Friday, March 03, 2006

7bait ..

يا طيب حظي كان انا حلم دنياك
ياللي تقول اني امانك و خوفك

تحبني ؟ ادري حكالي محياك .... رعشة يدينك و ارتباكة حروفك
ياللي الوفا هو بعض اصغر مزاياك ... حملي ثقيل و وافيات كفوفك
تشيل همي دوم كني انا اياك ... صارت ظروفي مو ظروفي ... ظروفك

ان جيت ابحكي من بهاك و سجاياك
كيف اوفي اخلاقك و باهر وصوفك

و ان جيت الاقي لك خطايا .. خطاياك
اطيب قلوب الخلق
ساكن بجوفك

و شلون ما احبك و هذي سواياك ؟؟
و شلون ما اهديك عمري فكفوفك ؟؟

يا قلب قلبي وش حياتي بلياااك
تسلم عيوني دامها هي تشوفك
Posted by Nora at 4:37 AM
Subscribe to: Post Comments (Atom)