قصة حسن ... رغم انه الحسن فيها بحد ذاته مشكلة
كل شي فيها طبيعي و مو طبيعي اجمل من الاخيلة
طيبها ... قسوة جفاها ... ضحكها ... هيبة بكاها ... روحها حدة ذكاها ... تملأك بالاسئلة
هذي اهداااااااااااااء ... تصرخ بعد قلبي من الحماس اللي يايها ... و انا كنت بلحظة خارج الوقت المتعارف عليه
قلت لها بعد ان بلعت البجوة لانه عيب كل ما قالوا لي شي رقيق بجيت هههههههههه اخاف ما يتحجون عقب
ايييييييييي عبدالرحمن بن مساعد كاتبها عني ... بس قلت لا اسمي لا تحطه استحي
ضحكت و قلت لها احبج طبعا ... انتهت المكالمة
حديثي في بداية الموضوع ... يؤكد ان من يعطي بحب ... و يستمتع بعطاءه ... دون منة او فضل
و يعطي من يستحق العطاء ... كما يحب من يقدر هذا الحب
يحاط بالمحبين ... و يكسب القلوب ... يحتاج فقط الى حنان يمدهم بالدفء ... و ابتسامة ... تجدد فيهم العهد
احب مسؤولياتي التي اخترتها او اختارتني هي ... لا يهمني الان
لي القدرة على الانصات ... كما احب ان انصت لمن يهمني باهتمام
متعتي ان ارى الراحة ترتسم على الوجوه ... او تطبع على الاصوات
لي القدرة على صياغة الكلمات لهم ... لكن الغريب
انني لا اعرف التعبير عن نفسي ... او ما بها ... الا لنفسي
نفسي فصبرا
انما الدنيا
و ان رقت
كفاح
11 comments:
وييييييييييييه افلام والله
المسئوليه حلوه ترى ...وايد حلوه
لأن تحسين ان لج اهميه في مجتمعج وحياتج وبين اهلج بعد
واذا انتي العوده الله يعيينج يا وخيتي ..لأنج ويه المدفع وجميع تجارب الوالدين ترى فيج يا وخيتي
يعني يربوا فيج كل شي
اما من ناحيه خالاتج ..عسى الله يخليج لهم ترى والله بنات الاخت نعمه ..يعوضون ..انا خالاتي ربعي ماعدى خالتي الجبيره ..مو رفيجتي كثر ما انا معتبره رضاها من رضى امي ..وفعلا رضاء الخاله من رضى الام
وخالاتكم امهاتكم
عاد انا ما انعطى ويه
ألممها احببها ههههه واشوه اهي امتعوده عندها ولدها
وبنفس الوقت صديقي الحميم بو وليد مثلاتي يلممها ويحببها وبنيتها لصغيره فطوم ام محمد نفس الشي ...احنا نسوي جذي حق امهم انا وام نبيل واهم يسوون نفس الشي حق امنا ...حتى عمي زووج خالتي حسبة عمي وحبيبي بعد ..على طول اروحله وساعات ادقدق عليه بعد ..وعندي بعد زوج خالتي الثانيه لالالاهذا رفيجي ..ويييييييييه بسردلج العايله كلهم
اسفه طولت عليج
(لايسوي قرقر واجد)
looooooooooooooooooooool
انتـــي زووووووقـــــة
شوفي بالنسبة للافلام .. انا تخصص افلام عربية ابيض و اسود
لكن جني الحين بحول افلام هندية
فيها استعراض و و و و احس فيني موهبة
هههههههههههههههههههههههههههه
اي انا البجر و جربوا فيني كل شي
وطلعت صاغ سليم الحمدالله رغم الالم
;D
الله يخليج لاهلج و يخليهم لج
بس ما شالله مطبقين السنة صح
كل ام فلان و بو فلان
!
عسوووولة والله اي اي قرقتج اتينن
اهم اهم اهم شي
صديقج الحميم
;D
حياج الله تووتة << يعني دلع عتيجة ترى
الله يديم هالمحبة :) ..
---------
وتعليقي على الموضوع الفائت ..
كل انسان يمر بتجارب تضيق الخلق وانا مار حالياً بهالتجربة لكن الله المستعان :) ..
شكراً عالموضوع :) ..
I would like to comment on Moth-hela. its one of the best songs I ever heard. but once I was telling someone that this song describes my feelings toward that person and booooom that person asked me
تشبهني بالخيل؟
ياخي ياعبدالرحمن بن مساعد تكفى في واحد يوصف حبيبته بالخيل؟ خرب القِّصيدة بكلمة الاخيلة
Sincerely,
A.
بو جسووم
........
الله يسلمك اخوي
الموضوع السابق .. اساس الحياة
نصعد و ننزل .. و الشاطر يخلي كل شي فصالحه مهما كان
الله يبعد الهم عنك
و يسخر لك الناس
و يعطيك الفرح في كل يوم بحياتك
اخوي عبدالله
..........
long time no see ;D
wela etarawalee !!
وييييييي صار مخامط على اغنيتي
حسافة ما ثبت حقوقي فيها
;Pp
الاخيلة .. يقصد فيها الخيال
و ليس الخيل
و حتى لو كان المعنى الخيل
فأصولي البدوية .. تجعلني اعرف قيمة التشبيه بالخيل .. و روعة الغزل اللي فيه
ya3nee both ways iam a winner ;)
keep in touch .. wallah i miss ur comments tara o'7ooy ..
وييييييييييي دلعوني ....
يمعودعه انا دلعي ام مضحي ترى صج مو غشمره
وما اتنادي الا بأسمي واذا كلش كلش
نادوني تدرين شنو
تخيلي سالم شيقولون له ربعه السلم مو صح
انا نفس الشي يسوون بأسمي :)
مرت علي مراحل في حياتي صرت فيها بنفس موقفج .. حلال مشاكل الأمة .. مايبقى احد من الشباب ما يكلمني اساعده بمشكلته او حتى على الاقل اتعاطف معاه .. المسؤلية صعبة والشعور متعب .. خصوصا اذا قدرت تحل مشاكل غيرك ومشاكلك انت منت قادر تحلها .. لكن بعدين لما تسمع كلمة طيبة او كلمة عرفان من نفس الشخص او من شخص ثاني .. التعب كله يروح ولا كانه كان في شي .. صج الكلمة الطيبة لها مفعول السحر .. الله لا يحرحنا من محبة الناس ...
الأخيلة جمع الخيال
smart explaination that fits with the greatness of the poem :D
دامك تسمعين لعبده بنبهك لـجزء من اختلفنا
وهو يقول حطني بآخر مداي
التشبيه ذباّح. وجود الحبيبة حوالين الحبيب أو العكس يعطيه أو يعطيها طاقة ونشوة نفسية.
كثار سمعو تفسيري وقالو ماله علاقة بالقصيدة او الاغنية، نسمع رايك:)
Sincerely,
A.
kenik 6wlty 3lena?:) 3sa elmani3 5air?
A.
A.
yaaaaaaaaay b3d galbee wallah ..
feek el'7air .. ma shar bs midterms .. allaah ekafeek eshar!
sorry ;P
الحين انا قلت مااسمع اغاني اذكرني
باللي مضى ليش ؟
انت قلتها التشبيه ذباح و قاتل حطــنـــي بـــاخر مداي
اوصل معاك لاقصى الاحساس
و توصل معاي لاعمق نقطة فيني
واااااااي عجيبة
انت فضــــــــــــاي
اختصر العالم كله فيك
رائعة هالابيات كما لها الف بعد و معنى
3ateeja
.......
وي وي وي ينادونج السلم
طفــــــــــى
ليش يا حافظ ؟ والله انا مدلعة نفسي
بنفسي .. محد معبرني الا ديوومة اختي
ككككككككككككك بس احسن من السلم
الله ياجرج حبيبتي ;D
الحين يصير ندلعج تووتة و الا مو قبول ؟
ambitious
.........
اخوي .. اسمع مني .. كل شي بالدنيا
لو تفكر فيه بطريقة مختلفة
تقدر تخليه لصالحك .. انا هذي فلسفتي
يعني الحمدالله ما حسيت اني اتضايق لمااحد يكلمني بمشكلة او شي
اتضايق لما يحسسوني اني مجبورة و هذا واجبي في الحياة .. و اول ما احس بالهشي سبحان الله ما اعطي من روحي الا شوية
بس الناس الغاليين اللي احبهم و يهموني .. من قلب قلبي اغرف لهم و اعطيهم .. كافي يقولك اخر شي
والله انا ارتحت و انا اتكلم معاج بس
;D
على قولة الشاعر
يكفي لك اشكي
يكفي تروح بكلمتك
ضيقة البال .. يكفي تحس بضيقتي
دون ما احكي
انا ما احكي انا ابووولع فيها لين تروح ;D
Best regards from NY! Commodity+forex+online+trading Compact 6 megapixel digital camera reviews Paris hilton sunbath Tara 27s tiny tits Farmers insurance exchange http www.employerhealth.com ehr Sissy sex slave stories Anal pichunter Video pamela anderson y tommy lee free transexual orientation Winter heating bills Email spam filtering hosting Light skinned anal free stationery art pages shemale video clips Giormani sofas
Post a Comment